| 29:1 | ወእመሂ፡ አመንደብዎሙ፡ ግብፅ፡ ለደቂቀ፡ እስራኤል፡ በፆሕብ፡ ወበግብረ፡ ግንፋል፡ ወበኵሉ፡ ግብር፡ ዘአገብርዎሙ፡ ወበጥብያት፡ ዘእንበለ፡ ኃሠር። | ወእመሂ፡ አመንደብዎሙ፡ ግብፅ፡ ለደቂቀ፡ እስራኤል፡ በፆሕብ፡ ወበግብረ፡ ግንፋል፡ ወበኵሉ፡ ግብር፡ ዘአገብርዎሙ፡ ወበጥብያት፡ ዘእንበለ፡ ኃሠር። |
|---|
| 29:2 | ወሤሙ፡ ላዕሌሆሙ፡ ነዳዕተ፡ ገባር፡ ወአግበርዎሙ፡ ወአውየዉ፡ ኀበ፡ እግዚአብሔር፡ ከመ፡ ያድኅኖሙ፡ እምኵሉ፡ ግንፋሎሙ፡ ለግብፅ። | ወሤሙ፡ ላዕሌሆሙ፡ ነዳዕተ፡ ገባር፡ ወአግበርዎሙ፡ ወአውየዉ፡ ኀበ፡ እግዚአብሔር፡ ከመ፡ ያድኅኖሙ፡ እምኵሉ፡ ግንፋሎሙ፡ ለግብፅ። |
|---|
| 29:3 | ወውእተ፡ አሚረ፡ ፈነወ፡ ሎሙ፡ ረድኤቶሙ፡ ሙሴሃ፡ ወአሮንሃ፡ ወአድኀንዎሙ፡ እምግብረ፡ ግንፋል፡ እስመ፡ እግዚአብሔር፡ ፈነዎሙ፡ ከመ፡ ያውፅዑ፡ ሕዝቦ፡ እምቤተ፡ ቅንየት፡ ዘፈርዖን፡ ንጉሠ፡ ግብፅ፡ እስመ፡ በትዕቢቱ፡ ዓበየ፡ ፈንዎቶሙ፡ ለሕዝብ፡ ከመ፡ ኢይትቀነዩ፡ ወኢይሡዑ፡ መሥዋተ፡ ለእግዚአብሔር፡ በገዳም። | ወውእተ፡ አሚረ፡ ፈነወ፡ ሎሙ፡ ረድኤቶሙ፡ ሙሴሃ፡ ወአሮንሃ፡ ወአድኀንዎሙ፡ እምግብረ፡ ግንፋል፡ እስመ፡ እግዚአብሔር፡ ፈነዎሙ፡ ከመ፡ ያውፅዑ፡ ሕዝቦ፡ እምቤተ፡ ቅንየት፡ ዘፈርዖን፡ ንጉሠ፡ ግብፅ፡ እስመ፡ በትዕቢቱ፡ ዓበየ፡ ፈንዎቶሙ፡ ለሕዝብ፡ ከመ፡ ኢይትቀነዩ፡ ወኢይሡዑ፡ መሥዋተ፡ ለእግዚአብሔር፡ በገዳም። |
|---|
| 29:4 | እስመ፡ ለእቡያን፡ ይትሔየዮሙ፡ እግዚአብሔር፡ ወበእንተ፡ ትዕቢቱ፡ ለፈርዖን፡ አሥጠሞ፡ እግዚአብሔር፡ ምስለ፡ ሠራዊቱ፡ ውስተ፡ ባሕር፡ ኤርትራ። | እስመ፡ ለእቡያን፡ ይትሔየዮሙ፡ እግዚአብሔር፡ ወበእንተ፡ ትዕቢቱ፡ ለፈርዖን፡ አሥጠሞ፡ እግዚአብሔር፡ ምስለ፡ ሠራዊቱ፡ ውስተ፡ ባሕር፡ ኤርትራ። |
|---|
