Jubilees

Jubilees 6 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
6:1	ወአመ ፡ ሠርቁ ፡ ለወርኅ ፡ ሣልስ ፡ ወፅእ ፡ እምነ ፡ ታቦት ።	ወአመ ፡ ሠርቁ ፡ ለወርኅ ፡ ሣልስ ፡ ወፅእ ፡ እምነ ፡ ታቦት ።
6:2	ወአስተርአየ ፡ ዲበ ፡ ምድር ፡ ወነሥአ ፡ ማሕስአ ፡ ጠሊ ፡ ወአስተስረየ ፡ በደሙ ፡ በእንተ ፡ ኵሉ ፡ አበሳ ፡ ምድር ፡ እስመ ፡ ተደምሰሰ ፡ ኵሉ ፡ ዘሀሎ ፡ ውስቴታ ፡ ዘእንበለ ፡ እለ ፡ ሀለዉ ፡ ውስተ ፡ ታቦት ፡ ምስለ ፡ ኖኅ ።	ወአስተርአየ ፡ ዲበ ፡ ምድር ፡ ወነሥአ ፡ ማሕስአ ፡ ጠሊ ፡ ወአስተስረየ ፡ በደሙ ፡ በእንተ ፡ ኵሉ ፡ አበሳ ፡ ምድር ፡ እስመ ፡ ተደምሰሰ ፡ ኵሉ ፡ ዘሀሎ ፡ ውስቴታ ፡ ዘእንበለ ፡ እለ ፡ ሀለዉ ፡ ውስተ ፡ ታቦት ፡ ምስለ ፡ ኖኅ ።
6:3	ወአዕረገ ፡ ስብሐ ፡ ዲበ ፡ ምሥዋአ ፡ ወነሥአ ፡ ላህመ ፡ ወበሐኰ ፡ ወበግዐ ፡ ወአጣሌ ፡ ወፄወ ፡ ወመንጤጠ ፡ ወእጓለ ፡ ርግብ ።	ወአዕረገ ፡ ስብሐ ፡ ዲበ ፡ ምሥዋአ ፡ ወነሥአ ፡ ላህመ ፡ ወበሐኰ ፡ ወበግዐ ፡ ወአጣሌ ፡ ወፄወ ፡ ወመንጤጠ ፡ ወእጓለ ፡ ርግብ ።
6:4	ወአጼነወ ፡ እግዚአብሔር ፡ መዓዛ ፡ ሠናየ ፡ ወተካየደ ፡ ምስሌሁ ፡ ኪዳነ ፡ ከመ ፡ ኢይኩን ፡ ማየ ፡ አይኅ ፡ ዘያማስን ፡ ምድረ ፡ ኵሎ ፡ መዋዕለ ፡ ምድር ፡ ዘርእ ፡ ወማእረር ፡ ኢይትነተግ ፡ ደደክ ፡ ወመርቄ ፡ ሐጋይ ፡ ወክረምት ፡ ወመዓልት ፡ ወሌሊት ፡ ኢይወልጡ ፡ ሥርዓቶሙ ፡ ወኢይንተጉ ፡ ለዓለም ።	ወአጼነወ ፡ እግዚአብሔር ፡ መዓዛ ፡ ሠናየ ፡ ወተካየደ ፡ ምስሌሁ ፡ ኪዳነ ፡ ከመ ፡ ኢይኩን ፡ ማየ ፡ አይኅ ፡ ዘያማስን ፡ ምድረ ፡ ኵሎ ፡ መዋዕለ ፡ ምድር ፡ ዘርእ ፡ ወማእረር ፡ ኢይትነተግ ፡ ደደክ ፡ ወመርቄ ፡ ሐጋይ ፡ ወክረምት ፡ ወመዓልት ፡ ወሌሊት ፡ ኢይወልጡ ፡ ሥርዓቶሙ ፡ ወኢይንተጉ ፡ ለዓለም ።
