Jubilees

Jubilees 3 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
3:1	ወበሰዱስ ፡ መዋዕል ፡ ዘሰንበት ፡ ካልእ ፡ አምጻእነ ፡ በቃለ ፡ እግዚአብሔር ፡ ኀበ ፡ አዳም ፡ ኵሎ ፡ አራዊተ ፡ ወኵሎ ፡ እንስሳ ፡ ወኵሎ ፡ አዕዋፈ ፡ ወኵሎ ፡ ዘይትሐወስ ፡ ውስተ ፡ ምድር ።	ወበሰዱስ ፡ መዋዕል ፡ ዘሰንበት ፡ ካልእ ፡ አምጻእነ ፡ በቃለ ፡ እግዚአብሔር ፡ ኀበ ፡ አዳም ፡ ኵሎ ፡ አራዊተ ፡ ወኵሎ ፡ እንስሳ ፡ ወኵሎ ፡ አዕዋፈ ፡ ወኵሎ ፡ ዘይትሐወስ ፡ ውስተ ፡ ምድር ።
3:2	ወሰመዮሙ ፡ አዳም ፡ ለኵሎሙ ፡ በበ ፡ አስማቲሆሙ ፡ ወበከመ ፡ ጸውዖሙ ፡ ከማሁ ፡ ኮነ ፡ ስሞሙ ።	ወሰመዮሙ ፡ አዳም ፡ ለኵሎሙ ፡ በበ ፡ አስማቲሆሙ ፡ ወበከመ ፡ ጸውዖሙ ፡ ከማሁ ፡ ኮነ ፡ ስሞሙ ።
3:3	ወበኃምስ ፡ እላ ፡ መዋዕል ፡ ሀለወ ፡ አዳም ፡ እንዘ ፡ ይሬኢ ፡ ዘንተ ፡ ኵሎ ፡ ተባዕተ ፡ ወአንስተ ፡ በኵሉ ፡ ዘመድ ፡ ዘበምድር ፡ ወውእቱሰ ፡ ሀሎ ፡ ባሕቲቱ ፡ ወአልቦ ፡ ዘረከበ ፡ ሎቱ ፡ ዘይረድኦ ፡ ዘከማሁ ።	ወበኃምስ ፡ እላ ፡ መዋዕል ፡ ሀለወ ፡ አዳም ፡ እንዘ ፡ ይሬኢ ፡ ዘንተ ፡ ኵሎ ፡ ተባዕተ ፡ ወአንስተ ፡ በኵሉ ፡ ዘመድ ፡ ዘበምድር ፡ ወውእቱሰ ፡ ሀሎ ፡ ባሕቲቱ ፡ ወአልቦ ፡ ዘረከበ ፡ ሎቱ ፡ ዘይረድኦ ፡ ዘከማሁ ።
3:4	ወይቤለነ ፡ እግዚአብሔር ፡ ለነ ፡ አኮ ፡ ሠናይ ፡ የሀሉ ፡ ብእሲ ፡ ባሕቲቱ ፡ ንግበር ፡ ሎቱ ፡ መርድአ ፡ ዘከማሁ ፡ 5 ወወደየ ፡ እግዚአብሔር ፡ አምላክነ ፡ ሕድመተ ፡ ላዕሌሁ ፡ ወኖመ ።	ወይቤለነ ፡ እግዚአብሔር ፡ ለነ ፡ አኮ ፡ ሠናይ ፡ የሀሉ ፡ ብእሲ ፡ ባሕቲቱ ፡ ንግበር ፡ ሎቱ ፡ መርድአ ፡ ዘከማሁ ፡ 5 ወወደየ ፡ እግዚአብሔር ፡ አምላክነ ፡ ሕድመተ ፡ ላዕሌሁ ፡ ወኖመ ።
3:6	ወአንቅሆ ፡ ለአዳም ፡ እምንዋሙ ።	ወአንቅሆ ፡ ለአዳም ፡ እምንዋሙ ።
