Jubilees

Jubilees 35 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
35:1	ወበቀዳሚ ፡ ዓመት ፡ ዘሱባዔ ፡ ቀዳሚ ፡ በዘ ፡ አርብዓ ፡ ወኃምስቱ ፡ ኢዮቤልዉ ፡ ጸውዐቶ ፡ ርብቃ ፡ ለያዕቆብ ፡ ወልዳ ፡ ወአዘዘቶ ፡ በእንተ ፡ አቡሁ ፡ ወበእንተ ፡ እኁሁ ፡ ከመ ፡ ያክብሮሙ ፡ ኵሎ ፡ መዋዕለ ፡ ሕይወቱ ፡ ለያዕቆብ ።	ወበቀዳሚ ፡ ዓመት ፡ ዘሱባዔ ፡ ቀዳሚ ፡ በዘ ፡ አርብዓ ፡ ወኃምስቱ ፡ ኢዮቤልዉ ፡ ጸውዐቶ ፡ ርብቃ ፡ ለያዕቆብ ፡ ወልዳ ፡ ወአዘዘቶ ፡ በእንተ ፡ አቡሁ ፡ ወበእንተ ፡ እኁሁ ፡ ከመ ፡ ያክብሮሙ ፡ ኵሎ ፡ መዋዕለ ፡ ሕይወቱ ፡ ለያዕቆብ ።
35:2	ወይቤ ፡ ያዕቆብ ፡ አነ ፡ እገብር ፡ ኵሎ ፡ ዘከመ ፡ አዘዝክኒ ፡ እስመ ፡ ክብር ፡ ወዕበይ ፡ ሊተ ፡ ዝንቱ ፡ ነገር ፡ ወጽድቅ ፡ ሊተ ፡ በቅድመ ፡ እግዚአብሔር ፡ ከመ ፡ አክብሮሙ ።	ወይቤ ፡ ያዕቆብ ፡ አነ ፡ እገብር ፡ ኵሎ ፡ ዘከመ ፡ አዘዝክኒ ፡ እስመ ፡ ክብር ፡ ወዕበይ ፡ ሊተ ፡ ዝንቱ ፡ ነገር ፡ ወጽድቅ ፡ ሊተ ፡ በቅድመ ፡ እግዚአብሔር ፡ ከመ ፡ አክብሮሙ ።
35:3	ወአንቲኒ ፡ እሞ ፡ ታአሞሪ ፡ እምዕለተ ፡ ተወለድኩ ፡ እስከ ፡ ዛቲ ፡ ዕለት ፡ ኵሎ ፡ ምግባርየ ፡ ወኵሎ ፡ ዘውስተ ፡ ልብየ ፡ ከመ ፡ ኵሎ ፡ መዋዕለ ፡ እኄሊ ፡ ሠናየ ፡ ለኵሉ ።	ወአንቲኒ ፡ እሞ ፡ ታአሞሪ ፡ እምዕለተ ፡ ተወለድኩ ፡ እስከ ፡ ዛቲ ፡ ዕለት ፡ ኵሎ ፡ ምግባርየ ፡ ወኵሎ ፡ ዘውስተ ፡ ልብየ ፡ ከመ ፡ ኵሎ ፡ መዋዕለ ፡ እኄሊ ፡ ሠናየ ፡ ለኵሉ ።
35:4	ወእፎ ፡ ኢይግብር ፡ ነገረ ፡ ዘአዘዝክኒ ፡ ከመ ፡ አክብር ፡ አባየ ፡ ወእኅዋየ ፡ 5 ንግርኒ ፡ እሞ ፡ ምንተ ፡ ርኢኪ ፡ በላዕሌየ ፡ ጥውየተ ፡ ወተግሕሦ ፡ እትገሐሥ ፡ እምኔሁ ፡ ወይከውን ፡ ላዕሌየ ፡ ሣህል ።	ወእፎ ፡ ኢይግብር ፡ ነገረ ፡ ዘአዘዝክኒ ፡ ከመ ፡ አክብር ፡ አባየ ፡ ወእኅዋየ ፡ 5 ንግርኒ ፡ እሞ ፡ ምንተ ፡ ርኢኪ ፡ በላዕሌየ ፡ ጥውየተ ፡ ወተግሕሦ ፡ እትገሐሥ ፡ እምኔሁ ፡ ወይከውን ፡ ላዕሌየ ፡ ሣህል ።