6:5	ወአንትሙኒ ፡ ለሀቁ ፡ ወተባዝኁ ፡ ውስተ ፡ ምድር ፡ ወብዝኁ ፡ ላዕሌሃ ፡ ወኩኑ ፡ ለበረከት ፡ ማእከለ ፡ ፍርሃትክሙ ፡ ወረዓድክሙ ።	ወአንትሙኒ ፡ ለሀቁ ፡ ወተባዝኁ ፡ ውስተ ፡ ምድር ፡ ወብዝኁ ፡ ላዕሌሃ ፡ ወኩኑ ፡ ለበረከት ፡ ማእከለ ፡ ፍርሃትክሙ ፡ ወረዓድክሙ ።
6:6	ወናሁ ፡ ወሀብኩክሙ ፡ ኵሎ ፡ አራዊተ ፡ ወኵሎ ፡ እንስሳ ፡ ወኵሎ ፡ ዘይሰርር ፡ ወኵሎ ፡ ዘይትሐወስ ፡ ውስተ ፡ ምድር ፡ ወውስተ ፡ ማያት ፡ ዓሣተ ፡ ወኵሎ ፡ ለሲሲት ፡ ከመ ፡ ሐምለ ፡ ሣዕር ፡ ወሀብኩክሙ ፡ ኵሎ ፡ ትብልዑ ።	ወናሁ ፡ ወሀብኩክሙ ፡ ኵሎ ፡ አራዊተ ፡ ወኵሎ ፡ እንስሳ ፡ ወኵሎ ፡ ዘይሰርር ፡ ወኵሎ ፡ ዘይትሐወስ ፡ ውስተ ፡ ምድር ፡ ወውስተ ፡ ማያት ፡ ዓሣተ ፡ ወኵሎ ፡ ለሲሲት ፡ ከመ ፡ ሐምለ ፡ ሣዕር ፡ ወሀብኩክሙ ፡ ኵሎ ፡ ትብልዑ ።
6:7	ወባሕቱ ፡ ሥጋ ፡ ዘምስለ ፡ መንፈሱ ፡ ምስለ ፡ ደም ፡ ኢትብልዑ ፡ እስመ ፡ ነፍሰ ፡ ኵሉ ፡ ዘሥጋ ፡ ውስተ ፡ ደም ፡ ውእቱ ፡ ከመ ፡ ኢይትኃሠሥ ፡ ደምክሙ ፡ ውስተ ፡ ነፍሳቲክሙ ፡ እምውስተ ፡ እደ ፡ ኵሉ ፡ ሰብእ ፡ እምእደ ፡ ኵሉ ፡ አኀሥሦ ፡ ለደመ ፡ ሰብእ ።	ወባሕቱ ፡ ሥጋ ፡ ዘምስለ ፡ መንፈሱ ፡ ምስለ ፡ ደም ፡ ኢትብልዑ ፡ እስመ ፡ ነፍሰ ፡ ኵሉ ፡ ዘሥጋ ፡ ውስተ ፡ ደም ፡ ውእቱ ፡ ከመ ፡ ኢይትኃሠሥ ፡ ደምክሙ ፡ ውስተ ፡ ነፍሳቲክሙ ፡ እምውስተ ፡ እደ ፡ ኵሉ ፡ ሰብእ ፡ እምእደ ፡ ኵሉ ፡ አኀሥሦ ፡ ለደመ ፡ ሰብእ ።
6:8	ዘይክዑ ፡ ደመ ፡ ሰብእ ፡ በሰብእ ፡ ደሙ ፡ ይትከዐው ፡ እስመ ፡ በመልክዐ ፡ እግዚአብሔር ፡ ገብሮ ፡ ለአዳም ፡ 9 ወአንትሙሂ ፡ ለሀቁ ፡ ወብዝኁ ፡ ዲበ ፡ ምድር ።	ዘይክዑ ፡ ደመ ፡ ሰብእ ፡ በሰብእ ፡ ደሙ ፡ ይትከዐው ፡ እስመ ፡ በመልክዐ ፡ እግዚአብሔር ፡ ገብሮ ፡ ለአዳም ፡ 9 ወአንትሙሂ ፡ ለሀቁ ፡ ወብዝኁ ፡ ዲበ ፡ ምድር ።
6:10	ወመሐሉ ፡ ኖኅ ፡ ወደቂቁ ፡ ከመ ፡ ኢይብልዑ ፡ ኵሎ ፡ ደመ ፡ ዘበኵሉ ፡ ሥጋ ።	ወመሐሉ ፡ ኖኅ ፡ ወደቂቁ ፡ ከመ ፡ ኢይብልዑ ፡ ኵሎ ፡ ደመ ፡ ዘበኵሉ ፡ ሥጋ ።
