以諾書

以諾書第 10 章｜2 種原文並排

各譯本的分節不完全一致。這裡以節號對齊，某一欄沒有該節就留空，不做順序上的湊對。點任一字可查義。

吉茲文單獨閱讀吉茲文單獨閱讀

	吉茲文吉茲文聖經	吉茲文次經
10:1	ወአሜሃ፡ ልዑል፡ ዐቢይ፡ ወቅዱስ፡ ተናገረ፡ ወፈነዎ፡ ለአርስየላልዩር፡ ኀበ፡ ወልደ፡ ላሜክ።	ወአሜሃ፡ ልዑል፡ ዐቢይ፡ ወቅዱስ፡ ተናገረ፡ ወፈነዎ፡ ለአርስየላልዩር፡ ኀበ፡ ወልደ፡ ላሜክ።
10:2	ወይቤሎ፡ በሎ፡ በስመ፡ ዚኣየ፡ ኅባእ፡ ርእሰከ፡ ወአግህድ፡ ሎቱ፡ ፍጻሜ፡ ዘይመጽእ፡ እስመ፡ ኵላ፡ ምድር፡ ትትሀጐል፡ ወማየ፡ አይኅ፡ ይመጽእ፡ ሀሎ፡ ዲበ፡ ኵላ፡ ምድር፡ ወይትሀጐል፡ ዘሀሎ፡ ውስቴታ።	ወይቤሎ፡ በሎ፡ በስመ፡ ዚኣየ፡ ኅባእ፡ ርእሰከ፡ ወአግህድ፡ ሎቱ፡ ፍጻሜ፡ ዘይመጽእ፡ እስመ፡ ኵላ፡ ምድር፡ ትትሀጐል፡ ወማየ፡ አይኅ፡ ይመጽእ፡ ሀሎ፡ ዲበ፡ ኵላ፡ ምድር፡ ወይትሀጐል፡ ዘሀሎ፡ ውስቴታ።
10:3	ወይእዜኒ፡ መሀሮ፡ ከመ፡ ይንፍጽ፡ ወይንበር፡ ዘርዑ፡ በኵሉ፡ ምድር።	ወይእዜኒ፡ መሀሮ፡ ከመ፡ ይንፍጽ፡ ወይንበር፡ ዘርዑ፡ በኵሉ፡ ምድር።
10:4	ወይቤሎ፡ ካዕበ፡ እግዚእ፡ ለሩፋኤል፡ እስሮ፡ ለአዛዝኤል፡ በእደዊሁ፡ ወበእግሪሁ፡ ወደዮ፡ ውስተ፡ ጽልመት፡ ወአብቅዋ፡ ለገዳም፡ እንተ፡ ሀለወት፡ በዱዳኤል፡ ወደዮ፡ ውስተ፡ ጽልመት፡ በህየ።	ወይቤሎ፡ ካዕበ፡ እግዚእ፡ ለሩፋኤል፡ እስሮ፡ ለአዛዝኤል፡ በእደዊሁ፡ ወበእግሪሁ፡ ወደዮ፡ ውስተ፡ ጽልመት፡ ወአብቅዋ፡ ለገዳም፡ እንተ፡ ሀለወት፡ በዱዳኤል፡ ወደዮ፡ ውስተ፡ ጽልመት፡ በህየ።
10:5	ወደይ፡ ላዕሌሁ፡ አእባነ፡ ጠዋያተ፡ ወበሊኃተ፡ ወክድኖ፡ ጽልመተ፡ ወህየ፡ ይኅድር፡ ለዓለም፡ ወክድኖ፡ ለገጹ፡ ከመ፡ ኢይርአይ፡ ብርሃነ።	ወደይ፡ ላዕሌሁ፡ አእባነ፡ ጠዋያተ፡ ወበሊኃተ፡ ወክድኖ፡ ጽልመተ፡ ወህየ፡ ይኅድር፡ ለዓለም፡ ወክድኖ፡ ለገጹ፡ ከመ፡ ኢይርአይ፡ ብርሃነ።
10:6	ወበዐባይ፡ ዕለት፡ እንተ፡ ኵነኔ፡ ከመ፡ ይትፌነው፡ ውስተ፡ ዋዕይ።	ወበዐባይ፡ ዕለት፡ እንተ፡ ኵነኔ፡ ከመ፡ ይትፌነው፡ ውስተ፡ ዋዕይ።
