📜 Verbum · 聖言
原文誦讀聖經與教父文獻
中EN
♥ 贊助
🎬 影片📜 原文閱讀🔍 搜尋關於

以斯拉記（吉茲語／衣索比亞版）

以斯拉記（吉茲語／衣索比亞版） 第 12 章｜2 種原文並排

各譯本的分節不完全一致。這裡以節號對齊，某一欄沒有該節就留空，不做順序上的湊對。點任一字可查義。

吉茲文
吉茲文聖經
吉茲文
次經
12:1
ወእምዝ፡ እምድኅረ፡ ሰቡዕ፡ መዋዕል፡ ሐለምኩ፡ ሕልመ፡ በሌሊት።
ወእምዝ፡ እምድኅረ፡ ሰቡዕ፡ መዋዕል፡ ሐለምኩ፡ ሕልመ፡ በሌሊት።
12:2
ወናሁ፡ እሬኢ፡ ነፋስ፡ ዐቢይ፡ ይወፅእ፡ እምባሕር፡ ወተሀውከ፡ ኵሉ፡ መዋግዲሃ።
ወናሁ፡ እሬኢ፡ ነፋስ፡ ዐቢይ፡ ይወፅእ፡ እምባሕር፡ ወተሀውከ፡ ኵሉ፡ መዋግዲሃ።
12:3
ወእሬኢ፡ ይወፅእ፡ ውእቱ፡ ነፋስ፡ እምባሕር፡ ከመ፡ አምሳለ፡ ብእሲ፡ ወእምዝ፡ ሰረረ፡ ውእቱ፡ ብእሲ፡ ምስለ፡ ደመናተ፡ ሰማይ፡ ወኀበ፡ ሜጠ፡ ገጾ፡ ወነጸረ፡ በጊዜሁ፡ ይገብእ፡ ኵሉ፡ ቅድሜሁ።
ወእሬኢ፡ ይወፅእ፡ ውእቱ፡ ነፋስ፡ እምባሕር፡ ከመ፡ አምሳለ፡ ብእሲ፡ ወእምዝ፡ ሰረረ፡ ውእቱ፡ ብእሲ፡ ምስለ፡ ደመናተ፡ ሰማይ፡ ወኀበ፡ ሜጠ፡ ገጾ፡ ወነጸረ፡ በጊዜሁ፡ ይገብእ፡ ኵሉ፡ ቅድሜሁ።
12:4
ወላዕለ፡ ዘወፅአ፡ ቃሉ፡ ይትመሰዉ፡ ኵሎሙ፡ እለ፡ ይሰምዕዎ፡ ለቃሉ፡ ከመ፡ ይትመሰው፡ መዓረ፡ ግራ፡ ሶበ፡ ይቀርብ፡ ኀበ፡ እሳት።
ወላዕለ፡ ዘወፅአ፡ ቃሉ፡ ይትመሰዉ፡ ኵሎሙ፡ እለ፡ ይሰምዕዎ፡ ለቃሉ፡ ከመ፡ ይትመሰው፡ መዓረ፡ ግራ፡ ሶበ፡ ይቀርብ፡ ኀበ፡ እሳት።
12:5
ወእምዝ፡ እሬኢ፡ ሰብእ፡ ብዙኅ፡ ይትጋብኡ፡ ዘአልቦ፡ ኈልቍ፡ እምነ፡ ፬ነፋሳተ፡ ሰማይ፡ ከመ፡ ይጽብእዎ፡ ለብእሲ፡ ዘወፅአ፡ እምባሕር።
ወእምዝ፡ እሬኢ፡ ሰብእ፡ ብዙኅ፡ ይትጋብኡ፡ ዘአልቦ፡ ኈልቍ፡ እምነ፡ ፬ነፋሳተ፡ ሰማይ፡ ከመ፡ ይጽብእዎ፡ ለብእሲ፡ ዘወፅአ፡ እምባሕር።
12:6
ወእምዝ፡ ሐነጸ፡ ሎቱ፡ ደብረ፡ ዐቢየ፡ ወሰረረ፡ ላዕሌሁ።
ወእምዝ፡ ሐነጸ፡ ሎቱ፡ ደብረ፡ ዐቢየ፡ ወሰረረ፡ ላዕሌሁ።
12:7
ወኀሠሥኩ፡ ኣእምር፡ እምኀበ፡ ተሐንጸ፡ ውእቱ፡ ደብር፡ ወስእንኩ።
