Jubilees

Jubilees 36 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
36:1	ወበሳድስ ፡ ዓመት ፡ ዘዝ ፡ ሱበዔ ፡ ጸውዐ ፡ ይስሐቅ ፡ ክልዔሆሙ ፡ ውሉዶ ፡ ዔሳውሃ ፡ ወያዕቆብሃ ፡ ወመጽኡ ፡ ኀቤሁ ፡ ወይቤሎሙ ፡ አነ ፡ ደቂቅየ ፡ አሐውር ፡ ውስተ ፡ ፍኖተ ፡ አበዊየ ፡ ውስተ ፡ ቤት ፡ ዘለዓለም ፡ ኀበ ፡ ሀለዉ ፡ ህየ ፡ አበዊየ ።	ወበሳድስ ፡ ዓመት ፡ ዘዝ ፡ ሱበዔ ፡ ጸውዐ ፡ ይስሐቅ ፡ ክልዔሆሙ ፡ ውሉዶ ፡ ዔሳውሃ ፡ ወያዕቆብሃ ፡ ወመጽኡ ፡ ኀቤሁ ፡ ወይቤሎሙ ፡ አነ ፡ ደቂቅየ ፡ አሐውር ፡ ውስተ ፡ ፍኖተ ፡ አበዊየ ፡ ውስተ ፡ ቤት ፡ ዘለዓለም ፡ ኀበ ፡ ሀለዉ ፡ ህየ ፡ አበዊየ ።
36:2	ወቅብሩኒ ፡ ቅሩበ ፡ አብርሃም ፡ አቡየ ፡ ውስተ ፡ በአት ፡ ዘካዕበት ፡ ውስተ ፡ ገራህተ ፡ ኤፍሮን ፡ ኬጣዊ ፡ ዘአጥረየ ፡ አብርሃም ፡ ለዝኅረ ፡ መቃብር ፡ ህየ ፡ ውስተ ፡ መቃብር ፡ ዘከረይኩ ፡ ለርእስየ ፡ ህየ ፡ ቅብሩኒ ።	ወቅብሩኒ ፡ ቅሩበ ፡ አብርሃም ፡ አቡየ ፡ ውስተ ፡ በአት ፡ ዘካዕበት ፡ ውስተ ፡ ገራህተ ፡ ኤፍሮን ፡ ኬጣዊ ፡ ዘአጥረየ ፡ አብርሃም ፡ ለዝኅረ ፡ መቃብር ፡ ህየ ፡ ውስተ ፡ መቃብር ፡ ዘከረይኩ ፡ ለርእስየ ፡ ህየ ፡ ቅብሩኒ ።
36:3	ወዘንተ ፡ እኤዝዘክሙ ፡ ውሉድየ ፡ ከመ ፡ ትግበሩ ፡ ጽድቀ ፡ ወርትዐ ፡ በዲበ ፡ ምድር ፡ ከመ ፡ ያምጽእ ፡ እግዚአብሔር ፡ ላዕሌክሙ ፡ ኵሎ ፡ ዘመጠነ ፡ ነገሮ ፡ እግዚአብሔር ፡ ይግበር ፡ ለአብርሃም ፡ ወለዘርኡ ።	ወዘንተ ፡ እኤዝዘክሙ ፡ ውሉድየ ፡ ከመ ፡ ትግበሩ ፡ ጽድቀ ፡ ወርትዐ ፡ በዲበ ፡ ምድር ፡ ከመ ፡ ያምጽእ ፡ እግዚአብሔር ፡ ላዕሌክሙ ፡ ኵሎ ፡ ዘመጠነ ፡ ነገሮ ፡ እግዚአብሔር ፡ ይግበር ፡ ለአብርሃም ፡ ወለዘርኡ ።