6:11	በእንተ ፡ ዝንቱ ፡ ተናገረከ ፡ ትትካየድ ፡ ኪዳነ ፡ አንተኒ ፡ ምስለ ፡ ደቂቀ ፡ እስራኤል ፡ በዝ ፡ ወርኅ ፡ በዲበ ፡ ደብር ፡ ምስለ ፡ መሐላ ።	በእንተ ፡ ዝንቱ ፡ ተናገረከ ፡ ትትካየድ ፡ ኪዳነ ፡ አንተኒ ፡ ምስለ ፡ ደቂቀ ፡ እስራኤል ፡ በዝ ፡ ወርኅ ፡ በዲበ ፡ ደብር ፡ ምስለ ፡ መሐላ ።
6:12	ወጽሕፍት ፡ ዛቲ ፡ ስምዕ ፡ ላዕሌክሙ ፡ ከመ ፡ ትዕቀብዋ ፡ ኵሎ ፡ መዋዕለ ፡ ከመ ፡ ኢትብልዑ ፡ በኵሉ ፡ መዋዕል ፡ ኵሎ ፡ ደመ ፡ አራዊት ፡ ወአዕዋፍ ፡ ኵሎ ፡ መዋዕለ ፡ ምድር ።	ወጽሕፍት ፡ ዛቲ ፡ ስምዕ ፡ ላዕሌክሙ ፡ ከመ ፡ ትዕቀብዋ ፡ ኵሎ ፡ መዋዕለ ፡ ከመ ፡ ኢትብልዑ ፡ በኵሉ ፡ መዋዕል ፡ ኵሎ ፡ ደመ ፡ አራዊት ፡ ወአዕዋፍ ፡ ኵሎ ፡ መዋዕለ ፡ ምድር ።
6:13	ወአንተ ፡ አዝዞሙ ፡ ለደቂቀ ፡ እስራኤል ፡ ኢይብልዑ ፡ ኵሎ ፡ ደመ ፡ ከመ ፡ የሀሉ ፡ ስሞሙ ፡ ወዘርኦሙ ፡ ቅድመ ፡ እግዚአብሔር ፡ አምላክነ ፡ መዋዕለ ።	ወአንተ ፡ አዝዞሙ ፡ ለደቂቀ ፡ እስራኤል ፡ ኢይብልዑ ፡ ኵሎ ፡ ደመ ፡ ከመ ፡ የሀሉ ፡ ስሞሙ ፡ ወዘርኦሙ ፡ ቅድመ ፡ እግዚአብሔር ፡ አምላክነ ፡ መዋዕለ ።
6:14	ወአልቦ ፡ ለዝሕግ ፡ ዐቅመ ፡ መዋዕል ፡ እስመ ፡ ለዓለም ፡ ውእቱ ፡ ይዕቀብዎ ፡ ለትውልድ ፡ ከመ ፡ ይኩኑ ፡ እንዘ ፡ ይትመሀለሉ ፡ በእንቲአሆሙ ፡ በደም ፡ በቅድመ ፡ ምሥዋዕ ፡ በኵሉ ፡ ዕለት ፡ ወዕለተ ፡ ነግህ ፡ ወሰርክ ፡ ያስተስርዩ ፡ በእንቲአሆሙ ፡ ወትረ ፡ ቅድመ ፡ እግዚአብሔር ፡ ከመ ፡ ይዕቀብዎ ፡ ወኢይሠረዉ ።	ወአልቦ ፡ ለዝሕግ ፡ ዐቅመ ፡ መዋዕል ፡ እስመ ፡ ለዓለም ፡ ውእቱ ፡ ይዕቀብዎ ፡ ለትውልድ ፡ ከመ ፡ ይኩኑ ፡ እንዘ ፡ ይትመሀለሉ ፡ በእንቲአሆሙ ፡ በደም ፡ በቅድመ ፡ ምሥዋዕ ፡ በኵሉ ፡ ዕለት ፡ ወዕለተ ፡ ነግህ ፡ ወሰርክ ፡ ያስተስርዩ ፡ በእንቲአሆሙ ፡ ወትረ ፡ ቅድመ ፡ እግዚአብሔር ፡ ከመ ፡ ይዕቀብዎ ፡ ወኢይሠረዉ ።
