Jubilees 21 — 2 originals side by side

ወበሳድስ ፡ ዓመት ፡ ዘሳብዕ ፡ ሱባዔ ፡ ዘዝንቱ ፡ ኢዮቤልዉ ፡ ጸውዐ ፡ አብርሃም ፡ ይስሐቅሃ ፡ ወልዶ ፡ ወአዘዞ ፡ እንዘ ፡ ይብል ፡ አነ ፡ ረሳእኩ ፡ ወኢያአምር ፡ ዕለተ ፡ ሞትየ ፡ እስመ ፡ ጸገብኩ ፡ መዋዕልየ ።

ወበሳድስ ፡ ዓመት ፡ ዘሳብዕ ፡ ሱባዔ ፡ ዘዝንቱ ፡ ኢዮቤልዉ ፡ ጸውዐ ፡ አብርሃም ፡ ይስሐቅሃ ፡ ወልዶ ፡ ወአዘዞ ፡ እንዘ ፡ ይብል ፡ አነ ፡ ረሳእኩ ፡ ወኢያአምር ፡ ዕለተ ፡ ሞትየ ፡ እስመ ፡ ጸገብኩ ፡ መዋዕልየ ።

ወናሁ ፡ አነ ፡ ወልደ ፡ ምእት ፡ ወሰብዓ ፡ ወኀምስቱ ፡ ዓመት ፡ ወበኵሉ ፡ መዋዕለ ፡ ሕይወትየ ፡ ሀሎኩ ፡ እንዘ ፡ እዜከሮ ፡ ለእግዚአብሔር ፡ ወእንዘ ፡ አኀሥሥ ፡ በኵሉ ፡ ልብየ ፡ ከመ ፡ እግበር ፡ ፈቃዳቲሁ ፡ ወከመ ፡ አርትዕ ፡ ሐዊረ ፡ በኵሉ ፡ ፍናዊሁ ፡ 3 ጣዖተ ፡ ጸልአት ፡ ነፍስየ ፡ ከመ ፡ እትዓቀብ ፡ ለገቢረ ፡ ፈቃዱ ፡ ለዘ ፡ ፈጠረኒ ፡ 4 እስመ ፡ አምላክ ፡ ሕያው ፡ ውእቱ ፡ ወቅዱስ ፡ ውእቱ ፡ ወምእመን ፡ ወጻድቅ ፡ ውእቱ ፡ እምኵሉ ፡ ወአልቦ ፡ በኀቤሁ ፡ ነሢአ ፡ ገጽ ፡ ወነሢአ ፡ ሕልያን ፡ እስመ ፡ አምላክ ፡ ጻድቅ ፡ ውስቱ ፡ ወገባሬ ፡ ኵነኔ ፡ ውእቱ ፡ እምኵሎሙ ፡ እለ ፡ ይትዐደዉ ፡ ትእዛዞ ፡ ወለእለ ፡ ይሜንኑ ፡ ኪዳኖ ።

ወናሁ ፡ አነ ፡ ወልደ ፡ ምእት ፡ ወሰብዓ ፡ ወኀምስቱ ፡ ዓመት ፡ ወበኵሉ ፡ መዋዕለ ፡ ሕይወትየ ፡ ሀሎኩ ፡ እንዘ ፡ እዜከሮ ፡ ለእግዚአብሔር ፡ ወእንዘ ፡ አኀሥሥ ፡ በኵሉ ፡ ልብየ ፡ ከመ ፡ እግበር ፡ ፈቃዳቲሁ ፡ ወከመ ፡ አርትዕ ፡ ሐዊረ ፡ በኵሉ ፡ ፍናዊሁ ፡ 3 ጣዖተ ፡ ጸልአት ፡ ነፍስየ ፡ ከመ ፡ እትዓቀብ ፡ ለገቢረ ፡ ፈቃዱ ፡ ለዘ ፡ ፈጠረኒ ፡ 4 እስመ ፡ አምላክ ፡ ሕያው ፡ ውእቱ ፡ ወቅዱስ ፡ ውእቱ ፡ ወምእመን ፡ ወጻድቅ ፡ ውእቱ ፡ እምኵሉ ፡ ወአልቦ ፡ በኀቤሁ ፡ ነሢአ ፡ ገጽ ፡ ወነሢአ ፡ ሕልያን ፡ እስመ ፡ አምላክ ፡ ጻድቅ ፡ ውስቱ ፡ ወገባሬ ፡ ኵነኔ ፡ ውእቱ ፡ እምኵሎሙ ፡ እለ ፡ ይትዐደዉ ፡ ትእዛዞ ፡ ወለእለ ፡ ይሜንኑ ፡ ኪዳኖ ።

