gezezra

gezezra 9 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
9:1	ወምድኅረ፡ ኀልቀ፡ ዝንቱ፡ መጽኡ፡ ኀቤየ፡ መላእክቲሆሙ፡ ለሕዝብ፡ ወይቤሉኒ፡ ኢተፈልጡ፡ ሕዝበ፡ እስራኤል፡ ወካህናት፡ ወሌዋውያን፡ እምሕዝበ፡ ምድር፡ በርኵሶሙ፡ ለከናኔዎን፡ ወለኬጤዎን፡ ወለፌርዜዎን፡ ወለኢያቡሴዎን፡ ወለአማኔዎን፡ ወለሞዓቤዎን፡ ወለግብጽ፡ ወለአሞሬዎን።	ወምድኅረ፡ ኀልቀ፡ ዝንቱ፡ መጽኡ፡ ኀቤየ፡ መላእክቲሆሙ፡ ለሕዝብ፡ ወይቤሉኒ፡ ኢተፈልጡ፡ ሕዝበ፡ እስራኤል፡ ወካህናት፡ ወሌዋውያን፡ እምሕዝበ፡ ምድር፡ በርኵሶሙ፡ ለከናኔዎን፡ ወለኬጤዎን፡ ወለፌርዜዎን፡ ወለኢያቡሴዎን፡ ወለአማኔዎን፡ ወለሞዓቤዎን፡ ወለግብጽ፡ ወለአሞሬዎን።
9:2	ወአውሰበ፡ እምውስተ፡ አዋልዲሆሙ፡ ወአስተዋሰቡ፡ ደቂቆሙ፡ ወተደመሩ፡ ዘርእ፡ ቅዱስ፡ ምስለ፡ ሕዝበ፡ ምድር፡ ወመላእክትኒ፡ ቅድመ፡ ኀብሩ፡ ምስሌሆሙ፡ በዛቲ፡ ኃጢአት።	ወአውሰበ፡ እምውስተ፡ አዋልዲሆሙ፡ ወአስተዋሰቡ፡ ደቂቆሙ፡ ወተደመሩ፡ ዘርእ፡ ቅዱስ፡ ምስለ፡ ሕዝበ፡ ምድር፡ ወመላእክትኒ፡ ቅድመ፡ ኀብሩ፡ ምስሌሆሙ፡ በዛቲ፡ ኃጢአት።
9:3	ወሶበ፡ ሰማዕኩ፡ ዘንተ፡ ነገረ፡ ሰጠጥኩ፡ ልብስየ፡ ወዓጽፍየ፡ ወኀዘንኩ፡ ወነጸይኩ፡ እምሥዕርተ፡ ርእስየ፡ ወሥዕርተ፡ ጽሕምየ፡ ወእምዝ፡ ነበርኩ፡ ትኩዝየ፡ ወአትሐትኩ፡ ገጽየ።	ወሶበ፡ ሰማዕኩ፡ ዘንተ፡ ነገረ፡ ሰጠጥኩ፡ ልብስየ፡ ወዓጽፍየ፡ ወኀዘንኩ፡ ወነጸይኩ፡ እምሥዕርተ፡ ርእስየ፡ ወሥዕርተ፡ ጽሕምየ፡ ወእምዝ፡ ነበርኩ፡ ትኩዝየ፡ ወአትሐትኩ፡ ገጽየ።
9:4	ወመጽኡ፡ ኀቤየ፡ ኵሎሙ፡ እለ፡ ይፈርህዎ፡ ለእግዚአብሔር፡ ይንብቡኒ፡ ቃለ፡ አምላከ፡ እስራኤል፡ በእንተ፡ ውእቱ፡ ጌጋዮሙ፡ ለፈላስያን፡ ወአንሰ፡ ነበርኩ፡ ትኩዝየ፡ እስከ፡ ጊዜ፡ መሥዋዕተ፡ ሠርክ።	ወመጽኡ፡ ኀቤየ፡ ኵሎሙ፡ እለ፡ ይፈርህዎ፡ ለእግዚአብሔር፡ ይንብቡኒ፡ ቃለ፡ አምላከ፡ እስራኤል፡ በእንተ፡ ውእቱ፡ ጌጋዮሙ፡ ለፈላስያን፡ ወአንሰ፡ ነበርኩ፡ ትኩዝየ፡ እስከ፡ ጊዜ፡ መሥዋዕተ፡ ሠርክ።
