Jubilees

Jubilees 23 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
23:1	ወአንበረ ፡ ክልኤሆን ፡ አጻብዐ ፡ ያዕቆብ ፡ ዲበ ፡ አዕይንቲሁ ፡ ወባረኮ ፡ ለአምላከ ፡ አማልክት ፡ ወከደነ ፡ ገጾ ፡ ወሰፍሐ ፡ እገሪሁ ፡ ወኖመ ፡ ንዋመ ፡ ዘለዓለም ።	ወአንበረ ፡ ክልኤሆን ፡ አጻብዐ ፡ ያዕቆብ ፡ ዲበ ፡ አዕይንቲሁ ፡ ወባረኮ ፡ ለአምላከ ፡ አማልክት ፡ ወከደነ ፡ ገጾ ፡ ወሰፍሐ ፡ እገሪሁ ፡ ወኖመ ፡ ንዋመ ፡ ዘለዓለም ።
23:2	ወበዝ ፡ ኵሉ ፡ ሀሎ ፡ ያዕቆብ ፡ ይሰክብ ፡ ውስተ ፡ ሕፅኑ ፡ ወኢያእመረ ፡ ከመ ፡ ሞተ ፡ አብርሃም ፡ አበ ፡ አቡሁ ።	ወበዝ ፡ ኵሉ ፡ ሀሎ ፡ ያዕቆብ ፡ ይሰክብ ፡ ውስተ ፡ ሕፅኑ ፡ ወኢያእመረ ፡ ከመ ፡ ሞተ ፡ አብርሃም ፡ አበ ፡ አቡሁ ።
23:3	ወነቅሀ ፡ ያዕቆብ ፡ እምንዋሙ ።	ወነቅሀ ፡ ያዕቆብ ፡ እምንዋሙ ።
23:4	ወተንሥአ ፡ እምሕፅኑ ፡ ወሮጸ ፡ ወነገራ ፡ ለርብቃ ፡ እሙ ።	ወተንሥአ ፡ እምሕፅኑ ፡ ወሮጸ ፡ ወነገራ ፡ ለርብቃ ፡ እሙ ።
23:5	ወወድቀ ፡ ይስሐቅ ፡ ውስተ ፡ ገጸ ፡ አቡሁ ፡ ወበከየ ፡ ወሰዐሞ ።	ወወድቀ ፡ ይስሐቅ ፡ ውስተ ፡ ገጸ ፡ አቡሁ ፡ ወበከየ ፡ ወሰዐሞ ።
23:6	ወቃል ፡ ተሰምዐ ፡ በቤተ ፡ አብርሃም ።	ወቃል ፡ ተሰምዐ ፡ በቤተ ፡ አብርሃም ።
23:7	ወቀበርዎ ፡ ውስተ ፡ በዐት ፡ ካዕበት ፡ ቅሩበ ፡ ሳራ ፡ ብእሲቱ ፡ ወውሉዱ ፡ ይስሐቅ ፡ ወይስማዔል ።	ወቀበርዎ ፡ ውስተ ፡ በዐት ፡ ካዕበት ፡ ቅሩበ ፡ ሳራ ፡ ብእሲቱ ፡ ወውሉዱ ፡ ይስሐቅ ፡ ወይስማዔል ።
