| 7:1 | ወእምድኅረ፡ ዝንቱ፡ ነገር፡ በመንግሥተ፡ አርተሰስታ፡ ንጉሠ፡ ፋርስ፡ ዓገር፡ እዝራ፡ ወልደ፡ ሶርዩ፡ ወልደ፡ አዛርያ፡ ወልደ፡ ሐቃልያ። | ወእምድኅረ፡ ዝንቱ፡ ነገር፡ በመንግሥተ፡ አርተሰስታ፡ ንጉሠ፡ ፋርስ፡ ዓገር፡ እዝራ፡ ወልደ፡ ሶርዩ፡ ወልደ፡ አዛርያ፡ ወልደ፡ ሐቃልያ። |
|---|
| 7:2 | ወልደ፡ ሰሉም፡ ወልደ፡ ሳዶቅ፡ ወልደ፡ አኪጦብ። | ወልደ፡ ሰሉም፡ ወልደ፡ ሳዶቅ፡ ወልደ፡ አኪጦብ። |
|---|
| 7:3 | ወልደ፡ አማርያ፡ ወልደ፡ አዛርያ፡ ወልደ፡ ማራዮት። | ወልደ፡ አማርያ፡ ወልደ፡ አዛርያ፡ ወልደ፡ ማራዮት። |
|---|
| 7:4 | ወልደ፡ ዘርሕያ፡ ወልደ፡ ኡዚ፡ ወልደ፡ ቡቂ። | ወልደ፡ ዘርሕያ፡ ወልደ፡ ኡዚ፡ ወልደ፡ ቡቂ። |
|---|
| 7:5 | ወልደ፡ አቢሱአ፡ ወልደ፡ ፊንሐስ፡ ወልደ፡ አልአዛር፡ ወልደ፡ አሮን፡ ካህን፡ እምኄወ፡ ቀደምቶሙ። | ወልደ፡ አቢሱአ፡ ወልደ፡ ፊንሐስ፡ ወልደ፡ አልአዛር፡ ወልደ፡ አሮን፡ ካህን፡ እምኄወ፡ ቀደምቶሙ። |
|---|
| 7:6 | ወውእቱ፡ ዓርገ፡ እምነ፡ ባቢሎን፡ ውስተ፡ ኢየሩሳሌም፡ ወእዝራ፡ ማእምር፡ ውእቱ፡ ኦሪተ፡ ሙሴ፡ ዘወሀቦ፡ እግዚአብሔር፡ አምላከ፡ እስራኤል፡ ወወሀቦ፡ ንጉሥ፡ ኵሎ፡ ዘፈቀደ፡ እስመ፡ እደ፡ እግዚአብሔር፡ አምላኩ፡ ሀለወት፡ ምስሌሁ። | ወውእቱ፡ ዓርገ፡ እምነ፡ ባቢሎን፡ ውስተ፡ ኢየሩሳሌም፡ ወእዝራ፡ ማእምር፡ ውእቱ፡ ኦሪተ፡ ሙሴ፡ ዘወሀቦ፡ እግዚአብሔር፡ አምላከ፡ እስራኤል፡ ወወሀቦ፡ ንጉሥ፡ ኵሎ፡ ዘፈቀደ፡ እስመ፡ እደ፡ እግዚአብሔር፡ አምላኩ፡ ሀለወት፡ ምስሌሁ። |
|---|
| 7:7 | ወዓርጉ፡ እምውስተ፡ ደቂቀ፡ እስራኤል፡ ወእምነ፡ ካህናትኒ፡ ወእምነ፡ ሌዋውያን፡ ወመዘምራን፡ ወዓፀውት፡ ወናታናውያን፡ ውስተ፡ ኢየሩሳሌም፡ አመ፡ ሳብዕ፡ ዓመተ፡ መንግሥቱ፡ ለአርተሰስታ፡ ንጉሥ። | ወዓርጉ፡ እምውስተ፡ ደቂቀ፡ እስራኤል፡ ወእምነ፡ ካህናትኒ፡ ወእምነ፡ ሌዋውያን፡ ወመዘምራን፡ ወዓፀውት፡ ወናታናውያን፡ ውስተ፡ ኢየሩሳሌም፡ አመ፡ ሳብዕ፡ ዓመተ፡ መንግሥቱ፡ ለአርተሰስታ፡ ንጉሥ። |