ወኀሠሥኩ፡ ኣእምር፡ እምኀበ፡ ተሐንጸ፡ ውእቱ፡ ደብር፡ ወስእንኩ።
12:8
ወእምዝ፡ ኵሎሙ፡ እልክቱ፡ እለ፡ ተጋብኡ፡ ላዕሌሁ፡ ይጽብእዎ፡ ፈርህዎ፡ ጥቀ፡ ወባሕቱ፡ ይትኀበሉ፡ ይጽብእዎ።
ወእምዝ፡ ኵሎሙ፡ እልክቱ፡ እለ፡ ተጋብኡ፡ ላዕሌሁ፡ ይጽብእዎ፡ ፈርህዎ፡ ጥቀ፡ ወባሕቱ፡ ይትኀበሉ፡ ይጽብእዎ።
12:9
ወእምዝ፡ ሶበ፡ ሮድዎ፡ ወመጽኡ፡ ላዕሌሁ፡ ኢያንሥአ፡ እዴሁ፡ ወኢያልዐለ፡ ኵናተ፡ ወኢምንተኒ፡ ንዋየ፡ ሐቅል።
ወእምዝ፡ ሶበ፡ ሮድዎ፡ ወመጽኡ፡ ላዕሌሁ፡ ኢያንሥአ፡ እዴሁ፡ ወኢያልዐለ፡ ኵናተ፡ ወኢምንተኒ፡ ንዋየ፡ ሐቅል።
12:10
ዘእንበለ፡ ዳእሙ፡ እምነ፡ አፉሁ፡ መዋግደ፡ እሳት፡ አውፅአ፡ ወእምነ፡ ከናፍሪሁ፡ ነደ፡ እሳት፡ ወእምነ፡ ልሳኑ፡ አፍሓመ፡ እሳት፡ ከመ፡ ዐውሎ፡ አውፅአ፡ ወኵሉ፡ ተደመረ፡ ዝክቱ፡ መዋግደ፡ እሳት፡ ወዝኩኒ፡ ነደ፡ እሳት፡ ወዝክቱኒ፡ አፍሓመ፡ እሳት፡ ወኮነ፡ ከመ፡ ዐውሎ።
ዘእንበለ፡ ዳእሙ፡ እምነ፡ አፉሁ፡ መዋግደ፡ እሳት፡ አውፅአ፡ ወእምነ፡ ከናፍሪሁ፡ ነደ፡ እሳት፡ ወእምነ፡ ልሳኑ፡ አፍሓመ፡ እሳት፡ ከመ፡ ዐውሎ፡ አውፅአ፡ ወኵሉ፡ ተደመረ፡ ዝክቱ፡ መዋግደ፡ እሳት፡ ወዝኩኒ፡ ነደ፡ እሳት፡ ወዝክቱኒ፡ አፍሓመ፡ እሳት፡ ወኮነ፡ ከመ፡ ዐውሎ።
12:11
ወወረደ፡ ላዕለ፡ እልክቱ፡ ብዙኃን፡ እለ፡ ሮድዎ፡ ከመ፡ ይቅትልዎ፡ ወአውዐዮሙ፡ ለኵሎሙ፡ እስከ፡ አልቦ፡ ዘአትረፈ፡ እምኔሆሙ፡ እንበለ፡ ጸበለ፡ ሐመዶሙ፡ ወጢሰ፡ ዋዕዮሙ፡ ወእምዝ፡ ነቃህኩ።
ወወረደ፡ ላዕለ፡ እልክቱ፡ ብዙኃን፡ እለ፡ ሮድዎ፡ ከመ፡ ይቅትልዎ፡ ወአውዐዮሙ፡ ለኵሎሙ፡ እስከ፡ አልቦ፡ ዘአትረፈ፡ እምኔሆሙ፡ እንበለ፡ ጸበለ፡ ሐመዶሙ፡ ወጢሰ፡ ዋዕዮሙ፡ ወእምዝ፡ ነቃህኩ።
12:12
ወእምድኅረ፡ ዝንቱ፡ ርኢክዎለውእቱ፡ ብእሲ፡ ወረደ፡ እምነ፡ ዝክቱ፡ ደብር፡ ወጸውዐ፡ ኀቤሁ፡ ባዕዳነ፡ ብዙኃነ፡ ስንኣሁ።
ወእምድኅረ፡ ዝንቱ፡ ርኢክዎለውእቱ፡ ብእሲ፡ ወረደ፡ እምነ፡ ዝክቱ፡ ደብር፡ ወጸውዐ፡ ኀቤሁ፡ ባዕዳነ፡ ብዙኃነ፡ ስንኣሁ።
