gezezra

gezezra 11 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
11:1	ወእምዝ፡ ሶበ፡ ነበቦ፡ መሓሪ፡ ለውእቱ፡ ንስር፡ ዘንተ፡ ቃለ።	ወእምዝ፡ ሶበ፡ ነበቦ፡ መሓሪ፡ ለውእቱ፡ ንስር፡ ዘንተ፡ ቃለ።
11:2	ጠፍአ፡ ዝኩሂ፡ ርእስ፡ ዘተረፈ፡ ወተንሥኡ፡ እልክቱ፡ ክነፍ፡ እለ፡ ፈለሱ፡ ኀቤሁ፡ ወቆሙ፡ እሙንቱሂ፡ ከመ፡ ይኰንኑ፡ ወይትሀወክ፡ ጽፈሪሆሙ።	ጠፍአ፡ ዝኩሂ፡ ርእስ፡ ዘተረፈ፡ ወተንሥኡ፡ እልክቱ፡ ክነፍ፡ እለ፡ ፈለሱ፡ ኀቤሁ፡ ወቆሙ፡ እሙንቱሂ፡ ከመ፡ ይኰንኑ፡ ወይትሀወክ፡ ጽፈሪሆሙ።
11:3	ወእምዝ፡ ጠፍኡ፡ እሙንቱሂ፡ ወውዕየ፡ ኵሉ፡ ሥጋሆሙ፡ ወደንገጸት፡ ምድር፡ ጥቀ፡ ወአነኒ፡ ደንገጽኩ፡ በአብዝኆ፡ ተኀሥሦት፡ ወነቃህኩ፡ በዐቢይ፡ ፍርሀት።	ወእምዝ፡ ጠፍኡ፡ እሙንቱሂ፡ ወውዕየ፡ ኵሉ፡ ሥጋሆሙ፡ ወደንገጸት፡ ምድር፡ ጥቀ፡ ወአነኒ፡ ደንገጽኩ፡ በአብዝኆ፡ ተኀሥሦት፡ ወነቃህኩ፡ በዐቢይ፡ ፍርሀት።
11:4	ወእቤላ፡ ለነፍስየ፡ አንቲ፡ ረሰይክኒ፡ ኵሎ፡ ዘንተ፡ እንዘ፡ ተኀሥሢ፡ ፍናዊሁ፡ ለልዑል።	ወእቤላ፡ ለነፍስየ፡ አንቲ፡ ረሰይክኒ፡ ኵሎ፡ ዘንተ፡ እንዘ፡ ተኀሥሢ፡ ፍናዊሁ፡ ለልዑል።
11:5	ወደክመት፡ ነፍስየ፡ ወሐመት፡ መንፈስየ፡ ጥቀ፡ ወአልብየ፡ ሐይለ፡ ወኢምንተኒ፡ በብዙኅ፡ ፍርሀት፡ ዘደንገጽኩ፡ በዛቲ፡ ሌሊት።	ወደክመት፡ ነፍስየ፡ ወሐመት፡ መንፈስየ፡ ጥቀ፡ ወአልብየ፡ ሐይለ፡ ወኢምንተኒ፡ በብዙኅ፡ ፍርሀት፡ ዘደንገጽኩ፡ በዛቲ፡ ሌሊት።
11:6	ወይእዜኒ፡ እጼሊ፡ ኀበ፡ ልዑል፡ ከመ፡ ያጽንዐኒ፡ ለዝሉፉ።	ወይእዜኒ፡ እጼሊ፡ ኀበ፡ ልዑል፡ ከመ፡ ያጽንዐኒ፡ ለዝሉፉ።
11:7	ወእቤ፡ እግዚኦ፡ እግዚእየ፡ ለእመ፡ ረከብኩ፡ ሞገሰ፡ ቅድመ፡ አዕይንቲከ፡ ወእመኒ፡ ብዙኀ፡ አብጻዕኩ፡ በኀቤከ፡ ወለእመኒ፡ ዐርገት፡ ጸሎትየ፡ ቅድመ፡ ገጽከ።	ወእቤ፡ እግዚኦ፡ እግዚእየ፡ ለእመ፡ ረከብኩ፡ ሞገሰ፡ ቅድመ፡ አዕይንቲከ፡ ወእመኒ፡ ብዙኀ፡ አብጻዕኩ፡ በኀቤከ፡ ወለእመኒ፡ ዐርገት፡ ጸሎትየ፡ ቅድመ፡ ገጽከ።
