Jubilees

Jubilees 30 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
30:2	ወበህየ ፡ መሠጥዋ ፡ ለዲና ፡ ለወለተ ፡ ያዕቆብ ፡ ውስተ ፡ ቤተ ፡ ሴኬም ፡ ወልደ ፡ ኤሞር ፡ ኤዋዊ ፡ መኰንነ ፡ ምድር ፡ ወሰከበ ፡ ምስሌሃ ፡ ወአርኰሳ ።	ወበህየ ፡ መሠጥዋ ፡ ለዲና ፡ ለወለተ ፡ ያዕቆብ ፡ ውስተ ፡ ቤተ ፡ ሴኬም ፡ ወልደ ፡ ኤሞር ፡ ኤዋዊ ፡ መኰንነ ፡ ምድር ፡ ወሰከበ ፡ ምስሌሃ ፡ ወአርኰሳ ።
30:3	ወአስተብቍዐ ፡ እምኀበ ፡ አቡሃ ፡ ትትወሀብ ፡ ሎቱ ፡ ብእሲተ ፡ ወእምኀበ ፡ አኃዊሃ ፡ ብእሲተ ፡ ሎቱ ።	ወአስተብቍዐ ፡ እምኀበ ፡ አቡሃ ፡ ትትወሀብ ፡ ሎቱ ፡ ብእሲተ ፡ ወእምኀበ ፡ አኃዊሃ ፡ ብእሲተ ፡ ሎቱ ።
30:4	ወቦኡ ፡ ስምዖን ፡ ወሌዊ ፡ ሰዊማሃ ፡ ግብተ ፡ ወገብሩ ፡ ኵነኔ ፡ ላዕለ ፡ ኵሎሙ ፡ ዕደወ ፡ ሰቂሞን ፡ ወቀተሉ ፡ ኵሎ ፡ ብእሴ ፡ ዘረከቡ ፡ ውስቴታ ፡ ወኢያትረፉ ፡ ውስቴታ ፡ ወኢአሐደ ፡ ኵሎ ፡ ቀተሉ ፡ በጻዕር ፡ እስመ ፡ ገመኑ ፡ ዲናሃ ፡ እኅቶሙ ።	ወቦኡ ፡ ስምዖን ፡ ወሌዊ ፡ ሰዊማሃ ፡ ግብተ ፡ ወገብሩ ፡ ኵነኔ ፡ ላዕለ ፡ ኵሎሙ ፡ ዕደወ ፡ ሰቂሞን ፡ ወቀተሉ ፡ ኵሎ ፡ ብእሴ ፡ ዘረከቡ ፡ ውስቴታ ፡ ወኢያትረፉ ፡ ውስቴታ ፡ ወኢአሐደ ፡ ኵሎ ፡ ቀተሉ ፡ በጻዕር ፡ እስመ ፡ ገመኑ ፡ ዲናሃ ፡ እኅቶሙ ።
30:5	ወከመዝ ፡ እንከ ፡ ኢይትገበር ፡ እምይእዜ ፡ ለአርኵሶ ፡ ወለተ ፡ እስራኤል ፡ እስመ ፡ በሰማይ ፡ ተሠርዐ ፡ ላዕሌሆሙ ፡ ኵነኔ ፡ ከመ ፡ ያጥፍእዎሙ ፡ በሰይፍ ፡ ለኵሎሙ ፡ ዕደወ ፡ ሰቂማ ፡ እስመ ፡ ገብሩ ፡ ኀፍረተ ፡ ውስተ ፡ እስራኤለ ፡ 6 ወመጠዎሙ ፡ እግዚአብሔር ፡ ውስተ ፡ እደ ፡ ውሉደ ፡ ያዕቆብ ፡ ከመ ፡ ይሠርውዎሙ ፡ በሰይፍ ፡ ወከመ ፡ ይግበሩ ፡ ላዕሌሆሙ ፡ ኵነኔ ።	