35:6	ወትቤሎ ፡ ወልድየ ፡ ኵሎን ፡ መዋዕልየ ፡ አልቦ ፡ ዘርኢኩ ፡ በላዕሌከ ፡ ምንተኒ ፡ ግብረ ፡ ጠዋየ ፡ አላ ፡ ርቱዐ ፡ ወባሕቱ ፡ ጽድቀ ፡ እነግረከ ፡ ወልድየ ፡ አነ ፡ በዛቲ ፡ ዓመት ፡ እመውት ፡ ወኢይትዐደው ፡ ዛተ ፡ ዓመተ ፡ በሕይወት ።	ወትቤሎ ፡ ወልድየ ፡ ኵሎን ፡ መዋዕልየ ፡ አልቦ ፡ ዘርኢኩ ፡ በላዕሌከ ፡ ምንተኒ ፡ ግብረ ፡ ጠዋየ ፡ አላ ፡ ርቱዐ ፡ ወባሕቱ ፡ ጽድቀ ፡ እነግረከ ፡ ወልድየ ፡ አነ ፡ በዛቲ ፡ ዓመት ፡ እመውት ፡ ወኢይትዐደው ፡ ዛተ ፡ ዓመተ ፡ በሕይወት ።
35:7	ወሠሐቀ ፡ ያዕቆብ ፡ በእንተ ፡ ነገረ ፡ እሙ ፡ እስመ ፡ ትቤሎ ፡ እሙ ፡ ከመ ፡ ትመውት ፡ ወይእቲሰ ፡ ትነብር ፡ አንጻሪሁ ፡ ወኀይላ ፡ ላዕሌሃ ፡ ወኢደክመት ፡ እምኀይላ ፡ እስመ ፡ ትበውእ ፡ ወትወፅእ ፡ ወትሬኢ ፡ ወአስናኒሃኒ ፡ ጽኑዕ ፡ ወምንተኒ ፡ ሕማም ፡ ኢለከፋ ፡ ኵሎ ፡ መዋዕለ ፡ ሕይወታ ።	ወሠሐቀ ፡ ያዕቆብ ፡ በእንተ ፡ ነገረ ፡ እሙ ፡ እስመ ፡ ትቤሎ ፡ እሙ ፡ ከመ ፡ ትመውት ፡ ወይእቲሰ ፡ ትነብር ፡ አንጻሪሁ ፡ ወኀይላ ፡ ላዕሌሃ ፡ ወኢደክመት ፡ እምኀይላ ፡ እስመ ፡ ትበውእ ፡ ወትወፅእ ፡ ወትሬኢ ፡ ወአስናኒሃኒ ፡ ጽኑዕ ፡ ወምንተኒ ፡ ሕማም ፡ ኢለከፋ ፡ ኵሎ ፡ መዋዕለ ፡ ሕይወታ ።
35:8	ወይቤላ ፡ ያዕቆብ ፡ ብፁዕ ፡ አነ ፡ እሞ ፡ እመ ፡ ቀርበ ፡ መዋዕልየ ፡ ለመዋዕለ ፡ ሕይወትኪ ፡ ወይሄሉ ፡ ኀይልየ ፡ ላዕሌየ ፡ ከመዝ ፡ በከመ ፡ ኀይልኪ ፡ ወኢትመውቲ ፡ እስመ ፡ በከ ፡ በጸው ፡ ትትናገሪ ፡ ምስሌየ ፡ በእንተ ፡ ሞትኪ ።	ወይቤላ ፡ ያዕቆብ ፡ ብፁዕ ፡ አነ ፡ እሞ ፡ እመ ፡ ቀርበ ፡ መዋዕልየ ፡ ለመዋዕለ ፡ ሕይወትኪ ፡ ወይሄሉ ፡ ኀይልየ ፡ ላዕሌየ ፡ ከመዝ ፡ በከመ ፡ ኀይልኪ ፡ ወኢትመውቲ ፡ እስመ ፡ በከ ፡ በጸው ፡ ትትናገሪ ፡ ምስሌየ ፡ በእንተ ፡ ሞትኪ ።
