| 4:1 | ወሰምዑ፡ ፀረ፡ ይሁዳ፡ ወብንያም፡ ከመ፡ ደቂቆሙ፡ ለፈላስያን፡ የሐንጹ፡ ቤተ፡ እግዚአብሔር፡ አምላከ፡ እስራኤል። | ወሰምዑ፡ ፀረ፡ ይሁዳ፡ ወብንያም፡ ከመ፡ ደቂቆሙ፡ ለፈላስያን፡ የሐንጹ፡ ቤተ፡ እግዚአብሔር፡ አምላከ፡ እስራኤል። |
|---|
| 4:2 | ወሖሩ፡ ኀበ፡ ዘሩባቤል፡ ወኀበ፡ መላእክተ፡ አበዊሆሙ፡ ወይቤልዎሙ፡ ንሕነኒ፡ ነሐንጽ፡ ምስሌክሙ፡ እስመ፡ ንሕነ፡ ከመክሙ፡ ነኃሥሥ፡ ለአምላክክሙ፡ ወሎቱ፡ ንሰምዕ፡ ንሕነኒ፡ እምአመ፡ አሴፋሐዶን፡ ንጉሠ፡ ፋርስ፡ ዘአምጽአነ፡ ዝየ። | ወሖሩ፡ ኀበ፡ ዘሩባቤል፡ ወኀበ፡ መላእክተ፡ አበዊሆሙ፡ ወይቤልዎሙ፡ ንሕነኒ፡ ነሐንጽ፡ ምስሌክሙ፡ እስመ፡ ንሕነ፡ ከመክሙ፡ ነኃሥሥ፡ ለአምላክክሙ፡ ወሎቱ፡ ንሰምዕ፡ ንሕነኒ፡ እምአመ፡ አሴፋሐዶን፡ ንጉሠ፡ ፋርስ፡ ዘአምጽአነ፡ ዝየ። |
|---|
| 4:3 | ወይቤሎዎሙ፡ ዘሩባቤል፡ ወኢዮስስ፡ ወእለ፡ ትርፉ፡ መላእክተ፡ አበዊሆሙ፡ ለእስራኤል፡ ኢኮነ፡ ለነ፡ ወለክሙ፡ ዘነሐንጽ፡ ቤተ፡ አምላክነ፡ ንሕነሰ፡ ነሐንጽ፡ ለሊነ፡ ለርእስነ፡ ለእግዚአብሔር፡ አምላክነ፡ በከመ፡ አዘዘነ፡ ቂሮስ፡ ንጉሠ፡ ፋርስ። | ወይቤሎዎሙ፡ ዘሩባቤል፡ ወኢዮስስ፡ ወእለ፡ ትርፉ፡ መላእክተ፡ አበዊሆሙ፡ ለእስራኤል፡ ኢኮነ፡ ለነ፡ ወለክሙ፡ ዘነሐንጽ፡ ቤተ፡ አምላክነ፡ ንሕነሰ፡ ነሐንጽ፡ ለሊነ፡ ለርእስነ፡ ለእግዚአብሔር፡ አምላክነ፡ በከመ፡ አዘዘነ፡ ቂሮስ፡ ንጉሠ፡ ፋርስ። |
|---|
| 4:4 | ወአሕዛብ፡ ብሔርሰ፡ አኃዙ፡ ይክልእዎሙ፡ ለሕዝበ፡ ይሁዳ፡ ወአዕርዕዎሙ፡ ሕንፃ። | ወአሕዛብ፡ ብሔርሰ፡ አኃዙ፡ ይክልእዎሙ፡ ለሕዝበ፡ ይሁዳ፡ ወአዕርዕዎሙ፡ ሕንፃ። |
|---|
| 4:5 | ወየዓስቡ፡ ላዕሌሆሙ፡ ከመ፡ ያኅድግዎሙ፡ ምክሮሙ፡ በኵሉ፡ መዋዕለ፡ ቂሮስ፡ ንጉሠ፡ ፍርስ፡ እስከ፡ መንግሥተ፡ ዳርዮስ፡ ንጉሠ፡ ፋርስ። | ወየዓስቡ፡ ላዕሌሆሙ፡ ከመ፡ ያኅድግዎሙ፡ ምክሮሙ፡ በኵሉ፡ መዋዕለ፡ ቂሮስ፡ ንጉሠ፡ ፍርስ፡ እስከ፡ መንግሥተ፡ ዳርዮስ፡ ንጉሠ፡ ፋርስ። |
|---|