12:13
ወመጽኡ፡ ኀቤሁ፡ ብዙኃን፡ ሰብእ፡ ወቦ፡ እምውስቴቶሙ፡ ፍሡሓን፡ ወቦ፡ እምውስቴቶሙ፡ ሕዙናን፡ ወቦ፡ እምውስቴቶሙ፡ ሙቁሓን። ወእምዝ፡ ሶበ፡ በዝኀኒ፡ ደንገጽኩ፡ ወነቃህኩ፡ ወጸለይኩ፡ ኀበ፡ ልዑል፡ ወእቤ።
ወመጽኡ፡ ኀቤሁ፡ ብዙኃን፡ ሰብእ፡ ወቦ፡ እምውስቴቶሙ፡ ፍሡሓን፡ ወቦ፡ እምውስቴቶሙ፡ ሕዙናን፡ ወቦ፡ እምውስቴቶሙ፡ ሙቁሓን። ወእምዝ፡ ሶበ፡ በዝኀኒ፡ ደንገጽኩ፡ ወነቃህኩ፡ ወጸለይኩ፡ ኀበ፡ ልዑል፡ ወእቤ።
12:14
ቀዲሙኒ፡ አንተ፡ አርአይኮ፡ ለገብርከ፡ ዘንተ፡ ስብሐቲከ፡ ወረሰይከ፡ ሊተ፡ ከመ፡ ትስማዕ፡ ጸሎትየ።
ቀዲሙኒ፡ አንተ፡ አርአይኮ፡ ለገብርከ፡ ዘንተ፡ ስብሐቲከ፡ ወረሰይከ፡ ሊተ፡ ከመ፡ ትስማዕ፡ ጸሎትየ።
12:15
ወይእዜኒ፡ ንግረኒ፡ ዓዲ፡ ፍካሬሁ፡ ለዝንቱ፡ ሕልም።
ወይእዜኒ፡ ንግረኒ፡ ዓዲ፡ ፍካሬሁ፡ ለዝንቱ፡ ሕልም።
12:16
ወባሕቱ፡ ከመሰ፡ እትሐዘብ፡ አሌ፡ ሎሙ፡ ለእለ፡ ሀለዉ፡ በእማንቱ፡ መዋዕል፡ ወፈድፋደሰ፡ ለእለ፡ ኢሀለዉ።
ወባሕቱ፡ ከመሰ፡ እትሐዘብ፡ አሌ፡ ሎሙ፡ ለእለ፡ ሀለዉ፡ በእማንቱ፡ መዋዕል፡ ወፈድፋደሰ፡ ለእለ፡ ኢሀለዉ።
12:17
እስመ፡ የሐዝኑ፡ በኢያእምሮ፡ ዘጽኑሕ፡ ሎሙ፡ በደኃሪ፡ መዋዕል፡ ዘዓዲ፡ ኢበጽሖሙ።
እስመ፡ የሐዝኑ፡ በኢያእምሮ፡ ዘጽኑሕ፡ ሎሙ፡ በደኃሪ፡ መዋዕል፡ ዘዓዲ፡ ኢበጽሖሙ።
12:18
ወለእለሰ፡ ሀለዉ፡ እስመ፡ ወድኡ፡ አእመርዎ።
ወለእለሰ፡ ሀለዉ፡ እስመ፡ ወድኡ፡ አእመርዎ።
12:19
ወበበይነ፡ ዝንቱ፡ አሌ፡ ሎሙ፡ እስመ፡ ይሬእዩ፡ ዐቢየ፡ ጻዕረ፡ ወብዙኀ፡ ሥቃየ፡ በከመ፡ ርኢኩ፡ በውስተ፡ ዝንቱ፡ ሕልም።
ወበበይነ፡ ዝንቱ፡ አሌ፡ ሎሙ፡ እስመ፡ ይሬእዩ፡ ዐቢየ፡ ጻዕረ፡ ወብዙኀ፡ ሥቃየ፡ በከመ፡ ርኢኩ፡ በውስተ፡ ዝንቱ፡ ሕልም።
12:20
ወባሕቱ፡ ይኄይስ፡ ሐሚም፡ ወይበጽሕዎ፡ ለዝንቱ፡ እምነ፡ ይኅልፉ፡ እምውስተ፡ ዓለም፡ ከመ፡ ደመና፡ ወኢያእምሩ፡ እንተ፡ ትረክቦሙ፡ በደኃሪቶሙ።