35:9	ወቦአት ፡ ኀበ ፡ ይስሐቅ ፡ ወትቤሎ ፡ አሐተ ፡ ስእለተ ፡ አስተበቍዕ ፡ በኀቤከ ፡ እምሕሎ ፡ ለዔሳው ፡ ከመ ፡ ኢያሕስም ፡ ላዕለ ፡ ያዕቆብ ፡ ወኢይስድዶ ፡ በጸልእ ።	ወቦአት ፡ ኀበ ፡ ይስሐቅ ፡ ወትቤሎ ፡ አሐተ ፡ ስእለተ ፡ አስተበቍዕ ፡ በኀቤከ ፡ እምሕሎ ፡ ለዔሳው ፡ ከመ ፡ ኢያሕስም ፡ ላዕለ ፡ ያዕቆብ ፡ ወኢይስድዶ ፡ በጸልእ ።
35:10	ወአንተ ፡ ታአምር ፡ መጠነ ፡ ገብረ ፡ ኵሎ ፡ እምአመ ፡ ዕለተ ፡ ሖረ ፡ ያዕቆብ ፡ እኁሁ ፡ ውስተ ፡ ካራን ፡ እስከ ፡ ዛቲ ፡ ዕለት ፡ ከመ ፡ በኵሉ ፡ ልቡ ፡ ኀደገነ ።	ወአንተ ፡ ታአምር ፡ መጠነ ፡ ገብረ ፡ ኵሎ ፡ እምአመ ፡ ዕለተ ፡ ሖረ ፡ ያዕቆብ ፡ እኁሁ ፡ ውስተ ፡ ካራን ፡ እስከ ፡ ዛቲ ፡ ዕለት ፡ ከመ ፡ በኵሉ ፡ ልቡ ፡ ኀደገነ ።
35:11	ወእንዘ ፡ ናስተበቍዕ ፡ ንስእሎ ፡ ዘእምዚአነ ፡ ወውእቱ ፡ ይሬሲ ፡ ከመ ፡ ዘብእሲ ፡ ዘይምሕረነ ።	ወእንዘ ፡ ናስተበቍዕ ፡ ንስእሎ ፡ ዘእምዚአነ ፡ ወውእቱ ፡ ይሬሲ ፡ ከመ ፡ ዘብእሲ ፡ ዘይምሕረነ ።
35:12	ወያመርር ፡ ላዕሌከ ፡ በእንተ ፡ ዘባረከ ፡ ያዕቆብሃ ፡ ወልደከ ፡ ፍጹማዊ ፡ ወራትዐ ፡ እስመ ፡ አልቦ ፡ እከየ ፡ ዘእንበለ ፡ ኂሩት ።	ወያመርር ፡ ላዕሌከ ፡ በእንተ ፡ ዘባረከ ፡ ያዕቆብሃ ፡ ወልደከ ፡ ፍጹማዊ ፡ ወራትዐ ፡ እስመ ፡ አልቦ ፡ እከየ ፡ ዘእንበለ ፡ ኂሩት ።
35:13	ወይቤላ ፡ ይስሐቅ ፡ አነኒ ፡ አአምር ፡ ወእሬኢ ፡ ግብረ ፡ ያዕቆብ ፡ ዘምስሌነ ፡ ከመ ፡ በኵሉ ፡ ልቡ ፡ ውእቱ ፡ ያከብረነ ።	ወይቤላ ፡ ይስሐቅ ፡ አነኒ ፡ አአምር ፡ ወእሬኢ ፡ ግብረ ፡ ያዕቆብ ፡ ዘምስሌነ ፡ ከመ ፡ በኵሉ ፡ ልቡ ፡ ውእቱ ፡ ያከብረነ ።