| 4:6 | ወበመንግሥተ፡ አህሳዊሮስ፡ አመ፡ ቀዳሚ፡ መንግሥቱ፡ ጸሐፉ፡ መጽሐፈ፡ ላዕለ፡ እለ፡ ይነብሩ፡ ውስተ፡ ይሁዳ፡ ወውስተ፡ ኢየሩሳሌም። | ወበመንግሥተ፡ አህሳዊሮስ፡ አመ፡ ቀዳሚ፡ መንግሥቱ፡ ጸሐፉ፡ መጽሐፈ፡ ላዕለ፡ እለ፡ ይነብሩ፡ ውስተ፡ ይሁዳ፡ ወውስተ፡ ኢየሩሳሌም። |
|---|
| 4:7 | ወበመዋዕለ፡ አርተሰስታ፡ ጸሐፉ፡ በሴሌም፡ ሚትሪዳጡ፡ ወጣበሄል፡ ወእለ፡ ተርፉ፡ አግብርቲሆሙ፡ መጽሐፈ፡ ለአርተሰስታ፡ ንጉሠ፡ ፋርስ፡ ዘትርጓሜሁ፡ አረማዊ። | ወበመዋዕለ፡ አርተሰስታ፡ ጸሐፉ፡ በሴሌም፡ ሚትሪዳጡ፡ ወጣበሄል፡ ወእለ፡ ተርፉ፡ አግብርቲሆሙ፡ መጽሐፈ፡ ለአርተሰስታ፡ ንጉሠ፡ ፋርስ፡ ዘትርጓሜሁ፡ አረማዊ። |
|---|
| 4:8 | ሬሁም፡ ብኤልጥኤም፡ ወሴሜሳይ፡ ጸሐፊ፡ ጸሐፉ፡ አሐተ፡ መጥሐፈ፡ ውዴት፡ ላዕለ፡ ኢየሩሳሌም፡ ወፈነዉ፡ ኀበ፡ አርተሰስታ፡ ንጉሥ። | ሬሁም፡ ብኤልጥኤም፡ ወሴሜሳይ፡ ጸሐፊ፡ ጸሐፉ፡ አሐተ፡ መጥሐፈ፡ ውዴት፡ ላዕለ፡ ኢየሩሳሌም፡ ወፈነዉ፡ ኀበ፡ አርተሰስታ፡ ንጉሥ። |
|---|
| 4:9 | እንዘ፡ ይብሉ፡ ንሕነሰ፡ ከመዝ፡ ንብል፡ ሬሁም፡ ብኤልጥኤም፡ ወሴሜሳይ፡ ጸሐፊ፡ ወእለ፡ ተርፉ፡ አግብርተ፡ አጋእዝቲነ፡ ዲናውያን፡ ወአፈርስካውያን፡ ወጠርፈላውያን፡ ወአፈራሳውያን፡ አርክውያን፡ ባቢሎናውያን፡ ሱሰናኪውያን፡ ወዓለሜውያን፡ ወደሑያን፡ እሙንቱ። | እንዘ፡ ይብሉ፡ ንሕነሰ፡ ከመዝ፡ ንብል፡ ሬሁም፡ ብኤልጥኤም፡ ወሴሜሳይ፡ ጸሐፊ፡ ወእለ፡ ተርፉ፡ አግብርተ፡ አጋእዝቲነ፡ ዲናውያን፡ ወአፈርስካውያን፡ ወጠርፈላውያን፡ ወአፈራሳውያን፡ አርክውያን፡ ባቢሎናውያን፡ ሱሰናኪውያን፡ ወዓለሜውያን፡ ወደሑያን፡ እሙንቱ። |
|---|
| 4:10 | ወእለ፡ ተርፉ፡ አሕዛብ፡ እለ፡ አፍለሰ፡ አሴናፍር፡ ዓቢይ፡ ወክቡር፡ ወአንበሮሙ፡ ውስተ፡ አህጉረ፡ ሰማሮን፡ ወእለኒ፡ ማዕዶተ፡ ፈለግ። | ወእለ፡ ተርፉ፡ አሕዛብ፡ እለ፡ አፍለሰ፡ አሴናፍር፡ ዓቢይ፡ ወክቡር፡ ወአንበሮሙ፡ ውስተ፡ አህጉረ፡ ሰማሮን፡ ወእለኒ፡ ማዕዶተ፡ ፈለግ። |
|---|
| 4:11 | ወከመዝ፡ ትብል፡ መጽሐፍ፡ እንተ፡ ጸሐፉ፡ ሎቱ፡ ለአርተሰስታ፡ ንጉሥ፡ ንሕነ፡ አግብርቲከ፡ ሰብአ፡ ማዕዶተ፡ ፈለግ። | ወከመዝ፡ ትብል፡ መጽሐፍ፡ እንተ፡ ጸሐፉ፡ ሎቱ፡ ለአርተሰስታ፡ ንጉሥ፡ ንሕነ፡ አግብርቲከ፡ ሰብአ፡ ማዕዶተ፡ ፈለግ። |