ወአንተኒ ፡ ወልድየ ፡ ዕቀብ ፡ ትእዛዞ ፡ ወሥርዓቶ ፡ ወኵነኔሁ ፡ ወኢትሖር ፡ ድኅሬሆሙ ፡ ለርኩሳን ፡ ወድኅሬሆሙ ፡ ለግልፎ ፡ ወድኅሬሆሙ ፡ ለስብኮ ፡ 6 ወኢትብላዕ ፡ ምንተኒ ፡ ደመ ፡ ዘአርዌ ፡ ወእንስሳ ፡ ወዘኵሉ ፡ ዖፍ ፡ ዘይሰርር ፡ ውስተ ፡ ሰማይ ፡ 7 ወለእመ ፡ ኀረድከ ፡ ኅርድ ፡ ለጽንሐሐ ፡ ሰላም ፡ ዘይሰጠው ፡ ኅርድዎ ፡ ወደሞሙ ፡ ትክዕዉ ፡ ውስተ ፡ ምሥዋዕ ፡ ወኵሎ ፡ ስብሐ ፡ ጽንሐሕ ፡ ታዐርግ ፡ ውስተ ፡ ምሥዋዕ ፡ ምስለ ፡ ስንዳሌ ፡ ወመሥዋዕተ ፡ ልዉስ ፡ በቅብእ ፡ ምስለ ፡ ሞጻሕቱ ፡ ታዐርጎ ፡ ኵሎ ፡ ኅቡረ ፡ ዲበ ፡ ምሥዋዕ ፡ ጽንሐሐ ፡ መዓዛ ፡ ሠናይ ፡ ቅድመ ፡ እግዚአብሔር ፡ 8 በከመ ፡ ስብሐ ፡ መሥዋዕተ ፡ መድኃኒት ፡ ታነብር ፡ ዲበ ፡ እሳት ፡ ዘዲበ ፡ መሥዋዕት ፡ በከመ ፡ ስብሕ ፡ ዘዲበ ፡ ከርሥ ፡ ወኵሎ ፡ ስብሐ ፡ ዘዲበ ፡ ንዋየ ፡ ውስጥ ፡ ወክልኤ ፡ ኵልያተ ፡ ወኵሎ ፡ ስብሐ ፡ ዘዲቤሆሙ ፡ ወዘዲበ ፡ መናቅዕ ፡ ወከብድ ፡ ምስለ ፡ ኵልያት ፡ ጥብሉለ ፡ 9 ወታዐርግ ፡ ዘንተ ፡ ኵሎ ፡ ለመዓዛ ፡ ሠናይ ፡ ዘይሰጠው ፡ ቅድመ ፡ እግዚአብሔር ፡ ምስለ ፡ መሥዋዕቱ ፡ ወምስለ ፡ ሞጻሕቱ ፡ ከመዓዛ ፡ ሠናይ ፡ ኅብስተ ፡ ጽንሐሕ ፡ ለእግዚአብሔር ።