ወባሕቱ፡ ይኄይስ፡ ሐሚም፡ ወይበጽሕዎ፡ ለዝንቱ፡ እምነ፡ ይኅልፉ፡ እምውስተ፡ ዓለም፡ ከመ፡ ደመና፡ ወኢያእምሩ፡ እንተ፡ ትረክቦሙ፡ በደኃሪቶሙ።
12:21
ወአውሥአኒ፡ ወይቤለኒ፡ እነግረከ፡ ፍካሬሁ፡ ለዝንቱ፡ ሕልምከ፡ ወዘኒ፡ ዘትቤለኒ፡ እፌክር፡ ለከ።
ወአውሥአኒ፡ ወይቤለኒ፡ እነግረከ፡ ፍካሬሁ፡ ለዝንቱ፡ ሕልምከ፡ ወዘኒ፡ ዘትቤለኒ፡ እፌክር፡ ለከ።
12:22
እስመ፡ ትቤ፡ በእንተ፡ እለ፡ ይተርፉ፡ ወይሄልዉ፡ ከመዝ፡ ነገሩ።
እስመ፡ ትቤ፡ በእንተ፡ እለ፡ ይተርፉ፡ ወይሄልዉ፡ ከመዝ፡ ነገሩ።
12:23
እሙንቱ፡ እለ፡ ይሬእይዎ፡ ለውእቱ፡ ሕማም፡ በእሙንቱ፡ መዋዕል፡ ወለሊሁ፡ የዐቅቦሙ፡ ለእለ፡ ቦሙ፡ ውእቱ፡ ሕማም፡ ለእለ፡ ቦሙ፡ ምግባረ፡ ሠናይ፡ ወሃይማኖት፡ በኀበ፡ ልዑል፡ ወጽኑዕ።
እሙንቱ፡ እለ፡ ይሬእይዎ፡ ለውእቱ፡ ሕማም፡ በእሙንቱ፡ መዋዕል፡ ወለሊሁ፡ የዐቅቦሙ፡ ለእለ፡ ቦሙ፡ ውእቱ፡ ሕማም፡ ለእለ፡ ቦሙ፡ ምግባረ፡ ሠናይ፡ ወሃይማኖት፡ በኀበ፡ ልዑል፡ ወጽኑዕ።
12:24
ወአእምር፡ ባሕቱ፡ ከመፈድፋደ፡ ብጹዓን፡ እለ፡ ሕያዋን፡ እምነ፡ ምውታን።
ወአእምር፡ ባሕቱ፡ ከመፈድፋደ፡ ብጹዓን፡ እለ፡ ሕያዋን፡ እምነ፡ ምውታን።
12:25
ወፍካሬሁሰ፡ ለሕልምከ፡ ከመዝ፡ ውእቱ፡ ዝንቱ፡ ዘርኢከ፡ ብእሴ፡ ይወፅእ፡ እማእከለ፡ ባሕር።
ወፍካሬሁሰ፡ ለሕልምከ፡ ከመዝ፡ ውእቱ፡ ዝንቱ፡ ዘርኢከ፡ ብእሴ፡ ይወፅእ፡ እማእከለ፡ ባሕር።
12:26
ውእቱ፡ ዝንቱ፡ ዘዐቀቦ፡ ልዑል፡ ለብዙኅ፡ መዋዕል፡ ከመ፡ ይቤዙ፡ ቦቱ፡ ዓለመ፡ ወውእቱ፡ ይሠርዖሙ፡ ለእለ፡ ተርፉ።
ውእቱ፡ ዝንቱ፡ ዘዐቀቦ፡ ልዑል፡ ለብዙኅ፡ መዋዕል፡ ከመ፡ ይቤዙ፡ ቦቱ፡ ዓለመ፡ ወውእቱ፡ ይሠርዖሙ፡ ለእለ፡ ተርፉ።
12:27
ወዝንቱ፡ ዘርኢከ፡ ይወፅእ፡ እምነ፡ አፉሁ፡ እሳት፡ ወነድ፡ ወአፍሓም፡ ዘከመ፡ ዐውሎ።
ወዝንቱ፡ ዘርኢከ፡ ይወፅእ፡ እምነ፡ አፉሁ፡ እሳት፡ ወነድ፡ ወአፍሓም፡ ዘከመ፡ ዐውሎ።
12:28
