| 8:1 | ተወከለ፡ ኢዮብ፡ በእግዚአብሔር፡ ወአድኀኖ፡ እምኵሉ፡ ምንዳቤሁ፡ ዘአምጽአ፡ ቦቱ፡ ዲያብሎስ፡ ፀረ፡ እጓለ፡ እመሕያው፡ እስመ፡ አልቦ፡ ተሕክዮ፡ ባረኮ፡ እግዚአብሔር፡ አምላኩ፡ ወኢያኅዘነ፡ ልቦ፡ በዘበጽሐ፡ ላዕሌሁ፡ ምንዳቤ፡ እለ፡ ይቤ፡ እግዚአብሔር፡ ወእግዚአብሔር፡ ነሥኦ፡ ወኮነ፡ ከመ፡ እግዚአብሔር፡ ፈቃደ፡ ወበኵሉ፡ ይኩን፡ ቡርከ፡ ስሙ፡ ለእግዚአብሔር፡ በሰማይ፡ ወምድር። | ተወከለ፡ ኢዮብ፡ በእግዚአብሔር፡ ወአድኀኖ፡ እምኵሉ፡ ምንዳቤሁ፡ ዘአምጽአ፡ ቦቱ፡ ዲያብሎስ፡ ፀረ፡ እጓለ፡ እመሕያው፡ እስመ፡ አልቦ፡ ተሕክዮ፡ ባረኮ፡ እግዚአብሔር፡ አምላኩ፡ ወኢያኅዘነ፡ ልቦ፡ በዘበጽሐ፡ ላዕሌሁ፡ ምንዳቤ፡ እለ፡ ይቤ፡ እግዚአብሔር፡ ወእግዚአብሔር፡ ነሥኦ፡ ወኮነ፡ ከመ፡ እግዚአብሔር፡ ፈቃደ፡ ወበኵሉ፡ ይኩን፡ ቡርከ፡ ስሙ፡ ለእግዚአብሔር፡ በሰማይ፡ ወምድር። |
|---|
| 8:2 | ወሶበ፡ ርእየ፡ እግዚአብሔር፡ ለኢዮብ፡ ከመ፡ ንጽሕት፡ ልቡ፡ ተወክፎ፡ እግዚአብሔር፡ በብዙኅ፡ ክብር። | ወሶበ፡ ርእየ፡ እግዚአብሔር፡ ለኢዮብ፡ ከመ፡ ንጽሕት፡ ልቡ፡ ተወክፎ፡ እግዚአብሔር፡ በብዙኅ፡ ክብር። |
|---|
| 8:3 | ወወሀቦ፡ ብዕለ፡ ዘይበዝኅ፡ እምቀዲሙ፡ ብዕሉ፡ ወፈወሶ፡ እምቍስሉ፡ በእንተ፡ ትዕግሥቱ፡ በኵሉ፡ ዘበጽሖ፡ እስመ፡ ኮነ፡ መስተዓግሠ፡ ፈድፋደ። | ወወሀቦ፡ ብዕለ፡ ዘይበዝኅ፡ እምቀዲሙ፡ ብዕሉ፡ ወፈወሶ፡ እምቍስሉ፡ በእንተ፡ ትዕግሥቱ፡ በኵሉ፡ ዘበጽሖ፡ እስመ፡ ኮነ፡ መስተዓግሠ፡ ፈድፋደ። |
|---|
| 8:4 | ወከማሁ፡ አንትሙኒ፡ ለእመ፡ ኮንክሙ፡ መስተዓግሣነ፡ እምዘይትፌነዉ፡ ፀባዒት፡ ላዕሌክሙ፡ ትከውኑ፡ ብፁዓነ። | ወከማሁ፡ አንትሙኒ፡ ለእመ፡ ኮንክሙ፡ መስተዓግሣነ፡ እምዘይትፌነዉ፡ ፀባዒት፡ ላዕሌክሙ፡ ትከውኑ፡ ብፁዓነ። |
|---|
| 8:5 | ተዓገሡኬ፡ ወኢታንጥዩ፡ ልበክሙ፡ እምዘበጽሐ፡ ላዕሌክሙ፡ ምንዳቤ፡ ከመ፡ እግዚአ፡ ብሔር፡ ይኩንክሙ፡ ፀወነ፡ እምእለ፡ ይትቃረኑክሙ፡ ወላዕለ፡ ውሉድክሙ፡ ወለውለደ፡ ውልድክሙ፡ እምድኅሬክሙ። | ተዓገሡኬ፡ ወኢታንጥዩ፡ ልበክሙ፡ እምዘበጽሐ፡ ላዕሌክሙ፡ ምንዳቤ፡ ከመ፡ እግዚአ፡ ብሔር፡ ይኩንክሙ፡ ፀወነ፡ እምእለ፡ ይትቃረኑክሙ፡ ወላዕለ፡ ውሉድክሙ፡ ወለውለደ፡ ውልድክሙ፡ እምድኅሬክሙ። |