36:4	ወኩኑ ፡ ውሉድየ ፡ በበይናቲክሙ ፡ እንዘ ፡ ታፈቅሩ ፡ አኀዊክሙ ፡ ከመ ፡ ብእሲ ፡ ዘያፈቅር ፡ ነፍሶ ፡ ወእንዘ ፡ የኀሥሥ ፡ ብእሲ ፡ ለእኁሁ ፡ በዘያሤኒ ፡ ሎቱ ፡ ወበገቢር ፡ ኅቡረ ፡ በዲበ ፡ ምድር ፡ ወይትፋቀሩ ፡ በበይናቲሆሙ ፡ ከመ ፡ ነፍሶሙ ።	ወኩኑ ፡ ውሉድየ ፡ በበይናቲክሙ ፡ እንዘ ፡ ታፈቅሩ ፡ አኀዊክሙ ፡ ከመ ፡ ብእሲ ፡ ዘያፈቅር ፡ ነፍሶ ፡ ወእንዘ ፡ የኀሥሥ ፡ ብእሲ ፡ ለእኁሁ ፡ በዘያሤኒ ፡ ሎቱ ፡ ወበገቢር ፡ ኅቡረ ፡ በዲበ ፡ ምድር ፡ ወይትፋቀሩ ፡ በበይናቲሆሙ ፡ ከመ ፡ ነፍሶሙ ።
36:5	ወበእንተ ፡ ነገረ ፡ ጣዖት ፡ አነ ፡ እጌሥጸክሙ ፡ ከመ ፡ ትመንንዎሙ ፡ ወትፃረርዎሙ ፡ ወከመ ፡ ኢታፍቅርዎሙ ፡ እስመ ፡ ስሕተት ፡ ምሉኣን ፡ እሙንቱ ፡ ለእለ ፡ ያመልክዎሙ ፡ ወለእለ ፡ ይሰግዱ ፡ ሎሙ ።	ወበእንተ ፡ ነገረ ፡ ጣዖት ፡ አነ ፡ እጌሥጸክሙ ፡ ከመ ፡ ትመንንዎሙ ፡ ወትፃረርዎሙ ፡ ወከመ ፡ ኢታፍቅርዎሙ ፡ እስመ ፡ ስሕተት ፡ ምሉኣን ፡ እሙንቱ ፡ ለእለ ፡ ያመልክዎሙ ፡ ወለእለ ፡ ይሰግዱ ፡ ሎሙ ።
36:6	ተዘከርዎ ፡ ውሉድየ ፡ ለእግዚአብሔር ፡ ለአምላከ ፡ አብርሃም ፡ አቡክሙ ፡ ወእምዝ ፡ አነኒ ፡ አምለክዎ ፡ ወተቀነይኩ ፡ ሎቱ ፡ ዘበ ፡ ጽድቅ ፡ ወበስፉሕ ፡ ከመ ፡ ያብዝኅክሙ ፡ ወያልህቅ ፡ ዘርእክሙ ፡ ከመ ፡ ከዋክብተ ፡ ሰማይ ፡ ለብዝኅ ፡ ወይትክልክሙ ፡ ውስተ ፡ ምድር ፡ ተክለ ፡ ጽድቅ ፡ ዘኢይሤረው ፡ ለኵሉ ፡ ትውልድ ፡ ዘለዓለም ።	ተዘከርዎ ፡ ውሉድየ ፡ ለእግዚአብሔር ፡ ለአምላከ ፡ አብርሃም ፡ አቡክሙ ፡ ወእምዝ ፡ አነኒ ፡ አምለክዎ ፡ ወተቀነይኩ ፡ ሎቱ ፡ ዘበ ፡ ጽድቅ ፡ ወበስፉሕ ፡ ከመ ፡ ያብዝኅክሙ ፡ ወያልህቅ ፡ ዘርእክሙ ፡ ከመ ፡ ከዋክብተ ፡ ሰማይ ፡ ለብዝኅ ፡ ወይትክልክሙ ፡ ውስተ ፡ ምድር ፡ ተክለ ፡ ጽድቅ ፡ ዘኢይሤረው ፡ ለኵሉ ፡ ትውልድ ፡ ዘለዓለም ።