ወዝንቱ፡ ዘኢያንሥአ፡ ኵናተ፡ ወኢንዋየ፡ ሐቅል፡ ወቀተሎሙ፡ ለእልክቱ፡ ብዙኃን፡ እለ፡ ሮድዎ፡ ወመጽኡ፡ ከመ፡ ይቅትልዎ፡ ከመዝ፡ ውእቱ፡ ነገሩ።
ወዝንቱ፡ ዘኢያንሥአ፡ ኵናተ፡ ወኢንዋየ፡ ሐቅል፡ ወቀተሎሙ፡ ለእልክቱ፡ ብዙኃን፡ እለ፡ ሮድዎ፡ ወመጽኡ፡ ከመ፡ ይቅትልዎ፡ ከመዝ፡ ውእቱ፡ ነገሩ።
12:29
ይመጽእ፡ መዋዕል፡ አመ፡ ሀለዎ፡ ልዑል፡ ይቤዝዎሙ፡ ለእለ፡ ይነብሩ፡ ውስተ፡ ምድር።
ይመጽእ፡ መዋዕል፡ አመ፡ ሀለዎ፡ ልዑል፡ ይቤዝዎሙ፡ ለእለ፡ ይነብሩ፡ ውስተ፡ ምድር።
12:30
ወውእተ፡ አሚረ፡ ይኄልዩ።
ወውእተ፡ አሚረ፡ ይኄልዩ።
12:31
በበይናቲሆሙ፡ ይትቃተሉ፡ ሀገር፡ ምስለ፡ ሀገር፡ ወብሔር፡ ምስለ፡ ብሔር፡ ወሕዝብኒ፡ ምስለ፡ ሕዝብ፡ ወመንግሥትኒ፡ ምስለ፡ መንግሥት።
በበይናቲሆሙ፡ ይትቃተሉ፡ ሀገር፡ ምስለ፡ ሀገር፡ ወብሔር፡ ምስለ፡ ብሔር፡ ወሕዝብኒ፡ ምስለ፡ ሕዝብ፡ ወመንግሥትኒ፡ ምስለ፡ መንግሥት።
12:32
ወአመ፡ ኮነ፡ ዝንቱ፡ ወበጽሐ፡ ተኣምሪሁ፡ ዘአርአይኩከ፡ ቀዲሙ፡ ውእቱ፡ ብእሲ፡ ዘርኢከ፡ ይወፅእ፡ እምነ፡ ባሕር።
ወአመ፡ ኮነ፡ ዝንቱ፡ ወበጽሐ፡ ተኣምሪሁ፡ ዘአርአይኩከ፡ ቀዲሙ፡ ውእቱ፡ ብእሲ፡ ዘርኢከ፡ ይወፅእ፡ እምነ፡ ባሕር።
12:33
ወሶበ፡ ሰምዑ፡ ቃሎ፡ ኵሎሙ፡ ሕዝብ፡ የሐድጉ፡ በበ፡ በሓውርቲሆሙ፡ አጽባእቲሆሙ፡ ዘይጻብኡ፡ በበይናቲሆሙ።
ወሶበ፡ ሰምዑ፡ ቃሎ፡ ኵሎሙ፡ ሕዝብ፡ የሐድጉ፡ በበ፡ በሓውርቲሆሙ፡ አጽባእቲሆሙ፡ ዘይጻብኡ፡ በበይናቲሆሙ።
12:34
ወይትጋብኡ፡ ኅቡረ፡ ይበዝኁ፡ ዘአልቦ፡ ኍልቍ፡ በከመ፡ ርኢከ፡ ፈቀዱ፡ ይምጽኡ፡ ወይቅትልዎ።
ወይትጋብኡ፡ ኅቡረ፡ ይበዝኁ፡ ዘአልቦ፡ ኍልቍ፡ በከመ፡ ርኢከ፡ ፈቀዱ፡ ይምጽኡ፡ ወይቅትልዎ።
12:35
ወውእቱሰ፡ ይቀውም፡ ውስተ፡ ርእሰ፡ ደብረ፡ ጽዮን።
ወውእቱሰ፡ ይቀውም፡ ውስተ፡ ርእሰ፡ ደብረ፡ ጽዮን።
12:36
ወትመጽእ፡ ጽዮን፡ ወታስተሬኢ፡ ድልውተ፡ ለኵሉ፡ ወሕጽንተ፡ በከመ፡ ርኢከ፡ ደብር፡ ወፅአ፡ ለሊሁ፡ ወተፈጥረ፡ ዘኢኮነ፡ በእደ፡ እጓለ፡ እመሕያው።