35:14	ወይእዜኒ ፡ ልብየ ፡ ይትሀወክ ፡ በእንተ ፡ ምግባራቲሁ ፡ ወኢኮነ ፡ ውእቱ ፡ ወዘርኡ ፡ ለድኂን ፡ እስመ ፡ እለ ፡ ይትሐጐሉ ፡ እሙንቱ ፡ እምነ ፡ ምድር ፡ ወእለ ፡ ይሤረዉ ፡ እሙንቱ ፡ እምታሕተ ፡ ሰማይ ።	ወይእዜኒ ፡ ልብየ ፡ ይትሀወክ ፡ በእንተ ፡ ምግባራቲሁ ፡ ወኢኮነ ፡ ውእቱ ፡ ወዘርኡ ፡ ለድኂን ፡ እስመ ፡ እለ ፡ ይትሐጐሉ ፡ እሙንቱ ፡ እምነ ፡ ምድር ፡ ወእለ ፡ ይሤረዉ ፡ እሙንቱ ፡ እምታሕተ ፡ ሰማይ ።
35:15	ወአንቲኒ ፡ ትብልኒ ፡ ከመ ፡ አምሕሎ ፡ ከመ ፡ ኢይቅትል ፡ እኅዋሁ ፡ ያዕቆብሃ ።	ወአንቲኒ ፡ ትብልኒ ፡ ከመ ፡ አምሕሎ ፡ ከመ ፡ ኢይቅትል ፡ እኅዋሁ ፡ ያዕቆብሃ ።
35:16	ወእመኒ ፡ ፈቀደ ፡ ይቅትል ፡ ያዕቆብሃ ፡ እኅዋሁ ፡ ውስተ ፡ እደ ፡ ያዕቆብ ፡ ይትወሀብ ፡ ወኢያመሥጥ ፡ እምእዴሁ ፡ እስመ ፡ ውስተ ፡ እዴሁ ፡ ይወርድ ።	ወእመኒ ፡ ፈቀደ ፡ ይቅትል ፡ ያዕቆብሃ ፡ እኅዋሁ ፡ ውስተ ፡ እደ ፡ ያዕቆብ ፡ ይትወሀብ ፡ ወኢያመሥጥ ፡ እምእዴሁ ፡ እስመ ፡ ውስተ ፡ እዴሁ ፡ ይወርድ ።
35:17	ወአንተኒ ፡ ኢትፍርሂ ፡ በእንተ ፡ ያዕቆብ ፡ እስመ ፡ ዐቃቢሁ ፡ ለያዕቆብ ፡ ዐቢይ ፡ ወኀያል ፡ ወክቡር ፡ ወእኩት ፡ እምዐቃቢሁ ፡ ለዔሳው ።	ወአንተኒ ፡ ኢትፍርሂ ፡ በእንተ ፡ ያዕቆብ ፡ እስመ ፡ ዐቃቢሁ ፡ ለያዕቆብ ፡ ዐቢይ ፡ ወኀያል ፡ ወክቡር ፡ ወእኩት ፡ እምዐቃቢሁ ፡ ለዔሳው ።
35:18	ወለአክት ፡ ርብቃ ፡ ወጸውዐቶ ፡ ለዔሳው ፡ ወመጽአ ፡ ኀቤሃ ፡ ወትቤሎ ፡ ስእለተ ፡ ብየ ፡ ወልድየ ፡ እንተ ፡ እስእል ፡ እምኀቤከ ፡ ወበል ፡ ከመ ፡ ትግበራ ፡ ወልድየ ፡ 19 ወይቤ ፡ አነ ፡ እገብር ፡ ኵሎ ፡ ዘትቤልኒ ፡ ወኢየአቢ ፡ ስእለተኪ ።	ወለአክት ፡ ርብቃ ፡ ወጸውዐቶ ፡ ለዔሳው ፡ ወመጽአ ፡ ኀቤሃ ፡ ወትቤሎ ፡ ስእለተ ፡ ብየ ፡ ወልድየ ፡ እንተ ፡ እስእል ፡ እምኀቤከ ፡ ወበል ፡ ከመ ፡ ትግበራ ፡ ወልድየ ፡ 19 ወይቤ ፡ አነ ፡ እገብር ፡ ኵሎ ፡ ዘትቤልኒ ፡ ወኢየአቢ ፡ ስእለተኪ ።