3:7	በእንተዝ ፡ ይኩን ፡ ብእሲ ፡ ወብእሲት ፡ አሐደ ፡ ወበእንተዝ ፡ የኀድግ ፡ አባሁ ፡ ወእሞ ፡ ወይፃመር ፡ ምስለ ፡ ብእሲቱ ፡ ወይከውኑ ፡ ሥጋ ፡ አሐደ ።	በእንተዝ ፡ ይኩን ፡ ብእሲ ፡ ወብእሲት ፡ አሐደ ፡ ወበእንተዝ ፡ የኀድግ ፡ አባሁ ፡ ወእሞ ፡ ወይፃመር ፡ ምስለ ፡ ብእሲቱ ፡ ወይከውኑ ፡ ሥጋ ፡ አሐደ ።
3:8	በሳብዕት ፡ ቀዳሚት ፡ አዳም ፡ ወገቦ ፡ ብእሲቱ ፡ ወበሳብዕት ፡ ካልእት ፡ አርአዮ ፡ ኪያሃ ፡ ሎቱ ።	በሳብዕት ፡ ቀዳሚት ፡ አዳም ፡ ወገቦ ፡ ብእሲቱ ፡ ወበሳብዕት ፡ ካልእት ፡ አርአዮ ፡ ኪያሃ ፡ ሎቱ ።
3:9	ወእምድኅረ ፡ ተፈጸመ ፡ ለአዳም ፡ አርብዓ ፡ መዋዕል ፡ በምድር ፡ ኀበ ፡ ተፈጥረ ፡ አባእናሁ ፡ ውስተ ፡ ገነተ ፡ ኤዶም ፡ ከመ ፡ ይትቀነይ ፡ ወይዕቀባ ።	ወእምድኅረ ፡ ተፈጸመ ፡ ለአዳም ፡ አርብዓ ፡ መዋዕል ፡ በምድር ፡ ኀበ ፡ ተፈጥረ ፡ አባእናሁ ፡ ውስተ ፡ ገነተ ፡ ኤዶም ፡ ከመ ፡ ይትቀነይ ፡ ወይዕቀባ ።
3:10	በእንተ ፡ ዝንቱ ፡ ተጽሕፈ ፡ ትእዛዝ ፡ ውስተ ፡ ጽላተ ፡ ሰማይ ፡ ለእንተ ፡ ትወልድ ፡ ለእመ ፡ ተባዕተ ፡ ወለደት ፡ ሰቡዐ ፡ መዋዕለ ፡ ትንበር ፡ ውስተ ፡ ርኵሳ ፡ በከመ ፡ ሰቡዕ ፡ መዋዕል ፡ ቀዳሚት ፡ ወሠላሳ ፡ መዋዕለ ፡ ወሠሉሰ ፡ ዕለተ ፡ ትንበር ፡ ውስተ ፡ ደመ ፡ ንጽሕ ፡ ወኵሎ ፡ ቅዱሰ ፡ ኢትግሥሥ ፡ ወውስተ ፡ መቅደስ ፡ ኢትባእ ፡ እስከ ፡ አመ ፡ ትፌጽም ፡ ዘንተ ፡ መዋዕለ ፡ ዘበተባዕት ።	በእንተ ፡ ዝንቱ ፡ ተጽሕፈ ፡ ትእዛዝ ፡ ውስተ ፡ ጽላተ ፡ ሰማይ ፡ ለእንተ ፡ ትወልድ ፡ ለእመ ፡ ተባዕተ ፡ ወለደት ፡ ሰቡዐ ፡ መዋዕለ ፡ ትንበር ፡ ውስተ ፡ ርኵሳ ፡ በከመ ፡ ሰቡዕ ፡ መዋዕል ፡ ቀዳሚት ፡ ወሠላሳ ፡ መዋዕለ ፡ ወሠሉሰ ፡ ዕለተ ፡ ትንበር ፡ ውስተ ፡ ደመ ፡ ንጽሕ ፡ ወኵሎ ፡ ቅዱሰ ፡ ኢትግሥሥ ፡ ወውስተ ፡ መቅደስ ፡ ኢትባእ ፡ እስከ ፡ አመ ፡ ትፌጽም ፡ ዘንተ ፡ መዋዕለ ፡ ዘበተባዕት ።