|---|
| 8:6 | ተወከልዎ፡ ወይከውንክሙ፡ ፀወነ፡ ፀውዕዎ፡ ወይከውነክሙ፡ ሰማዔ፡ ተሰፈውዎ፡ ወይከው፡ ንክሙ፡ መሐሬ፡ ሰአልዎ፡ ወይከውነክሙ፡ አቢ። | ተወከልዎ፡ ወይከውንክሙ፡ ፀወነ፡ ፀውዕዎ፡ ወይከውነክሙ፡ ሰማዔ፡ ተሰፈውዎ፡ ወይከው፡ ንክሙ፡ መሐሬ፡ ሰአልዎ፡ ወይከውነክሙ፡ አቢ። |
|---|
| 8:7 | ተዘከሩ፡ አስቴርሃ፡ ወመርደክዮስሃ፡ ውዮዲትሃ፡ ወጌዴዎንሃ፡ ወባርቅሃ፡ ወዲቦራሃ፡ ወሶምሶንሃ፡ ወዮፍታሔሃ። | ተዘከሩ፡ አስቴርሃ፡ ወመርደክዮስሃ፡ ውዮዲትሃ፡ ወጌዴዎንሃ፡ ወባርቅሃ፡ ወዲቦራሃ፡ ወሶምሶንሃ፡ ወዮፍታሔሃ። |
|---|
| 8:8 | ወባዕደንሂ፡ እለ፡ ከማሆሙ፡ አጥብኡ፡ ተወከሎ፡ በእግዚአብሔር፡ ወኢምዕዎሙ፡ ፀሮሙ። | ወባዕደንሂ፡ እለ፡ ከማሆሙ፡ አጥብኡ፡ ተወከሎ፡ በእግዚአብሔር፡ ወኢምዕዎሙ፡ ፀሮሙ። |
|---|
| 8:9 | እለሰ፡ ይፈቅዱ፡ ይግበሩ፡ እኪተ፡ ላዕሌሆሙ፡ ትፈድዮ፡ እኪተ፡ እስመ፡ ጽድቅ፡ እግዚአ፡ ብሔር፡ ወኢያደሉ፡ ለገጽ፡ ለኵሎሙ፡ እለ፡ ይፈርህዎ፡ ወይገብሩ፡ ጽድቀ፡ የዓቅብ፡ ነፍሳቲሆሙ፡ ወይሁቦሙ፡ ክብረ፡ ወሞገሰ። | እለሰ፡ ይፈቅዱ፡ ይግበሩ፡ እኪተ፡ ላዕሌሆሙ፡ ትፈድዮ፡ እኪተ፡ እስመ፡ ጽድቅ፡ እግዚአ፡ ብሔር፡ ወኢያደሉ፡ ለገጽ፡ ለኵሎሙ፡ እለ፡ ይፈርህዎ፡ ወይገብሩ፡ ጽድቀ፡ የዓቅብ፡ ነፍሳቲሆሙ፡ ወይሁቦሙ፡ ክብረ፡ ወሞገሰ። |
|---|
| 8:10 | ወያስተፌሥሖሙ፡ በበአቶሙ፡ ወበፀዓቶሙ፡ በሞቶሙ፡ ወበሕይወቶሙ፡ ወበንብረቶሙ፡ ወበተንሥኦቶሙ፡ እስመ፡ ውእቱ፡ ያሕዩ፡ ወይቀትል። | ወያስተፌሥሖሙ፡ በበአቶሙ፡ ወበፀዓቶሙ፡ በሞቶሙ፡ ወበሕይወቶሙ፡ ወበንብረቶሙ፡ ወበተንሥኦቶሙ፡ እስመ፡ ውእቱ፡ ያሕዩ፡ ወይቀትል። |
|---|
| 8:11 | ወውእቱ፡ ይቀሥፍ፡ ወይሣሃል። | ወውእቱ፡ ይቀሥፍ፡ ወይሣሃል። |
|---|
| 8:12 | ወውእቱ፡ ያነዲ፡ ወያበልዕ፡ ወውእቱ፡ ያኃሥር፡ ወያከብር። | ወውእቱ፡ ያነዲ፡ ወያበልዕ፡ ወውእቱ፡ ያኃሥር፡ ወያከብር። |
|---|