ወከመዝ ፡ እንከ ፡ ኢይትገበር ፡ እምይእዜ ፡ ለአርኵሶ ፡ ወለተ ፡ እስራኤል ፡ እስመ ፡ በሰማይ ፡ ተሠርዐ ፡ ላዕሌሆሙ ፡ ኵነኔ ፡ ከመ ፡ ያጥፍእዎሙ ፡ በሰይፍ ፡ ለኵሎሙ ፡ ዕደወ ፡ ሰቂማ ፡ እስመ ፡ ገብሩ ፡ ኀፍረተ ፡ ውስተ ፡ እስራኤለ ፡ 6 ወመጠዎሙ ፡ እግዚአብሔር ፡ ውስተ ፡ እደ ፡ ውሉደ ፡ ያዕቆብ ፡ ከመ ፡ ይሠርውዎሙ ፡ በሰይፍ ፡ ወከመ ፡ ይግበሩ ፡ ላዕሌሆሙ ፡ ኵነኔ ።
30:7	ወብእሲ ፡ እመቦ ፡ ዘፈቀደ ፡ በውስተ ፡ እስራኤል ፡ የሀብ ፡ ወለቶ ፡ ወእመኒ ፡ እኅቶ ፡ ለኵሉ ፡ ብእሲ ፡ ዘእምዘርአ ፡ አሕዛብ ፡ ሞተ ፡ ይሙት ፡ ወበእብን ፡ ይውግርዎ ፡ እስመ ፡ ገብረ ፡ ኀፍረተ ፡ በውስተ ፡ እስራኤል ።	ወብእሲ ፡ እመቦ ፡ ዘፈቀደ ፡ በውስተ ፡ እስራኤል ፡ የሀብ ፡ ወለቶ ፡ ወእመኒ ፡ እኅቶ ፡ ለኵሉ ፡ ብእሲ ፡ ዘእምዘርአ ፡ አሕዛብ ፡ ሞተ ፡ ይሙት ፡ ወበእብን ፡ ይውግርዎ ፡ እስመ ፡ ገብረ ፡ ኀፍረተ ፡ በውስተ ፡ እስራኤል ።
30:8	ወኢይትረከብ ፡ ዘማ ፡ ወርኩስ ፡ በውስተ ፡ እስራኤል ፡ ኵሎ ፡ መዋዕለ ፡ ትውልደ ፡ ምድር ፡ እስመ ፡ ቅዱስ ፡ እስራኤል ፡ ለእግዚአብሔር ።	ወኢይትረከብ ፡ ዘማ ፡ ወርኩስ ፡ በውስተ ፡ እስራኤል ፡ ኵሎ ፡ መዋዕለ ፡ ትውልደ ፡ ምድር ፡ እስመ ፡ ቅዱስ ፡ እስራኤል ፡ ለእግዚአብሔር ።
30:9	እስመ ፡ ከመዝ ፡ ተሠርዐ ፡ ወተጽሕፈ ፡ ውስተ ፡ ጽላተ ፡ ሰማይ ፡ በእንተ ፡ ኵሉ ፡ ዘርአ ፡ እስራኤል ፡ ዘያረኵስ ፡ ሞተ ፡ ለይሙት ፡ ወበእብን ፡ ይውግርዎ ።	እስመ ፡ ከመዝ ፡ ተሠርዐ ፡ ወተጽሕፈ ፡ ውስተ ፡ ጽላተ ፡ ሰማይ ፡ በእንተ ፡ ኵሉ ፡ ዘርአ ፡ እስራኤል ፡ ዘያረኵስ ፡ ሞተ ፡ ለይሙት ፡ ወበእብን ፡ ይውግርዎ ።