35:20	ወትቤሎ ፡ አነ ፡ እስእል ፡ እምኀቤከ ፡ በዕለተ ፡ አመ ፡ ሞትኩ ፡ ከመ ፡ ታብአኒ ፡ ወትቅብረኒ ፡ ቅሩበ ፡ ሳራ ፡ እመ ፡ አቡከ ፡ ወከመ ፡ ትትፋቀሩ ፡ አንተ ፡ ወያዕቆብ ፡ በበይናቲክሙ ፡ ወኢይኅሥሥ ፡ እኩየ ፡ አሐዱ ፡ ለእኁሁ ፡ ዘእንበለ ፡ ተፋቅሮ ፡ ክመ ፡ ወትሴርሑ ፡ ውሉድየ ፡ ወትከብሩ ፡ በማእከለ ፡ ምድር ፡ ወኢይትፌሣሕ ፡ ላእሌክሙ ፡ ጸላኢ ፡ ወትከውኑ ፡ ለበረከት ፡ ወለምሕረት ፡ በቅድመ ፡ አዕይንቲሆሙ ፡ ለኵሎሙ ፡ እለ ፡ ያፈቅሩክሙ ።	ወትቤሎ ፡ አነ ፡ እስእል ፡ እምኀቤከ ፡ በዕለተ ፡ አመ ፡ ሞትኩ ፡ ከመ ፡ ታብአኒ ፡ ወትቅብረኒ ፡ ቅሩበ ፡ ሳራ ፡ እመ ፡ አቡከ ፡ ወከመ ፡ ትትፋቀሩ ፡ አንተ ፡ ወያዕቆብ ፡ በበይናቲክሙ ፡ ወኢይኅሥሥ ፡ እኩየ ፡ አሐዱ ፡ ለእኁሁ ፡ ዘእንበለ ፡ ተፋቅሮ ፡ ክመ ፡ ወትሴርሑ ፡ ውሉድየ ፡ ወትከብሩ ፡ በማእከለ ፡ ምድር ፡ ወኢይትፌሣሕ ፡ ላእሌክሙ ፡ ጸላኢ ፡ ወትከውኑ ፡ ለበረከት ፡ ወለምሕረት ፡ በቅድመ ፡ አዕይንቲሆሙ ፡ ለኵሎሙ ፡ እለ ፡ ያፈቅሩክሙ ።
35:21	ወይቤ ፡ አነ ፡ እገብር ፡ ኵሎ ፡ ዘትቤልኒ ፡ ወእቀብረኪ ፡ አመ ፡ ዕለተ ፡ ሞትኪ ፡ ቅሩበ ፡ ሳራ ፡ እሙ ፡ ለአቡየ ፡ በከመ ፡ አፍቀርኪ ፡ አዕጽምቲሃ ፡ ከመ ፡ የሀሉ ፡ ቅሩበ ፡ አዕጽምቲኪ ።	ወይቤ ፡ አነ ፡ እገብር ፡ ኵሎ ፡ ዘትቤልኒ ፡ ወእቀብረኪ ፡ አመ ፡ ዕለተ ፡ ሞትኪ ፡ ቅሩበ ፡ ሳራ ፡ እሙ ፡ ለአቡየ ፡ በከመ ፡ አፍቀርኪ ፡ አዕጽምቲሃ ፡ ከመ ፡ የሀሉ ፡ ቅሩበ ፡ አዕጽምቲኪ ።