36:7	ወይእዜኒ ፡ አነ ፡ አምሕለክሙ ፡ በመሐላ ፡ ዐቢይ ፡ እስመ ፡ አልቦ ፡ መሐላ ፡ ዘእምኔሁ ፡ የዐቢ ፡ በስም ፡ ስቡሕ ፡ ወክቡር ፡ ወዐቢይ ፡ ስሩሕ ፡ ወመንክር ፡ ወኀያል ፡ ወዐቢይ ፡ ዘገብረ ፡ ሰማያተ ፡ ወምድረ ፡ ወኵሎ ፡ ኅቡረ ።	ወይእዜኒ ፡ አነ ፡ አምሕለክሙ ፡ በመሐላ ፡ ዐቢይ ፡ እስመ ፡ አልቦ ፡ መሐላ ፡ ዘእምኔሁ ፡ የዐቢ ፡ በስም ፡ ስቡሕ ፡ ወክቡር ፡ ወዐቢይ ፡ ስሩሕ ፡ ወመንክር ፡ ወኀያል ፡ ወዐቢይ ፡ ዘገብረ ፡ ሰማያተ ፡ ወምድረ ፡ ወኵሎ ፡ ኅቡረ ።
36:8	ወእንዘ ፡ ያፈቅር ፡ አሐዱ ፡ አሐዱ ፡ እኅዋሁ ፡ በምሕረት ፡ ወበጽድቅ ፡ ወኢይፍቅድ ፡ ብእሲ ፡ እኩየ ፡ ለእኁሁ ፡ እምይእዜ ፡ ወእስከ ፡ ለዓለም ፡ ኵሎ ፡ መዋዕለ ፡ ሕይወትክሙ ፡ ከመ ፡ ትስርሑ ፡ በኵሉ ፡ ምግባሪክሙ ፡ ወኢትትሐጐሉ ።	ወእንዘ ፡ ያፈቅር ፡ አሐዱ ፡ አሐዱ ፡ እኅዋሁ ፡ በምሕረት ፡ ወበጽድቅ ፡ ወኢይፍቅድ ፡ ብእሲ ፡ እኩየ ፡ ለእኁሁ ፡ እምይእዜ ፡ ወእስከ ፡ ለዓለም ፡ ኵሎ ፡ መዋዕለ ፡ ሕይወትክሙ ፡ ከመ ፡ ትስርሑ ፡ በኵሉ ፡ ምግባሪክሙ ፡ ወኢትትሐጐሉ ።
36:9	ወእመቦ ፡ ዘኀሠሠ ፡ እምኔክሙ ፡ እኩየ ፡ ለእኁሁ ፡ አእምሩ ፡ እምይእዜ ፡ ከመ ፡ ኵሉ ፡ ዘየኀሥሥ ፡ እኩየ ፡ ለእኁሁ ፡ ውስተ ፡ እዴሁ ፡ ይወድቅ ፡ ወይሤሮ ፡ እምድረ ፡ ሕያዋን ፡ ወዘርኡሂ ፡ ይትሐጐል ፡ እምታሕተ ፡ ሰማይ ።	ወእመቦ ፡ ዘኀሠሠ ፡ እምኔክሙ ፡ እኩየ ፡ ለእኁሁ ፡ አእምሩ ፡ እምይእዜ ፡ ከመ ፡ ኵሉ ፡ ዘየኀሥሥ ፡ እኩየ ፡ ለእኁሁ ፡ ውስተ ፡ እዴሁ ፡ ይወድቅ ፡ ወይሤሮ ፡ እምድረ ፡ ሕያዋን ፡ ወዘርኡሂ ፡ ይትሐጐል ፡ እምታሕተ ፡ ሰማይ ።