30:10	ወአልቦ ፡ ለዝ ፡ ሕግ ፡ ዐቅመ ፡ መዋዕል ፡ ወአልቦ ፡ ኅድገተ ፡ ወኵሎ ፡ ስርየተ ፡ ዘእንበለ ፡ ዳእሙ ፡ ይሠረው ፡ ብእሲ ፡ ዘአርኰሰ ፡ ወለቶ ፡ በማእከለ ፡ ኵሉ ፡ እስራኤል ፡ እስመ ፡ እምውስተ ፡ ዘርኡ ፡ ወሀቦ ፡ ለሞሎክ ፡ ወአበሰ ፡ ለአርኵሶቱ ።	ወአልቦ ፡ ለዝ ፡ ሕግ ፡ ዐቅመ ፡ መዋዕል ፡ ወአልቦ ፡ ኅድገተ ፡ ወኵሎ ፡ ስርየተ ፡ ዘእንበለ ፡ ዳእሙ ፡ ይሠረው ፡ ብእሲ ፡ ዘአርኰሰ ፡ ወለቶ ፡ በማእከለ ፡ ኵሉ ፡ እስራኤል ፡ እስመ ፡ እምውስተ ፡ ዘርኡ ፡ ወሀቦ ፡ ለሞሎክ ፡ ወአበሰ ፡ ለአርኵሶቱ ።
30:11	ወአንተኒ ፡ ሙሴ ፡ አዝዞሙ ፡ ለደቂቀ ፡ እስራኤል ፡ ወአስምዕ ፡ ላዕሌሆሙ ፡ ከመ ፡ ኢየሀቡ ፡ እምነ ፡ አዋልዲሆሙ ፡ ለአሕዛብ ፡ ወከመ ፡ ኢይንሥኡ ፡ እምአዋልደ ፡ አሕዛብ ፡ እስመ ፡ ምኑን ፡ ውእቱ ፡ በቅድመ ፡ እግዚአብሔር ።	ወአንተኒ ፡ ሙሴ ፡ አዝዞሙ ፡ ለደቂቀ ፡ እስራኤል ፡ ወአስምዕ ፡ ላዕሌሆሙ ፡ ከመ ፡ ኢየሀቡ ፡ እምነ ፡ አዋልዲሆሙ ፡ ለአሕዛብ ፡ ወከመ ፡ ኢይንሥኡ ፡ እምአዋልደ ፡ አሕዛብ ፡ እስመ ፡ ምኑን ፡ ውእቱ ፡ በቅድመ ፡ እግዚአብሔር ።
30:12	በእንተዝ ፡ ጸሐፍኩ ፡ ለከ ፡ ውስተ ፡ ቃለ ፡ ሕግ ፡ ኵሎ ፡ ግብሮሙ ፡ ለሰቂማ ፡ ዘገብሩ ፡ ላዕለ ፡ ዲና ፡ ወዘከመ ፡ ተናገሩ ፡ ደቁ ፡ ለያዕቆብ ፡ እንዘ ፡ ይብሉ ፡ ኢንሁብ ፡ ወለተነ ፡ ለሰብእ ፡ ዘቦ ፡ ቍልፈተ ፡ እስመ ፡ ጽዕለት ፡ ውእቱ ፡ ለነ ፡ 13 ወጽዕለት ፡ ውእቱ ፡ ለእስራኤል ፡ ለእለ ፡ ይሁቡ ፡ ወለእለ ፡ ይነሥኡ ፡ እምነ ፡ አዋልደ ፡ አሕዛብ ፡ እስመ ፡ ርኩስ ፡ ውእቱ ፡ ወምኑን ፡ ውእቱ ፡ እምእስራኤል ።	በእንተዝ ፡ ጸሐፍኩ ፡ ለከ ፡ ውስተ ፡ ቃለ ፡ ሕግ ፡ ኵሎ ፡ ግብሮሙ ፡ ለሰቂማ ፡ ዘገብሩ ፡ ላዕለ ፡ ዲና ፡ ወዘከመ ፡ ተናገሩ ፡ ደቁ ፡ ለያዕቆብ ፡ እንዘ ፡ ይብሉ ፡ ኢንሁብ ፡ ወለተነ ፡ ለሰብእ ፡ ዘቦ ፡ ቍልፈተ ፡ እስመ ፡ ጽዕለት ፡ ውእቱ ፡ ለነ ፡ 13 ወጽዕለት ፡ ውእቱ ፡ ለእስራኤል ፡ ለእለ ፡ ይሁቡ ፡ ወለእለ ፡ ይነሥኡ ፡ እምነ ፡ አዋልደ ፡ አሕዛብ ፡ እስመ ፡ ርኩስ ፡ ውእቱ ፡ ወምኑን ፡ ውእቱ ፡ እምእስራኤል ።
