Jubilees

Jubilees 26 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
26:2	ወይእዜኒ ፡ ንሣእ ፡ ንዋየ ፡ ነዓዌከ ፡ ምጕንጳከ ፡ ወቀስተከ ፡ ወፃእ ፡ ሐቅለ ፡ ወነዐው ፡ ሊተ ፡ ወአኀዝ ፡ ሊተ ፡ ወልድየ ፡ ወግበር ፡ ሊተ ፡ መብልዐ ፡ ከመ ፡ ዘታፈቅር ፡ ነፍስየ ፡ ወአምጽእ ፡ ሊተ ፡ ከመ ፡ እብላዕ ፡ ወትባርከ ፡ ነፍስየ ፡ ዘእንበለ ፡ እሙት ።	ወይእዜኒ ፡ ንሣእ ፡ ንዋየ ፡ ነዓዌከ ፡ ምጕንጳከ ፡ ወቀስተከ ፡ ወፃእ ፡ ሐቅለ ፡ ወነዐው ፡ ሊተ ፡ ወአኀዝ ፡ ሊተ ፡ ወልድየ ፡ ወግበር ፡ ሊተ ፡ መብልዐ ፡ ከመ ፡ ዘታፈቅር ፡ ነፍስየ ፡ ወአምጽእ ፡ ሊተ ፡ ከመ ፡ እብላዕ ፡ ወትባርከ ፡ ነፍስየ ፡ ዘእንበለ ፡ እሙት ።
26:3	ወርብቃሰ ፡ ትሰምዕ ፡ እንዘ ፡ ይነግሮ ፡ ለዔሳው ፡ ይስሐቅ ።	ወርብቃሰ ፡ ትሰምዕ ፡ እንዘ ፡ ይነግሮ ፡ ለዔሳው ፡ ይስሐቅ ።
26:4	ወጌሰ ፡ ዔሳው ፡ ገዳመ ፡ ከመ ፡ ያሥግር ፡ ወየአኀዝ ፡ ወያምጽእ ፡ ለአቡሁ ።	ወጌሰ ፡ ዔሳው ፡ ገዳመ ፡ ከመ ፡ ያሥግር ፡ ወየአኀዝ ፡ ወያምጽእ ፡ ለአቡሁ ።
26:5	ወጸውዐት ፡ ርብቃ ፡ ያዕቆብሃ ፡ ወልዳ ፡ ወትቤሎ ፡ ናሁ ፡ ሰማዕክዎ ፡ ለይስሐቅ ፡ አቡከ ፡ እንዘ ፡ ይትናገር ፡ ምስለ ፡ ዔሳው ፡ እኁከ ፡ እንዘ ፡ ይብል ፡ አስግር ፡ ሊተ ፡ ወግበር ፡ ሊተ ፡ መብልዐ ፡ ወአብእ ፡ ሊተ ፡ ወእብላዕ ፡ ወእባርከከ ፡ በቅድመ ፡ እግዚአብሔር ፡ ዘእንበለ ፡ እሙት ።	ወጸውዐት ፡ ርብቃ ፡ ያዕቆብሃ ፡ ወልዳ ፡ ወትቤሎ ፡ ናሁ ፡ ሰማዕክዎ ፡ ለይስሐቅ ፡ አቡከ ፡ እንዘ ፡ ይትናገር ፡ ምስለ ፡ ዔሳው ፡ እኁከ ፡ እንዘ ፡ ይብል ፡ አስግር ፡ ሊተ ፡ ወግበር ፡ ሊተ ፡ መብልዐ ፡ ወአብእ ፡ ሊተ ፡ ወእብላዕ ፡ ወእባርከከ ፡ በቅድመ ፡ እግዚአብሔር ፡ ዘእንበለ ፡ እሙት ።
