📜 Verbum · 聖言

原文誦讀聖經與教父文獻

🎬 影片 📜 原文閱讀 🔍 搜尋關於

以諾書

以諾書第 76 章｜2 種原文並排

各譯本的分節不完全一致。這裡以節號對齊，某一欄沒有該節就留空，不做順序上的湊對。點任一字可查義。

	吉茲文吉茲文聖經	吉茲文次經
76:1	ወበአጽናፈ፡ ምድር፡ ርኢኩ፡ ዐሥሩ፡ ወክልኤ፡ ኀዋኅወ፡ ርኅዋተ፡ ለኵሎሙ፡ ነፋሳት፡ እለ፡ እምኔሆሙ፡ ይወፅኡ፡ ነፋሳት፡ ወይነፍሱ፡ ዲበ፡ ምድር።	ወበአጽናፈ፡ ምድር፡ ርኢኩ፡ ዐሥሩ፡ ወክልኤ፡ ኀዋኅወ፡ ርኅዋተ፡ ለኵሎሙ፡ ነፋሳት፡ እለ፡ እምኔሆሙ፡ ይወፅኡ፡ ነፋሳት፡ ወይነፍሱ፡ ዲበ፡ ምድር።
76:2	ወሠለስቱ፡ እምኔሆሙ፡ ርኅዋት፡ በገጸ፡ ሰማይ፡ ወሠለስቱ፡ በምዕራብ፡ ወሠለስቱ፡ በየማነ፡ ሰማይ፡ ወሠለስቱ፡ በፀጋም።	ወሠለስቱ፡ እምኔሆሙ፡ ርኅዋት፡ በገጸ፡ ሰማይ፡ ወሠለስቱ፡ በምዕራብ፡ ወሠለስቱ፡ በየማነ፡ ሰማይ፡ ወሠለስቱ፡ በፀጋም።
76:3	ወሠለስቱ፡ ቀዳምያት፡ እለ፡ መንገለ፡ ጽባሕ፡ ወሠለስቱ፡ እለ፡ መንገለ፡ መስዕ፡ ወሠለስቱ፡ በድኅር፡ እለ፡ በፀጋም፡ ለመንገለ፡ አዜብ፡ ወሠለስቱ፡ በዐረብ።	ወሠለስቱ፡ ቀዳምያት፡ እለ፡ መንገለ፡ ጽባሕ፡ ወሠለስቱ፡ እለ፡ መንገለ፡ መስዕ፡ ወሠለስቱ፡ በድኅር፡ እለ፡ በፀጋም፡ ለመንገለ፡ አዜብ፡ ወሠለስቱ፡ በዐረብ።
76:4	በበ፡ አርባዕቱ፡ እምኔሆሙ፡ ይወፅኡ፡ ነፋሳተ፡ በረከት፡ ወሰላም፡ ወእምእልኩ፡ ሰመንቱ፡ ይወፅኡ፡ ነፋሳተ፡ መቅሠፍት፡ ወሶበ፡ ይትፌነዉ፡ ይደመስስዋ፡ ለኵላ፡ ምድር፡ ወለማይ፡ ዘዲቤሃ፡ ወለኵሎሙ፡ እለ፡ የኀድሩ፡ ዲቤሃ፡ ወለኵሉ፡ ዘሀሎ፡ ውስተ፡ ማይ፡ ወዲበ፡ የብስ።	በበ፡ አርባዕቱ፡ እምኔሆሙ፡ ይወፅኡ፡ ነፋሳተ፡ በረከት፡ ወሰላም፡ ወእምእልኩ፡ ሰመንቱ፡ ይወፅኡ፡ ነፋሳተ፡ መቅሠፍት፡ ወሶበ፡ ይትፌነዉ፡ ይደመስስዋ፡ ለኵላ፡ ምድር፡ ወለማይ፡ ዘዲቤሃ፡ ወለኵሎሙ፡ እለ፡ የኀድሩ፡ ዲቤሃ፡ ወለኵሉ፡ ዘሀሎ፡ ውስተ፡ ማይ፡ ወዲበ፡ የብስ።