23:8	ሠለስተ ፡ ኢዮቤልዉ ፡ ሐይወ ፡ ወአርባዕተ ፡ ሱባዔ ፡ ዓመተ ፡ ምእተ ፡ ወሰብዓ ፡ ወኀምስተ ፡ ዓመተ ፡ ወፈጸመ ፡ መዋዕለ ፡ ሕይወቱ ፡ ልህቀ ፡ ወፍጹመ ፡ መዋዕል ፡ 9 እስመ ፡ መዋዕለ ፡ ቀደምት ፡ እማንቱ ፡ ለሕይወቶሙ ፡ ዐሠርቱ ፡ ወተስዐቱ ፡ ኢዮቤልውሳት ።	ሠለስተ ፡ ኢዮቤልዉ ፡ ሐይወ ፡ ወአርባዕተ ፡ ሱባዔ ፡ ዓመተ ፡ ምእተ ፡ ወሰብዓ ፡ ወኀምስተ ፡ ዓመተ ፡ ወፈጸመ ፡ መዋዕለ ፡ ሕይወቱ ፡ ልህቀ ፡ ወፍጹመ ፡ መዋዕል ፡ 9 እስመ ፡ መዋዕለ ፡ ቀደምት ፡ እማንቱ ፡ ለሕይወቶሙ ፡ ዐሠርቱ ፡ ወተስዐቱ ፡ ኢዮቤልውሳት ።
23:10	እስመ ፡ አብርሃምሰ ፡ ፍጹም ፡ በኵሉ ፡ ምግባሪሁ ፡ ምስለ ፡ እግዚአብሔር ።	እስመ ፡ አብርሃምሰ ፡ ፍጹም ፡ በኵሉ ፡ ምግባሪሁ ፡ ምስለ ፡ እግዚአብሔር ።
23:11	ወኵሉ ፡ ትውልድ ፡ ዘይትነሣእ ፡ እምይእዜ ፡ ወእስከ ፡ ዕለተ ፡ ደይን ፡ ዐባይ ፡ ይረስኡ ፡ ፍጡነ ፡ ዘእንበለ ፡ ይፈጽሙ ፡ ክልኤ ፡ ኢዮቤልዉ ።	ወኵሉ ፡ ትውልድ ፡ ዘይትነሣእ ፡ እምይእዜ ፡ ወእስከ ፡ ዕለተ ፡ ደይን ፡ ዐባይ ፡ ይረስኡ ፡ ፍጡነ ፡ ዘእንበለ ፡ ይፈጽሙ ፡ ክልኤ ፡ ኢዮቤልዉ ።
23:12	ወበውእቱ ፡ መዋዕል ፡ እመ ፡ ሐይወ ፡ ብእሲ ፡ ኢዮቤልዉ ፡ ወመንፈቀ ፡ ዓመታት ፡ ይብሉ ፡ በእንቲአሁ ፡ አብዝኀ ፡ ሐይወ ፡ ወመብዝኅተ ፡ መዋዕሊሁ ፡ ሕማም ፡ ወስራሕ ፡ ወምንዳቤ ፡ ወአልቦ ፡ ሰላመ ፡ 13 እስመ ፡ መቅሠፍት ፡ ዲበ ፡ መቅሠፍት ፡ ወጽልዓን ፡ ዲበ ፡ ጽልዓን ፡ ወምንዳቤ ፡ ዲበ ፡ ምንዳቤ ፡ ወስምዓተ ፡ እኩይ ፡ ዲበ ፡ ስምዓተ ፡ እኩይ ፡ ወደዌ ፡ ዲበ ፡ ደዌ ፡ ወኵሉ ፡ ኵነኔ ፡ እኩይ ፡ ዘከማሁ ፡ ዝንቱ ፡ ምስለ ፡ ዝንቱ ፡ ደዌ ፡ ወገበጥባጥ ፡ ወአስሐትያ ፡ ወበረድ ፡ ወሐመዳ ፡ ወነበርጻው ፡ ወሰከሕካሕ ፡ ወሰዖዛዝ ፡ ወዐባር ፡ ወሞት ፡ ወመጥባሕት ፡ ወፂዋዌ ።	