ወትመጽእ፡ ጽዮን፡ ወታስተሬኢ፡ ድልውተ፡ ለኵሉ፡ ወሕጽንተ፡ በከመ፡ ርኢከ፡ ደብር፡ ወፅአ፡ ለሊሁ፡ ወተፈጥረ፡ ዘኢኮነ፡ በእደ፡ እጓለ፡ እመሕያው።
12:37
ወውእቱኬ፡ ወልድ፡ ውእቱ፡ ዘይዛለፎሙ፡ ለአሕዛብ፡ ኀጣውኢሆሙ፡ ለእለ፡ ኮኑ፡ ከመ፡ ዐውሎ፡ ወይዌጥሕ፡ ሎሙ፡ በቅድሜሆሙ፡ እከየ፡ ምግባሮሙ፡ ወደይኖሙ፡ በዐቢይ፡ ዘይዴየኑ።
ወውእቱኬ፡ ወልድ፡ ውእቱ፡ ዘይዛለፎሙ፡ ለአሕዛብ፡ ኀጣውኢሆሙ፡ ለእለ፡ ኮኑ፡ ከመ፡ ዐውሎ፡ ወይዌጥሕ፡ ሎሙ፡ በቅድሜሆሙ፡ እከየ፡ ምግባሮሙ፡ ወደይኖሙ፡ በዐቢይ፡ ዘይዴየኑ።
12:38
እለ፡ ኮኑ፡ ከመ፡ ነደ፡ እሳት፡ ወያጠፍኦሙ፡ ምስለ፡ ኀጢአቶሙ፡ ዘእንበለ፡ ጻማ፡ ለእለ፡ ኮኑ፡ ከመ፡ አፍሓመ፡ እሳት።
እለ፡ ኮኑ፡ ከመ፡ ነደ፡ እሳት፡ ወያጠፍኦሙ፡ ምስለ፡ ኀጢአቶሙ፡ ዘእንበለ፡ ጻማ፡ ለእለ፡ ኮኑ፡ ከመ፡ አፍሓመ፡ እሳት።
12:39
ወዝንቱኒ፡ ዘርኢከ፡ ከመ፡ ተጋብኡ፡ ኀቤሁ፡ ብዙኃን፡ ስንዓሁ።
ወዝንቱኒ፡ ዘርኢከ፡ ከመ፡ ተጋብኡ፡ ኀቤሁ፡ ብዙኃን፡ ስንዓሁ።
12:40
እሉ፡ እሙንቱ፡ ፱፡ አሕዛብ፡ እለ፡ ተፄወው፡ እምነ፡ ብሔሮሙ፡ በመዋዕሊሁ፡ ለሰልምናሶር፡ ንጉሠ፡ ፋርስ፡ እለ፡ ፄወወ፡ በመንግሥቱ፡ ወአንበሮሙ፡ ማዕዶተ፡ ተከዚ፡ ወተመይጡ፡ ወካልአ፡ ኮኑ።
እሉ፡ እሙንቱ፡ ፱፡ አሕዛብ፡ እለ፡ ተፄወው፡ እምነ፡ ብሔሮሙ፡ በመዋዕሊሁ፡ ለሰልምናሶር፡ ንጉሠ፡ ፋርስ፡ እለ፡ ፄወወ፡ በመንግሥቱ፡ ወአንበሮሙ፡ ማዕዶተ፡ ተከዚ፡ ወተመይጡ፡ ወካልአ፡ ኮኑ።
12:41
እሙንቱ፡ ለሊሆሙ፡ አውፅእዋ፡ ለዛቲ፡ ምክር፡ ከመ፡ ይኅድጉ፡ ነገደ፡ ሕዝቦሙ፡ ወይሖሩ፡ ውስተ፡ ብሔር፡ ኀበ፡ ኢነበረ፡ ዝየ፡ ዘመደ፡ እጓለ፡ እመሕያው።
እሙንቱ፡ ለሊሆሙ፡ አውፅእዋ፡ ለዛቲ፡ ምክር፡ ከመ፡ ይኅድጉ፡ ነገደ፡ ሕዝቦሙ፡ ወይሖሩ፡ ውስተ፡ ብሔር፡ ኀበ፡ ኢነበረ፡ ዝየ፡ ዘመደ፡ እጓለ፡ እመሕያው።
12:42
ከመ፡ ይዕቀቡ፡ ሕጎሙ፡ ዘኢዐቀብዎ፡ በብሔሮሙ።
ከመ፡ ይዕቀቡ፡ ሕጎሙ፡ ዘኢዐቀብዎ፡ በብሔሮሙ።