ወአንተኒ ፡ ወልድየ ፡ ዕቀብ ፡ ትእዛዞ ፡ ወሥርዓቶ ፡ ወኵነኔሁ ፡ ወኢትሖር ፡ ድኅሬሆሙ ፡ ለርኩሳን ፡ ወድኅሬሆሙ ፡ ለግልፎ ፡ ወድኅሬሆሙ ፡ ለስብኮ ፡ 6 ወኢትብላዕ ፡ ምንተኒ ፡ ደመ ፡ ዘአርዌ ፡ ወእንስሳ ፡ ወዘኵሉ ፡ ዖፍ ፡ ዘይሰርር ፡ ውስተ ፡ ሰማይ ፡ 7 ወለእመ ፡ ኀረድከ ፡ ኅርድ ፡ ለጽንሐሐ ፡ ሰላም ፡ ዘይሰጠው ፡ ኅርድዎ ፡ ወደሞሙ ፡ ትክዕዉ ፡ ውስተ ፡ ምሥዋዕ ፡ ወኵሎ ፡ ስብሐ ፡ ጽንሐሕ ፡ ታዐርግ ፡ ውስተ ፡ ምሥዋዕ ፡ ምስለ ፡ ስንዳሌ ፡ ወመሥዋዕተ ፡ ልዉስ ፡ በቅብእ ፡ ምስለ ፡ ሞጻሕቱ ፡ ታዐርጎ ፡ ኵሎ ፡ ኅቡረ ፡ ዲበ ፡ ምሥዋዕ ፡ ጽንሐሐ ፡ መዓዛ ፡ ሠናይ ፡ ቅድመ ፡ እግዚአብሔር ፡ 8 በከመ ፡ ስብሐ ፡ መሥዋዕተ ፡ መድኃኒት ፡ ታነብር ፡ ዲበ ፡ እሳት ፡ ዘዲበ ፡ መሥዋዕት ፡ በከመ ፡ ስብሕ ፡ ዘዲበ ፡ ከርሥ ፡ ወኵሎ ፡ ስብሐ ፡ ዘዲበ ፡ ንዋየ ፡ ውስጥ ፡ ወክልኤ ፡ ኵልያተ ፡ ወኵሎ ፡ ስብሐ ፡ ዘዲቤሆሙ ፡ ወዘዲበ ፡ መናቅዕ ፡ ወከብድ ፡ ምስለ ፡ ኵልያት ፡ ጥብሉለ ፡ 9 ወታዐርግ ፡ ዘንተ ፡ ኵሎ ፡ ለመዓዛ ፡ ሠናይ ፡ ዘይሰጠው ፡ ቅድመ ፡ እግዚአብሔር ፡ ምስለ ፡ መሥዋዕቱ ፡ ወምስለ ፡ ሞጻሕቱ ፡ ከመዓዛ ፡ ሠናይ ፡ ኅብስተ ፡ ጽንሐሕ ፡ ለእግዚአብሔር ።

ወሥጋሁ ፡ ብላዕ ፡ በይእቲ ፡ ዕለት ፡ ወበሳኒታ ፡ ወኢይዕረብ ፡ ላዕሌሁ ፡ ፀሐይ ፡ ዘአመ ፡ ሳኒታ ፡ እስከ ፡ ሶበ ፡ ይትበላዕ ፡ ወኢይትርፍ ፡ ለዕለት ፡ ሣልስት ፡ እስመ ፡ ኢይሠጠዎ ፡ እስመ ፡ ኢኮነ ፡ ኅሩየ ፡ ወኢይትበሀል ፡ እንከ ።

ወሥጋሁ ፡ ብላዕ ፡ በይእቲ ፡ ዕለት ፡ ወበሳኒታ ፡ ወኢይዕረብ ፡ ላዕሌሁ ፡ ፀሐይ ፡ ዘአመ ፡ ሳኒታ ፡ እስከ ፡ ሶበ ፡ ይትበላዕ ፡ ወኢይትርፍ ፡ ለዕለት ፡ ሣልስት ፡ እስመ ፡ ኢይሠጠዎ ፡ እስመ ፡ ኢኮነ ፡ ኅሩየ ፡ ወኢይትበሀል ፡ እንከ ።

ውስተ ፡ ኵሉ ፡ ምሥዋዓቲከ ፡ ትደይ ፡ ፄወ ፡ ወኢይጸራዕ ፡ ኪዳነ ፡ ፄው ፡ ውስተ ፡ ኵሉ ፡ ምስዋዓቲከ ፡ ቅድመ ፡ እግዚአብሔር ።

ውስተ ፡ ኵሉ ፡ ምሥዋዓቲከ ፡ ትደይ ፡ ፄወ ፡ ወኢይጸራዕ ፡ ኪዳነ ፡ ፄው ፡ ውስተ ፡ ኵሉ ፡ ምስዋዓቲከ ፡ ቅድመ ፡ እግዚአብሔር ።