26:6	ወይእዜኒኬ ፡ ስማዕ ፡ ወልድየ ፡ ቃልየ ፡ ዘአነ ፡ እኤዝዘከ ፡ ሖር ፡ ውስተ ፡ መርዔትከ ፡ ወንሣእ ፡ ሊተ ፡ ክልኤተ ፡ መሓስአ ፡ ጠሊ ፡ ሠናያነ ፡ ወእግበሮሙ ፡ መብልዐ ፡ ለአቡከ ፡ ዘከመ ፡ ያፈቅር ፡ ወታብእ ፡ ለአቡከ ፡ ወይብላዕ ፡ ከመ ፡ ይባርክ ፡ ቅድመ ፡ እግዚአብሔር ፡ ዘእንበለ ፡ ይሙት ።	ወይእዜኒኬ ፡ ስማዕ ፡ ወልድየ ፡ ቃልየ ፡ ዘአነ ፡ እኤዝዘከ ፡ ሖር ፡ ውስተ ፡ መርዔትከ ፡ ወንሣእ ፡ ሊተ ፡ ክልኤተ ፡ መሓስአ ፡ ጠሊ ፡ ሠናያነ ፡ ወእግበሮሙ ፡ መብልዐ ፡ ለአቡከ ፡ ዘከመ ፡ ያፈቅር ፡ ወታብእ ፡ ለአቡከ ፡ ወይብላዕ ፡ ከመ ፡ ይባርክ ፡ ቅድመ ፡ እግዚአብሔር ፡ ዘእንበለ ፡ ይሙት ።
26:7	ወይቤላ ፡ ያዕቆብ ፡ ለርብቃ ፡ እሙ ፡ እሞ ፡ ኢይምሕክ ፡ በእንተ ፡ ኵሉ ፡ ዘይበልዕ ፡ አቡየ ፡ ወያሠምሮ ፡ ወባሕቱ ፡ እፈርህ ፡ አነ ፡ እሞ ፡ ከመ ፡ ኢይለቡ ፡ ቃልየ ፡ ወኢይፍቅድ ፡ ይግሥሠኒ ።	ወይቤላ ፡ ያዕቆብ ፡ ለርብቃ ፡ እሙ ፡ እሞ ፡ ኢይምሕክ ፡ በእንተ ፡ ኵሉ ፡ ዘይበልዕ ፡ አቡየ ፡ ወያሠምሮ ፡ ወባሕቱ ፡ እፈርህ ፡ አነ ፡ እሞ ፡ ከመ ፡ ኢይለቡ ፡ ቃልየ ፡ ወኢይፍቅድ ፡ ይግሥሠኒ ።
26:8	ወአንቲ ፡ ታአምሪ ፡ ከመ ፡ አነ ፡ ልሙጽ ፡ ወዔሳው ፡ እኁየ ፡ ጸጓር ፡ ወእከውን ፡ ቅድመ ፡ አዕይንቲሁ ፡ ከመ ፡ ዘያስተአኪ ፡ ወእገብር ፡ ግብረ ፡ ዘኢአዘዘኒ ፡ ወይትመዐዐኒ ፡ ወአመጽእ ፡ ላዕሌየ ፡ መርገመ ፡ ወአኮ ፡ በረከተ ።	ወአንቲ ፡ ታአምሪ ፡ ከመ ፡ አነ ፡ ልሙጽ ፡ ወዔሳው ፡ እኁየ ፡ ጸጓር ፡ ወእከውን ፡ ቅድመ ፡ አዕይንቲሁ ፡ ከመ ፡ ዘያስተአኪ ፡ ወእገብር ፡ ግብረ ፡ ዘኢአዘዘኒ ፡ ወይትመዐዐኒ ፡ ወአመጽእ ፡ ላዕሌየ ፡ መርገመ ፡ ወአኮ ፡ በረከተ ።
26:9	ወትቤሎ ፡ ርብቃ ፡ እሙ ፡ ላዕሌየ ፡ መርገምከ ፡ ኦወልድየ ፡ ዳእሙ ፡ ስማዕ ፡ ቃልየ ።	ወትቤሎ ፡ ርብቃ ፡ እሙ ፡ ላዕሌየ ፡ መርገምከ ፡ ኦወልድየ ፡ ዳእሙ ፡ ስማዕ ፡ ቃልየ ።