ወበውእቱ ፡ መዋዕል ፡ እመ ፡ ሐይወ ፡ ብእሲ ፡ ኢዮቤልዉ ፡ ወመንፈቀ ፡ ዓመታት ፡ ይብሉ ፡ በእንቲአሁ ፡ አብዝኀ ፡ ሐይወ ፡ ወመብዝኅተ ፡ መዋዕሊሁ ፡ ሕማም ፡ ወስራሕ ፡ ወምንዳቤ ፡ ወአልቦ ፡ ሰላመ ፡ 13 እስመ ፡ መቅሠፍት ፡ ዲበ ፡ መቅሠፍት ፡ ወጽልዓን ፡ ዲበ ፡ ጽልዓን ፡ ወምንዳቤ ፡ ዲበ ፡ ምንዳቤ ፡ ወስምዓተ ፡ እኩይ ፡ ዲበ ፡ ስምዓተ ፡ እኩይ ፡ ወደዌ ፡ ዲበ ፡ ደዌ ፡ ወኵሉ ፡ ኵነኔ ፡ እኩይ ፡ ዘከማሁ ፡ ዝንቱ ፡ ምስለ ፡ ዝንቱ ፡ ደዌ ፡ ወገበጥባጥ ፡ ወአስሐትያ ፡ ወበረድ ፡ ወሐመዳ ፡ ወነበርጻው ፡ ወሰከሕካሕ ፡ ወሰዖዛዝ ፡ ወዐባር ፡ ወሞት ፡ ወመጥባሕት ፡ ወፂዋዌ ።
23:14	ወኵሉ ፡ ዝንቱ ፡ ይመጽእ ፡ በትውልድ ፡ እኪት ፡ እንተ ፡ ታኤብስ ፡ ምድረ ፡ በርኵሰ ፡ ዝሙት ፡ ወበግማኔ ፡ ወበሰቆራር ፡ ግብሮሙ ።	ወኵሉ ፡ ዝንቱ ፡ ይመጽእ ፡ በትውልድ ፡ እኪት ፡ እንተ ፡ ታኤብስ ፡ ምድረ ፡ በርኵሰ ፡ ዝሙት ፡ ወበግማኔ ፡ ወበሰቆራር ፡ ግብሮሙ ።
23:15	አሜሃ ፡ ይብሉ ፡ ለቀደምት ፡ መዋዕሌሆሙ ፡ ብዙኅ ፡ እስከ ፡ ዐሠርቱ ፡ ምእት ፡ ዓመት ፡ ወሠናይ ።	አሜሃ ፡ ይብሉ ፡ ለቀደምት ፡ መዋዕሌሆሙ ፡ ብዙኅ ፡ እስከ ፡ ዐሠርቱ ፡ ምእት ፡ ዓመት ፡ ወሠናይ ።
23:16	ወበይእቲ ፡ ትውልድ ፡ ይከውኑ ፡ ደቂቅ ፡ እንዘ ፡ ይዛለፉ ፡ አበዊሆሙ ፡ ወአዕሩጊሆሙ ፡ በእንተ ፡ ኀጢአት ፡ ወበእንተ ፡ ዐመፃ ፡ ወበእንተ ፡ ንባበ ፡ አፉሆሙ ፡ ወበእንተ ፡ እከያት ፡ ዐበይት ፡ ዘእሙንቱ ፡ ይገብሩ ።	ወበይእቲ ፡ ትውልድ ፡ ይከውኑ ፡ ደቂቅ ፡ እንዘ ፡ ይዛለፉ ፡ አበዊሆሙ ፡ ወአዕሩጊሆሙ ፡ በእንተ ፡ ኀጢአት ፡ ወበእንተ ፡ ዐመፃ ፡ ወበእንተ ፡ ንባበ ፡ አፉሆሙ ፡ ወበእንተ ፡ እከያት ፡ ዐበይት ፡ ዘእሙንቱ ፡ ይገብሩ ።
23:17	እስመ ፡ ኵሎሙ ፡ አእከዩ ፡ ወኵሉ ፡ አፍ ፡ ይትናገር ፡ አበሳ ።	እስመ ፡ ኵሎሙ ፡ አእከዩ ፡ ወኵሉ ፡ አፍ ፡ ይትናገር ፡ አበሳ ።