| 29:5 | ወከማሁ፡ እለ፡ ይትሔየዩ፡ ቃለ፡ እግዚአብሔር፡ እንዘ፡ ነገሥት፡ ወመኳንንት፡ ወኢያሠነዩ፡ በኵሉ፡ ዘሢሞሙ፡ ወአንገሦሙ፡ ከመ፡ ይግበሩ፡ ፈቃዶ፡ ወየሀብዎሙ፡ ዓሰቦሙ፡ ለእለ፡ ይትለዓኩ፡ በሠናይ፡ ወያከብሩ፡ ስሞ፡ ዓቢየ። | ወከማሁ፡ እለ፡ ይትሔየዩ፡ ቃለ፡ እግዚአብሔር፡ እንዘ፡ ነገሥት፡ ወመኳንንት፡ ወኢያሠነዩ፡ በኵሉ፡ ዘሢሞሙ፡ ወአንገሦሙ፡ ከመ፡ ይግበሩ፡ ፈቃዶ፡ ወየሀብዎሙ፡ ዓሰቦሙ፡ ለእለ፡ ይትለዓኩ፡ በሠናይ፡ ወያከብሩ፡ ስሞ፡ ዓቢየ። |
|---|
| 29:6 | ወእመሰ፡ አርትዑ፡ መንግሥትየ፡ አነሂ፡ አረትዕ፡ መንግሥቶሙ፡ ይቤ፡ እግዚአብሔር፡ ዘኵሎ፡ ይመልክ። | ወእመሰ፡ አርትዑ፡ መንግሥትየ፡ አነሂ፡ አረትዕ፡ መንግሥቶሙ፡ ይቤ፡ እግዚአብሔር፡ ዘኵሎ፡ ይመልክ። |
|---|
| 29:7 | ዓሠንዩ፡ ሊተ፡ ወአነሂ፡ ዓሠኒ፡ ለክሙ፡ ዕቅቡ፡ ትእዛዝየ፡ ወአነሂ፡ አዓቅብ፡ ነፍስክሙ፡ ሑሩ፡ በትእዛዝየ፡ ወአነሂ፡ አሐውር፡ በከመ፡ ልብክሙ። | ዓሠንዩ፡ ሊተ፡ ወአነሂ፡ ዓሠኒ፡ ለክሙ፡ ዕቅቡ፡ ትእዛዝየ፡ ወአነሂ፡ አዓቅብ፡ ነፍስክሙ፡ ሑሩ፡ በትእዛዝየ፡ ወአነሂ፡ አሐውር፡ በከመ፡ ልብክሙ። |
|---|
| 29:8 | አፍቅሩ፡ ኪያየ፡ ወአነሂ፡ አፍቅር፡ ሕይወተክሙ፡ ወተማኅፀኑ፡ ኀቤየ፡ ወአነሂ፡ ወፀንዓ፡ ክሙ። | አፍቅሩ፡ ኪያየ፡ ወአነሂ፡ አፍቅር፡ ሕይወተክሙ፡ ወተማኅፀኑ፡ ኀቤየ፡ ወአነሂ፡ ወፀንዓ፡ ክሙ። |
|---|
| 29:9 | ወተከሉ፡ ብየ፡ ወአነሂ፡ አድኀነክሙ፡ ይቤ፡ እግዚአብሔር፡ ዘኵሎ፡ ይመልክ። | ወተከሉ፡ ብየ፡ ወአነሂ፡ አድኀነክሙ፡ ይቤ፡ እግዚአብሔር፡ ዘኵሎ፡ ይመልክ። |
|---|