26:10	ወሰምዐ ፡ ያዕቆብ ፡ ቃለ ፡ ርብቃ ፡ እሙ ።	ወሰምዐ ፡ ያዕቆብ ፡ ቃለ ፡ ርብቃ ፡ እሙ ።
26:11	ወነሥአት ፡ ርብቃ ፡ አልባሰ ፡ ወልዳ ፡ ዔሳው ፡ ዘይልህቅ ፡ ዘይትፈተው ፡ ዘሀሎ ፡ ኀቤሃ ፡ ውስተ ፡ ቤታ ፡ ወአልበሰቶ ፡ ለያዕቆብ ፡ ወልዳ ፡ ዘይንእስ ።	ወነሥአት ፡ ርብቃ ፡ አልባሰ ፡ ወልዳ ፡ ዔሳው ፡ ዘይልህቅ ፡ ዘይትፈተው ፡ ዘሀሎ ፡ ኀቤሃ ፡ ውስተ ፡ ቤታ ፡ ወአልበሰቶ ፡ ለያዕቆብ ፡ ወልዳ ፡ ዘይንእስ ።
26:12	ወወሀበቶ ፡ ተብሲለ ፡ ወኅብስተ ፡ ዘገብረት ፡ ውስተ ፡ እደ ፡ ያዕቆብ ፡ ወልዳ ።	ወወሀበቶ ፡ ተብሲለ ፡ ወኅብስተ ፡ ዘገብረት ፡ ውስተ ፡ እደ ፡ ያዕቆብ ፡ ወልዳ ።
26:13	ወቦአ ፡ ኀበ ፡ አቡሁ ፡ ወይቤ ፡ አነ ፡ ወልድከ ፡ ገበርኩ ፡ በከመ ፡ ትቤለኒ ፡ ተንሥእ ፡ ወንበር ፡ ወብልዕ ፡ እምዘ ፡ አሥገርኩ ፡ አባ ፡ ከመ ፡ ትባርከኒ ፡ ነፍስከ ።	ወቦአ ፡ ኀበ ፡ አቡሁ ፡ ወይቤ ፡ አነ ፡ ወልድከ ፡ ገበርኩ ፡ በከመ ፡ ትቤለኒ ፡ ተንሥእ ፡ ወንበር ፡ ወብልዕ ፡ እምዘ ፡ አሥገርኩ ፡ አባ ፡ ከመ ፡ ትባርከኒ ፡ ነፍስከ ።
26:14	ወይቤሎ ፡ ይስሐቅ ፡ ለወልዱ ፡ ምንተ ፡ ከመዝ ፡ ዘአፍጠንከ ፡ ረኪበ ፡ ወልድየ ።	ወይቤሎ ፡ ይስሐቅ ፡ ለወልዱ ፡ ምንተ ፡ ከመዝ ፡ ዘአፍጠንከ ፡ ረኪበ ፡ ወልድየ ።
26:15	ወይቤ ፡ ያዕቆብ ፡ ዘአርከበኒ ፡ አምላክከ ፡ ቅድሜየ ።	ወይቤ ፡ ያዕቆብ ፡ ዘአርከበኒ ፡ አምላክከ ፡ ቅድሜየ ።
26:16	ወይቤሎ ፡ ይስሐቅ ፡ ቅረብ ፡ ወእግሥሥከ ፡ ወልድየ ፡ እመ ፡ አንተ ፡ ወልድየ ፡ ዔሳው ፡ ወእመ ፡ ኢኮነሁ ።	ወይቤሎ ፡ ይስሐቅ ፡ ቅረብ ፡ ወእግሥሥከ ፡ ወልድየ ፡ እመ ፡ አንተ ፡ ወልድየ ፡ ዔሳው ፡ ወእመ ፡ ኢኮነሁ ።