23:18	ናሁ ፡ ምድር ፡ ትትሐጐል ፡ በእንተ ፡ ኵሉ ፡ ምግባሮሙ ፡ ወአልቦ ፡ ዘርአ ፡ ወይን ፡ ወአልቦ ፡ ቅብአ ፡ እስመ ፡ ኵሉ ፡ ካሕድ ፡ ምግባሪሆሙ ፡ ወኵሎሙ ፡ ይትሐጐሉ ፡ ኅቡረ ፡ አራዊት ፡ ወእንስሳ ፡ ወአዕዋፍ ።	ናሁ ፡ ምድር ፡ ትትሐጐል ፡ በእንተ ፡ ኵሉ ፡ ምግባሮሙ ፡ ወአልቦ ፡ ዘርአ ፡ ወይን ፡ ወአልቦ ፡ ቅብአ ፡ እስመ ፡ ኵሉ ፡ ካሕድ ፡ ምግባሪሆሙ ፡ ወኵሎሙ ፡ ይትሐጐሉ ፡ ኅቡረ ፡ አራዊት ፡ ወእንስሳ ፡ ወአዕዋፍ ።
23:19	ወይትባአሱ ፡ እሉ ፡ ምስለ ፡ እሉ ፡ ወራዙት ፡ ምስለ ፡ ሊቃናት ፡ ወሊቃናት ፡ ምስለ ፡ ወራዙት ፡ ነዳይ ፡ ምስለ ፡ ባዕል ፡ ትሑት ፡ ምስለ ፡ ዐቢይ ፡ ወምስኪን ፡ ምስለ ፡ መኰንን ፡ በእንተ ፡ ሕግ ፡ ወበእንተ ፡ ኪዳን ፡ እስመ ፡ ረስዑ ፡ ትእዛዘ ፡ ወኪዳነ ፡ ወበዓለ ፡ ወወርኀ ፡ ወሰንበተ ፡ ወኢዮቤሌው ፡ ወኵሎ ፡ ኵነኔ ።	ወይትባአሱ ፡ እሉ ፡ ምስለ ፡ እሉ ፡ ወራዙት ፡ ምስለ ፡ ሊቃናት ፡ ወሊቃናት ፡ ምስለ ፡ ወራዙት ፡ ነዳይ ፡ ምስለ ፡ ባዕል ፡ ትሑት ፡ ምስለ ፡ ዐቢይ ፡ ወምስኪን ፡ ምስለ ፡ መኰንን ፡ በእንተ ፡ ሕግ ፡ ወበእንተ ፡ ኪዳን ፡ እስመ ፡ ረስዑ ፡ ትእዛዘ ፡ ወኪዳነ ፡ ወበዓለ ፡ ወወርኀ ፡ ወሰንበተ ፡ ወኢዮቤሌው ፡ ወኵሎ ፡ ኵነኔ ።
23:20	ወይቀውሙ ፡ በአስይፍት ፡ ወበቀትል ፡ ከመ ፡ ይሚጥዎሙ ፡ ውስተ ፡ ፍኖት ፡ ወኢይትመየጡ ፡ እስከ ፡ ይትከዐው ፡ ደም ፡ ብዙኅ ፡ ዲበ ፡ ምድር ፡ እሉ ፡ በእሉ ፡ 21 ወእለ ፡ ድኅኑ ፡ በፍኖተ ፡ ጽድቅ ፡ ኢይትመየጡ ፡ እምነ ፡ እከዮሙ ፡ እስመ ፡ ኵሎሙ ፡ ለትእግልት ፡ ወውስተ ፡ ብዕል ፡ ይትነሥኡ ፡ ከመ ፡ ይንሣእ ፡ አሐዱ ፡ ኵሎ ፡ ዘቢጹ ፡ ወስመ ፡ ዐቢየ ፡ ይሰመዩ ፡ ወአኮ ፡ በህልው ፡ ወአኮ ፡ በጽድቅ ፡ ወቅድሳተ ፡ ቅዱስ ፡ ያረኵሱ ፡ በርኵሰ ፡ ሙስና ፡ ግማኔሆሙ ።	