3:11	ወዘበአንስት ፡ ክልኤ ፡ ሰቡዓተ ፡ መዋዕለ ፡ በከመ ፡ ክልኤ ፡ ሰቡዓት ፡ ቀዳሚያት ፡ በርኵሳ ፡ ወስሳ ፡ መዋዕለ ፡ ወሰዱሰ ፡ ዕለተ ፡ ትንበር ፡ በደመ ፡ ንጽሕ ፡ ወይከውና ፡ ኵሎን ፡ ሰማንያ ፡ መዋዕለ ።	ወዘበአንስት ፡ ክልኤ ፡ ሰቡዓተ ፡ መዋዕለ ፡ በከመ ፡ ክልኤ ፡ ሰቡዓት ፡ ቀዳሚያት ፡ በርኵሳ ፡ ወስሳ ፡ መዋዕለ ፡ ወሰዱሰ ፡ ዕለተ ፡ ትንበር ፡ በደመ ፡ ንጽሕ ፡ ወይከውና ፡ ኵሎን ፡ ሰማንያ ፡ መዋዕለ ።
3:12	ወፈጺማ ፡ እላንተ ፡ ሰማንያ ፡ መዋዕለ ፡ አባእናሃ ፡ ውስተ ፡ ገነተ ፡ ኤዶም ፡ እስመ ፡ ቅድስት ፡ ይእቲ ፡ ውስተ ፡ ኵሉ ፡ ምድር ፡ ወኵሉ ፡ ዕፅ ፡ ዘትኩል ፡ ውስቴታ ፡ ቅዱስ ።	ወፈጺማ ፡ እላንተ ፡ ሰማንያ ፡ መዋዕለ ፡ አባእናሃ ፡ ውስተ ፡ ገነተ ፡ ኤዶም ፡ እስመ ፡ ቅድስት ፡ ይእቲ ፡ ውስተ ፡ ኵሉ ፡ ምድር ፡ ወኵሉ ፡ ዕፅ ፡ ዘትኩል ፡ ውስቴታ ፡ ቅዱስ ።
3:13	በእንተዝ ፡ ተሠርዐ ፡ ለእንተ ፡ ትወልድ ፡ ለተባዕት ፡ ወለእንስት ፡ ፍትሖን ፡ ለእላንቱ ፡ መዋዕል ፡ ኵሎ ፡ ቅዱሰ ፡ ኢትልክፍ ፡ ወውስተ ፡ መቅደስ ፡ ኢትባእ ፡ እስከ ፡ አመ ፡ ይትፌጸማ ፡ እላንቱ ፡ መዋዕል ፡ ለተባዕት ፡ ወለእንስት ።	በእንተዝ ፡ ተሠርዐ ፡ ለእንተ ፡ ትወልድ ፡ ለተባዕት ፡ ወለእንስት ፡ ፍትሖን ፡ ለእላንቱ ፡ መዋዕል ፡ ኵሎ ፡ ቅዱሰ ፡ ኢትልክፍ ፡ ወውስተ ፡ መቅደስ ፡ ኢትባእ ፡ እስከ ፡ አመ ፡ ይትፌጸማ ፡ እላንቱ ፡ መዋዕል ፡ ለተባዕት ፡ ወለእንስት ።
3:14	ዝንቱ ፡ ሕግ ፡ ወሰምዕ ፡ ዘተጽሕፈ ፡ ለእስራኤል ፡ ይዕቀቡ ፡ ኵሎ ፡ መዋዕለ ።	ዝንቱ ፡ ሕግ ፡ ወሰምዕ ፡ ዘተጽሕፈ ፡ ለእስራኤል ፡ ይዕቀቡ ፡ ኵሎ ፡ መዋዕለ ።
3:15	ወበሱባዔ ፡ ቀዳማዊ ፡ ዘኢዮቤልዉ ፡ ቀዳሚ ፡ ወለወ ፡ አዳም ፡ ወብእሲቱ ፡ ሰብዓተ ፡ ዓመተ ፡ ውስተ ፡ ገነተ ፡ ኤዶም ፡ እንዘ ፡ ይትቀነይ ፡ ወየዐቅባ ፡ ወምግባረ ፡ ወሀብናሁ ፡ ወሀሎነ ፡ እንዘ ፡ ንሜህሮ ፡ ገቢሮቶ ፡ ኵሎ ፡ ዘያስተርኢ ፡ ለቅኔ ።	ወበሱባዔ ፡ ቀዳማዊ ፡ ዘኢዮቤልዉ ፡ ቀዳሚ ፡ ወለወ ፡ አዳም ፡ ወብእሲቱ ፡ ሰብዓተ ፡ ዓመተ ፡ ውስተ ፡ ገነተ ፡ ኤዶም ፡ እንዘ ፡ ይትቀነይ ፡ ወየዐቅባ ፡ ወምግባረ ፡ ወሀብናሁ ፡ ወሀሎነ ፡ እንዘ ፡ ንሜህሮ ፡ ገቢሮቶ ፡ ኵሎ ፡ ዘያስተርኢ ፡ ለቅኔ ።