ወተዐቀብ ፡ በዕፀወ ፡ መሥዋዕት ፡ ከመ ፡ ኢታብእ ፡ ዕፀወ ፡ ዲበ ፡ ምሥዋዕ ፡ ዘንተ ፡ ክመ ፡ ቄጳርሶን ፡ ወዴፍራን ፡ ወሶጋድ ፡ ወሰጠሮቢሎን ፡ ወጲጢን ፡ ወቄድሮን ፡ ወቡራቲ ፡ ወታናክ ፡ ወዕፀ ፡ ዘይት ፡ ምርስኔ ፡ ወድፍን ፡ ወቄዳር ፡ ዘስሙ ፡ አርባት ፡ ወቤስም ፡ 13 ወእምእሉ ፡ ዕፀው ፡ አንብር ፡ መትሕተ ፡ ጽንሐሕ ፡ ዲበ ፡ ምሥዋዕ ፡ ምኩረ ፡ ርእዮሙ ፡ ወኢታንብር ፡ ኵሎ ፡ ዕፀ ፡ ንቁዐ ፡ ወሬዋ ፡ ዕፀወ ፡ ጽኑዓነ ፡ ወጽኑዐ ፡ ዘአልቦ ፡ ምንተኒ ፡ ነውረ ፡ ፍጹመ ፡ ወሐደስተ ፡ ተክለ ፡ ወኢታንብር ፡ ዕፀ ፡ ብሉየ ፡ እስመ ፡ ወፅአ ፡ መዓዛሁ ፡ እስመ ፡ እንከ ፡ አልቦ ፡ መዓዛ ፡ ላዕሌሁ ፡ ከመ ፡ ቀዳማዊ ፡ 14 ዘእንበለ ፡ እሉ ፡ ዕፀው ፡ አልቦ ፡ ዘታነብር ፡ ባዕደ ።

ወተዐቀብ ፡ በዕፀወ ፡ መሥዋዕት ፡ ከመ ፡ ኢታብእ ፡ ዕፀወ ፡ ዲበ ፡ ምሥዋዕ ፡ ዘንተ ፡ ክመ ፡ ቄጳርሶን ፡ ወዴፍራን ፡ ወሶጋድ ፡ ወሰጠሮቢሎን ፡ ወጲጢን ፡ ወቄድሮን ፡ ወቡራቲ ፡ ወታናክ ፡ ወዕፀ ፡ ዘይት ፡ ምርስኔ ፡ ወድፍን ፡ ወቄዳር ፡ ዘስሙ ፡ አርባት ፡ ወቤስም ፡ 13 ወእምእሉ ፡ ዕፀው ፡ አንብር ፡ መትሕተ ፡ ጽንሐሕ ፡ ዲበ ፡ ምሥዋዕ ፡ ምኩረ ፡ ርእዮሙ ፡ ወኢታንብር ፡ ኵሎ ፡ ዕፀ ፡ ንቁዐ ፡ ወሬዋ ፡ ዕፀወ ፡ ጽኑዓነ ፡ ወጽኑዐ ፡ ዘአልቦ ፡ ምንተኒ ፡ ነውረ ፡ ፍጹመ ፡ ወሐደስተ ፡ ተክለ ፡ ወኢታንብር ፡ ዕፀ ፡ ብሉየ ፡ እስመ ፡ ወፅአ ፡ መዓዛሁ ፡ እስመ ፡ እንከ ፡ አልቦ ፡ መዓዛ ፡ ላዕሌሁ ፡ ከመ ፡ ቀዳማዊ ፡ 14 ዘእንበለ ፡ እሉ ፡ ዕፀው ፡ አልቦ ፡ ዘታነብር ፡ ባዕደ ።