ወይቀውሙ ፡ በአስይፍት ፡ ወበቀትል ፡ ከመ ፡ ይሚጥዎሙ ፡ ውስተ ፡ ፍኖት ፡ ወኢይትመየጡ ፡ እስከ ፡ ይትከዐው ፡ ደም ፡ ብዙኅ ፡ ዲበ ፡ ምድር ፡ እሉ ፡ በእሉ ፡ 21 ወእለ ፡ ድኅኑ ፡ በፍኖተ ፡ ጽድቅ ፡ ኢይትመየጡ ፡ እምነ ፡ እከዮሙ ፡ እስመ ፡ ኵሎሙ ፡ ለትእግልት ፡ ወውስተ ፡ ብዕል ፡ ይትነሥኡ ፡ ከመ ፡ ይንሣእ ፡ አሐዱ ፡ ኵሎ ፡ ዘቢጹ ፡ ወስመ ፡ ዐቢየ ፡ ይሰመዩ ፡ ወአኮ ፡ በህልው ፡ ወአኮ ፡ በጽድቅ ፡ ወቅድሳተ ፡ ቅዱስ ፡ ያረኵሱ ፡ በርኵሰ ፡ ሙስና ፡ ግማኔሆሙ ።
23:22	ወይከውን ፡ መቅሠፍት ፡ ዐቢይ ፡ ዲበ ፡ ግብረ ፡ ይእቲ ፡ ትውልድ ፡ እምኀበ ፡ እግዚአብሔር ፡ ወይሁቦሙ ፡ ለመጥባሕት ፡ ወለኵነኔ ፡ ወለፂዋዌ ፡ ወለሀይድ ፡ ወለብልዐት ።	ወይከውን ፡ መቅሠፍት ፡ ዐቢይ ፡ ዲበ ፡ ግብረ ፡ ይእቲ ፡ ትውልድ ፡ እምኀበ ፡ እግዚአብሔር ፡ ወይሁቦሙ ፡ ለመጥባሕት ፡ ወለኵነኔ ፡ ወለፂዋዌ ፡ ወለሀይድ ፡ ወለብልዐት ።
23:23	ወያነቅህ ፡ ላዕሌሆሙ ፡ ኃጢኣኒሆሙ ፡ ለአሕዛብ ፡ እለ ፡ አልቦሙ ፡ ላዕሌሆሙ ፡ ምሕረተ ፡ ወሣህለ ፡ ወለገጸ ፡ መኑሂ ፡ ኢያደልው ፡ ኢለልሂቅ ፡ ወኢለወሬዛ ፡ ወኢለመኑሂ ፡ እስመ ፡ እኩያን ፡ ወኀያላን ፡ ከመ ፡ ይእከዩ ፡ እምኵሉ ፡ ውሉደ ፡ ሰብእ ፡ ወይገብሩ ፡ ውስተ ፡ እስራኤል ፡ ሀከከ ፡ ወዲበ ፡ ያዕቆብ ፡ አበሳ ፡ ወይትከዐው ፡ ደም ፡ ብዙኅ ፡ ዲበ ፡ ምድር ፡ ወአልቦ ፡ ዘያስተጋብእ ፡ ወአልቦ ፡ ዘይቀብር ።	ወያነቅህ ፡ ላዕሌሆሙ ፡ ኃጢኣኒሆሙ ፡ ለአሕዛብ ፡ እለ ፡ አልቦሙ ፡ ላዕሌሆሙ ፡ ምሕረተ ፡ ወሣህለ ፡ ወለገጸ ፡ መኑሂ ፡ ኢያደልው ፡ ኢለልሂቅ ፡ ወኢለወሬዛ ፡ ወኢለመኑሂ ፡ እስመ ፡ እኩያን ፡ ወኀያላን ፡ ከመ ፡ ይእከዩ ፡ እምኵሉ ፡ ውሉደ ፡ ሰብእ ፡ ወይገብሩ ፡ ውስተ ፡ እስራኤል ፡ ሀከከ ፡ ወዲበ ፡ ያዕቆብ ፡ አበሳ ፡ ወይትከዐው ፡ ደም ፡ ብዙኅ ፡ ዲበ ፡ ምድር ፡ ወአልቦ ፡ ዘያስተጋብእ ፡ ወአልቦ ፡ ዘይቀብር ።