|---|
| 7:8 | ወበጽሑ፡ ውስተ፡ ኢየሩሳሌም፡ በሐምስ፡ ወርኅ፡ ወይእቲ፡ ሳብዒት፡ ዓመት፡ እመንግሥተ፡ ንጉሥ። | ወበጽሑ፡ ውስተ፡ ኢየሩሳሌም፡ በሐምስ፡ ወርኅ፡ ወይእቲ፡ ሳብዒት፡ ዓመት፡ እመንግሥተ፡ ንጉሥ። |
|---|
| 7:9 | ወበቀዳሚት፡ ወርኅ፡ አኀዙ፡ ይዕርጉ፡ እምባቢሎን፡ ወአመ፡ ሠርቀ፡ ሐምስ፡ ወርኅ፡ በጽሑ፡ ኢየሩሳሌም፡ እስመ፡ እደ፡ እግዚአብሔር፡ አምላኩ፡ በሠናይ፡ ላዕሌሁ። | ወበቀዳሚት፡ ወርኅ፡ አኀዙ፡ ይዕርጉ፡ እምባቢሎን፡ ወአመ፡ ሠርቀ፡ ሐምስ፡ ወርኅ፡ በጽሑ፡ ኢየሩሳሌም፡ እስመ፡ እደ፡ እግዚአብሔር፡ አምላኩ፡ በሠናይ፡ ላዕሌሁ። |
|---|
| 7:10 | እስመ፡ አግብአ፡ ልበ፡ እዝራ፡ ከመ፡ ይኅሥሥ፡ ሕገ፡ ኦሪት፡ ይግበር፡ ወይምሀሮሙ፡ ለእስራኤል፡ ፍትሐ፡ ወኵነኔ። | እስመ፡ አግብአ፡ ልበ፡ እዝራ፡ ከመ፡ ይኅሥሥ፡ ሕገ፡ ኦሪት፡ ይግበር፡ ወይምሀሮሙ፡ ለእስራኤል፡ ፍትሐ፡ ወኵነኔ። |
|---|
| 7:11 | ወከመዝ፡ ውእቱ፡ ትእዛዘ፡ መጽሐፍ፡ ዘወሀቦ፡ አርተሰስታ፡ ለእዝራ፡ ካህን፡ ጸሐፌ፡ መጽሐፈ፡ ትእዛዘ፡ ቃሉ፡ ለእግዚአብሔር፡ ወኵነኔሁ፡ ዘወሀቦሙ፡ ለእስራኤል። | ወከመዝ፡ ውእቱ፡ ትእዛዘ፡ መጽሐፍ፡ ዘወሀቦ፡ አርተሰስታ፡ ለእዝራ፡ ካህን፡ ጸሐፌ፡ መጽሐፈ፡ ትእዛዘ፡ ቃሉ፡ ለእግዚአብሔር፡ ወኵነኔሁ፡ ዘወሀቦሙ፡ ለእስራኤል። |
|---|
| 7:12 | ወይቤ፡ አነ፡ አርተሰስታ፡ ንጉሠ፡ ነገሥት፡ ዘፈነኩ፡ ለእዝራ፡ ጸሐፌ፡ ሕጉ፡ ለእግዚአብሔር፡ አምላከ፡ ሰማይ። | ወይቤ፡ አነ፡ አርተሰስታ፡ ንጉሠ፡ ነገሥት፡ ዘፈነኩ፡ ለእዝራ፡ ጸሐፌ፡ ሕጉ፡ ለእግዚአብሔር፡ አምላከ፡ ሰማይ። |
|---|
| 7:13 | ትእዛዘ፡ አዘዝኩ፡ ኵሎሙ፡ እለ፡ ይፈቅዱ፡ እምውስተ፡ ደቂቀ፡ እስራኤል፡ ወካህናትኒ፡ ወሌዋውያንኒ፡ ይሑሩ፡ ኢየሩሳሌም፡ ምስሌከ፡ ይሑሩ። | ትእዛዘ፡ አዘዝኩ፡ ኵሎሙ፡ እለ፡ ይፈቅዱ፡ እምውስተ፡ ደቂቀ፡ እስራኤል፡ ወካህናትኒ፡ ወሌዋውያንኒ፡ ይሑሩ፡ ኢየሩሳሌም፡ ምስሌከ፡ ይሑሩ። |