35:22	ወያዕቆብሃኒ ፡ እኅዋየ ፡ አነ ፡ አፈቅር ፡ እምኵሉ ፡ ዘሥጋ ፡ ወአልቦ ፡ ሊተ ፡ እኅወ ፡ በውስተ ፡ ኵሉ ፡ ምድር ፡ ዘእንበለ ፡ ውእቱ ፡ ባሕቲቱ ።	ወያዕቆብሃኒ ፡ እኅዋየ ፡ አነ ፡ አፈቅር ፡ እምኵሉ ፡ ዘሥጋ ፡ ወአልቦ ፡ ሊተ ፡ እኅወ ፡ በውስተ ፡ ኵሉ ፡ ምድር ፡ ዘእንበለ ፡ ውእቱ ፡ ባሕቲቱ ።
35:23	ወአነ ፡ ክመ ፡ አስተበቍዐኪ ፡ ከመ ፡ ትገሥጽዮ ፡ ለያዕቆብ ፡ በእንቲአየ ፡ ወበእንተ ፡ ውሉድየ ፡ እስመ ፡ አአምር ፡ ከመ ፡ ነጊሠ ፡ ይነግሥ ፡ ላዕሌየ ፡ ወላዕለ ፡ ውሉድየ ።	ወአነ ፡ ክመ ፡ አስተበቍዐኪ ፡ ከመ ፡ ትገሥጽዮ ፡ ለያዕቆብ ፡ በእንቲአየ ፡ ወበእንተ ፡ ውሉድየ ፡ እስመ ፡ አአምር ፡ ከመ ፡ ነጊሠ ፡ ይነግሥ ፡ ላዕሌየ ፡ ወላዕለ ፡ ውሉድየ ።
35:24	ወአነ ፡ እምሕል ፡ ለኪ ፡ ከመ ፡ አፈቅሮ ፡ ወከመ ፡ ኢይትኀሠሥ ፡ ሎቱ ፡ እኩየ ፡ ኵሎ ፡ መዋዕል ፡ ሕይወትየ ፡ ዘእንበለ ፡ ሠናይ ፡ ክመ ።	ወአነ ፡ እምሕል ፡ ለኪ ፡ ከመ ፡ አፈቅሮ ፡ ወከመ ፡ ኢይትኀሠሥ ፡ ሎቱ ፡ እኩየ ፡ ኵሎ ፡ መዋዕል ፡ ሕይወትየ ፡ ዘእንበለ ፡ ሠናይ ፡ ክመ ።
35:25	ወጸውዐቶ ፡ ለያዕቆብ ፡ በቅድመ ፡ አዕይንቲሁ ፡ ለዔሳው ፡ ወአዘዘቶ ፡ በከመ ፡ ነገር ፡ ዘተናገረት ፡ ምስለ ፡ ዔሳው ።	ወጸውዐቶ ፡ ለያዕቆብ ፡ በቅድመ ፡ አዕይንቲሁ ፡ ለዔሳው ፡ ወአዘዘቶ ፡ በከመ ፡ ነገር ፡ ዘተናገረት ፡ ምስለ ፡ ዔሳው ።
35:26	ወይቤ ፡ አነ ፡ እገብር ፡ ሥምረተኪ ፡ ተሐበይኒ ፡ ከመ ፡ ኢይወፅእ ፡ እምኔየ ፡ ወእምነ ፡ ውሉድየ ፡ እኩይ ፡ ላዕለ ፡ ዔሳው ፡ ኢይቀድም ፡ ዘእንበለ ፡ ተፋቅሮ ፡ ክመ ።	ወይቤ ፡ አነ ፡ እገብር ፡ ሥምረተኪ ፡ ተሐበይኒ ፡ ከመ ፡ ኢይወፅእ ፡ እምኔየ ፡ ወእምነ ፡ ውሉድየ ፡ እኩይ ፡ ላዕለ ፡ ዔሳው ፡ ኢይቀድም ፡ ዘእንበለ ፡ ተፋቅሮ ፡ ክመ ።
35:27	ወበልዑ ፡ ወሰትዩ ፡ ይእቲ ፡ ወውሉዳ ፡ በይእቲ ፡ ሌሊት ።	ወበልዑ ፡ ወሰትዩ ፡ ይእቲ ፡ ወውሉዳ ፡ በይእቲ ፡ ሌሊት ።