ዑቅ ፡ ዛትእዛዘ ፡ ወግበራ ፡ ወልድየ ፡ ከመ ፡ ታርትዕ ፡ በኵሉ ፡ ግብርከ ።

ዑቅ ፡ ዛትእዛዘ ፡ ወግበራ ፡ ወልድየ ፡ ከመ ፡ ታርትዕ ፡ በኵሉ ፡ ግብርከ ።

ወበኵሉ ፡ ጊዜ ፡ ኩን ፡ ንጹሐ ፡ በሥጋከ ፡ ወኅዕብ ፡ በማይ ፡ ዘእንበለ ፡ ትሖር ፡ ለአዕርጎ ፡ ውስተ ፡ ምሥዋዕ ፡ ወኅፅብ ፡ እዴከ ፡ ወእግረከ ፡ ዘእንበለ ፡ ትቅረብ ፡ ውስተ ፡ መሥዋዕት ፡ ሶበ ፡ ፈጸምከ ፡ አዕርጎ ፡ ግባእ ፡ ወተኀፀብ ፡ እደዊከ ፡ ወእገሪከ ፡ 17 ወኢያስተርኢ ፡ በዲቤክሙ ፡ ኵሉ ፡ ደም ፡ ወውስተ ፡ አልባሲክሙ ፡ ተዐቀብ ፡ ወልድየ ፡ በደም ፡ ተዐቀብ ፡ ጥቀ ፡ ድፍኖ ፡ ምድረ ፡ 18 ወኢትብልዑ ፡ እንከ ፡ ደመ ፡ እስመ ፡ ደም ፡ ነፍስ ፡ ይእቲ ፡ ወኢትብላዕ ፡ ምንተኒ ፡ ደመ ።

ወበኵሉ ፡ ጊዜ ፡ ኩን ፡ ንጹሐ ፡ በሥጋከ ፡ ወኅዕብ ፡ በማይ ፡ ዘእንበለ ፡ ትሖር ፡ ለአዕርጎ ፡ ውስተ ፡ ምሥዋዕ ፡ ወኅፅብ ፡ እዴከ ፡ ወእግረከ ፡ ዘእንበለ ፡ ትቅረብ ፡ ውስተ ፡ መሥዋዕት ፡ ሶበ ፡ ፈጸምከ ፡ አዕርጎ ፡ ግባእ ፡ ወተኀፀብ ፡ እደዊከ ፡ ወእገሪከ ፡ 17 ወኢያስተርኢ ፡ በዲቤክሙ ፡ ኵሉ ፡ ደም ፡ ወውስተ ፡ አልባሲክሙ ፡ ተዐቀብ ፡ ወልድየ ፡ በደም ፡ ተዐቀብ ፡ ጥቀ ፡ ድፍኖ ፡ ምድረ ፡ 18 ወኢትብልዑ ፡ እንከ ፡ ደመ ፡ እስመ ፡ ደም ፡ ነፍስ ፡ ይእቲ ፡ ወኢትብላዕ ፡ ምንተኒ ፡ ደመ ።

ወኢትንሣእ ፡ ሕልያነ ፡ ዲበ ፡ ኵሉ ፡ ደመ ፡ ሰብእ ፡ ከመ ፡ ኢይትከዐው ፡ በከ ፡ ዘእንበለ ፡ ኵነኔ ፡ እስመ ፡ ደም ፡ ውእቱ ፡ ዘይትከዐው ፡ ያኀጥኣ ፡ ለምድር ፡ ወደም ፡ ኢትክል ፡ ነጺሐ ፡ እምደመ ፡ ሰብእ ፡ ዘእንበለ ፡ በደመ ፡ ዘከዐዎ ።

ወኢትንሣእ ፡ ሕልያነ ፡ ዲበ ፡ ኵሉ ፡ ደመ ፡ ሰብእ ፡ ከመ ፡ ኢይትከዐው ፡ በከ ፡ ዘእንበለ ፡ ኵነኔ ፡ እስመ ፡ ደም ፡ ውእቱ ፡ ዘይትከዐው ፡ ያኀጥኣ ፡ ለምድር ፡ ወደም ፡ ኢትክል ፡ ነጺሐ ፡ እምደመ ፡ ሰብእ ፡ ዘእንበለ ፡ በደመ ፡ ዘከዐዎ ።

ወኢትንሣእ ፡ ሕልያነ ፡ ወአምኃ ፡ በደመ ፡ ሰብእ ፡ ደመ ፡ በደም ፡ ወይሠጠው ፡ ቅድመ ፡ አምላክ ፡ ልዑል ።

ወኢትንሣእ ፡ ሕልያነ ፡ ወአምኃ ፡ በደመ ፡ ሰብእ ፡ ደመ ፡ በደም ፡ ወይሠጠው ፡ ቅድመ ፡ አምላክ ፡ ልዑል ።

እሬኢ ፡ አነ ፡ ወልድየ ፡ ኵሎ ፡ ግብረ ፡ እጓለ ፡ እመሕያው ፡ ከመ ፡ ኃጢአት ፡ ወእከይ ፡ ወኵሉ ፡ ግብሮሙ ፡ ርኵስ ፡ ወምናኔ ፡ ወግማኔ ።