9:5	ወሶበ፡ ኮነ፡ ጊዜ፡ መሥዋዕተ፡ ሠርክ፡ ተንሣእኩ፡ ሕሙምየ፡ እምድኅረ፡ ሰጠጥኩ፡ አልባስየ፡ ወዓጽፍየ፡ ወአስተብረኩ፡ በብረክየ፡ ወአንሣእኩ፡ እደውየ፡ ኀበ፡ እግዚአብሔር፡ አምላኪየ።	ወሶበ፡ ኮነ፡ ጊዜ፡ መሥዋዕተ፡ ሠርክ፡ ተንሣእኩ፡ ሕሙምየ፡ እምድኅረ፡ ሰጠጥኩ፡ አልባስየ፡ ወዓጽፍየ፡ ወአስተብረኩ፡ በብረክየ፡ ወአንሣእኩ፡ እደውየ፡ ኀበ፡ እግዚአብሔር፡ አምላኪየ።
9:6	ወእቤ፡ እግዚእ፡ አኃፍር፡ አንሥኦ፡ ገጽየ፡ ኀቤከ፡ እስመ፡ ብዙኅ፡ ኃጢአትነ፡ ወኖኀ፡ እምሥዕርተ፡ ርእስነ፡ ወዓብየ፡ ጌጋይነ፡ ወበጽሐ፡ እስከ፡ ሰማይ።	ወእቤ፡ እግዚእ፡ አኃፍር፡ አንሥኦ፡ ገጽየ፡ ኀቤከ፡ እስመ፡ ብዙኅ፡ ኃጢአትነ፡ ወኖኀ፡ እምሥዕርተ፡ ርእስነ፡ ወዓብየ፡ ጌጋይነ፡ ወበጽሐ፡ እስከ፡ ሰማይ።
9:7	እምአመ፡ መዋዕሊሆሙ፡ ለአበዊነ፡ በዓቢይ፡ ጌጋይነ፡ ሀሎነ፡ እስከ፡ ዮም፡ ወበኃጢአትነ፡ ተፄወውነ፡ ንሕነ፡ ወነገሥጥነ፡ ወካንናቲነ፡ ወውሉድነ፡ ወገባእነ፡ ውስተ፡ እደዊሆሙ፡ ለነገሥተ፡ አሕዛብ፡ ወበኵናቶሙ፡ ቀተሉነ፡ ወፄወዉነኒ፡ ወበርበሩነኒ፡ ወበኃፍረተ፡ ገጽነ፡ ሀሎነ፡ እስከ፡ ዮም።	እምአመ፡ መዋዕሊሆሙ፡ ለአበዊነ፡ በዓቢይ፡ ጌጋይነ፡ ሀሎነ፡ እስከ፡ ዮም፡ ወበኃጢአትነ፡ ተፄወውነ፡ ንሕነ፡ ወነገሥጥነ፡ ወካንናቲነ፡ ወውሉድነ፡ ወገባእነ፡ ውስተ፡ እደዊሆሙ፡ ለነገሥተ፡ አሕዛብ፡ ወበኵናቶሙ፡ ቀተሉነ፡ ወፄወዉነኒ፡ ወበርበሩነኒ፡ ወበኃፍረተ፡ ገጽነ፡ ሀሎነ፡ እስከ፡ ዮም።
9:8	ወይእዜኒ፡ ኅዳጥ፡ ዕረፍት፡ ኮነት፡ ለነ፡ አመ፡ ተሣሃለነ፡ አምላክነ፡ ወአትረፈነ፡ ወአሕየወነ፡ ወወሀበነ፡ ኃይለ፡ ውስተ፡ ቤተ፡ መቅደሱ፡ ከመ፡ ያብርህ፡ አዕይንተነ፡ አምላክነ፡ ወስሕትነ፡ ሕቀ፡ እምነ፡ ቅኔነ።	ወይእዜኒ፡ ኅዳጥ፡ ዕረፍት፡ ኮነት፡ ለነ፡ አመ፡ ተሣሃለነ፡ አምላክነ፡ ወአትረፈነ፡ ወአሕየወነ፡ ወወሀበነ፡ ኃይለ፡ ውስተ፡ ቤተ፡ መቅደሱ፡ ከመ፡ ያብርህ፡ አዕይንተነ፡ አምላክነ፡ ወስሕትነ፡ ሕቀ፡ እምነ፡ ቅኔነ።
9:9	እስመ፡ አግብርቲሁ፡ ንሕነ፡ ኢኃደገነ፡ አምላክነ፡ ወወሀበነ፡ ሞገሰ፡ በቅድሜሆሙ፡ ለነገሥተ፡ ፋርስ፡ ከመ፡ የሀቡኑ፡ ሲሳየነ፡ ወያክብሩ፡ ቤተ፡ መቅደስነ፡ ወይሕንፅዋ፡ መዝበራ፡ ለጽዮን፡ ወየሀቡነ፡ ኃይለ፡ በይሁዳ፡ ወበኢየሩሳሌም።	እስመ፡ አግብርቲሁ፡ ንሕነ፡ ኢኃደገነ፡ አምላክነ፡ ወወሀበነ፡ ሞገሰ፡ በቅድሜሆሙ፡ ለነገሥተ፡ ፋርስ፡ ከመ፡ የሀቡኑ፡ ሲሳየነ፡ ወያክብሩ፡ ቤተ፡ መቅደስነ፡ ወይሕንፅዋ፡ መዝበራ፡ ለጽዮን፡ ወየሀቡነ፡ ኃይለ፡ በይሁዳ፡ ወበኢየሩሳሌም።