76:5	ወይወፅእ፡ ቀዳማይ፡ ነፋስ፡ እምእልኩ፡ ኀዋኅው፡ ዘስሙ፡ ጽባሓይ፡ በቀዳሚት፡ ኆኅት፡ እንተ፡ መንገለ፡ ጽባሕ፡ ዘታጸንን፡ ለአዜብ፡ ይወፅእ፡ እምኔሃ፡ ድምሳሴ፡ የብስ፡ ወሞቅ፡ ወሀጕል።	ወይወፅእ፡ ቀዳማይ፡ ነፋስ፡ እምእልኩ፡ ኀዋኅው፡ ዘስሙ፡ ጽባሓይ፡ በቀዳሚት፡ ኆኅት፡ እንተ፡ መንገለ፡ ጽባሕ፡ ዘታጸንን፡ ለአዜብ፡ ይወፅእ፡ እምኔሃ፡ ድምሳሴ፡ የብስ፡ ወሞቅ፡ ወሀጕል።
76:6	ወበካልእት፡ ኆኅት፡ ማእከላዊት፡ ይወፅእ፡ ርትዕ፡ ወይወፅእ፡ እምኔሃ፡ ዝናም፡ ወፍሬ፡ ወሰላም፡ ወጠል፡ ወበሣልስ፡ ኆኅት፡ እንተ፡ መንገለ፡ መስዕ፡ ይወፅእ፡ ቍር፡ ወየብስ።	ወበካልእት፡ ኆኅት፡ ማእከላዊት፡ ይወፅእ፡ ርትዕ፡ ወይወፅእ፡ እምኔሃ፡ ዝናም፡ ወፍሬ፡ ወሰላም፡ ወጠል፡ ወበሣልስ፡ ኆኅት፡ እንተ፡ መንገለ፡ መስዕ፡ ይወፅእ፡ ቍር፡ ወየብስ።
76:7	ወእምድኅረ፡ እሉ፡ ነፋሳት፡ ዘመንገለ፡ አዜብ፡ ይወፅኡ፡ በሠለስቱ፡ ኀዋኅዋት፡ ቀዳምያት፡ በቀዳሚት፡ ኆኅት፡ እምኔሆሙ፡ እንተ፡ ትጸንን፡ ለመንገለ፡ ምሥራቅ፡ ይወፅእ፡ ነፋሰ፡ ሞቅ።	ወእምድኅረ፡ እሉ፡ ነፋሳት፡ ዘመንገለ፡ አዜብ፡ ይወፅኡ፡ በሠለስቱ፡ ኀዋኅዋት፡ ቀዳምያት፡ በቀዳሚት፡ ኆኅት፡ እምኔሆሙ፡ እንተ፡ ትጸንን፡ ለመንገለ፡ ምሥራቅ፡ ይወፅእ፡ ነፋሰ፡ ሞቅ።
76:8	ወበኆኅት፡ እንተ፡ ኀቤሃ፡ ማእከላዊት፡ ይወፅእ፡ እምኔሃ፡ መዐዛ፡ ሠናይ፡ ወጠል፡ ወዝናም፡ ወሰላም፡ ወሕይወት።	ወበኆኅት፡ እንተ፡ ኀቤሃ፡ ማእከላዊት፡ ይወፅእ፡ እምኔሃ፡ መዐዛ፡ ሠናይ፡ ወጠል፡ ወዝናም፡ ወሰላም፡ ወሕይወት።
76:9	ወበሣልስ፡ ኆኅት፡ እንተ፡ መንገለ፡ ምዕራብ፡ ይወፅእ፡ እምኔሃ፡ ጠል፡ ወዝናም፡ ወአናኵዕ፡ ወድምሳሴ።	ወበሣልስ፡ ኆኅት፡ እንተ፡ መንገለ፡ ምዕራብ፡ ይወፅእ፡ እምኔሃ፡ ጠል፡ ወዝናም፡ ወአናኵዕ፡ ወድምሳሴ።
76:10	ወእምድኅረ፡ እሉ፡ ነፋሳት፡ ዘመንገለ፡ መስዕ፡ ዘስሙ፡ ባሕር፡ እምሠለስቱ፡ ሳብዓይ፡ ኆኅት፡ እንተ፡ መንገለ፡ ምሥራቅ፡ ዘታጸንን፡ መንገለ፡ አዜብ፡ ይወፅእ፡ እምኔሃ፡ ጠል፡ ወዝናም፡ አናኵዕ፡ ወድምሳሴ።	ወእምድኅረ፡ እሉ፡ ነፋሳት፡ ዘመንገለ፡ መስዕ፡ ዘስሙ፡ ባሕር፡ እምሠለስቱ፡ ሳብዓይ፡ ኆኅት፡ እንተ፡ መንገለ፡ ምሥራቅ፡ ዘታጸንን፡ መንገለ፡ አዜብ፡ ይወፅእ፡ እምኔሃ፡ ጠል፡ ወዝናም፡ አናኵዕ፡ ወድምሳሴ።