23:24	በውእቱ ፡ መዋዕል ፡ ይጸርኁ ፡ ወይጼውዑ ፡ ወይጼልዩ ፡ ከመ ፡ ይድኀኑ ፡ እምእደ ፡ ኃጥኣን ፡ አሕዛብ ፡ ወአልቦ ፡ ዘያድኅን ፡ 25 ወይጸዐዱ ፡ አርእስተ ፡ ደቂቅ ፡ በሲበት ፡ ወያስተርኢ ፡ ሕፃን ፡ ወልደ ፡ ሠለስቱ ፡ ሱባዔ ፡ ልሂቀ ፡ ከመ ፡ ዘምእት ፡ ዓመቱ ፡ ወይትሐጐል ፡ ቁመቶሙ ፡ በምንዳቤ ፡ ወበጻዕር ።	በውእቱ ፡ መዋዕል ፡ ይጸርኁ ፡ ወይጼውዑ ፡ ወይጼልዩ ፡ ከመ ፡ ይድኀኑ ፡ እምእደ ፡ ኃጥኣን ፡ አሕዛብ ፡ ወአልቦ ፡ ዘያድኅን ፡ 25 ወይጸዐዱ ፡ አርእስተ ፡ ደቂቅ ፡ በሲበት ፡ ወያስተርኢ ፡ ሕፃን ፡ ወልደ ፡ ሠለስቱ ፡ ሱባዔ ፡ ልሂቀ ፡ ከመ ፡ ዘምእት ፡ ዓመቱ ፡ ወይትሐጐል ፡ ቁመቶሙ ፡ በምንዳቤ ፡ ወበጻዕር ።
23:26	ወበውእቶን ፡ መዋዕል ፡ ይእኅዙ ፡ ደቂቅ ፡ ይትኀሠሡ ፡ ሕገገ ፡ ወለኃሢሠ ፡ ትእዛዝ ፡ ወለተመይጦ ፡ ውስተ ፡ ፍኖተ ፡ ጽድቅ ።	ወበውእቶን ፡ መዋዕል ፡ ይእኅዙ ፡ ደቂቅ ፡ ይትኀሠሡ ፡ ሕገገ ፡ ወለኃሢሠ ፡ ትእዛዝ ፡ ወለተመይጦ ፡ ውስተ ፡ ፍኖተ ፡ ጽድቅ ።
23:27	ወይእኅዛ ፡ መዋዕል ፡ ይብዝኃ ፡ ወይልሀቃ ፡ ወውሉደ ፡ ሰብእ ፡ ትውልድ ፡ እምትውልድ ፡ ወዕለት ፡ እመዋዕል ፡ እስከ ፡ ሶበ ፡ ይቀርብ ፡ መዋዕሊሆሙ ፡ ለዐሠርቱ ፡ ምእት ፡ ዓመት ፡ ወለብዙኅ ፡ ዓመታት ፡ እምነ ፡ ብዙኅ ፡ መዋዕል ፡ 28 ወአልቦ ፡ ልሂቀ ፡ ወአልቦ ፡ ዘይጸግብ ፡ መዋዕለ ፡ እስመ ፡ ኵሎሙ ፡ ሕፃናተ ፡ ወደቂቀ ፡ ይከውኑ ፡ 29 ወኵሎን ፡ መዋዕሊሆሙ ፡ በሰላም ፡ ወበፍሥሓ ፡ ይፌጽሙ ፡ ወይሐይዉ ፡ ወአልቦ ፡ መነሂ ፡ ሰይጣነ ፡ ወአልቦ ፡ መነሂ ፡ እኩየ ፡ ዘያማስን ፡ እስመ ፡ ኵሎን ፡ መዋዕሊሆሙ ፡ መዋዕለ ፡ በረከት ፡ ወፈውስ ፡ ይከውና ።	