3:16	ወሀሎ ፡ እንዘ ፡ ይትቀነይ ፡ ወውእቱሰ ፡ ዕራቁ ፡ ወኢያአምር ፡ ወኢየኀፍር ፡ ወየዐቅብ ፡ ገነተ ፡ እምአዕዋፍ ፡ ወእምአራዊት ፡ ወእምእንስሳ ፡ ወያስተጋብእ ፡ ፍሬሁ ፡ ወይበልዕ ፡ ወያነብር ፡ ትራፎ ፡ ሎቱ ፡ ወለብእሲቱ ፡ ወያነብር ፡ ዘይትዐቀብ ።	ወሀሎ ፡ እንዘ ፡ ይትቀነይ ፡ ወውእቱሰ ፡ ዕራቁ ፡ ወኢያአምር ፡ ወኢየኀፍር ፡ ወየዐቅብ ፡ ገነተ ፡ እምአዕዋፍ ፡ ወእምአራዊት ፡ ወእምእንስሳ ፡ ወያስተጋብእ ፡ ፍሬሁ ፡ ወይበልዕ ፡ ወያነብር ፡ ትራፎ ፡ ሎቱ ፡ ወለብእሲቱ ፡ ወያነብር ፡ ዘይትዐቀብ ።
3:17	ወኀሊቆ ፡ ፍጻሜሁ ፡ ለሰብዓቱ ፡ ዓመት ፡ እለ ፡ ፈጸመ ፡ በህየ ፡ ሰብዓተ ፡ ዓመተ ፡ ጥንቁቀ ።	ወኀሊቆ ፡ ፍጻሜሁ ፡ ለሰብዓቱ ፡ ዓመት ፡ እለ ፡ ፈጸመ ፡ በህየ ፡ ሰብዓተ ፡ ዓመተ ፡ ጥንቁቀ ።
3:18	ወትቤሎ ፡ እምኵሉ ፡ ፍሬ ፡ ዕፅ ፡ ዘውስተ ፡ ገነት ፡ ይቤለነ ፡ እግዚአብሔር ፡ ብልዑ ።	ወትቤሎ ፡ እምኵሉ ፡ ፍሬ ፡ ዕፅ ፡ ዘውስተ ፡ ገነት ፡ ይቤለነ ፡ እግዚአብሔር ፡ ብልዑ ።
3:19	ወይቤላ ፡ አርዌ ፡ ምድር ፡ ለብእሲት ፡ አኮ ፡ ሞተ ፡ ዘትመውቱ ፡ እስመ ፡ ያአምር ፡ እግዚአብሔር ፡ አመ ፡ ዕለተ ፡ ትበልዑ ፡ ይትረኀው ፡ አዕይንቲክሙ ፡ ወትከውኑ ፡ ከመ ፡ አማልክት ፡ ወታአምሩ ፡ ሠናየ ፡ ወእኩየ ።	ወይቤላ ፡ አርዌ ፡ ምድር ፡ ለብእሲት ፡ አኮ ፡ ሞተ ፡ ዘትመውቱ ፡ እስመ ፡ ያአምር ፡ እግዚአብሔር ፡ አመ ፡ ዕለተ ፡ ትበልዑ ፡ ይትረኀው ፡ አዕይንቲክሙ ፡ ወትከውኑ ፡ ከመ ፡ አማልክት ፡ ወታአምሩ ፡ ሠናየ ፡ ወእኩየ ።
3:20	ወርእየት ፡ ብእሲት ፡ ዕፀ ፡ ከመ ፡ አዳም ፡ ውእቱ ፡ ወያሠምር ፡ ለዐይን ፡ ወሠናይ ፡ ፍሬሁ ፡ ለበሊዕ ።	ወርእየት ፡ ብእሲት ፡ ዕፀ ፡ ከመ ፡ አዳም ፡ ውእቱ ፡ ወያሠምር ፡ ለዐይን ፡ ወሠናይ ፡ ፍሬሁ ፡ ለበሊዕ ።
3:21	ወከደነት ፡ ኀፍረታ ፡ በቈጽለ ፡ በለስ ፡ ዘቀዳሚ ።	ወከደነት ፡ ኀፍረታ ፡ በቈጽለ ፡ በለስ ፡ ዘቀዳሚ ።