10:7	ወአሕይዋ፡ ለምድር፡ እንተ፡ አማሰኑ፡ መላእክት፡ ወሕይወታ፡ ለምድር፡ አይድዕ፡ ከመ፡ አሕይዎ፡ አሕይዋ፡ ለምድር፡ ወኢይትሀጐሉ፡ ኵሎሙ፡ ውሉደ፡ ሰብእ፡ በምሥጢረ፡ ኵሉ፡ ዘቀተሉ፡ ትጉሃን፡ ወመሀሩ፡ ለውሉዶሙ።	ወአሕይዋ፡ ለምድር፡ እንተ፡ አማሰኑ፡ መላእክት፡ ወሕይወታ፡ ለምድር፡ አይድዕ፡ ከመ፡ አሕይዎ፡ አሕይዋ፡ ለምድር፡ ወኢይትሀጐሉ፡ ኵሎሙ፡ ውሉደ፡ ሰብእ፡ በምሥጢረ፡ ኵሉ፡ ዘቀተሉ፡ ትጉሃን፡ ወመሀሩ፡ ለውሉዶሙ።
10:8	ወማሰነት፡ ኵላ፡ ምድር፡ በትምህርተ፡ ግብሩ፡ ለአዛዝኤል፡ ወላዕሌሁ፡ ጸሐፍ፡ ኵሎ፡ ኀጢአተ።	ወማሰነት፡ ኵላ፡ ምድር፡ በትምህርተ፡ ግብሩ፡ ለአዛዝኤል፡ ወላዕሌሁ፡ ጸሐፍ፡ ኵሎ፡ ኀጢአተ።
10:9	ወለገብርኤል፡ ይቤሎ፡ እግዚአብሔር፡ ሖር፡ ዲቤሆሙ፡ ለመንዝራን፡ ወለምኑናን፡ ወዲበ፡ ውሉደ፡ ዘማ፡ ወአህጕሎሙ፡ ለውሉደ፡ ዘማ፡ ወለውሉደ፡ ትጉሃን፡ እምሰብእ፡ ወአውፅኦሙ፡ ወፈንዎሙ፡ በበይናቲሆሙ፡ ወእሙንቱ፡ በቀትል፡ ለሊሆሙ፡ ይትሀጐሉ፡ እስመ፡ ኑኀ፡ መዋዕል፡ አልቦሙ።	ወለገብርኤል፡ ይቤሎ፡ እግዚአብሔር፡ ሖር፡ ዲቤሆሙ፡ ለመንዝራን፡ ወለምኑናን፡ ወዲበ፡ ውሉደ፡ ዘማ፡ ወአህጕሎሙ፡ ለውሉደ፡ ዘማ፡ ወለውሉደ፡ ትጉሃን፡ እምሰብእ፡ ወአውፅኦሙ፡ ወፈንዎሙ፡ በበይናቲሆሙ፡ ወእሙንቱ፡ በቀትል፡ ለሊሆሙ፡ ይትሀጐሉ፡ እስመ፡ ኑኀ፡ መዋዕል፡ አልቦሙ።
10:10	ወኵሎሙ፡ ይስእሉከ፡ ወኢይከውን፡ ለአበዊሆሙ፡ በእንቲኣሆሙ፡ እስመ፡ ይሴፈዉ፡ ሕይወተ፡ ዘለዓለም፡ ወከመ፡ ይሕየዉ፡ ሕይወተ፡ አሐዱ፡ አሐዱ፡ እምኔሆሙ፡ ኀምስተ፡ ምእተ፡ ክራማተ።	ወኵሎሙ፡ ይስእሉከ፡ ወኢይከውን፡ ለአበዊሆሙ፡ በእንቲኣሆሙ፡ እስመ፡ ይሴፈዉ፡ ሕይወተ፡ ዘለዓለም፡ ወከመ፡ ይሕየዉ፡ ሕይወተ፡ አሐዱ፡ አሐዱ፡ እምኔሆሙ፡ ኀምስተ፡ ምእተ፡ ክራማተ።
10:11	ወለሚካኤል፡ ይቤሎ፡ እግዚአብሔር፡ ሑር፡ አይድዕ፡ ለስምያዛ፡ ወለካልኣን፡ እለ፡ ምስሌሁ፡ እለ፡ ኀብሩ፡ ምስለ፡ አንስት፡ ከመ፡ ይማስኑ፡ ምስሌሆን፡ በኵሉ፡ ርኵሰ፡ ዚኣሆን።	ወለሚካኤል፡ ይቤሎ፡ እግዚአብሔር፡ ሑር፡ አይድዕ፡ ለስምያዛ፡ ወለካልኣን፡ እለ፡ ምስሌሁ፡ እለ፡ ኀብሩ፡ ምስለ፡ አንስት፡ ከመ፡ ይማስኑ፡ ምስሌሆን፡ በኵሉ፡ ርኵሰ፡ ዚኣሆን።