9:10	ወይእዜኒ፡ ምንተ፡ ንብል፡ እግዚኦ፡ እንዘ፡ ትሁቦሙ፡ ዓለዉ፡ ትእዛዘከ።	ወይእዜኒ፡ ምንተ፡ ንብል፡ እግዚኦ፡ እንዘ፡ ትሁቦሙ፡ ዓለዉ፡ ትእዛዘከ።
9:11	ዘወሀብከ፡ በእደ፡ አግብርቲከ፡ ነቢያት፡ ዘትቤሎሙ፡ ምድርኬ፡ እንተ፡ ትበውኡ፡ ትረስዋ፡ ርኵስት፡ ይእቲ፡ በግማኖሙ፡ ለአሕዛበ፡ ምድር፡ ወበርኵሶሙ፡ መልእዋ።	ዘወሀብከ፡ በእደ፡ አግብርቲከ፡ ነቢያት፡ ዘትቤሎሙ፡ ምድርኬ፡ እንተ፡ ትበውኡ፡ ትረስዋ፡ ርኵስት፡ ይእቲ፡ በግማኖሙ፡ ለአሕዛበ፡ ምድር፡ ወበርኵሶሙ፡ መልእዋ።
9:12	ወይእዜኒ፡ አዋልዲክሙ፡ ኢታስተዋስቡ፡ ለደቂቆሙ፡ ወአዋልዲሆሙኒ፡ ኢታስተዋስቡ፡ ለደቂቅክሙ፡ ወኢትሰነአውዎሙ፡ ወኢታሠንዩ፡ ምስሌሆሙ፡ ለዓለም፡ ከመ፡ ትጽንዑ፡ ወትብልዑ፡ በረከታ፡ ለምድር፡ ወታወርስዎሙ፡ ለውሉድክሙ፡ ለዓለም።	ወይእዜኒ፡ አዋልዲክሙ፡ ኢታስተዋስቡ፡ ለደቂቆሙ፡ ወአዋልዲሆሙኒ፡ ኢታስተዋስቡ፡ ለደቂቅክሙ፡ ወኢትሰነአውዎሙ፡ ወኢታሠንዩ፡ ምስሌሆሙ፡ ለዓለም፡ ከመ፡ ትጽንዑ፡ ወትብልዑ፡ በረከታ፡ ለምድር፡ ወታወርስዎሙ፡ ለውሉድክሙ፡ ለዓለም።
9:13	ወዝ፡ ኵሉ፡ ዘመጽአ፡ ኀቤነ፡ በእከየ፡ ምግባሪነ፡ ወበዕበየ፡ ኃጢአትነ፡ እስመ፡ አንተ፡ አምላክነ፡ አስሐትከነ፡ አምኃጢአትነ፡ ንትመየጥ፡ ወንዕቀብ፡ ተረፈ፡ ትእዛዝከ።	ወዝ፡ ኵሉ፡ ዘመጽአ፡ ኀቤነ፡ በእከየ፡ ምግባሪነ፡ ወበዕበየ፡ ኃጢአትነ፡ እስመ፡ አንተ፡ አምላክነ፡ አስሐትከነ፡ አምኃጢአትነ፡ ንትመየጥ፡ ወንዕቀብ፡ ተረፈ፡ ትእዛዝከ።
9:14	እስመ፡ ተመየጥነ፡ ንዕሉ፡ ትእዛዘከ፡ ወተሐመውነ፡ ምስለ፡ አሕዛብ፡ ኢትትመዓዓነ፡ ለዝሉፉ፡ በዘኢታተርፍ፡ እምኔነ፡ ዘይድኅን።	እስመ፡ ተመየጥነ፡ ንዕሉ፡ ትእዛዘከ፡ ወተሐመውነ፡ ምስለ፡ አሕዛብ፡ ኢትትመዓዓነ፡ ለዝሉፉ፡ በዘኢታተርፍ፡ እምኔነ፡ ዘይድኅን።
9:15	እግዚኦ፡ አምላከ፡ እስራኤል፡ ጻድቅ፡ አንተ፡ ዘአትረፍከነ፡ ወአድኃንከነ፡ ዮም፡ በዛቲ፡ ዕለት፡ እንዘ፡ ሀሎነ፡ ቅድሜከ፡ በኃጢአት፡ እስመ፡ አልቦ፡ ዘይቀውም፡ ቅድሜከ፡ እንበይነ፡ ዝንቱ።	እግዚኦ፡ አምላከ፡ እስራኤል፡ ጻድቅ፡ አንተ፡ ዘአትረፍከነ፡ ወአድኃንከነ፡ ዮም፡ በዛቲ፡ ዕለት፡ እንዘ፡ ሀሎነ፡ ቅድሜከ፡ በኃጢአት፡ እስመ፡ አልቦ፡ ዘይቀውም፡ ቅድሜከ፡ እንበይነ፡ ዝንቱ።