3:22	ወነሥአ ፡ ቈጽለ ፡ በለስ ፡ ወጠቀበ ፡ ወገብረ ፡ ሎቱ ፡ ሞራአ ፡ ወከደነ ፡ ኀፍረቶ ።	ወነሥአ ፡ ቈጽለ ፡ በለስ ፡ ወጠቀበ ፡ ወገብረ ፡ ሎቱ ፡ ሞራአ ፡ ወከደነ ፡ ኀፍረቶ ።
3:23	ወረገሞ ፡ እግዚአብሔር ፡ ለአርዌ ፡ ምድር ፡ ወተምዕዎ ፡ ለዓለም ።	ወረገሞ ፡ እግዚአብሔር ፡ ለአርዌ ፡ ምድር ፡ ወተምዕዎ ፡ ለዓለም ።
3:24	አብዝኆ ፡ አበዝኅ ፡ ሐዘንኪ ፡ ወፀዕርኪ ፡ በሐዘን ፡ ለዲ ፡ ውሉደ ፡ ወኀበ ፡ ምትኪ ፡ ምግባኢኪ ፡ ወውእቱ ፡ ይኴንነኪ ።	አብዝኆ ፡ አበዝኅ ፡ ሐዘንኪ ፡ ወፀዕርኪ ፡ በሐዘን ፡ ለዲ ፡ ውሉደ ፡ ወኀበ ፡ ምትኪ ፡ ምግባኢኪ ፡ ወውእቱ ፡ ይኴንነኪ ።
3:25	ወለአዳምሂ ፡ ይቤሎ ፡ እስመ ፡ ሰማዕከ ፡ ለብእሲትከ ፡ ወበላዕከ ፡ እምውስተ ፡ ውእቱ ፡ ዕፅ ፡ ዘአዘዝኩከ ፡ ከመ ፡ ኢትብላዕ ፡ እምኔሁ ።	ወለአዳምሂ ፡ ይቤሎ ፡ እስመ ፡ ሰማዕከ ፡ ለብእሲትከ ፡ ወበላዕከ ፡ እምውስተ ፡ ውእቱ ፡ ዕፅ ፡ ዘአዘዝኩከ ፡ ከመ ፡ ኢትብላዕ ፡ እምኔሁ ።
3:26	ወገብረ ፡ ሎሙ ፡ አልባሰ ፡ ዘማእስ ፡ ወአልቦሶሙ ፡ ወፈነዎሙ ፡ እምገነተ ፡ ኤዶም ።	ወገብረ ፡ ሎሙ ፡ አልባሰ ፡ ዘማእስ ፡ ወአልቦሶሙ ፡ ወፈነዎሙ ፡ እምገነተ ፡ ኤዶም ።
3:27	ወበይእቲ ፡ ዕለት ፡ እንዘ ፡ ይወፅእ ፡ እምገነተ ፡ ኤዶም ፡ ዐጠነ ፡ ለመዓዛ ፡ ሠናይ ፡ ዕጣነ ፡ ስሒነ ፡ ወቅንአተ ፡ ወማየ ፡ ልብን ፡ ወሰንበልተ ፡ በጽባሕ ፡ ምስለ ፡ ትንሣኤ ፡ ፀሐይ ፡ አመ ፡ ከደነ ፡ ኃፍረቶ ፡ 28 ወበይእቲ ፡ ዕለት ፡ ተፈጸመ ፡ አፈ ፡ ኵሉ ፡ አራዊተ ፡ ወዘእንስሳ ፡ ወዘአዕዋፍ ፡ ወዘያንሶሱ ፡ ወዘይትሐወስ ፡ እምነቢብ ፡ እስመ ፡ ኵሎሙ ፡ ይትናገሩ ፡ ዝንቱ ፡ ምስለ ፡ ዝንቱ ፡ ከንፈረ ፡ አሐደ ፡ ወልሳነ ፡ አሐደ ።	ወበይእቲ ፡ ዕለት ፡ እንዘ ፡ ይወፅእ ፡ እምገነተ ፡ ኤዶም ፡ ዐጠነ ፡ ለመዓዛ ፡ ሠናይ ፡ ዕጣነ ፡ ስሒነ ፡ ወቅንአተ ፡ ወማየ ፡ ልብን ፡ ወሰንበልተ ፡ በጽባሕ ፡ ምስለ ፡ ትንሣኤ ፡ ፀሐይ ፡ አመ ፡ ከደነ ፡ ኃፍረቶ ፡ 28 ወበይእቲ ፡ ዕለት ፡ ተፈጸመ ፡ አፈ ፡ ኵሉ ፡ አራዊተ ፡ ወዘእንስሳ ፡ ወዘአዕዋፍ ፡ ወዘያንሶሱ ፡ ወዘይትሐወስ ፡ እምነቢብ ፡ እስመ ፡ ኵሎሙ ፡ ይትናገሩ ፡ ዝንቱ ፡ ምስለ ፡ ዝንቱ ፡ ከንፈረ ፡ አሐደ ፡ ወልሳነ ፡ አሐደ ።