ወይእኅዛ ፡ መዋዕል ፡ ይብዝኃ ፡ ወይልሀቃ ፡ ወውሉደ ፡ ሰብእ ፡ ትውልድ ፡ እምትውልድ ፡ ወዕለት ፡ እመዋዕል ፡ እስከ ፡ ሶበ ፡ ይቀርብ ፡ መዋዕሊሆሙ ፡ ለዐሠርቱ ፡ ምእት ፡ ዓመት ፡ ወለብዙኅ ፡ ዓመታት ፡ እምነ ፡ ብዙኅ ፡ መዋዕል ፡ 28 ወአልቦ ፡ ልሂቀ ፡ ወአልቦ ፡ ዘይጸግብ ፡ መዋዕለ ፡ እስመ ፡ ኵሎሙ ፡ ሕፃናተ ፡ ወደቂቀ ፡ ይከውኑ ፡ 29 ወኵሎን ፡ መዋዕሊሆሙ ፡ በሰላም ፡ ወበፍሥሓ ፡ ይፌጽሙ ፡ ወይሐይዉ ፡ ወአልቦ ፡ መነሂ ፡ ሰይጣነ ፡ ወአልቦ ፡ መነሂ ፡ እኩየ ፡ ዘያማስን ፡ እስመ ፡ ኵሎን ፡ መዋዕሊሆሙ ፡ መዋዕለ ፡ በረከት ፡ ወፈውስ ፡ ይከውና ።
23:30	አሜሃ ፡ ይፌውስ ፡ እግዚአብሔር ፡ አግብርቲሁ ፡ ወይትነሥኡ ፡ ወይሬእዩ ፡ ሰላመ ፡ ዐቢየ ፡ ወይሰድድ ፡ ጸላእቶ ፡ ወይሬእዩ ፡ ጻድቃን ፡ ወያአኵቱ ፡ ወይትፌሥሑ ፡ እስከ ፡ ለዓለመ ፡ ዓለም ፡ በፍሥሓ ።	አሜሃ ፡ ይፌውስ ፡ እግዚአብሔር ፡ አግብርቲሁ ፡ ወይትነሥኡ ፡ ወይሬእዩ ፡ ሰላመ ፡ ዐቢየ ፡ ወይሰድድ ፡ ጸላእቶ ፡ ወይሬእዩ ፡ ጻድቃን ፡ ወያአኵቱ ፡ ወይትፌሥሑ ፡ እስከ ፡ ለዓለመ ፡ ዓለም ፡ በፍሥሓ ።
23:31	ወያዐርፍ ፡ አዕፅምቲሆሙ ፡ ውስተ ፡ ምድር ።	ወያዐርፍ ፡ አዕፅምቲሆሙ ፡ ውስተ ፡ ምድር ።
23:32	ወአንተኒ ፡ ሙሴ ፡ ጸሐፍ ፡ ዘንተ ፡ ቃላተ ፡ እስመ ፡ ከመዝ ፡ ጽሑፍ ፡ ውእቱ ፡ ወየዐርጉ ፡ ውስተ ፡ ስምዐ ፡ ጽላተ ፡ ሰማይ ፡ ለትውልድ ፡ ዘለዓለም ።	ወአንተኒ ፡ ሙሴ ፡ ጸሐፍ ፡ ዘንተ ፡ ቃላተ ፡ እስመ ፡ ከመዝ ፡ ጽሑፍ ፡ ውእቱ ፡ ወየዐርጉ ፡ ውስተ ፡ ስምዐ ፡ ጽላተ ፡ ሰማይ ፡ ለትውልድ ፡ ዘለዓለም ።