|---|
| 7:14 | አዘዘ፡ ንጉሥ፡ ወሰብዓቱ፡ መማክርቲሁ፡ ወፈነዎሙ፡ ይርአዩ፡ በይሁዳ፡ ወበኢየሩሳሌም፡ ሕገ፡ አምላኮሙ፡ ዘውስተ፡ እዴከ። | አዘዘ፡ ንጉሥ፡ ወሰብዓቱ፡ መማክርቲሁ፡ ወፈነዎሙ፡ ይርአዩ፡ በይሁዳ፡ ወበኢየሩሳሌም፡ ሕገ፡ አምላኮሙ፡ ዘውስተ፡ እዴከ። |
|---|
| 7:15 | ወርቀ፡ ወብሩረ፡ ፈነወ፡ ንጉሥ፡ ወመማክርቲሁ፡ ለቤተ፡ እግዚአብሔር፡ አምላከ፡ እስራኤል፡ ዘየኃድር፡ ውስተ፡ ኢየሩሳሌም። | ወርቀ፡ ወብሩረ፡ ፈነወ፡ ንጉሥ፡ ወመማክርቲሁ፡ ለቤተ፡ እግዚአብሔር፡ አምላከ፡ እስራኤል፡ ዘየኃድር፡ ውስተ፡ ኢየሩሳሌም። |
|---|
| 7:16 | ወባዕደኒ፡ ኵሎ፡ ዘወርቅ፡ ወዘብሩር፡ ዘተረክበ፡ በኵሉ፡ ደወለ፡ ባቢሎን፡ ወዘኒ፡ መባኦሙ፡ ለሕዝብ፡ ወዘካህናትኒ፡ ዘአብኡ፡ ለቤተ፡ እግዚአብሔር፡ ዘኢየሩሳሌም። | ወባዕደኒ፡ ኵሎ፡ ዘወርቅ፡ ወዘብሩር፡ ዘተረክበ፡ በኵሉ፡ ደወለ፡ ባቢሎን፡ ወዘኒ፡ መባኦሙ፡ ለሕዝብ፡ ወዘካህናትኒ፡ ዘአብኡ፡ ለቤተ፡ እግዚአብሔር፡ ዘኢየሩሳሌም። |
|---|
| 7:17 | ወኵሎ፡ ዘንተ፡ ትእዛዘ፡ አዘዝኩ፡ ውስተ፡ ዛቲ፡ መጽሐፍ፡ ወለመሥዋዕትኒ፡ ወለሞፃሕት፡ ዘይትገበር፡ ውስተ፡ ምሥዋዕ፡ ዘቤተ፡ አምላኮሙ፡ ዘኢየሩሳሌም፡ አልሕምተ፡ ወአባግዐ፡ ወማሐስአ፡ አባግዕ። | ወኵሎ፡ ዘንተ፡ ትእዛዘ፡ አዘዝኩ፡ ውስተ፡ ዛቲ፡ መጽሐፍ፡ ወለመሥዋዕትኒ፡ ወለሞፃሕት፡ ዘይትገበር፡ ውስተ፡ ምሥዋዕ፡ ዘቤተ፡ አምላኮሙ፡ ዘኢየሩሳሌም፡ አልሕምተ፡ ወአባግዐ፡ ወማሐስአ፡ አባግዕ። |
|---|
| 7:18 | ወበዘተርፈ፡ ወርቅ፡ ወብሩር፡ አስተፍሥሕ፡ ሕዝበከ፡ ወግበር፡ በዘታሠምርዎ፡ ለአምላክክሙ፡ ወዘተርፈ፡ ግበሩ። | ወበዘተርፈ፡ ወርቅ፡ ወብሩር፡ አስተፍሥሕ፡ ሕዝበከ፡ ወግበር፡ በዘታሠምርዎ፡ ለአምላክክሙ፡ ወዘተርፈ፡ ግበሩ። |
|---|