12:43
ወእንተ፡ መጽብብ፡ ሙባኡ፡ ለኤፍረጢስ፡ ቦኡ።
ወእንተ፡ መጽብብ፡ ሙባኡ፡ ለኤፍረጢስ፡ ቦኡ።
12:44
ወገብረ፡ ሎሙ፡ ይእተ፡ አሚረ፡ ልዑል፡ ተኣምረ፡ ወአቀመ፡ አዕይንቲሁ፡ ለተከዚ፡ እስመ፡ የኀልፉ።
ወገብረ፡ ሎሙ፡ ይእተ፡ አሚረ፡ ልዑል፡ ተኣምረ፡ ወአቀመ፡ አዕይንቲሁ፡ ለተከዚ፡ እስመ፡ የኀልፉ።
12:45
ወብሔሩሰ፡ ምሕዋረ፡ ዓመት፡ ወመንፈቀ፡ ዓመት፡ ወስመ፡ ብሔሩ፡ አዛፍ።
ወብሔሩሰ፡ ምሕዋረ፡ ዓመት፡ ወመንፈቀ፡ ዓመት፡ ወስመ፡ ብሔሩ፡ አዛፍ።
12:46
ወነበሩ፡ ህየ፡ እስከ፡ ደኃሪ፡ መዋዕል። ወእምዝ፡ ካዕበ፡ አመ፡ ሀለዎሙ፡ ይግብኡ።
ወነበሩ፡ ህየ፡ እስከ፡ ደኃሪ፡ መዋዕል። ወእምዝ፡ ካዕበ፡ አመ፡ ሀለዎሙ፡ ይግብኡ።
12:47
ያቀውም፡ ካዕበ፡ ልዑል፡ አዕይንቲሁ፡ ለተከዚ፡ ከመ፡ ይክሀሉ፡ ኀሊፈ።
ያቀውም፡ ካዕበ፡ ልዑል፡ አዕይንቲሁ፡ ለተከዚ፡ ከመ፡ ይክሀሉ፡ ኀሊፈ።
12:48
ወበበይነ፡ ዝንቱ፡ ዘርኢከ፡ መብዝኅቶሙ፡ ለሕዝብ፡ ነሥእዎሙ፡ ወተረክቡ፡ ውስተ፡ ደወልየ፡ ቡሩክ።
ወበበይነ፡ ዝንቱ፡ ዘርኢከ፡ መብዝኅቶሙ፡ ለሕዝብ፡ ነሥእዎሙ፡ ወተረክቡ፡ ውስተ፡ ደወልየ፡ ቡሩክ።
12:49
ወአመ፡ አጥፍኦሙ፡ ለእልክቱ፡ ሕዝብ፡ ብዙኃን፡ እለ፡ ተጋብኡ፡ ላዕሌሁ፡ ውእተ፡ አሚረ፡ ያጸንዖሙ፡ ለእለ፡ ተርፉ፡ ሕዝብ።
ወአመ፡ አጥፍኦሙ፡ ለእልክቱ፡ ሕዝብ፡ ብዙኃን፡ እለ፡ ተጋብኡ፡ ላዕሌሁ፡ ውእተ፡ አሚረ፡ ያጸንዖሙ፡ ለእለ፡ ተርፉ፡ ሕዝብ።
12:50
ውእተ፡ አሚረ፡ ያርእዮሙ፡ ተኣምሪሁ።
ውእተ፡ አሚረ፡ ያርእዮሙ፡ ተኣምሪሁ።
12:51
ወእቤሎ፡ አነ፡ እግዚኦ፡ እግዚእየ፡ ንግረኒ፡ ዘንተኒ፡ በበይነ፡ ምንት፡ አነ፡ ዘርኢኩ፡ ይወፅእ፡ ብእሲ፡ እማእከለ፡ ባሕር።
ወእቤሎ፡ አነ፡ እግዚኦ፡ እግዚእየ፡ ንግረኒ፡ ዘንተኒ፡ በበይነ፡ ምንት፡ አነ፡ ዘርኢኩ፡ ይወፅእ፡ ብእሲ፡ እማእከለ፡ ባሕር።
12:52