6:15	ወወሀቦ ፡ ለኖኅ ፡ ወለደቂቁ ፡ ትእምርተ ፡ ከመ ፡ ኢይኩን ፡ ዳግመ ፡ አይኅ ፡ ዲበ ፡ ምድር ፡ 16 ቀስቶ ፡ ወሀበ ፡ ውስተ ፡ ደመና ፡ ለትእምርተ ፡ ኪዳን ፡ ዘለዓለም ።	ወወሀቦ ፡ ለኖኅ ፡ ወለደቂቁ ፡ ትእምርተ ፡ ከመ ፡ ኢይኩን ፡ ዳግመ ፡ አይኅ ፡ ዲበ ፡ ምድር ፡ 16 ቀስቶ ፡ ወሀበ ፡ ውስተ ፡ ደመና ፡ ለትእምርተ ፡ ኪዳን ፡ ዘለዓለም ።
6:17	በእንተዝ ፡ ተሠርዐ ፡ ወተጽሕፈ ፡ ውስተ ፡ ጽላተ ፡ ሰማይ ፡ ከመ ፡ ይኩኑ ፡ ገበርተ ፡ በዓል ፡ ዘሱባዔ ፡ በዝ ፡ ወርኅ ፡ ምዕረ ፡ ለዓመት ፡ ለሐዲስ ፡ ኪዳን ፡ በኵሉ ፡ ዓም ፡ ወዓመት ።	በእንተዝ ፡ ተሠርዐ ፡ ወተጽሕፈ ፡ ውስተ ፡ ጽላተ ፡ ሰማይ ፡ ከመ ፡ ይኩኑ ፡ ገበርተ ፡ በዓል ፡ ዘሱባዔ ፡ በዝ ፡ ወርኅ ፡ ምዕረ ፡ ለዓመት ፡ ለሐዲስ ፡ ኪዳን ፡ በኵሉ ፡ ዓም ፡ ወዓመት ።
6:18	ወኮነት ፡ ኵላ ፡ ዛቲ ፡ በዓል ፡ እንዘ ፡ ትትገበር ፡ በሰማይ ፡ እምዕለተ ፡ ፍጥረት ፡ እስከ ፡ መዋዕለ ፡ ኖኅ ፡ ዕሥራ ፡ ወስድስቱ ፡ ኢዮቤልዉ ፡ ወሱባዔ ፡ ዓመት ፡ ኃምስተ ፡ ወዐቀብዋ ፡ ኖኅ ፡ ወደቂቁ ፡ ሰብዓተ ፡ ኢዮቤልዉ ፡ ወሱባዔ ፡ ዓመታት ፡ አሐተ ፡ እስከ ፡ አመሞቱ ፡ ለኖኅ ፡ ወእምዕለተ ፡ ሞቱ ፡ ለኖኅ ፡ አማስኑ ፡ ውሉዱ ፡ እሰከ ፡ አመ ፡ መዋዕለ ፡ አብርሃም ፡ ወይበልዑ ፡ ደመ ።	ወኮነት ፡ ኵላ ፡ ዛቲ ፡ በዓል ፡ እንዘ ፡ ትትገበር ፡ በሰማይ ፡ እምዕለተ ፡ ፍጥረት ፡ እስከ ፡ መዋዕለ ፡ ኖኅ ፡ ዕሥራ ፡ ወስድስቱ ፡ ኢዮቤልዉ ፡ ወሱባዔ ፡ ዓመት ፡ ኃምስተ ፡ ወዐቀብዋ ፡ ኖኅ ፡ ወደቂቁ ፡ ሰብዓተ ፡ ኢዮቤልዉ ፡ ወሱባዔ ፡ ዓመታት ፡ አሐተ ፡ እስከ ፡ አመሞቱ ፡ ለኖኅ ፡ ወእምዕለተ ፡ ሞቱ ፡ ለኖኅ ፡ አማስኑ ፡ ውሉዱ ፡ እሰከ ፡ አመ ፡ መዋዕለ ፡ አብርሃም ፡ ወይበልዑ ፡ ደመ ።