76:11	ወእማእከላዊት፡ ኆኅት፡ ርትዕት፡ ይወፅእ፡ እምኔሃ፡ ዝናም፡ ወጠል፡ ወሕይወት፡ ወሰላም፡ ወበሣልስ፡ ኆኅት፡ እንተ፡ መንገለ፡ ምዕራብ፡ እንተ፡ ታጸንን፡ ለመስዕ፡ ይወፅእ፡ እምኔሃ፡ ጊሜ፡ ወአስሐትያ፡ ወሐመዳ፡ ወዝናም፡ ወጠል፡ ወአናኵዕ።	ወእማእከላዊት፡ ኆኅት፡ ርትዕት፡ ይወፅእ፡ እምኔሃ፡ ዝናም፡ ወጠል፡ ወሕይወት፡ ወሰላም፡ ወበሣልስ፡ ኆኅት፡ እንተ፡ መንገለ፡ ምዕራብ፡ እንተ፡ ታጸንን፡ ለመስዕ፡ ይወፅእ፡ እምኔሃ፡ ጊሜ፡ ወአስሐትያ፡ ወሐመዳ፡ ወዝናም፡ ወጠል፡ ወአናኵዕ።
76:12	ወእምድኅረ፡ እሉ፡ አርባዕቱ፡ ነፋሳት፡ እለ፡ መንገለ፡ ምዕራብ፡ በቀዳሚት፡ ኆኅት፡ እንተ፡ ታጸንን፡ ለመንገለ፡ መስዕ፡ እምኔሃ፡ ይወፅእ፡ ጠል፡ ወዝናም፡ ወአስሐትያ፡ ወቍር፡ ወሐመዳ፡ ወደደክ።	ወእምድኅረ፡ እሉ፡ አርባዕቱ፡ ነፋሳት፡ እለ፡ መንገለ፡ ምዕራብ፡ በቀዳሚት፡ ኆኅት፡ እንተ፡ ታጸንን፡ ለመንገለ፡ መስዕ፡ እምኔሃ፡ ይወፅእ፡ ጠል፡ ወዝናም፡ ወአስሐትያ፡ ወቍር፡ ወሐመዳ፡ ወደደክ።
76:13	ወእምነ፡ ኆኅት፡ ማእከላዊት፡ ይወፅእ፡ ጠል፡ ወዝናም፡ ሰላም፡ ወበረከት፡ ወበደኃሪት፡ ኆኅት፡ እንተ፡ መንገለ፡ አዜብ፡ ይወፅእ፡ እምኔሃ፡ የብስ፡ ወድምሳሴ፡ ዋዕይ፡ ወሀጕል።	ወእምነ፡ ኆኅት፡ ማእከላዊት፡ ይወፅእ፡ ጠል፡ ወዝናም፡ ሰላም፡ ወበረከት፡ ወበደኃሪት፡ ኆኅት፡ እንተ፡ መንገለ፡ አዜብ፡ ይወፅእ፡ እምኔሃ፡ የብስ፡ ወድምሳሴ፡ ዋዕይ፡ ወሀጕል።
76:14	ወተፈጸማ፡ ዐሥሩ፡ ወክልኤ፡ ኀዋኅው፡ ዘአርባዕቱ፡ ኀዋኅወ፡ ሰማይ፡ ወኵሎ፡ ትእዛዞሙ፡ ወኵሎ፡ መቅሠፍቶሙ፡ ወኵሎ፡ ሰላሞሙ፡ አርአይኩከ፡ ወልድየ፡ ማቱሳላ።	ወተፈጸማ፡ ዐሥሩ፡ ወክልኤ፡ ኀዋኅው፡ ዘአርባዕቱ፡ ኀዋኅወ፡ ሰማይ፡ ወኵሎ፡ ትእዛዞሙ፡ ወኵሎ፡ መቅሠፍቶሙ፡ ወኵሎ፡ ሰላሞሙ፡ አርአይኩከ፡ ወልድየ፡ ማቱሳላ።

吉茲文單獨閱讀吉茲文單獨閱讀