| 29:10 | ወኢትሑር፡ ግድመ፡ ግድመ፡ ቅረቡኒ፡ ወአቀርበክሙ፡ እስመ፡ ፍናዋተ፡ ርትዓተ፡ አፈቅር፡ ይቤ፡ እግዚአብሔር፡ ዘኵሉ፡ ይመልክ፡ አንጽሑ፡ እደዊክሙ፡ ኃጥአን፡ ወጽልሕዋን፡ ወአዕትቱ፡ እከየ፡ ልብክሙ። | ወኢትሑር፡ ግድመ፡ ግድመ፡ ቅረቡኒ፡ ወአቀርበክሙ፡ እስመ፡ ፍናዋተ፡ ርትዓተ፡ አፈቅር፡ ይቤ፡ እግዚአብሔር፡ ዘኵሉ፡ ይመልክ፡ አንጽሑ፡ እደዊክሙ፡ ኃጥአን፡ ወጽልሕዋን፡ ወአዕትቱ፡ እከየ፡ ልብክሙ። |
|---|
| 29:11 | ወአነሂ፡ አዓትት፡ መዓትየ፡ እምኔክሙ፡ ወእትመየጠክሙ፡ በሣሕል፡ ወበምሕረት። | ወአነሂ፡ አዓትት፡ መዓትየ፡ እምኔክሙ፡ ወእትመየጠክሙ፡ በሣሕል፡ ወበምሕረት። |
|---|
| 29:12 | ወዓርኅቅ፡ እምኔክሙ፡ ፀረ፡ ዓላውያን፡ እለ፡ ይገብሩ፡ ዓመፃ፡ በከመ፡ አድኃንክዎ፡ ለዳ፡ ዊት፡ ገብርየ፡ እም፡ ብዙኅ፡ ትምይንተ፡ ኀሩ፡ እለ፡ ተራከብዎ፡ እምእደ፡ ጎልያድ፡ ረዓይታዊ፡ ወእምዕደ፡ ሳኦል፡ ዘኃሠሠ፡ ከመ፡ ይቅትሎ፡ ወእምእደ፡ አቤሴሎም፡ ወልዱ፡ ዘፈቀደ፡ ከመ፡ ይንሣእ፡ መንግሥቶ። | ወዓርኅቅ፡ እምኔክሙ፡ ፀረ፡ ዓላውያን፡ እለ፡ ይገብሩ፡ ዓመፃ፡ በከመ፡ አድኃንክዎ፡ ለዳ፡ ዊት፡ ገብርየ፡ እም፡ ብዙኅ፡ ትምይንተ፡ ኀሩ፡ እለ፡ ተራከብዎ፡ እምእደ፡ ጎልያድ፡ ረዓይታዊ፡ ወእምዕደ፡ ሳኦል፡ ዘኃሠሠ፡ ከመ፡ ይቅትሎ፡ ወእምእደ፡ አቤሴሎም፡ ወልዱ፡ ዘፈቀደ፡ ከመ፡ ይንሣእ፡ መንግሥቶ። |
|---|
| 29:13 | ወከማሁ፡ አድኀኖሙ፡ ለእለ፡ ይገብሩ፡ ፈቃድየ፡ ወየዓቅቡ፡ ትእዛዝየ፡ ወይትዓገሡ፡ በሕግየ፡ ወአውርሶሙ፡ ክብረ፡ ወአነግሦሙ፡ መልዕልተ፡ ኵሉ፡ ከመ፡ ይትፈሥሑ፡ በዝየኒ፡ ዓለም፡ ወበዘይመጽእ፡ ዓለም። | ወከማሁ፡ አድኀኖሙ፡ ለእለ፡ ይገብሩ፡ ፈቃድየ፡ ወየዓቅቡ፡ ትእዛዝየ፡ ወይትዓገሡ፡ በሕግየ፡ ወአውርሶሙ፡ ክብረ፡ ወአነግሦሙ፡ መልዕልተ፡ ኵሉ፡ ከመ፡ ይትፈሥሑ፡ በዝየኒ፡ ዓለም፡ ወበዘይመጽእ፡ ዓለም። |
|---|
