| 16:1 | ሕዝበ፡ ጢሮስ፡ ወሲዶና፡ ወእለ፡ ይነብሩ፡ ውስተ፡ ሐይቀ፡ ባሕር፡ ወማዕደተ፡ ፈለገ፡ ዮርዳኖስ፡ ወገለዓድ፡ ወካራን፡ ወከናኔዎን፡ ወኢያቡሴዎን፡ ውጌርጌሴዎን፡ ወኤዶም፡ ወሕዝበ፡ አማሌቅ። | ሕዝበ፡ ጢሮስ፡ ወሲዶና፡ ወእለ፡ ይነብሩ፡ ውስተ፡ ሐይቀ፡ ባሕር፡ ወማዕደተ፡ ፈለገ፡ ዮርዳኖስ፡ ወገለዓድ፡ ወካራን፡ ወከናኔዎን፡ ወኢያቡሴዎን፡ ውጌርጌሴዎን፡ ወኤዶም፡ ወሕዝበ፡ አማሌቅ። |
|---|
| 16:2 | ወኵሎሙ፡ አሕዛብ፡ በሀገሮሙ፡ ወበበነገዶሙ፡ ወበበሥርዓቶሙ፡ ወበበአድዋሌሆሙ፡ ወበበተስናነ፡ ብሔሮሙ። ወኵሎሙ፡ በከመ፡ ሠርዖሙ፡ እግዚአብሔር፡ ይሄልዉ። | ወኵሎሙ፡ አሕዛብ፡ በሀገሮሙ፡ ወበበነገዶሙ፡ ወበበሥርዓቶሙ፡ ወበበአድዋሌሆሙ፡ ወበበተስናነ፡ ብሔሮሙ። ወኵሎሙ፡ በከመ፡ ሠርዖሙ፡ እግዚአብሔር፡ ይሄልዉ። |
|---|
| 16:3 | ወቦእምኒሆሙ፡ እለ፡ ሠናይ፡ ግዕዞሙ፡ ወየአምርዎ፡ ለእግዚአብሔር። | ወቦእምኒሆሙ፡ እለ፡ ሠናይ፡ ግዕዞሙ፡ ወየአምርዎ፡ ለእግዚአብሔር። |
|---|
| 16:4 | ወቦእምኒሆሙ፡ እለ፡ እኩይ፡ ምግባሮሙ፡ ወኢየአምርዎ፡ ለእግዚአብሔር፡ ዘፈጠሮሙ፡ ወቀነዮሙ፡ በከመ፡ ገብሩ፡ በእደ፡ አሜኔሴር፡ ንጉሠ፡ ሶርያ። | ወቦእምኒሆሙ፡ እለ፡ እኩይ፡ ምግባሮሙ፡ ወኢየአምርዎ፡ ለእግዚአብሔር፡ ዘፈጠሮሙ፡ ወቀነዮሙ፡ በከመ፡ ገብሩ፡ በእደ፡ አሜኔሴር፡ ንጉሠ፡ ሶርያ። |
|---|
| 16:5 | እስመ፡ ይነሥእ፡ ኃይለ፡ ደማስቆ፡ ወይትካፈል፡ ምህርካ፡ ዘሰማርያ፡ በቅድመ፡ ንጉሠ፡ ግብፅ። | እስመ፡ ይነሥእ፡ ኃይለ፡ ደማስቆ፡ ወይትካፈል፡ ምህርካ፡ ዘሰማርያ፡ በቅድመ፡ ንጉሠ፡ ግብፅ። |
|---|
| 16:6 | አድባረ፡ ገለዓድ፡ ወቈላተ፡ ጌላቡሔ፡ ውኵሉ፡ ሰማርያ፡ ወጳጦስ፡ ዘምድረ፡ ይሁዳ፡ ወእለ፡ ይነብሩ፡ ውስተ፡ አድባረ፡ ዓረብ፡ ወሜድ፡ ወጰርቱስ፡ ወሲውሲግያ፡ ወቀጰዶቅያ። | አድባረ፡ ገለዓድ፡ ወቈላተ፡ ጌላቡሔ፡ ውኵሉ፡ ሰማርያ፡ ወጳጦስ፡ ዘምድረ፡ ይሁዳ፡ ወእለ፡ ይነብሩ፡ ውስተ፡ አድባረ፡ ዓረብ፡ ወሜድ፡ ወጰርቱስ፡ ወሲውሲግያ፡ ወቀጰዶቅያ። |
|---|
| 16:7 | ወእከ፡ ይነብሩ፡ ውስተ፡ አድዋሊሆሙ፡ ሕዝብ፡ ግዙፋነ፡ ክሣፍ፡ ወእለ፡ ኢየአምርዎ፡ ለእግዚአብሔር፡ ወኢዓአቀቡ፡ ትእዛዞ። | ወእከ፡ ይነብሩ፡ ውስተ፡ አድዋሊሆሙ፡ ሕዝብ፡ ግዙፋነ፡ ክሣፍ፡ ወእለ፡ ኢየአምርዎ፡ ለእግዚአብሔር፡ ወኢዓአቀቡ፡ ትእዛዞ። |
|---|
| 16:8 | ውእቱኒ፡ ይፈድዮሙ፡ በከመ፡ እከየ፡ ምግባሮሙ፡ ወብነከመ፡ ግብረ፡ እደዊሆሙ። | ውእቱኒ፡ ይፈድዮሙ፡ በከመ፡ እከየ፡ ምግባሮሙ፡ ወብነከመ፡ ግብረ፡ እደዊሆሙ። |
|---|
| 16:9 | እስመ፡ ደወለ፡ ቂሳርያ፡ ወሕዝበ፡ ገለዓድ፡ ወአማሌቅ፡ የኀብሩ፡ ከመ፡ ይትማዕለይዎ፡ ለሀገረ፡ እግዚአብሔር፡ አንተ፡ ምልዕት፡ ጽድቀ፡ እንተ፡ ውስቴታ፡ ይሴባሕ፡ ቅዱስ፡ እስራኤል፡ አምላከ፡ እስራኤል፡ ፀባዖተ፡ ዘመልዕልተ፡ ሠረገላ፡ ኪሩቤል፡ ይነብር፡ ወዕልፍ፡ አዕላፈ፡ አዕላፋት፡ ይቀውም፡ ቅድሜሁ፡ ወተዕልፈተ፡ አዕላፋት፡ ወይትለዓክዎ፡ በፍርሃት፡ ወበረዓድ። | እስመ፡ ደወለ፡ ቂሳርያ፡ ወሕዝበ፡ ገለዓድ፡ ወአማሌቅ፡ የኀብሩ፡ ከመ፡ ይትማዕለይዎ፡ ለሀገረ፡ እግዚአብሔር፡ አንተ፡ ምልዕት፡ ጽድቀ፡ እንተ፡ ውስቴታ፡ ይሴባሕ፡ ቅዱስ፡ እስራኤል፡ አምላከ፡ እስራኤል፡ ፀባዖተ፡ ዘመልዕልተ፡ ሠረገላ፡ ኪሩቤል፡ ይነብር፡ ወዕልፍ፡ አዕላፈ፡ አዕላፋት፡ ይቀውም፡ ቅድሜሁ፡ ወተዕልፈተ፡ አዕላፋት፡ ወይትለዓክዎ፡ በፍርሃት፡ ወበረዓድ። |
|---|