3:29	ወፈነወ ፡ እምገነተ ፡ ኤዶም ፡ ኵሎ ፡ ዘሥጋ ፡ ዘሀሎ ፡ ውስተ ፡ ነገተ ፡ ኤዶም ፡ ወተዘርዉ ፡ ኵሉ ፡ ዘሥጋ ፡ በበ ፡ ዘመዶሙ ፡ ወበበ ፡ ፍጥረቶሙ ፡ ውስተ ፡ መካን ፡ ዘተፈጥረ ፡ ሎሙ ።	ወፈነወ ፡ እምገነተ ፡ ኤዶም ፡ ኵሎ ፡ ዘሥጋ ፡ ዘሀሎ ፡ ውስተ ፡ ነገተ ፡ ኤዶም ፡ ወተዘርዉ ፡ ኵሉ ፡ ዘሥጋ ፡ በበ ፡ ዘመዶሙ ፡ ወበበ ፡ ፍጥረቶሙ ፡ ውስተ ፡ መካን ፡ ዘተፈጥረ ፡ ሎሙ ።
3:30	ወለአዳም ፡ ባሕቲቱ ፡ ወሀቦ ፡ ይክድን ፡ ኃፍረቶ ፡ እምኵሉ ፡ አራዊት ፡ ወእንስሳ ።	ወለአዳም ፡ ባሕቲቱ ፡ ወሀቦ ፡ ይክድን ፡ ኃፍረቶ ፡ እምኵሉ ፡ አራዊት ፡ ወእንስሳ ።
3:31	በእንተዝ ፡ ተአዘዘ ፡ ውስተ ፡ ጽላት ፡ ላዕለ ፡ ኵሎሙ ፡ እለ ፡ ያአምሩ ፡ ፍትሐ ፡ ሕግ ፡ ይክድኑ ፡ ኀፍረቶሙ ፡ ወኢይትከሠቱ ፡ ከመ ፡ አሕዛብ ፡ ይትከሠቱ ።	በእንተዝ ፡ ተአዘዘ ፡ ውስተ ፡ ጽላት ፡ ላዕለ ፡ ኵሎሙ ፡ እለ ፡ ያአምሩ ፡ ፍትሐ ፡ ሕግ ፡ ይክድኑ ፡ ኀፍረቶሙ ፡ ወኢይትከሠቱ ፡ ከመ ፡ አሕዛብ ፡ ይትከሠቱ ።
3:32	ወአመ ፡ ሠርቀ ፡ ወርኅ ፡ ራብዕ ፡ ወፅኡ ፡ አዳም ፡ ወብእሲቱ ፡ እምገነተ ፡ ኤዶም ፡ ወኀደሩ ፡ ውስተ ፡ ምድረ ፡ ኤልዳ ፡ ውስተ ፡ ምድረ ፡ ፍጥረቶሙ ፡ 33 ወሰመየ ፡ አዳም ፡ ስመ ፡ ብእሲቱ ፡ ሔዋ ፡ 34 ወኢኮኑ ፡ ምስለ ፡ ወልድ ፡ እስከ ፡ ቀዳሚ ፡ ኢዮቤልዉ ።	ወአመ ፡ ሠርቀ ፡ ወርኅ ፡ ራብዕ ፡ ወፅኡ ፡ አዳም ፡ ወብእሲቱ ፡ እምገነተ ፡ ኤዶም ፡ ወኀደሩ ፡ ውስተ ፡ ምድረ ፡ ኤልዳ ፡ ውስተ ፡ ምድረ ፡ ፍጥረቶሙ ፡ 33 ወሰመየ ፡ አዳም ፡ ስመ ፡ ብእሲቱ ፡ ሔዋ ፡ 34 ወኢኮኑ ፡ ምስለ ፡ ወልድ ፡ እስከ ፡ ቀዳሚ ፡ ኢዮቤልዉ ።
3:35	ወውእቱሰ ፡ ይትጌበራ ፡ ለምድር ፡ በከመ ፡ ተምህረ ፡ በገነተ ፡ ኤዶም ።	ወውእቱሰ ፡ ይትጌበራ ፡ ለምድር ፡ በከመ ፡ ተምህረ ፡ በገነተ ፡ ኤዶም ።