|---|
| 4:12 | ከመ፡ ታእምር፡ እግዚኦሙ፡ ንጉሥ፡ አይሁድ፡ እለ፡ ዓርጉ፡ እምኔከ፡ መንገሌነ፡ ወመጽኡ፡ ኢየሩሳሌም፡ ሀገር፡ ዓላዊት፡ ወእኪት፡ ከመ፡ ይሕንጽዋ፡ ወያሕይዉ፡ አረፋቲሃ፡ ወያንሥኡ፡ ወሠረታቲሃ። | ከመ፡ ታእምር፡ እግዚኦሙ፡ ንጉሥ፡ አይሁድ፡ እለ፡ ዓርጉ፡ እምኔከ፡ መንገሌነ፡ ወመጽኡ፡ ኢየሩሳሌም፡ ሀገር፡ ዓላዊት፡ ወእኪት፡ ከመ፡ ይሕንጽዋ፡ ወያሕይዉ፡ አረፋቲሃ፡ ወያንሥኡ፡ ወሠረታቲሃ። |
|---|
| 4:13 | ወይእዜኒ፡ ከመ፡ ታእምር፡ እግዚኦሙ፡ ንጉሥ፡ እምከመ፡ ተሓንፀት፡ ይእቲ፡ ሀገር፡ ወቆመ፡ አረፋቲሃ፡ አልብከ፡ ጸባሕት፡ ወኢያገብኡ፡ ለከ፡ እስመ፡ ዓላዊተ፡ መንግሥት፡ ይዕቲ። | ወይእዜኒ፡ ከመ፡ ታእምር፡ እግዚኦሙ፡ ንጉሥ፡ እምከመ፡ ተሓንፀት፡ ይእቲ፡ ሀገር፡ ወቆመ፡ አረፋቲሃ፡ አልብከ፡ ጸባሕት፡ ወኢያገብኡ፡ ለከ፡ እስመ፡ ዓላዊተ፡ መንግሥት፡ ይዕቲ። |
|---|
| 4:14 | ወለነሰ፡ ኢይከውን፡ ንርአይ፡ እንዘ፡ ያስተሐቅሩ፡ ንጉሠ፡ ወበበይነ፡ ዝንቱ፡ ለአከነ፡ ታእምር፡ እግዚኦሙ፡ ንጉሥ። | ወለነሰ፡ ኢይከውን፡ ንርአይ፡ እንዘ፡ ያስተሐቅሩ፡ ንጉሠ፡ ወበበይነ፡ ዝንቱ፡ ለአከነ፡ ታእምር፡ እግዚኦሙ፡ ንጉሥ። |
|---|
| 4:15 | ወከመ፡ ትኅሥሥ፡ ውስተ፡ መጻሕፍተ፡ ኖብያት፡ ዘአበዊከ፡ ወትረክብ፡ ወተአምር፡ እንከ፡ ከመ፡ ይእቲ፡ ሀገር፡ ማዕሌት፡ ይእቲ፡ ወታሐስም፡ ላዕለ፡ ነገሥት፡ ወላዕለ፡ በሐውርት፡ ወምኅጥአ፡ አግብርት፡ ማእከላ፡ እምትካት፡ ወእምፍጥረት፡ ወበበይነ፡ ዝንቱ፡ ትስማን፡ ይእቲ፡ ሀገር። | ወከመ፡ ትኅሥሥ፡ ውስተ፡ መጻሕፍተ፡ ኖብያት፡ ዘአበዊከ፡ ወትረክብ፡ ወተአምር፡ እንከ፡ ከመ፡ ይእቲ፡ ሀገር፡ ማዕሌት፡ ይእቲ፡ ወታሐስም፡ ላዕለ፡ ነገሥት፡ ወላዕለ፡ በሐውርት፡ ወምኅጥአ፡ አግብርት፡ ማእከላ፡ እምትካት፡ ወእምፍጥረት፡ ወበበይነ፡ ዝንቱ፡ ትስማን፡ ይእቲ፡ ሀገር። |
|---|
| 4:16 | ሐዋርያ፡ ዘፈነውክሙ፡ በጽሐ፡ ኀቤየ። | ሐዋርያ፡ ዘፈነውክሙ፡ በጽሐ፡ ኀቤየ። |