30:14	ወኢይነጽሕ ፡ እስራኤል ፡ እምዝ ፡ ርኵስ ፡ ዘቦ ፡ ብእሲተ ፡ እምነ ፡ አዋልደ ፡ አሕዛብ ።	ወኢይነጽሕ ፡ እስራኤል ፡ እምዝ ፡ ርኵስ ፡ ዘቦ ፡ ብእሲተ ፡ እምነ ፡ አዋልደ ፡ አሕዛብ ።
30:15	እስመ ፡ መቅሠፍት ፡ ላዕለ ፡ መቅሠፍት ፡ ውእቱ ፡ ወመርገም ፡ ላዕለ ፡ መርገም ፡ ወኵሉ ፡ ኵነኔ ፡ ወመቅሠፍት ፡ ወመርገም ፡ ይመጽእ ።	እስመ ፡ መቅሠፍት ፡ ላዕለ ፡ መቅሠፍት ፡ ውእቱ ፡ ወመርገም ፡ ላዕለ ፡ መርገም ፡ ወኵሉ ፡ ኵነኔ ፡ ወመቅሠፍት ፡ ወመርገም ፡ ይመጽእ ።
30:16	ወአልቦ ፡ ነሢአ ፡ ገጽ ፡ ወአልቦ ፡ አድልዎ ፡ ለገጽ ፡ ወአልቦ ፡ ነሢአ ፡ እምእዴሁ ፡ ፍሬ ፡ ወመሥዋዕተ ፡ ወጽንሐሐ ፡ ወስብሐ ፡ ወተምዕዞ ፡ መዓዛ ፡ ሠናይ ፡ ከመ ፡ ይትወከፎ ።	ወአልቦ ፡ ነሢአ ፡ ገጽ ፡ ወአልቦ ፡ አድልዎ ፡ ለገጽ ፡ ወአልቦ ፡ ነሢአ ፡ እምእዴሁ ፡ ፍሬ ፡ ወመሥዋዕተ ፡ ወጽንሐሐ ፡ ወስብሐ ፡ ወተምዕዞ ፡ መዓዛ ፡ ሠናይ ፡ ከመ ፡ ይትወከፎ ።
30:17	በእንተዝ ፡ አዘዝኩከ ፡ እንዘ ፡ እብል ፡ አስምዕ ፡ ዛተ ፡ ስምዐ ፡ ላዕለ ፡ እስራኤል ።	በእንተዝ ፡ አዘዝኩከ ፡ እንዘ ፡ እብል ፡ አስምዕ ፡ ዛተ ፡ ስምዐ ፡ ላዕለ ፡ እስራኤል ።
30:18	ወተኀርየ ፡ ዘርአ ፡ ሌዊ ፡ ለክህነት ፡ ወለሌዋዊያን ፡ ከመ ፡ ይትለአኩ ፡ ቅድመ ፡ እግዚአብሔር ፡ ከመ ፡ ንሕነ ፡ በኵሉ ፡ መዋዕል ።	ወተኀርየ ፡ ዘርአ ፡ ሌዊ ፡ ለክህነት ፡ ወለሌዋዊያን ፡ ከመ ፡ ይትለአኩ ፡ ቅድመ ፡ እግዚአብሔር ፡ ከመ ፡ ንሕነ ፡ በኵሉ ፡ መዋዕል ።
30:19	ወከመዝ ፡ ያዐርጉ ፡ ሎቱ ፡ በስምዕ ፡ ውስተ ፡ ጽላተ ፡ ሰማይ ፡ በረከተ ፡ ወጽድቀ ፡ ቅድሜሁ ፡ ለአምላከ ፡ ኵሉ ።	ወከመዝ ፡ ያዐርጉ ፡ ሎቱ ፡ በስምዕ ፡ ውስተ ፡ ጽላተ ፡ ሰማይ ፡ በረከተ ፡ ወጽድቀ ፡ ቅድሜሁ ፡ ለአምላከ ፡ ኵሉ ።