| 7:19 | ወንዋየ፡ ዘመጠውኩ፡ ለግብረ፡ ቤተ፡ እግዚአብሔር፡ አብእ፡ በቅድመ፡ እግዚአብሔር፡ ዘኢየሩሳሌም። | ወንዋየ፡ ዘመጠውኩ፡ ለግብረ፡ ቤተ፡ እግዚአብሔር፡ አብእ፡ በቅድመ፡ እግዚአብሔር፡ ዘኢየሩሳሌም። |
|---|
| 7:20 | ወባዕደኒ፡ እመቦ፡ ዘትፈቅድ፡ ለትካዘ፡ ቤተ፡ እግዚአብሔር፡ ዘትሁብ፡ እምነ፡ ቤተ፡ መንግሥጥየ፡ ዘጋዛ። | ወባዕደኒ፡ እመቦ፡ ዘትፈቅድ፡ ለትካዘ፡ ቤተ፡ እግዚአብሔር፡ ዘትሁብ፡ እምነ፡ ቤተ፡ መንግሥጥየ፡ ዘጋዛ። |
|---|
| 7:21 | ወአነ፡ አርተሰስታ፡ ንጉሥ፡ አዘዝኩ፡ ትእዛዘ፡ ለኵሉ፡ ጋዛ፡ ዘማዕዶተ፡ ፈለግ፡ ኵሎ፡ ዘሰአለክሙ፡ እዝራ፡ ካህን፡ ወጸሐፌ፡ ሕጉ፡ ለአምላከ፡ ሰማይ፡ አስተዳልዉ፡ ሎቱ። | ወአነ፡ አርተሰስታ፡ ንጉሥ፡ አዘዝኩ፡ ትእዛዘ፡ ለኵሉ፡ ጋዛ፡ ዘማዕዶተ፡ ፈለግ፡ ኵሎ፡ ዘሰአለክሙ፡ እዝራ፡ ካህን፡ ወጸሐፌ፡ ሕጉ፡ ለአምላከ፡ ሰማይ፡ አስተዳልዉ፡ ሎቱ። |
|---|
| 7:22 | መጠነ፡ ምእት፡ መክሊተ፡ ብሩር፡ ወመጠነ፡ ምእት፡ መስፈርተ፡ ቆሮስ፡ ሥርናየ፡ ወምእተ፡ መዛግብተ፡ ወይን፡ ወምእተ፡ መዛግብተ፡ ቅብዕ፡ ወፄወኒ፡ ዘአልቦ፡ ኊልቊ። | መጠነ፡ ምእት፡ መክሊተ፡ ብሩር፡ ወመጠነ፡ ምእት፡ መስፈርተ፡ ቆሮስ፡ ሥርናየ፡ ወምእተ፡ መዛግብተ፡ ወይን፡ ወምእተ፡ መዛግብተ፡ ቅብዕ፡ ወፄወኒ፡ ዘአልቦ፡ ኊልቊ። |
|---|
| 7:23 | ለኵሉ፡ በሕጉ፡ ለአምላከ፡ ሰማይ፡ ይኩኖ፡ ወዑቁ፡ ኢታጽርዑ፡ ቤተ፡ አማላከ፡ ሰማይ፡ ከመ፡ ኢይኩን፡ መንሱት፡ ላዕለ፡ መንግሥቱ፡ ለንጉሥ፡ ወላዕለ፡ ውሉዱ። | ለኵሉ፡ በሕጉ፡ ለአምላከ፡ ሰማይ፡ ይኩኖ፡ ወዑቁ፡ ኢታጽርዑ፡ ቤተ፡ አማላከ፡ ሰማይ፡ ከመ፡ ኢይኩን፡ መንሱት፡ ላዕለ፡ መንግሥቱ፡ ለንጉሥ፡ ወላዕለ፡ ውሉዱ። |
|---|
| 7:24 | ወአንትሙኒ፡ ካህናት፡ ወሌዋውያን፡ ኵልክሙ፡ ዘምሩ፡ ወናታናውያን፡ ወዓፀውትኒ፡ ወእለኒ፡ ይገብሩ፡ ቤተ፡ እግዚአብሔር፡ ወጸባሕተኒ፡ ኢትንሥኡ፡ ወአልቦ፡ ዘትቀንይዎሙ። | ወአንትሙኒ፡ ካህናት፡ ወሌዋውያን፡ ኵልክሙ፡ ዘምሩ፡ ወናታናውያን፡ ወዓፀውትኒ፡ ወእለኒ፡ ይገብሩ፡ ቤተ፡ እግዚአብሔር፡ ወጸባሕተኒ፡ ኢትንሥኡ፡ ወአልቦ፡ ዘትቀንይዎሙ። |