እሬኢ ፡ አነ ፡ ወልድየ ፡ ኵሎ ፡ ግብረ ፡ እጓለ ፡ እመሕያው ፡ ከመ ፡ ኃጢአት ፡ ወእከይ ፡ ወኵሉ ፡ ግብሮሙ ፡ ርኵስ ፡ ወምናኔ ፡ ወግማኔ ።

ተዐቀብ ፡ ኢትሖር ፡ ውስተ ፡ ፍኖቶሙ ፡ ወለከይደ ፡ አሰሮሙ ፡ ወኢትስሐት ፡ ስሕተተ ፡ ለሞት ፡ ቅድመ ፡ አምላክ ፡ ልዑል ።

ተዐቀብ ፡ ኢትሖር ፡ ውስተ ፡ ፍኖቶሙ ፡ ወለከይደ ፡ አሰሮሙ ፡ ወኢትስሐት ፡ ስሕተተ ፡ ለሞት ፡ ቅድመ ፡ አምላክ ፡ ልዑል ።

ረገሐሥ ፡ እምኵሉ ፡ ምግባሪሆሙ ፡ ወእምኵሉ ፡ ርኵሶሙ ፡ ወተዐቀብ ፡ ዑቃቤ ፡ ዘአምላክ ፡ ልዑል ፡ ወግበር ፡ ፈቃዳቲሁ ፡ ወታረትዕ ፡ በኵሉ ።

ረገሐሥ ፡ እምኵሉ ፡ ምግባሪሆሙ ፡ ወእምኵሉ ፡ ርኵሶሙ ፡ ወተዐቀብ ፡ ዑቃቤ ፡ ዘአምላክ ፡ ልዑል ፡ ወግበር ፡ ፈቃዳቲሁ ፡ ወታረትዕ ፡ በኵሉ ።

ወይባርከከ ፡ በኵሉ ፡ ምግባሪከ ፡ ወያነሥእ ፡ እምኔከ ፡ ተክለ ፡ ጽድቅ ፡ በኵሉ ፡ ምድር ፡ በኵሉ ፡ ትውልደ ፡ ምድር ፡ ወኢይትረመም ፡ ስምየ ፡ ወስምከ ፡ በመትሕተ ፡ ሰማይ ፡ በኵሉ ፡ መዋዕል ።

ወይባርከከ ፡ በኵሉ ፡ ምግባሪከ ፡ ወያነሥእ ፡ እምኔከ ፡ ተክለ ፡ ጽድቅ ፡ በኵሉ ፡ ምድር ፡ በኵሉ ፡ ትውልደ ፡ ምድር ፡ ወኢይትረመም ፡ ስምየ ፡ ወስምከ ፡ በመትሕተ ፡ ሰማይ ፡ በኵሉ ፡ መዋዕል ።

ሖር ፡ ወልድየ ፡ በሰላም ፡ ያጽንዕከ ፡ አምላክ ፡ ልዑል ፡ አምላኪየ ፡ ወአምላክከ ፡ ለገቢረ ፡ ፈቃዳቲሁ ፡ ወይባርክ ፡ ኵሎ ፡ ዘርእከ ፡ ተርፈ ፡ ዘርእከ ፡ ለትውልድ ፡ ዘለዓለም ፡ በኵሉ ፡ በረከተ ፡ ጽድቅ ፡ ከመ ፡ ትኩን ፡ በረከተ ፡ በኵሉ ፡ ምድር ።

ሖር ፡ ወልድየ ፡ በሰላም ፡ ያጽንዕከ ፡ አምላክ ፡ ልዑል ፡ አምላኪየ ፡ ወአምላክከ ፡ ለገቢረ ፡ ፈቃዳቲሁ ፡ ወይባርክ ፡ ኵሎ ፡ ዘርእከ ፡ ተርፈ ፡ ዘርእከ ፡ ለትውልድ ፡ ዘለዓለም ፡ በኵሉ ፡ በረከተ ፡ ጽድቅ ፡ ከመ ፡ ትኩን ፡ በረከተ ፡ በኵሉ ፡ ምድር ።

ወወፅአ ፡ እምኀቤሁ ፡ እንዘ ፡ ይትፌሣሕ ።

ወወፅአ ፡ እምኀቤሁ ፡ እንዘ ፡ ይትፌሣሕ ።