6:19	ወአብርሃም ፡ ባሕቲቱ ፡ ዐቀበ ፡ ወይስሐቅ ፡ ወያዕቆብ ፡ ውሉዱ ፡ ዐቀብዋ ፡ እስከ ፡ መዋዕሊከ ።	ወአብርሃም ፡ ባሕቲቱ ፡ ዐቀበ ፡ ወይስሐቅ ፡ ወያዕቆብ ፡ ውሉዱ ፡ ዐቀብዋ ፡ እስከ ፡ መዋዕሊከ ።
6:20	ወአንተሂ ፡ አዝዞሙ ፡ ለውሉደ ፡ እስራኤል ፡ ወይዕቀብዋ ፡ ለዛቲ ፡ በዓል ፡ በኵሉ ፡ ትዝምዶሙ ፡ ለትእዛዝ ፡ ሎሙ ፡ ዕለተ ፡ አሐተ ፡ በዓመት ፡ በዝ ፡ ይግበሩ ፡ በዓለ ፡ ባቲ ፡ 21 እስመ ፡ በዓለ ፡ ሱባዔያት ፡ ይእቲ ፡ ወበዓለ ፡ ቀዳሜ ፡ ፍሬ ፡ ይእቲ ፡ ክልኤ ፡ ዕፅፈት ፡ ይእቲ ፡ ወለክልኤ ፡ ዘመድ ፡ ዛቲ ፡ በዓል ፡ በከመ ፡ ጽሑፍ ፡ ወቍሩጽ ፡ በእንቲአሃ ፡ ግብራ ፡ 22 እስመ ፡ ጸሐፍኩ ፡ ውስተ ፡ መጽሐፈ ፡ ሕግ ፡ ዘቀዳሚ ፡ ውስተ ፡ ዘጸሐፍኩ ፡ ለከ ፡ ትግበራ ፡ በበ ፡ ጊዜሃ ፡ ዕለተ ፡ አሐተ ፡ ለዓመት ።	ወአንተሂ ፡ አዝዞሙ ፡ ለውሉደ ፡ እስራኤል ፡ ወይዕቀብዋ ፡ ለዛቲ ፡ በዓል ፡ በኵሉ ፡ ትዝምዶሙ ፡ ለትእዛዝ ፡ ሎሙ ፡ ዕለተ ፡ አሐተ ፡ በዓመት ፡ በዝ ፡ ይግበሩ ፡ በዓለ ፡ ባቲ ፡ 21 እስመ ፡ በዓለ ፡ ሱባዔያት ፡ ይእቲ ፡ ወበዓለ ፡ ቀዳሜ ፡ ፍሬ ፡ ይእቲ ፡ ክልኤ ፡ ዕፅፈት ፡ ይእቲ ፡ ወለክልኤ ፡ ዘመድ ፡ ዛቲ ፡ በዓል ፡ በከመ ፡ ጽሑፍ ፡ ወቍሩጽ ፡ በእንቲአሃ ፡ ግብራ ፡ 22 እስመ ፡ ጸሐፍኩ ፡ ውስተ ፡ መጽሐፈ ፡ ሕግ ፡ ዘቀዳሚ ፡ ውስተ ፡ ዘጸሐፍኩ ፡ ለከ ፡ ትግበራ ፡ በበ ፡ ጊዜሃ ፡ ዕለተ ፡ አሐተ ፡ ለዓመት ።
6:23	ወበሠርቀ ፡ ወርኅ ፡ ቀዳሚ ፡ ወበሠርቀ ፡ ወርኀ ፡ ራብዕ ፡ ወበሠርቀ ፡ ወርኅ ፡ ዓሥር ፡ ዕለታተ ፡ ተዝካር ፡ እማንቱ ፡ ወዕለታተ ፡ ጊዜ ፡ እማንቱ ።	ወበሠርቀ ፡ ወርኅ ፡ ቀዳሚ ፡ ወበሠርቀ ፡ ወርኀ ፡ ራብዕ ፡ ወበሠርቀ ፡ ወርኅ ፡ ዓሥር ፡ ዕለታተ ፡ ተዝካር ፡ እማንቱ ፡ ወዕለታተ ፡ ጊዜ ፡ እማንቱ ።