10:12	ሶበ፡ ይትራገዙ፡ ኵሉ፡ ውሉዶሙ፡ ወሶበ፡ ይሬእዩ፡ ሀጕሎሙ፡ ለፍቁራኒሆሙ፡ እስሮሙ፡ ለሰብዓ፡ ትውልድ፡ በመትሕተ፡ አውግረ፡ ምድር፡ እስከ፡ ዕለተ፡ ኵነኔሆሙ፡ ወተፍጻሜቶሙ፡ እስከ፡ ይትፌጸም፡ ኵነኔ፡ ዘለዓለመ፡ ዓለም።	ሶበ፡ ይትራገዙ፡ ኵሉ፡ ውሉዶሙ፡ ወሶበ፡ ይሬእዩ፡ ሀጕሎሙ፡ ለፍቁራኒሆሙ፡ እስሮሙ፡ ለሰብዓ፡ ትውልድ፡ በመትሕተ፡ አውግረ፡ ምድር፡ እስከ፡ ዕለተ፡ ኵነኔሆሙ፡ ወተፍጻሜቶሙ፡ እስከ፡ ይትፌጸም፡ ኵነኔ፡ ዘለዓለመ፡ ዓለም።
10:13	ወበውእቱ፡ መዋዕል፡ ይወስድዎሙ፡ ውስተ፡ መትሕተ፡ እሳት፡ በጻዕር፡ ወበቤተ፡ ሞቅሕ፡ ይትዐጸዉ፡ ለዓለመ፡ ዓለም።	ወበውእቱ፡ መዋዕል፡ ይወስድዎሙ፡ ውስተ፡ መትሕተ፡ እሳት፡ በጻዕር፡ ወበቤተ፡ ሞቅሕ፡ ይትዐጸዉ፡ ለዓለመ፡ ዓለም።
10:14	ወሶቤሃ፡ ይውዒ፡ ወይማስን፡ እምይእዜ፡ ወእስከ፡ ለዓለም፡ ምስሌሆሙ፡ ኅቡረ፡ ወይትአሰሩ፡ እስከ፡ ተፍጻሜተ፡ ትውልደ፡ ትውልድ።	ወሶቤሃ፡ ይውዒ፡ ወይማስን፡ እምይእዜ፡ ወእስከ፡ ለዓለም፡ ምስሌሆሙ፡ ኅቡረ፡ ወይትአሰሩ፡ እስከ፡ ተፍጻሜተ፡ ትውልደ፡ ትውልድ።
10:15	ወአህጕሎሙ፡ ለኵሎሙ፡ ነፍሳተ፡ ተውኔት፡ ወለውሉዶሙኒ፡ ለትጉሃን፡ እስመ፡ ገፍዕዎሙ፡ ለሰብእ።	ወአህጕሎሙ፡ ለኵሎሙ፡ ነፍሳተ፡ ተውኔት፡ ወለውሉዶሙኒ፡ ለትጉሃን፡ እስመ፡ ገፍዕዎሙ፡ ለሰብእ።
10:16	ወአህጕል፡ ኵሎ፡ ግፍዐ፡ እምገጸ፡ ምድር፡ ወኵሉ፡ ምግባር፡ እኩይ፡ ይኅልቅ፡ ወያስተርኢ፡ ተክለ፡ ጽድቅ፡ ወርትዕ፡ ለዓለም፡ ወይከውን፡ ለበረከት፡ ግብር፡ ጽድቅ፡ ወርትዕ፡ ለዓለም፡ በፍሥሓ፡ ይተከሉ።	ወአህጕል፡ ኵሎ፡ ግፍዐ፡ እምገጸ፡ ምድር፡ ወኵሉ፡ ምግባር፡ እኩይ፡ ይኅልቅ፡ ወያስተርኢ፡ ተክለ፡ ጽድቅ፡ ወርትዕ፡ ለዓለም፡ ወይከውን፡ ለበረከት፡ ግብር፡ ጽድቅ፡ ወርትዕ፡ ለዓለም፡ በፍሥሓ፡ ይተከሉ።
10:17	ወይእዜኒ፡ ኵሎሙ፡ ጻድቃን፡ ይገንዩ፡ ወይከውኑ፡ ሕያዋነ፡ እስከ፡ ይወልዱ፡ ዐሠርተ፡ ምእት፡ ወኵሎ፡ መዋዕለ፡ ውርዙቶሙ፡ ወሰንበተ፡ ዚኣሆሙ፡ ይፌጽሙ፡ በሰላም።	ወይእዜኒ፡ ኵሎሙ፡ ጻድቃን፡ ይገንዩ፡ ወይከውኑ፡ ሕያዋነ፡ እስከ፡ ይወልዱ፡ ዐሠርተ፡ ምእት፡ ወኵሎ፡ መዋዕለ፡ ውርዙቶሙ፡ ወሰንበተ፡ ዚኣሆሙ፡ ይፌጽሙ፡ በሰላም።