|---|
| 4:17 | ወአዘዝኩ፡ ይኅሥሡ፡ ውስተ፡ መጽሐፈ፡ ኖብያት፡ ወረከብነ፡ ከመ፡ ይእቲ፡ ወፀር፡ ይእቲ፡ ወተኃጥእ፡ ዘይበውኣ። | ወአዘዝኩ፡ ይኅሥሡ፡ ውስተ፡ መጽሐፈ፡ ኖብያት፡ ወረከብነ፡ ከመ፡ ይእቲ፡ ወፀር፡ ይእቲ፡ ወተኃጥእ፡ ዘይበውኣ። |
|---|
| 4:18 | ወነገሥትኒ፡ ፅኑዓን፡ ነገሥት፡ ቢየሩሳሌም፡ ወኰነኑ፡ ኵሎ፡ ብሔረ፡ ዘማዕዶተ፡ ፈለግ፡ ወይሁብዎሙ፡ ጸባሕተ፡ ወጋዳ። | ወነገሥትኒ፡ ፅኑዓን፡ ነገሥት፡ ቢየሩሳሌም፡ ወኰነኑ፡ ኵሎ፡ ብሔረ፡ ዘማዕዶተ፡ ፈለግ፡ ወይሁብዎሙ፡ ጸባሕተ፡ ወጋዳ። |
|---|
| 4:19 | ወይእዜኒ፡ ከልእዎሙ፡ ለእሙንቱ፡ እደው፡ ኢይሕንጽዋ፡ ለይእቲ፡ ሀገር፡ እምይእዜሰ፡ ዕቀብዎሙ። | ወይእዜኒ፡ ከልእዎሙ፡ ለእሙንቱ፡ እደው፡ ኢይሕንጽዋ፡ ለይእቲ፡ ሀገር፡ እምይእዜሰ፡ ዕቀብዎሙ። |
|---|
| 4:20 | ወዑቁ፡ ኢታስሕትዎሙ፡ በበይነ፡ ዝንቱ፡ ግብር፡ ከመ፡ ኢይብዛኅ፡ ሙስናሃ፡ ወኢያሕስሙ፡ ላዕለ፡ ነገሥት። | ወዑቁ፡ ኢታስሕትዎሙ፡ በበይነ፡ ዝንቱ፡ ግብር፡ ከመ፡ ኢይብዛኅ፡ ሙስናሃ፡ ወኢያሕስሙ፡ ላዕለ፡ ነገሥት። |
|---|
| 4:21 | ወሶበ፡ በጽሐ፡ ሐዋርያ፡ አርተሰስታ፡ አንበበ፡ በቅድመ፡ ሬሁም፡ ብኤልጥኤም፡ ወሴሜሳይ፡ ጸሐፊ፡ ወአግብርተ፡ አጋእዝቲሆሙ፡ እለ፡ ምስሌሆሙ፡ ወሖሩ፡ ፍጡነ፡ ውስተ፡ ኢየሩሳሌም፡ ወውስተ፡ ይሁዳ፡ በአፍራስ፡ ወአኅደግዎሙ፡ በኃይል። | ወሶበ፡ በጽሐ፡ ሐዋርያ፡ አርተሰስታ፡ አንበበ፡ በቅድመ፡ ሬሁም፡ ብኤልጥኤም፡ ወሴሜሳይ፡ ጸሐፊ፡ ወአግብርተ፡ አጋእዝቲሆሙ፡ እለ፡ ምስሌሆሙ፡ ወሖሩ፡ ፍጡነ፡ ውስተ፡ ኢየሩሳሌም፡ ወውስተ፡ ይሁዳ፡ በአፍራስ፡ ወአኅደግዎሙ፡ በኃይል። |
|---|
| 4:22 | ወእምዝ፡ ተፀርዐ፡ ሕንጻ፡ ቤተ፡ እግዚአብሔር፡ ዘኢየሩዳሌም፡ ወነበሩ፡ ጽሩዓነ፡ እስመ፡ አመ፡ ክልኤቱ፡ ዓመተ፡ መንግሥቱ፡ ለዳርዮስ፡ ንጉሠ፡ ፋርስ። | ወእምዝ፡ ተፀርዐ፡ ሕንጻ፡ ቤተ፡ እግዚአብሔር፡ ዘኢየሩዳሌም፡ ወነበሩ፡ ጽሩዓነ፡ እስመ፡ አመ፡ ክልኤቱ፡ ዓመተ፡ መንግሥቱ፡ ለዳርዮስ፡ ንጉሠ፡ ፋርስ። |
|---|