6:24	ወኖኅ ፡ ሠርዖን ፡ ሎቱ ፡ ለበዓላት ፡ ለትውልድ ፡ ዘለዓለም ፡ እስከ ፡ አመ ፡ ኮነ ፡ ሎቱ ፡ ቦቶን ፡ ተዝካረ ።	ወኖኅ ፡ ሠርዖን ፡ ሎቱ ፡ ለበዓላት ፡ ለትውልድ ፡ ዘለዓለም ፡ እስከ ፡ አመ ፡ ኮነ ፡ ሎቱ ፡ ቦቶን ፡ ተዝካረ ።
6:25	በሠርቀ ፡ ወርኅ ፡ ቀዳሚ ፡ ተብህለ ፡ ሎቱ ፡ ይግበር ፡ ታቦተ ፡ ወባቲ ፡ የብሰት ፡ ምድር ፡ ወአርኀወ ፡ ወርእየ ፡ ምድረ ፡ 26 ወበሠርቀ ፡ ወርኅ ፡ ራብዕ ፡ ተፈጸመ ፡ አፈ ፡ መዓምቅቲሃ ፡ ለቀላይ ፡ ታሕቲት ፡ ወበሠርቀ ፡ ወርኅ ፡ ሳብዕ ፡ ተርኅወ ፡ ኵሉ ፡ አፈወ ፡ መዓምቅተ ፡ ምድር ፡ ወአኀዘ ፡ ማያት ፡ ይረድ ፡ ውስቴቱ ።	በሠርቀ ፡ ወርኅ ፡ ቀዳሚ ፡ ተብህለ ፡ ሎቱ ፡ ይግበር ፡ ታቦተ ፡ ወባቲ ፡ የብሰት ፡ ምድር ፡ ወአርኀወ ፡ ወርእየ ፡ ምድረ ፡ 26 ወበሠርቀ ፡ ወርኅ ፡ ራብዕ ፡ ተፈጸመ ፡ አፈ ፡ መዓምቅቲሃ ፡ ለቀላይ ፡ ታሕቲት ፡ ወበሠርቀ ፡ ወርኅ ፡ ሳብዕ ፡ ተርኅወ ፡ ኵሉ ፡ አፈወ ፡ መዓምቅተ ፡ ምድር ፡ ወአኀዘ ፡ ማያት ፡ ይረድ ፡ ውስቴቱ ።
6:27	ወበሠርቀ ፡ ወርኀ ፡ ዓሥር ፡ አስተርአየ ፡ አርእስተ ፡ አድባር ፡ ወተፈሥሐ ፡ ኖኅ ።	ወበሠርቀ ፡ ወርኀ ፡ ዓሥር ፡ አስተርአየ ፡ አርእስተ ፡ አድባር ፡ ወተፈሥሐ ፡ ኖኅ ።
6:28	በእንተዝ ፡ ሠርዖን ፡ ኪያሆን ፡ ሎቱ ፡ ለበዓላት ፡ ለተዝካር ፡ እስከ ፡ ለዓለም ።	በእንተዝ ፡ ሠርዖን ፡ ኪያሆን ፡ ሎቱ ፡ ለበዓላት ፡ ለተዝካር ፡ እስከ ፡ ለዓለም ።
6:29	ወያዐርግዎን ፡ ውስተ ፡ ጽላተ ፡ ሰማይ ።	ወያዐርግዎን ፡ ውስተ ፡ ጽላተ ፡ ሰማይ ።
6:30	ወይከውና ፡ ኵሎን ፡ መዋዕል ፡ ዘትእዛዛት ፡ ኀምሳ ፡ ወክልኤ ፡ ሰንበታተ ፡ መዋዕል ።	ወይከውና ፡ ኵሎን ፡ መዋዕል ፡ ዘትእዛዛት ፡ ኀምሳ ፡ ወክልኤ ፡ ሰንበታተ ፡ መዋዕል ።
6:31	ከመዝ ፡ ተቈርዐ ፡ ወተሠርዐ ፡ ውስተ ፡ ጽላተ ፡ ሰማይ ።	ከመዝ ፡ ተቈርዐ ፡ ወተሠርዐ ፡ ውስተ ፡ ጽላተ ፡ ሰማይ ።