10:18	ወበእማንቱ፡ መዋዕል፡ ትትገበር፡ ኵላ፡ ምድር፡ በጽድቅ፡ ወኵለንታሃ፡ ትተከል፡ ዕፀወ፡ ወትመልእ፡ በረከተ።	ወበእማንቱ፡ መዋዕል፡ ትትገበር፡ ኵላ፡ ምድር፡ በጽድቅ፡ ወኵለንታሃ፡ ትተከል፡ ዕፀወ፡ ወትመልእ፡ በረከተ።
10:19	ወኵሎ፡ ዕፀወ፡ ሐሤት፡ ይተክሉ፡ ዲቤሃ፡ ወይተክሉ፡ ዲቤሃ፡ አውያነ፡ ወወይን፡ ዘይተከል፡ ዲቤሃ፡ ይገብር፡ ፍሬ፡ ለጽጋብ፡ ወኵሉ፡ ዘርዕ፡ ዘይዘራዕ፡ ዲቤሃ፡ ወአሐቲ፡ መስፈርት፡ ትገብር፡ እልፈ፡ ወአሐቲ፡ መስፈርተ፡ ኤልያስ፡ ትገብር፡ ዐሠርተ፡ ምክያዳተ፡ ዘይት።	ወኵሎ፡ ዕፀወ፡ ሐሤት፡ ይተክሉ፡ ዲቤሃ፡ ወይተክሉ፡ ዲቤሃ፡ አውያነ፡ ወወይን፡ ዘይተከል፡ ዲቤሃ፡ ይገብር፡ ፍሬ፡ ለጽጋብ፡ ወኵሉ፡ ዘርዕ፡ ዘይዘራዕ፡ ዲቤሃ፡ ወአሐቲ፡ መስፈርት፡ ትገብር፡ እልፈ፡ ወአሐቲ፡ መስፈርተ፡ ኤልያስ፡ ትገብር፡ ዐሠርተ፡ ምክያዳተ፡ ዘይት።
10:20	ወአንተ፡ አንጽሓ፡ ለምድር፡ እምኵሉ፡ ግፍዕ፡ ወእምኵሉ፡ ዐመፃ፡ ወእምኵሉ፡ ኀጢአት፡ ወእምኵሉ፡ ረሲዕ፡ ወእምኵሉ፡ ርኵስ፡ ዘይትገበር፡ በዲበ፡ ምድር፡ ወአኅልቆሙ፡ እምዲበ፡ ምድር።	ወአንተ፡ አንጽሓ፡ ለምድር፡ እምኵሉ፡ ግፍዕ፡ ወእምኵሉ፡ ዐመፃ፡ ወእምኵሉ፡ ኀጢአት፡ ወእምኵሉ፡ ረሲዕ፡ ወእምኵሉ፡ ርኵስ፡ ዘይትገበር፡ በዲበ፡ ምድር፡ ወአኅልቆሙ፡ እምዲበ፡ ምድር።
10:21	ወይኩኑ፡ ኵሎሙ፡ ውሉደ፡ ሰብእ፡ ጻድቃነ፡ ወይኩኑ፡ ኵሎሙ፡ አሕዛብ፡ ያምልኩ፡ ወይባርኩ፡ ኪያየ፡ ወኵሎሙ፡ ሊተ፡ ይሰግዱ።	ወይኩኑ፡ ኵሎሙ፡ ውሉደ፡ ሰብእ፡ ጻድቃነ፡ ወይኩኑ፡ ኵሎሙ፡ አሕዛብ፡ ያምልኩ፡ ወይባርኩ፡ ኪያየ፡ ወኵሎሙ፡ ሊተ፡ ይሰግዱ።
10:22	ወትነጽሕ፡ ምድር፡ እምኵሉ፡ ሙስና፡ ወእምኵሉ፡ ኀጢአት፡ ወእምኵሉ፡ መቅሠፍት፡ ወእምኵሉ፡ ጻዕር፡ ወኢይደግም፡ እንከ፡ እፈኑ፡ ዲቤሃ፡ አይኀ፡ ለትውልደ፡ ትውልድ፡ ወእስከ፡ ለዓለም።	ወትነጽሕ፡ ምድር፡ እምኵሉ፡ ሙስና፡ ወእምኵሉ፡ ኀጢአት፡ ወእምኵሉ፡ መቅሠፍት፡ ወእምኵሉ፡ ጻዕር፡ ወኢይደግም፡ እንከ፡ እፈኑ፡ ዲቤሃ፡ አይኀ፡ ለትውልደ፡ ትውልድ፡ ወእስከ፡ ለዓለም።

以諾書 第 10 章｜2 種原文並排

以諾書第 10 章｜2 種原文並排