ወይቤለኒ፡ በከመ፡ ኢይክል፡ ወኢመኑሂ፡ ዘውስተ፡ ልጐተ፡ ባሕር፡ አእምሮ፡ ከማሁ፡ አልቦ፡ ዘይክል፡ አእምሮቶ፡ ለወልድ፡ እምእለ፡ ሀለዉ፡ ውስተ፡ ምድር፡ ወኢመኑሂ፡ ወለእለሂ፡ ምስሌሁ፡ ዘእንበለ፡ አመ፡ በጽሀ፡ ጊዜሁ፡ ወዕለቱ።
ወይቤለኒ፡ በከመ፡ ኢይክል፡ ወኢመኑሂ፡ ዘውስተ፡ ልጐተ፡ ባሕር፡ አእምሮ፡ ከማሁ፡ አልቦ፡ ዘይክል፡ አእምሮቶ፡ ለወልድ፡ እምእለ፡ ሀለዉ፡ ውስተ፡ ምድር፡ ወኢመኑሂ፡ ወለእለሂ፡ ምስሌሁ፡ ዘእንበለ፡ አመ፡ በጽሀ፡ ጊዜሁ፡ ወዕለቱ።
12:53
ወዝንቱ፡ ውእቱ፡ ፍካሬሁ፡ ለሕልምከ፡ ዘርኢከ፡ ወበበይነ፡ ዝንቱ፡ አርአይኩከ፡ ለባሕቲትከ።
ወዝንቱ፡ ውእቱ፡ ፍካሬሁ፡ ለሕልምከ፡ ዘርኢከ፡ ወበበይነ፡ ዝንቱ፡ አርአይኩከ፡ ለባሕቲትከ።
12:54
እስመ፡ ኀደገ፡ ትካዘከ፡ ወትዳዘ፡ ዚአየ፡ ተለውከ፡ ወሕግየ፡ ኀሠሥከ።
እስመ፡ ኀደገ፡ ትካዘከ፡ ወትዳዘ፡ ዚአየ፡ ተለውከ፡ ወሕግየ፡ ኀሠሥከ።
12:55
ወሕይወተከኒ፡ ለአእምሮ፡ ሠራዕከ፡ ወለጥበብኒ፡ እመከ፡ ረሰይካ።
ወሕይወተከኒ፡ ለአእምሮ፡ ሠራዕከ፡ ወለጥበብኒ፡ እመከ፡ ረሰይካ።
12:56
ወበበይነ፡ ዝንቱ፡ አርአይኩከ፡ ከመዝ፡ እስመ፡ ሀለወ፡ ኀበ፡ ልዑል፡ ዕሴትከ፡ ወነዓ፡ እንከ፡ እምድኅረ፡ ኅዳጥ፡ መዋዕል፡ እስመቦ፡ ባዕደ፡ ዘእነግረከ፡ ወእፌክር፡ ለከ፡ መድምመ።
ወበበይነ፡ ዝንቱ፡ አርአይኩከ፡ ከመዝ፡ እስመ፡ ሀለወ፡ ኀበ፡ ልዑል፡ ዕሴትከ፡ ወነዓ፡ እንከ፡ እምድኅረ፡ ኅዳጥ፡ መዋዕል፡ እስመቦ፡ ባዕደ፡ ዘእነግረከ፡ ወእፌክር፡ ለከ፡ መድምመ።
12:57
ወሖርኩ፡ ወኀለፍኩ፡ እንተ፡ ገዳም፡ እንዘ፡ እሴብሖ፡ ወኣአኵቶ፡ ለእግዚአብሔር፡ በእንተ፡ ስብሐቲሁ፡ ዘይገብር፡ በበ፡ መዋዕሊሁ።
ወሖርኩ፡ ወኀለፍኩ፡ እንተ፡ ገዳም፡ እንዘ፡ እሴብሖ፡ ወኣአኵቶ፡ ለእግዚአብሔር፡ በእንተ፡ ስብሐቲሁ፡ ዘይገብር፡ በበ፡ መዋዕሊሁ።
12:58
ወዘከመ፡ ይሠርዎሙ፡ ለዓመታቲሁ፡ ወዘሂ፡ ይከውን፡ በበዓመቱ። ወነበርኩ፡ ህየ፡ ሠሉሰ፡ መዋዕለ።
ወዘከመ፡ ይሠርዎሙ፡ ለዓመታቲሁ፡ ወዘሂ፡ ይከውን፡ በበዓመቱ። ወነበርኩ፡ ህየ፡ ሠሉሰ፡ መዋዕለ።
吉茲文單獨閱讀吉茲文單獨閱讀