|---|
| 7:25 | ወአንተኒ፡ እዝራ፡ በከመ፡ ጥበቢሁ፡ ለእግዚአብሔር፡ ዘላዕሌከ፡ ሢም፡ ጸሐፍተ፡ ወመኳምምጸ፡ ከመ፡ ይኰንንዎሙ፡ ለኵሎሙ፡ ሕዝብ፡ እለ፡ ማዕዶተ፡ ፈለግ፡ ወለኵሎሙ፡ እለ፡ የአምሩ፡ ሕጎ፡ ለእግዚአብሔር፡ ወለእለሰ፡ እለ፡ ኢየአምሩ፡ ምህርዎሙ። | ወአንተኒ፡ እዝራ፡ በከመ፡ ጥበቢሁ፡ ለእግዚአብሔር፡ ዘላዕሌከ፡ ሢም፡ ጸሐፍተ፡ ወመኳምምጸ፡ ከመ፡ ይኰንንዎሙ፡ ለኵሎሙ፡ ሕዝብ፡ እለ፡ ማዕዶተ፡ ፈለግ፡ ወለኵሎሙ፡ እለ፡ የአምሩ፡ ሕጎ፡ ለእግዚአብሔር፡ ወለእለሰ፡ እለ፡ ኢየአምሩ፡ ምህርዎሙ። |
|---|
| 7:26 | ወለኵሉ፡ ዘኢገብረ፡ ሕገ፡ እግዚአብሔር፡ ወሕገ፡ ንጉሥ፡ በጊዜሃ፡ ይትኰነን፡ ወዘኒ፡ ለሞት፡ ወዘኒ፡ ለተበርብሮ፡ ወዘኒ፡ ለመቅሠፍት፡ ወዘኒ፡ ለግብርናት። | ወለኵሉ፡ ዘኢገብረ፡ ሕገ፡ እግዚአብሔር፡ ወሕገ፡ ንጉሥ፡ በጊዜሃ፡ ይትኰነን፡ ወዘኒ፡ ለሞት፡ ወዘኒ፡ ለተበርብሮ፡ ወዘኒ፡ ለመቅሠፍት፡ ወዘኒ፡ ለግብርናት። |
|---|
| 7:27 | ወይቤ፡ እዝራ፡ ይትባረክ፡ እግዚአብሔር፡ አምላኮሙ፡ ለአበዊነ፡ ዘወደየ፡ ውስተ፡ ልቡ፡ ለንጉሥ፡ ከመ፡ ያከብር፡ ቤቶ፡ ዘበኢየሩሳሌም። | ወይቤ፡ እዝራ፡ ይትባረክ፡ እግዚአብሔር፡ አምላኮሙ፡ ለአበዊነ፡ ዘወደየ፡ ውስተ፡ ልቡ፡ ለንጉሥ፡ ከመ፡ ያከብር፡ ቤቶ፡ ዘበኢየሩሳሌም። |
|---|
| 7:28 | ወፈነወ፡ ምሕረቶ፡ ላዕሌየ፡ በቅድመ፡ ንጉሥ፡ ወመማክርቲሁ፡ ወኵሎሙ፡ መላእክተ፡ ንጉሥ፡ ዓበይት፡ ወጸናዕኩ፡ አነ፡ በእደ፡ እግዚአብሔር፡ ቡርክት፡ እንተ፡ ሀለወት፡ ላዕሌየ፡ ወአስተጋባእኩ፡ እምነ፡ እስራኤል፡ መላእክቲሆሙ፡ ይዕርጉ፡ ምስሌየ። | ወፈነወ፡ ምሕረቶ፡ ላዕሌየ፡ በቅድመ፡ ንጉሥ፡ ወመማክርቲሁ፡ ወኵሎሙ፡ መላእክተ፡ ንጉሥ፡ ዓበይት፡ ወጸናዕኩ፡ አነ፡ በእደ፡ እግዚአብሔር፡ ቡርክት፡ እንተ፡ ሀለወት፡ ላዕሌየ፡ ወአስተጋባእኩ፡ እምነ፡ እስራኤል፡ መላእክቲሆሙ፡ ይዕርጉ፡ ምስሌየ። |
|---|