30:20	ወንዜክር ፡ ንሕነ ፡ ጽድቀ ፡ ዘገብረ ፡ ሰብእ ፡ በሕይወቱ ፡ በኵሉ ፡ ጊዜያት ፡ ዘዓመት ፡ እስከ ፡ ዐሠርቱ ፡ ምእት ፡ ትውልድ ፡ ያዐርጉ ፡ ወይመጽእ ፡ ሎቱ ፡ ወለትውልዱ ፡ እምድኅሬሁ ፡ ወተጽሕፈ ፡ ዐርከ ፡ ወጻድቀ ፡ ውስተ ፡ ጽላተ ፡ ሰማይ ።	ወንዜክር ፡ ንሕነ ፡ ጽድቀ ፡ ዘገብረ ፡ ሰብእ ፡ በሕይወቱ ፡ በኵሉ ፡ ጊዜያት ፡ ዘዓመት ፡ እስከ ፡ ዐሠርቱ ፡ ምእት ፡ ትውልድ ፡ ያዐርጉ ፡ ወይመጽእ ፡ ሎቱ ፡ ወለትውልዱ ፡ እምድኅሬሁ ፡ ወተጽሕፈ ፡ ዐርከ ፡ ወጻድቀ ፡ ውስተ ፡ ጽላተ ፡ ሰማይ ።
30:21	ኵሎ ፡ ዘንተ ፡ ነገረ ፡ ጸሐፍኩ ፡ ለከ ፡ ወአዘዝኩከ ፡ ከመ ፡ ትንግር ፡ ለውሉደ ፡ እስራኤል ፡ ከመ ፡ ኢይግበሩ ፡ አበሳ ፡ ወኢይትዐደዉ ፡ ሥርዐተ ፡ ወኢይንሥቱ ፡ ኪዳነ ፡ እንተ ፡ ተሠርዐት ፡ ሎሙ ፡ ከመ ፡ ይግበርዋ ፡ ወይጸሐፉ ፡ አዕርክተ ፡ 22 ወእመሰ ፡ ተዐደዉ ፡ ወገብሩ ፡ እምኵሉ ፡ ፍናዊሃ ፡ ለርኵስ ፡ ይጸሐፉ ፡ ውስተ ፡ ጽላተ ፡ ሰማይ ፡ ጸላእተ ፡ ወይደመሰሱ ፡ እመጽሐፈ ፡ ሕያዋን ፡ ወይጸሐፉ ፡ ውስተ ፡ መጽሐፈ ፡ እለ ፡ ይትሐጐሉ ፡ ወምስለ ፡ እለ ፡ ይሤረዉ ፡ እምውስተ ፡ ምድር ።	ኵሎ ፡ ዘንተ ፡ ነገረ ፡ ጸሐፍኩ ፡ ለከ ፡ ወአዘዝኩከ ፡ ከመ ፡ ትንግር ፡ ለውሉደ ፡ እስራኤል ፡ ከመ ፡ ኢይግበሩ ፡ አበሳ ፡ ወኢይትዐደዉ ፡ ሥርዐተ ፡ ወኢይንሥቱ ፡ ኪዳነ ፡ እንተ ፡ ተሠርዐት ፡ ሎሙ ፡ ከመ ፡ ይግበርዋ ፡ ወይጸሐፉ ፡ አዕርክተ ፡ 22 ወእመሰ ፡ ተዐደዉ ፡ ወገብሩ ፡ እምኵሉ ፡ ፍናዊሃ ፡ ለርኵስ ፡ ይጸሐፉ ፡ ውስተ ፡ ጽላተ ፡ ሰማይ ፡ ጸላእተ ፡ ወይደመሰሱ ፡ እመጽሐፈ ፡ ሕያዋን ፡ ወይጸሐፉ ፡ ውስተ ፡ መጽሐፈ ፡ እለ ፡ ይትሐጐሉ ፡ ወምስለ ፡ እለ ፡ ይሤረዉ ፡ እምውስተ ፡ ምድር ።