26:17	ወቀርበ ፡ ያዕቆብ ፡ ኀበ ፡ ይስሐቅ ፡ አቡሁ ፡ ወገሰሶ ፡ ወይቤ ፡ 18 ቃል ፡ ቃለ ፡ ያዕቆብ ፡ ወእደው ፡ እደወ ፡ ዔሳው ፡ ወኢያእመሮ ፡ እስመ ፡ ሚጠት ፡ ውእቱ ፡ እምሰማይ ፡ ለአኅልፎ ፡ መንፈሱ ፡ ወኢያእመረ ፡ ይስሐቅ ፡ እስመ ፡ እደዊሁ ፡ ከመ ፡ እደወ ፡ ዔሳው ፡ ጸጓር ፡ ከመ ፡ ይባርኮ ።	ወቀርበ ፡ ያዕቆብ ፡ ኀበ ፡ ይስሐቅ ፡ አቡሁ ፡ ወገሰሶ ፡ ወይቤ ፡ 18 ቃል ፡ ቃለ ፡ ያዕቆብ ፡ ወእደው ፡ እደወ ፡ ዔሳው ፡ ወኢያእመሮ ፡ እስመ ፡ ሚጠት ፡ ውእቱ ፡ እምሰማይ ፡ ለአኅልፎ ፡ መንፈሱ ፡ ወኢያእመረ ፡ ይስሐቅ ፡ እስመ ፡ እደዊሁ ፡ ከመ ፡ እደወ ፡ ዔሳው ፡ ጸጓር ፡ ከመ ፡ ይባርኮ ።
26:19	ወይቤ ፡ አንተሁ ፡ ወልድየ ፡ ዔሳው ፡ ወይቤ ፡ አነ ፡ ወልድከ ፡ ወይቤ ፡ አቅርብ ፡ ሊተ ፡ ወእብላዕ ፡ እምዘ ፡ አሥግርከ ፡ ወልድየ ፡ ከመ ፡ ትባርከ ፡ ነፍስየ ፡ 20 ወአቅረበ ፡ ሎቱ ፡ ወበልዐ ፡ ሎቱ ፡ ወይነ ፡ ወሰትየ ።	ወይቤ ፡ አንተሁ ፡ ወልድየ ፡ ዔሳው ፡ ወይቤ ፡ አነ ፡ ወልድከ ፡ ወይቤ ፡ አቅርብ ፡ ሊተ ፡ ወእብላዕ ፡ እምዘ ፡ አሥግርከ ፡ ወልድየ ፡ ከመ ፡ ትባርከ ፡ ነፍስየ ፡ 20 ወአቅረበ ፡ ሎቱ ፡ ወበልዐ ፡ ሎቱ ፡ ወይነ ፡ ወሰትየ ።
26:21	ወይቤሎ ፡ ይስሐቅ ፡ አቡሁ ፡ ቅረብ ፡ ወሰዐመኒ ፡ ወልድየ ።	ወይቤሎ ፡ ይስሐቅ ፡ አቡሁ ፡ ቅረብ ፡ ወሰዐመኒ ፡ ወልድየ ።
26:22	ወአጼነወ ፡ ጼና ፡ ወዐዛ ፡ አልባሲሁ ፡ ወባረኮ ፡ ወይቤ ፡ ናሁ ፡ ጼና ፡ ወልድየ ፡ ከመ ፡ ጼና ፡ ገዳም ፡ ዘባረኮ ፡ እግዚአብሔር ።	ወአጼነወ ፡ ጼና ፡ ወዐዛ ፡ አልባሲሁ ፡ ወባረኮ ፡ ወይቤ ፡ ናሁ ፡ ጼና ፡ ወልድየ ፡ ከመ ፡ ጼና ፡ ገዳም ፡ ዘባረኮ ፡ እግዚአብሔር ።
26:23	ወየሀብከ ፡ እግዚአብሔር ፡ ወያብዝኅከ ፡ እምጠለ ፡ ሰማይ ፡ ወእምጠለ ፡ ምድር ፡ ወብዝኀ ፡ ስርናይ ፡ ወቅብእ ፡ ያብዝኅ ፡ ለከ ።	ወየሀብከ ፡ እግዚአብሔር ፡ ወያብዝኅከ ፡ እምጠለ ፡ ሰማይ ፡ ወእምጠለ ፡ ምድር ፡ ወብዝኀ ፡ ስርናይ ፡ ወቅብእ ፡ ያብዝኅ ፡ ለከ ።