36:10	ወአመ ፡ ዕለተ ፡ ሀከክ ፡ ወመርገም ፡ ወመዓት ፡ ወቍጥዓ ፡ ወበእሳት ፡ በላዒ ፡ በከመ ፡ አውዐየ ፡ ሰዶምሃ ፡ ከማሁ ፡ ያውዒ ፡ ምድሮ ፡ ወሀገሮ ፡ ወኵሎ ፡ ዘይከውን ፡ ዚአሁ ።	ወአመ ፡ ዕለተ ፡ ሀከክ ፡ ወመርገም ፡ ወመዓት ፡ ወቍጥዓ ፡ ወበእሳት ፡ በላዒ ፡ በከመ ፡ አውዐየ ፡ ሰዶምሃ ፡ ከማሁ ፡ ያውዒ ፡ ምድሮ ፡ ወሀገሮ ፡ ወኵሎ ፡ ዘይከውን ፡ ዚአሁ ።
36:11	አነ ፡ እነግር ፡ ወአሰምዕ ፡ ላዕሌክሙ ፡ ውሉድየ ፡ በከመ ፡ ኵነኔ ፡ ዘይመጽእ ፡ ዲበ ፡ ብእሲ ፡ ዘይፈቅድ ፡ ይግበር ፡ ሕሡመ ፡ ላዕለ ፡ እኁሁ ።	አነ ፡ እነግር ፡ ወአሰምዕ ፡ ላዕሌክሙ ፡ ውሉድየ ፡ በከመ ፡ ኵነኔ ፡ ዘይመጽእ ፡ ዲበ ፡ ብእሲ ፡ ዘይፈቅድ ፡ ይግበር ፡ ሕሡመ ፡ ላዕለ ፡ እኁሁ ።
36:12	ወከፈለ ፡ ኵሎ ፡ ዘቦ ፡ ጥሪቶ ፡ ለክልኤሆሙ ፡ በይእቲ ፡ ዕለት ፡ ወወሀበ ፡ ዕበየ ፡ ለብእሲ ፡ ዘውእቱ ፡ ቀደመ ፡ ተወልዶ ፡ ወማኅፈደ ፡ ኵሎ ፡ ዘአውዳ ።	ወከፈለ ፡ ኵሎ ፡ ዘቦ ፡ ጥሪቶ ፡ ለክልኤሆሙ ፡ በይእቲ ፡ ዕለት ፡ ወወሀበ ፡ ዕበየ ፡ ለብእሲ ፡ ዘውእቱ ፡ ቀደመ ፡ ተወልዶ ፡ ወማኅፈደ ፡ ኵሎ ፡ ዘአውዳ ።
36:13	ወይቤ ፡ ዛተ ፡ አዐቢ ፡ ዕበየ ፡ ለብእሲ ፡ ዘውእቱ ፡ ቀደመ ፡ ተወልዶ ።	ወይቤ ፡ ዛተ ፡ አዐቢ ፡ ዕበየ ፡ ለብእሲ ፡ ዘውእቱ ፡ ቀደመ ፡ ተወልዶ ።
36:14	ወይቤ ፡ ዔሳው ፡ ሤጥኩ ፡ ሎቱ ፡ ለያዕቆብ ፡ ወወሀብኩ ፡ ልህቃንየ ፡ ለያዕቆብ ፡ ይትወሀብ ፡ ሎቱ ፡ ወአልብየ ፡ ዘእብል ፡ በእንቲአሃ ፡ ምንተኒ ፡ ቃለ ፡ እስመ ፡ ኀቤሁ ፡ ሀለወት ።	ወይቤ ፡ ዔሳው ፡ ሤጥኩ ፡ ሎቱ ፡ ለያዕቆብ ፡ ወወሀብኩ ፡ ልህቃንየ ፡ ለያዕቆብ ፡ ይትወሀብ ፡ ሎቱ ፡ ወአልብየ ፡ ዘእብል ፡ በእንቲአሃ ፡ ምንተኒ ፡ ቃለ ፡ እስመ ፡ ኀቤሁ ፡ ሀለወት ።
