| 53:1 | ወበህየ፡ ርእያ፡ አዕይንትየ፡ ቈላ፡ ዕሙቀ፡ ወርኅው፡ አፉሁ፡ ወኵሎሙ፡ እለ፡ የኀድሩ፡ ዲበ፡ የብስ፡ ወባሕር፡ ወደሰያት፡ አምኃ፡ ወአስትኣ፡ ወጋዳ፡ ያመጽኡ፡ ሎቱ፡ ወዝክቱሰ፡ ቈላ፡ ዕሙቅ፡ ኢይመልእ። | ወበህየ፡ ርእያ፡ አዕይንትየ፡ ቈላ፡ ዕሙቀ፡ ወርኅው፡ አፉሁ፡ ወኵሎሙ፡ እለ፡ የኀድሩ፡ ዲበ፡ የብስ፡ ወባሕር፡ ወደሰያት፡ አምኃ፡ ወአስትኣ፡ ወጋዳ፡ ያመጽኡ፡ ሎቱ፡ ወዝክቱሰ፡ ቈላ፡ ዕሙቅ፡ ኢይመልእ። |
|---|
| 53:2 | ወጌጋየ፡ እደዊሆሙ፡ ይገብሩ፡ ወኵሎ፡ ዘይጻምዉ፡ ለጌጋይ፡ ኃጥኣን፡ ይበልዑ፡ ወእምገጹ፡ ለእግዚአ፡ መናፍስት፡ ይትሀጐሉ፡ ኃጥኣን፡ ወእምገጻ፡ ለምድረ፡ ዚኣሁ፡ ይትቃወሙ፡ ወኢየኀልቁ፡ ለዓለመ፡ ዓለም። | ወጌጋየ፡ እደዊሆሙ፡ ይገብሩ፡ ወኵሎ፡ ዘይጻምዉ፡ ለጌጋይ፡ ኃጥኣን፡ ይበልዑ፡ ወእምገጹ፡ ለእግዚአ፡ መናፍስት፡ ይትሀጐሉ፡ ኃጥኣን፡ ወእምገጻ፡ ለምድረ፡ ዚኣሁ፡ ይትቃወሙ፡ ወኢየኀልቁ፡ ለዓለመ፡ ዓለም። |
|---|
| 53:3 | እስመ፡ ርኢክዎሙ፡ ለመላእክተ፡ መቅሠፍት፡ እንዘ፡ የሐውሩ፡ ወያስተዳልዉ፡ ኵሎሙ፡ መባዕልተ፡ ለሰይጣን። | እስመ፡ ርኢክዎሙ፡ ለመላእክተ፡ መቅሠፍት፡ እንዘ፡ የሐውሩ፡ ወያስተዳልዉ፡ ኵሎሙ፡ መባዕልተ፡ ለሰይጣን። |
|---|
| 53:4 | ወተስእልክዎ፡ ለመልአከ፡ ሰላም፡ ዘየሐውር፡ ምስሌየ፡ ወእቤሎ፡ እሎንተ፡ መባዕልተ፡ ለመኑ፡ ያስተዳልዉ። | ወተስእልክዎ፡ ለመልአከ፡ ሰላም፡ ዘየሐውር፡ ምስሌየ፡ ወእቤሎ፡ እሎንተ፡ መባዕልተ፡ ለመኑ፡ ያስተዳልዉ። |
|---|
| 53:5 | ወይቤለኒ፡ እሎንተ፡ ያስተዳልዉ፡ ለነገሥት፡ ወለኀያላነ፡ ዘዝንቱ፡ ምድር፡ ከመ፡ ቦቱ፡ ይትሀጐሉ። | ወይቤለኒ፡ እሎንተ፡ ያስተዳልዉ፡ ለነገሥት፡ ወለኀያላነ፡ ዘዝንቱ፡ ምድር፡ ከመ፡ ቦቱ፡ ይትሀጐሉ። |
|---|
| 53:6 | ወእምድኅረ፡ ዝ፡ ያስተርኢ፡ ጻድቅ፡ ወኅሩይ፡ ቤተ፡ ምስትጉቡአ፡ ዚኣሁ፡ እምይእዜሰ፡ ኢይትከልኡ፡ በስሙ፡ ለእግዚአ፡ መናፍስት። | ወእምድኅረ፡ ዝ፡ ያስተርኢ፡ ጻድቅ፡ ወኅሩይ፡ ቤተ፡ ምስትጉቡአ፡ ዚኣሁ፡ እምይእዜሰ፡ ኢይትከልኡ፡ በስሙ፡ ለእግዚአ፡ መናፍስት። |
|---|
| 53:7 | ወእሉ፡ አድባር፡ ይከውኑ፡ በቅድመ፡ ገጹ፡ ከመ፡ ምድር፡ ወአውግር፡ ይከውኑ፡ ከመ፡ ነቅዐ፡ ማይ፡ ወያዐርፉ፡ ጻድቃን፡ እምጻማ፡ ኃጥኣን። | ወእሉ፡ አድባር፡ ይከውኑ፡ በቅድመ፡ ገጹ፡ ከመ፡ ምድር፡ ወአውግር፡ ይከውኑ፡ ከመ፡ ነቅዐ፡ ማይ፡ ወያዐርፉ፡ ጻድቃን፡ እምጻማ፡ ኃጥኣን። |
|---|