26:24	ኩን ፡ እግዚአ ፡ ለአኀዊከ ፡ ወይስግዱ ፡ ለከ ፡ ውሉደ ፡ እምከ ፡ ወኵሎን ፡ በረከት ፡ ዘባረከኒ ፡ እግዚአብሔር ፡ ወባረኮ ፡ ለአብርሃም ፡ አቡየ ፡ ይኩና ፡ ለከ ፡ ወለዘርእከ ፡ እስከ ፡ ለዓለም ፡ ዘይረግመከ ፡ ርጉም ፡ ወዘይባርከከ ፡ ቡሩክ ።	ኩን ፡ እግዚአ ፡ ለአኀዊከ ፡ ወይስግዱ ፡ ለከ ፡ ውሉደ ፡ እምከ ፡ ወኵሎን ፡ በረከት ፡ ዘባረከኒ ፡ እግዚአብሔር ፡ ወባረኮ ፡ ለአብርሃም ፡ አቡየ ፡ ይኩና ፡ ለከ ፡ ወለዘርእከ ፡ እስከ ፡ ለዓለም ፡ ዘይረግመከ ፡ ርጉም ፡ ወዘይባርከከ ፡ ቡሩክ ።
26:25	ወኮነ ፡ እምድኅረ ፡ አኅለቀ ፡ እንዘ ፡ ይባርኮ ፡ ይስሐቅ ፡ ለወልዱ ፡ ያዕቆብ ፡ ወኮነ ፡ እምድኅረ ፡ ወፅአ ፡ ወፂኦ ፡ ያዕቆብ ፡ እምይስሐቅ ፡ አቡሁ ፡ ተኀብአ ።	ወኮነ ፡ እምድኅረ ፡ አኅለቀ ፡ እንዘ ፡ ይባርኮ ፡ ይስሐቅ ፡ ለወልዱ ፡ ያዕቆብ ፡ ወኮነ ፡ እምድኅረ ፡ ወፅአ ፡ ወፂኦ ፡ ያዕቆብ ፡ እምይስሐቅ ፡ አቡሁ ፡ ተኀብአ ።
26:26	ወገብረ ፡ ውእቱሂ ፡ መብልዐ ፡ ወአብአ ፡ ለአቡሁ ።	ወገብረ ፡ ውእቱሂ ፡ መብልዐ ፡ ወአብአ ፡ ለአቡሁ ።
26:27	ወይቤሎ ፡ ይስሐቅ ፡ አቡሁ ፡ መኑ ፡ አንተ ፡ ወይቤሎ ፡ አነ ፡ በኵርከ ፡ ዔሳው ፡ ወልድከ ፡ ገበርኩ ፡ በከመ ፡ አዘዝከኒ ።	ወይቤሎ ፡ ይስሐቅ ፡ አቡሁ ፡ መኑ ፡ አንተ ፡ ወይቤሎ ፡ አነ ፡ በኵርከ ፡ ዔሳው ፡ ወልድከ ፡ ገበርኩ ፡ በከመ ፡ አዘዝከኒ ።
26:28	ወተደመ ፡ ይስሐቅ ፡ ድማመ ፡ ዐቢየ ፡ ጥቀ ፡ ወይቤ ፡ መኑ ፡ ውእቱ ፡ ዝንቱ ፡ ዘነዐወ ፡ ወአሥገረ ፡ ሊተ ፡ ወአምጽአ ፡ ወበለዕኩ ፡ እምኵሉ ፡ እንበለ ፡ ትምጻእ ፡ ወባረክዎ ፡ ቡሩከ ፡ ይኩን ፡ ወኵሉ ፡ ዘርኡ ፡ እስከ ፡ ለዓለም ።	ወተደመ ፡ ይስሐቅ ፡ ድማመ ፡ ዐቢየ ፡ ጥቀ ፡ ወይቤ ፡ መኑ ፡ ውእቱ ፡ ዝንቱ ፡ ዘነዐወ ፡ ወአሥገረ ፡ ሊተ ፡ ወአምጽአ ፡ ወበለዕኩ ፡ እምኵሉ ፡ እንበለ ፡ ትምጻእ ፡ ወባረክዎ ፡ ቡሩከ ፡ ይኩን ፡ ወኵሉ ፡ ዘርኡ ፡ እስከ ፡ ለዓለም ።