36:15	ወይቤ ፡ ይስሐቅ ፡ ታዕርፍ ፡ ዲቤክሙ ፡ ውሉድየ ፡ በረከት ፡ ወላዕለ ፡ ዘርእክሙ ፡ በዛቲ ፡ ዕለት ፡ እስመ ፡ አዕረፍክሙኒ ፡ ወኢሐዘነ ፡ ልብየ ፡ በእንተ ፡ ልህቃን ፡ ከመ ፡ ኢትግበር ፡ በእንቲአሃ ፡ ፁገ ፡ 16 ይባርኮ ፡ እግዚአብሔር ፡ ልዑል ፡ ለብእሲ ፡ ዘይገብር ፡ ጽድቀ ፡ ኪያሁ ፡ ወዘርኡ ፡ እስከ ፡ ለዓለም ።	ወይቤ ፡ ይስሐቅ ፡ ታዕርፍ ፡ ዲቤክሙ ፡ ውሉድየ ፡ በረከት ፡ ወላዕለ ፡ ዘርእክሙ ፡ በዛቲ ፡ ዕለት ፡ እስመ ፡ አዕረፍክሙኒ ፡ ወኢሐዘነ ፡ ልብየ ፡ በእንተ ፡ ልህቃን ፡ ከመ ፡ ኢትግበር ፡ በእንቲአሃ ፡ ፁገ ፡ 16 ይባርኮ ፡ እግዚአብሔር ፡ ልዑል ፡ ለብእሲ ፡ ዘይገብር ፡ ጽድቀ ፡ ኪያሁ ፡ ወዘርኡ ፡ እስከ ፡ ለዓለም ።
36:17	ወፈጸመ ፡ እንዘ ፡ ይኤዝዞሙ ፡ ወእንዘ ፡ ይባርኮሙ ፡ ወበልዑ ፡ ወሰትዩ ፡ በቅድሜሁ ፡ ኅቡረ ፡ ወተፈሥሐ ፡ እስመ ፡ ኮነ ፡ ዐርዮ ፡ በማእከሎሙ ፡ ወወፅኡ ፡ እምኀቤሁ ፡ ወአዕረፉ ፡ ይእተ ፡ ዕለተ ፡ ወኖሙ ።	ወፈጸመ ፡ እንዘ ፡ ይኤዝዞሙ ፡ ወእንዘ ፡ ይባርኮሙ ፡ ወበልዑ ፡ ወሰትዩ ፡ በቅድሜሁ ፡ ኅቡረ ፡ ወተፈሥሐ ፡ እስመ ፡ ኮነ ፡ ዐርዮ ፡ በማእከሎሙ ፡ ወወፅኡ ፡ እምኀቤሁ ፡ ወአዕረፉ ፡ ይእተ ፡ ዕለተ ፡ ወኖሙ ።
36:18	ወኖመ ፡ ይስሐቅ ፡ ውስተ ፡ ዐራቱ ፡ በዛቲ ፡ ዕለት ፡ እንዘ ፡ ይትፌሣሕ ፡ ወኖመ ፡ ንዋመ ፡ ዘለዓለም ።	ወኖመ ፡ ይስሐቅ ፡ ውስተ ፡ ዐራቱ ፡ በዛቲ ፡ ዕለት ፡ እንዘ ፡ ይትፌሣሕ ፡ ወኖመ ፡ ንዋመ ፡ ዘለዓለም ።
36:19	ወሖረ ፡ ዔሳው ፡ ውስተ ፡ ምድረ ፡ ኤዶም ፡ ውስተ ፡ ደብረ ፡ ሲር ፡ ወነበረ ፡ ህየ ።	ወሖረ ፡ ዔሳው ፡ ውስተ ፡ ምድረ ፡ ኤዶም ፡ ውስተ ፡ ደብረ ፡ ሲር ፡ ወነበረ ፡ ህየ ።