6:32	ወአንተኒ ፡ አዝዞሙ ፡ ለደቂቀ ፡ እስራኤል ፡ ወይዕቀቡ ፡ ዓመታተ ፡ በዝ ፡ ኆልቍ ፡ ሠለስተ ፡ ምእተ ፡ ወስሳ ፡ ወረቡዐ ፡ መዋዕለ ፡ ወይከውን ፡ ፍጹመ ፡ ዓመት ።	ወአንተኒ ፡ አዝዞሙ ፡ ለደቂቀ ፡ እስራኤል ፡ ወይዕቀቡ ፡ ዓመታተ ፡ በዝ ፡ ኆልቍ ፡ ሠለስተ ፡ ምእተ ፡ ወስሳ ፡ ወረቡዐ ፡ መዋዕለ ፡ ወይከውን ፡ ፍጹመ ፡ ዓመት ።
6:33	ወለእመ ፡ ተዐደዉ ፡ ወኢገብርዎን ፡ በከመ ፡ ትእዛዙ ፡ ሎቱ ፡ አሜሃ ፡ ኵሎሙ ፡ ያማስኑ ፡ ጊዜያቲሆሙ ፡ ወዓመታትኒ ፡ ይትሐወሱ ፡ ዘእምውስተዝ ፡ ወጊዜያትሂ ፡ ያማስኑ ፡ ወዓመታትሂ ፡ ይትሐወሱ ፡ ወይትዐደዉ ፡ ሥርዓቶሙ ።	ወለእመ ፡ ተዐደዉ ፡ ወኢገብርዎን ፡ በከመ ፡ ትእዛዙ ፡ ሎቱ ፡ አሜሃ ፡ ኵሎሙ ፡ ያማስኑ ፡ ጊዜያቲሆሙ ፡ ወዓመታትኒ ፡ ይትሐወሱ ፡ ዘእምውስተዝ ፡ ወጊዜያትሂ ፡ ያማስኑ ፡ ወዓመታትሂ ፡ ይትሐወሱ ፡ ወይትዐደዉ ፡ ሥርዓቶሙ ።
6:34	ወኵሎሙ ፡ ውሉደ ፡ እስራኤል ፡ ይረስዑ ፡ ወኢይረክቡ ፡ ፍኖተ ፡ ዓመታት ።	ወኵሎሙ ፡ ውሉደ ፡ እስራኤል ፡ ይረስዑ ፡ ወኢይረክቡ ፡ ፍኖተ ፡ ዓመታት ።
6:35	አአምር ፡ አነ ።	አአምር ፡ አነ ።
6:36	ወይከውኑ ፡ እለ ፡ ያስተሐይጹ ፡ ወርኀ ፡ በሑያጼ ፡ ወርኅ ።	ወይከውኑ ፡ እለ ፡ ያስተሐይጹ ፡ ወርኀ ፡ በሑያጼ ፡ ወርኅ ።
6:37	በእንተዝ ፡ ይመጽእ ፡ ዓመታት ፡ ሎሙ ፡ እንዘ ፡ ያማስኑ ፡ ወይገብሩ ፡ ዕለተ ፡ ስምዕ ፡ ምንንተ ።	በእንተዝ ፡ ይመጽእ ፡ ዓመታት ፡ ሎሙ ፡ እንዘ ፡ ያማስኑ ፡ ወይገብሩ ፡ ዕለተ ፡ ስምዕ ፡ ምንንተ ።
6:38	በእንተዝ ፡ አነ ፡ እኤዝዘከ ፡ ወአሰምዕ ፡ ለከ ፡ ከመ ፡ ታስምዕ ፡ ሎሙ ፡ እስመ ፡ እምድኅረ ፡ ሞትከ ፡ ያማስኑ ፡ ውሉድከ ፡ ከመ ፡ ኢይግበሩ ፡ ዓመተ ፡ ሠለስተ ፡ ምእተ ፡ ወስሳ ፡ ወረቡዐ ፡ ባሕቲቶን ።	በእንተዝ ፡ አነ ፡ እኤዝዘከ ፡ ወአሰምዕ ፡ ለከ ፡ ከመ ፡ ታስምዕ ፡ ሎሙ ፡ እስመ ፡ እምድኅረ ፡ ሞትከ ፡ ያማስኑ ፡ ውሉድከ ፡ ከመ ፡ ኢይግበሩ ፡ ዓመተ ፡ ሠለስተ ፡ ምእተ ፡ ወስሳ ፡ ወረቡዐ ፡ ባሕቲቶን ።