| 29:14 | ወይከውኑ፡ ሱቱፋነ፡ ምስለ፡ ቡሩካነ፡ ነገሥት፡ እለ፡ አሥመርዎ፡ ለእግዚአብሔር፡ በስነ፡ ሕይወቶሙ፡ በከመ፡ ሳሙኤል፡ እንዘ፡ ለሊሁ፡ ሕፃን፡ ዘኃረዮ፡ እግዚአብሔር፡ እምንዕሱ፡ በስነ፡ ሕይወቱ። | ወይከውኑ፡ ሱቱፋነ፡ ምስለ፡ ቡሩካነ፡ ነገሥት፡ እለ፡ አሥመርዎ፡ ለእግዚአብሔር፡ በስነ፡ ሕይወቶሙ፡ በከመ፡ ሳሙኤል፡ እንዘ፡ ለሊሁ፡ ሕፃን፡ ዘኃረዮ፡ እግዚአብሔር፡ እምንዕሱ፡ በስነ፡ ሕይወቱ። |
|---|
| 29:15 | ወተናግሮ፡ ከመ፡ ይንግሮ፡ ለኤሊ፡ ካህን፡ አረጋዊ፡ ወሠናይ፡ ምግባሩ፡ ለሳሙኤል፡ ነቢይ፡ እንዘ፡ ይትለዓክ፡ በውስተ፡ ቤተ፡ እግዚአብሔር፡ አምላክ። | ወተናግሮ፡ ከመ፡ ይንግሮ፡ ለኤሊ፡ ካህን፡ አረጋዊ፡ ወሠናይ፡ ምግባሩ፡ ለሳሙኤል፡ ነቢይ፡ እንዘ፡ ይትለዓክ፡ በውስተ፡ ቤተ፡ እግዚአብሔር፡ አምላክ። |
|---|
| 29:16 | ወሶበ፡ ልህቀ፡ ውስተ፡ ቤተ፡ እግዚአብሔር፡ እንዘ፡ ይትለዓክ፡ ረስዮክመ፡ ይሢም፡ ሕዝበ፡ ወይቅባዕ፡ ነገሥተ፡ በትእዛዘ፡ እግዚአብሔር። ወአፈዮ፡ ቅብዓ፡ መንግሥት፡ በእዴሁ፡ ሶበ፡ ገብረ፡ ፈቃደ፡ እግዚአብሔር፡ አምላኩ፡ እስመ፡ አሥመሮ፡ ቅድሜሁ፡ ከመ፡ ያንግሥ፡ ሕዝበ፡ ዘኃረየ፡ እግዚአብሔር፡ እምደቂቀ፡ እስራኤል። | ወሶበ፡ ልህቀ፡ ውስተ፡ ቤተ፡ እግዚአብሔር፡ እንዘ፡ ይትለዓክ፡ ረስዮክመ፡ ይሢም፡ ሕዝበ፡ ወይቅባዕ፡ ነገሥተ፡ በትእዛዘ፡ እግዚአብሔር። ወአፈዮ፡ ቅብዓ፡ መንግሥት፡ በእዴሁ፡ ሶበ፡ ገብረ፡ ፈቃደ፡ እግዚአብሔር፡ አምላኩ፡ እስመ፡ አሥመሮ፡ ቅድሜሁ፡ ከመ፡ ያንግሥ፡ ሕዝበ፡ ዘኃረየ፡ እግዚአብሔር፡ እምደቂቀ፡ እስራኤል። |
|---|
| 29:17 | ወእንዘ፡ ሀሎ፡ ሳኦል፡ በመንግሥት፡ ይቤሎ፡ እግዚአብሔር፡ ለሳሙኤል፡ ነቢይ፡ ሑር፡ ቅብዖ፡ ለዳዊት፡ ወልደ፡ ዕሤይ፡ ዘእምቤተ፡ ይሁዳ፡ እስመ፡ ሠመርክዎ። | ወእንዘ፡ ሀሎ፡ ሳኦል፡ በመንግሥት፡ ይቤሎ፡ እግዚአብሔር፡ ለሳሙኤል፡ ነቢይ፡ ሑር፡ ቅብዖ፡ ለዳዊት፡ ወልደ፡ ዕሤይ፡ ዘእምቤተ፡ ይሁዳ፡ እስመ፡ ሠመርክዎ። |
|---|