36:20	ወያዕቆብ ፡ ኀደረ ፡ ውስተ ፡ ደብረ ፡ ኬብሮን ፡ ውስተ ፡ ማኅፈድ ፡ ዘምድረ ፡ ፍልሰተ ፡ አቡሁ ፡ አብርሃም ።	ወያዕቆብ ፡ ኀደረ ፡ ውስተ ፡ ደብረ ፡ ኬብሮን ፡ ውስተ ፡ ማኅፈድ ፡ ዘምድረ ፡ ፍልሰተ ፡ አቡሁ ፡ አብርሃም ።
36:21	ወሞተት ፡ ልያ ፡ ብእሲቱ ፡ በዓመት ፡ ራብዕ ፡ ዘሱባዔ ፡ ካልእ ፡ ዘአርብዓ ፡ ወኃምስ ፡ ኢዮቤልዉ ፡ ወቀበራ ፡ ውስተ ፡ በአት ፡ ዘእንተ ፡ ክልኤ ፡ ቅሩበ ፡ ርብቃ ፡ እሙ ፡ በፀጋሙ ፡ ለመቃብረ ፡ ሳራ ፡ እመ ፡ አቡሁ ፡ 22 ወመጽኡ ፡ ኵሎሙ ፡ ውሉዳ ፡ ወውሉዱ ፡ ከመ ፡ ይብክይዋ ፡ ልያሃ ፡ ብእሲቶ ፡ ምስሌሁ ፡ ወከመ ፡ ይናዝዝዎ ፡ በእንቲአሃ ፡ እስመ ፡ ሀሎ ፡ ይላሕዋ ፡ 23 እስመ ፡ ያፈቅራ ፡ ፈድፋደ ፡ ጥቀ ፡ እምአመ ፡ ሞተት ፡ ራሔል ፡ እኅታ ፡ እስመ ፡ ፍጽምት ፡ ወራትዕት ፡ ይእቲ ፡ በኵሉ ፡ ፍናዊሃ ፡ ወታከብሮ ፡ ለያዕቆብ ።	ወሞተት ፡ ልያ ፡ ብእሲቱ ፡ በዓመት ፡ ራብዕ ፡ ዘሱባዔ ፡ ካልእ ፡ ዘአርብዓ ፡ ወኃምስ ፡ ኢዮቤልዉ ፡ ወቀበራ ፡ ውስተ ፡ በአት ፡ ዘእንተ ፡ ክልኤ ፡ ቅሩበ ፡ ርብቃ ፡ እሙ ፡ በፀጋሙ ፡ ለመቃብረ ፡ ሳራ ፡ እመ ፡ አቡሁ ፡ 22 ወመጽኡ ፡ ኵሎሙ ፡ ውሉዳ ፡ ወውሉዱ ፡ ከመ ፡ ይብክይዋ ፡ ልያሃ ፡ ብእሲቶ ፡ ምስሌሁ ፡ ወከመ ፡ ይናዝዝዎ ፡ በእንቲአሃ ፡ እስመ ፡ ሀሎ ፡ ይላሕዋ ፡ 23 እስመ ፡ ያፈቅራ ፡ ፈድፋደ ፡ ጥቀ ፡ እምአመ ፡ ሞተት ፡ ራሔል ፡ እኅታ ፡ እስመ ፡ ፍጽምት ፡ ወራትዕት ፡ ይእቲ ፡ በኵሉ ፡ ፍናዊሃ ፡ ወታከብሮ ፡ ለያዕቆብ ።
36:24	ወይዜከር ፡ ኵሎ ፡ ምግባራቲሃ ፡ ዘገብረት ፡ በሕይወታ ፡ ወይላሕዋ ፡ ጥቀ ፡ እስመ ፡ ያፈቅራ ፡ በኵሉ ፡ ልቡ ፡ ወበኵሉ ፡ ነፍሱ ።	ወይዜከር ፡ ኵሎ ፡ ምግባራቲሃ ፡ ዘገብረት ፡ በሕይወታ ፡ ወይላሕዋ ፡ ጥቀ ፡ እስመ ፡ ያፈቅራ ፡ በኵሉ ፡ ልቡ ፡ ወበኵሉ ፡ ነፍሱ ።