| 11:1 | አርሞን፡ ወአረፋቲሃ፡ ወድቃ፡ ወእለ፡ ያመልኩ፡ ጣዖተ፡ ውስት፡ ዛብሎን፡ ወኤዶምያስ፡ ይቲሐታ፡ አሜሃ፡ እስመ፡ ፈደዮን፡ እግዚአብሔር፡ በከመ፡ እከዮን፡ ወበከመ፡ ግብረ፡ እደዊሆን፡ ይበክያ፡ ጢሮስ፡ ወሲዶና፡ እስመ፡ ቀርበ፡ ዘይትቤቀሎን፡ በእንተ፡ አከዮን፡ ወጣዖቶን፡ ዘገብረ፡ በንዕሶን፡ ወኢኀደጋ፡ እስከ፡ አመ፡ ርስአን። | አርሞን፡ ወአረፋቲሃ፡ ወድቃ፡ ወእለ፡ ያመልኩ፡ ጣዖተ፡ ውስት፡ ዛብሎን፡ ወኤዶምያስ፡ ይቲሐታ፡ አሜሃ፡ እስመ፡ ፈደዮን፡ እግዚአብሔር፡ በከመ፡ እከዮን፡ ወበከመ፡ ግብረ፡ እደዊሆን፡ ይበክያ፡ ጢሮስ፡ ወሲዶና፡ እስመ፡ ቀርበ፡ ዘይትቤቀሎን፡ በእንተ፡ አከዮን፡ ወጣዖቶን፡ ዘገብረ፡ በንዕሶን፡ ወኢኀደጋ፡ እስከ፡ አመ፡ ርስአን። |
|---|
| 11:2 | ወበእንተዝ፡ ይትቤቀሎን፡ እግዚአብሔር፡ በእንተ፡ ዘገብራ፡ ምርኣተ፡ ወርኩሰ፡ ወዝሙተ፡ ወጣዖተ፡ ወአዋልደ፡ ይሁዳኒ፡ የኃሥራ፡ እስመ፡ ኢቆማ፡ በትእዛዘ፡ እግዚአብሔር፡ ፈጣሪሆን። | ወበእንተዝ፡ ይትቤቀሎን፡ እግዚአብሔር፡ በእንተ፡ ዘገብራ፡ ምርኣተ፡ ወርኩሰ፡ ወዝሙተ፡ ወጣዖተ፡ ወአዋልደ፡ ይሁዳኒ፡ የኃሥራ፡ እስመ፡ ኢቆማ፡ በትእዛዘ፡ እግዚአብሔር፡ ፈጣሪሆን። |
|---|
| 11:3 | ከማሃኪ፡ አመ፡ ትንሣኤ፡ ሙታን፡ ይትከሠት፡ ኃሠራ፡ ለኢየሩሳልውም፡ እስመ፡ ኢሖረት፡ በሕጉ፡ ወበኵነኔኑ፡ ለእግዚአብሔር፡ ወሖረት፡ በፍግዓ፡ ወበቀቲለ፡ ጻድቃን። | ከማሃኪ፡ አመ፡ ትንሣኤ፡ ሙታን፡ ይትከሠት፡ ኃሠራ፡ ለኢየሩሳልውም፡ እስመ፡ ኢሖረት፡ በሕጉ፡ ወበኵነኔኑ፡ ለእግዚአብሔር፡ ወሖረት፡ በፍግዓ፡ ወበቀቲለ፡ ጻድቃን። |
|---|
| 11:4 | ይእተ፡ አሚረ፡ ይትኃሠሣ፡ እግዚአብሔር፡ በማሕቶተ፡ ጥበቡ፡ ወይትቤቀላ፡ በኵሉ፡ ዘገብረት፡ እከያ፡ በመዋዕለ፡ ንዕሳ፡ ወኢኃደገት፡ በመዋዕለ፡ ወርዙታ፡ እስከ፡ ርስአታ። | ይእተ፡ አሚረ፡ ይትኃሠሣ፡ እግዚአብሔር፡ በማሕቶተ፡ ጥበቡ፡ ወይትቤቀላ፡ በኵሉ፡ ዘገብረት፡ እከያ፡ በመዋዕለ፡ ንዕሳ፡ ወኢኃደገት፡ በመዋዕለ፡ ወርዙታ፡ እስከ፡ ርስአታ። |
|---|
| 11:5 | ወቦዓተ፡ ውስተ፡ መቃብር፡ ወኮነት፡ ሐመደ፡ ከመ፡ ቀደምት፡ አበዊሃ፡ እለ፡ ሖሩ፡ በግዕዞሙ፡ ወአበዩ፡ ትእዛዘ፡ እግዚአብሔር፡ ከመ፡ ትንሣኤ፡ ይትቤቀሎሙ። | ወቦዓተ፡ ውስተ፡ መቃብር፡ ወኮነት፡ ሐመደ፡ ከመ፡ ቀደምት፡ አበዊሃ፡ እለ፡ ሖሩ፡ በግዕዞሙ፡ ወአበዩ፡ ትእዛዘ፡ እግዚአብሔር፡ ከመ፡ ትንሣኤ፡ ይትቤቀሎሙ። |
|---|
| 11:6 | እስመ፡ ይቤ፡ ሙሴ፡ በእንቲአሆሙ፡ እስመ፡ ከመ፡ ዓፀደ፡ ወይነ፡ ሰዶም፡ ዓፀደ፡ ወይኖም። | እስመ፡ ይቤ፡ ሙሴ፡ በእንቲአሆሙ፡ እስመ፡ ከመ፡ ዓፀደ፡ ወይነ፡ ሰዶም፡ ዓፀደ፡ ወይኖም። |
|---|
| 11:7 | ወሐረጎሙኒ፡ እምነ፡ ገሞራ፡ ወአስካሎሙኒ፡ አስካለ፡ ሐሞት፡ ወቀምሖሙኒ፡ መሪር። | ወሐረጎሙኒ፡ እምነ፡ ገሞራ፡ ወአስካሎሙኒ፡ አስካለ፡ ሐሞት፡ ወቀምሖሙኒ፡ መሪር። |
|---|
| 11:8 | ኅምዛ፡ አርዌ፡ ምድር፡ ወይኖሙ፡ ኅምዛ፡ አፍዖት፡ ዘይቀትል። | ኅምዛ፡ አርዌ፡ ምድር፡ ወይኖሙ፡ ኅምዛ፡ አፍዖት፡ ዘይቀትል። |
|---|