30:23	ወበዕለተ ፡ ቀተሉ ፡ ውሉደ ፡ ያዕቆብ ፡ ሰቂማሃ ፡ ዐርገ ፡ ሎሙ ፡ መጽሐፍ ፡ ውስተ ፡ ሰማይ ፡ ከመ ፡ ገብሩ ፡ ጽድቀ ፡ ወርትዐ ፡ ወበቀለ ፡ ላዕለ ፡ ኃጥኣን ፡ ወተጽሕፈ ፡ ለበረከት ።	ወበዕለተ ፡ ቀተሉ ፡ ውሉደ ፡ ያዕቆብ ፡ ሰቂማሃ ፡ ዐርገ ፡ ሎሙ ፡ መጽሐፍ ፡ ውስተ ፡ ሰማይ ፡ ከመ ፡ ገብሩ ፡ ጽድቀ ፡ ወርትዐ ፡ ወበቀለ ፡ ላዕለ ፡ ኃጥኣን ፡ ወተጽሕፈ ፡ ለበረከት ።
30:24	ወአውፅኡ ፡ ዲናሃ ፡ እኅቶሙ ፡ እምነ ፡ ቤተ ፡ ሴኬም ፡ ወፄወዉ ፡ ኵሎ ፡ ዘሀሎ ፡ ውስተ ፡ ሰቂሞን ፡ አባግዒሆሙ ፡ ወአልህምቲሆሙ ፡ ወአእዱጊሆሙ ፡ ወኵሎ ፡ ንዋዮሙ ፡ ወኵሎ ፡ መራዕዮሙ ፡ ወአምጽኡ ፡ ኵሎ ፡ ኀበ ፡ ያዕቆብ ፡ አቡሆሙ ።	ወአውፅኡ ፡ ዲናሃ ፡ እኅቶሙ ፡ እምነ ፡ ቤተ ፡ ሴኬም ፡ ወፄወዉ ፡ ኵሎ ፡ ዘሀሎ ፡ ውስተ ፡ ሰቂሞን ፡ አባግዒሆሙ ፡ ወአልህምቲሆሙ ፡ ወአእዱጊሆሙ ፡ ወኵሎ ፡ ንዋዮሙ ፡ ወኵሎ ፡ መራዕዮሙ ፡ ወአምጽኡ ፡ ኵሎ ፡ ኀበ ፡ ያዕቆብ ፡ አቡሆሙ ።
30:25	ወተናገረ ፡ ምስሌሆሙ ፡ በእንተ ፡ ዘቀተሉ ፡ ሀገረ ፡ እስመ ፡ ፈርሀ ፡ እምእለ ፡ ይነብሩ ፡ ምድረ ፡ እምእለ ፡ ከነናዊያን ፡ ወፈሪዛዊያን ።	ወተናገረ ፡ ምስሌሆሙ ፡ በእንተ ፡ ዘቀተሉ ፡ ሀገረ ፡ እስመ ፡ ፈርሀ ፡ እምእለ ፡ ይነብሩ ፡ ምድረ ፡ እምእለ ፡ ከነናዊያን ፡ ወፈሪዛዊያን ።
30:26	ወኮነ ፡ ግርማ ፡ እግዚአብሔር ፡ ውስተ ፡ ኵሎን ፡ አህጉር ፡ ዘአውዳ ፡ ለሰቂሞን ፡ ወኢተንሥኡ ፡ ለሰዲደ ፡ ውሉዶ ፡ ለያዕቆብ ፡ እስመ ፡ ድንጋፄ ፡ ወድቀ ፡ ላዕሌሆሙ ።	ወኮነ ፡ ግርማ ፡ እግዚአብሔር ፡ ውስተ ፡ ኵሎን ፡ አህጉር ፡ ዘአውዳ ፡ ለሰቂሞን ፡ ወኢተንሥኡ ፡ ለሰዲደ ፡ ውሉዶ ፡ ለያዕቆብ ፡ እስመ ፡ ድንጋፄ ፡ ወድቀ ፡ ላዕሌሆሙ ።
30:30	1 ወበቀዳሚ ፡ ዓመት ፡ ዘሱባዔ ፡ ሳድስ ፡ ዐርገ ፡ ሳሌምሃ ፡ ዘመንገለ ፡ ጽባሒሁ ፡ ለሰዊማ ፡ በሰላም ፡ በራብዕ ፡ ወርኅ ።	1 ወበቀዳሚ ፡ ዓመት ፡ ዘሱባዔ ፡ ሳድስ ፡ ዐርገ ፡ ሳሌምሃ ፡ ዘመንገለ ፡ ጽባሒሁ ፡ ለሰዊማ ፡ በሰላም ፡ በራብዕ ፡ ወርኅ ።