26:29	ወኮነ ፡ ሶበ ፡ ሰምዐ ፡ ዔሳው ፡ ነገረ ፡ አቡሁ ፡ ይስሐቅ ፡ ጸርኀ ፡ በቃል ፡ ዐቢይ ፡ ወመራር ፡ ጥቀ ፡ ወይቤሎ ፡ ለአቡሁ ፡ ባርከኒ ፡ ኪያየኒ ፡ አባ ።	ወኮነ ፡ ሶበ ፡ ሰምዐ ፡ ዔሳው ፡ ነገረ ፡ አቡሁ ፡ ይስሐቅ ፡ ጸርኀ ፡ በቃል ፡ ዐቢይ ፡ ወመራር ፡ ጥቀ ፡ ወይቤሎ ፡ ለአቡሁ ፡ ባርከኒ ፡ ኪያየኒ ፡ አባ ።
26:30	ወይቤሎ ፡ መጽአ ፡ እኁከ ፡ በሕብል ፡ ወነሥአ ፡ በረከታቲከ ።	ወይቤሎ ፡ መጽአ ፡ እኁከ ፡ በሕብል ፡ ወነሥአ ፡ በረከታቲከ ።
26:31	ወይቤ ፡ ኢያትረፍከኑ ፡ ሊተ ፡ በረከተ ፡ አባ ።	ወይቤ ፡ ኢያትረፍከኑ ፡ ሊተ ፡ በረከተ ፡ አባ ።
26:32	ወይቤ ፡ ዔሳው ፡ ለይስሐቅ ፡ አቡሁ ፡ አሐቲኑ ፡ ክመ ፡ በረከትከ ፡ እንቲአከሰ ፡ አባ ፡ ባርከኒ ፡ ኪያየኒ ፡ አባ ፡ ወአንሥአ ፡ ዔሳው ፡ ቃሎ ፡ ወበክየ ።	ወይቤ ፡ ዔሳው ፡ ለይስሐቅ ፡ አቡሁ ፡ አሐቲኑ ፡ ክመ ፡ በረከትከ ፡ እንቲአከሰ ፡ አባ ፡ ባርከኒ ፡ ኪያየኒ ፡ አባ ፡ ወአንሥአ ፡ ዔሳው ፡ ቃሎ ፡ ወበክየ ።
26:34	ወበመጥባሕትከ ፡ ተሐዩ ፡ ወለእኁከ ፡ ትትቀነይ ።	ወበመጥባሕትከ ፡ ተሐዩ ፡ ወለእኁከ ፡ ትትቀነይ ።
26:35	ወይትሜአከ ፡ ዔሳው ፡ ያዕቆብሃ ፡ በእንተ ፡ በረከት ፡ እንተ ፡ ባረኮ ፡ አቡሁ ፡ ወይቤ ፡ በልቡ ፡ ይእዜኒ ፡ ይበጽሕ ፡ መዋዕለ ፡ ላሐ ፡ አቡየ ፡ ወእቀትሎ ፡ ለያዕቆብ ፡ እኁየ ።	ወይትሜአከ ፡ ዔሳው ፡ ያዕቆብሃ ፡ በእንተ ፡ በረከት ፡ እንተ ፡ ባረኮ ፡ አቡሁ ፡ ወይቤ ፡ በልቡ ፡ ይእዜኒ ፡ ይበጽሕ ፡ መዋዕለ ፡ ላሐ ፡ አቡየ ፡ ወእቀትሎ ፡ ለያዕቆብ ፡ እኁየ ።