11:8	አድኅነኒ፡ ወአጽንዐኒ፡ ወንግሮ፡ ለገበርከ፡ ፍካሬሁ፡ ለዝንቱ፡ ሕልም፡ ግሩም፡ ከመ፡ ፍጹመ፡ ትፈሣሕ፡ ነፍስየ።	አድኅነኒ፡ ወአጽንዐኒ፡ ወንግሮ፡ ለገበርከ፡ ፍካሬሁ፡ ለዝንቱ፡ ሕልም፡ ግሩም፡ ከመ፡ ፍጹመ፡ ትፈሣሕ፡ ነፍስየ።
11:9	እስመ፡ ብጹዐ፡ ረሰይከኒ፡ ዘአርአይከኒ፡ ዘደኃሪ፡ መዋዕል፡ ወበእንተኒ፡ ኅልቀተ፡ መዋዕለ፡ ዓለም።	እስመ፡ ብጹዐ፡ ረሰይከኒ፡ ዘአርአይከኒ፡ ዘደኃሪ፡ መዋዕል፡ ወበእንተኒ፡ ኅልቀተ፡ መዋዕለ፡ ዓለም።
11:10	ወይቤለኒ፡ ከመዝ፡ ውእቱ፡ ፍካሬሁ፡ ለዝክቱ፡ ሕልምከ፡ ዘርኢከ።	ወይቤለኒ፡ ከመዝ፡ ውእቱ፡ ፍካሬሁ፡ ለዝክቱ፡ ሕልምከ፡ ዘርኢከ።
11:11	ንስር፡ የዐርግ፡ እምባሕር፡ ራብዕት፡ መንግሥት፡ ይእቲ፡ እንተ፡ አስተርአየት፡ ለዳንኤል፡ እኁከ፡ በሕልም።	ንስር፡ የዐርግ፡ እምባሕር፡ ራብዕት፡ መንግሥት፡ ይእቲ፡ እንተ፡ አስተርአየት፡ ለዳንኤል፡ እኁከ፡ በሕልም።
11:12	ወኢፈከርክዋ፡ ባሕቱ፡ ሎቱ፡ ከመ፡ አነ፡ ይእዜ፡ እፌክር፡ ለከ።	ወኢፈከርክዋ፡ ባሕቱ፡ ሎቱ፡ ከመ፡ አነ፡ ይእዜ፡ እፌክር፡ ለከ።
11:13	ናሁ፡ ይመጽእ፡ መዋዕል፡ ወትቀውም፡ ውስተ፡ ምድር፡ መንግሥት፡ እንተ፡ ትገርም፡ እምኵሉ፡ መንግሥት፡ እለ፡ ኮኑ፡ እምቅድሜሃ።	ናሁ፡ ይመጽእ፡ መዋዕል፡ ወትቀውም፡ ውስተ፡ ምድር፡ መንግሥት፡ እንተ፡ ትገርም፡ እምኵሉ፡ መንግሥት፡ እለ፡ ኮኑ፡ እምቅድሜሃ።
11:14	ወይነግሡ፡ ፲ወ፪፡ ነገሥት፡ ባቲ።	ወይነግሡ፡ ፲ወ፪፡ ነገሥት፡ ባቲ።
11:15	ወዘይነግሥ፡ ዳግመ፡ ውእቱ፡ ዘይጸንዕ፡ ወዋዕሊሁ፡ ፈድፋደ፡ እምነ፡ ፲ወ፪።	ወዘይነግሥ፡ ዳግመ፡ ውእቱ፡ ዘይጸንዕ፡ ወዋዕሊሁ፡ ፈድፋደ፡ እምነ፡ ፲ወ፪።
11:16	ወዝንቱ፡ ውእቱ፡ ፍካሬሁ፡ ለእልክቱ፡ ፲ወ፪፡ ክነፊሁ፡ ዘርኢከ።	ወዝንቱ፡ ውእቱ፡ ፍካሬሁ፡ ለእልክቱ፡ ፲ወ፪፡ ክነፊሁ፡ ዘርኢከ።
11:17	ወዝንቱ፡ ዘርኢከ፡ ይነብብ፡ ቃለ፡ ወአኮ፡ እምርእሱ፡ ዘይወፅእ፡ አላ፡ እምሥጋሁ፡ እምእከሉ።	ወዝንቱ፡ ዘርኢከ፡ ይነብብ፡ ቃለ፡ ወአኮ፡ እምርእሱ፡ ዘይወፅእ፡ አላ፡ እምሥጋሁ፡ እምእከሉ።
11:18	ከመዝ፡ ውእቱ፡ ነገሩ፡ እምእከለ፡ ሥጋሁ፡ ለውእቱ፡ መንግሥት፡ ይትፈጠር፡ ሁከት፡ ብዙኅ፡ ወትተነትን፡ ለወዲቅ፡ ወባሕቱ፡ ኢትወድቅ፡ ይእተ፡ አሚረ፡ አላ፡ ትቀውም፡ ውስተ፡ ምኵናን።	ከመዝ፡ ውእቱ፡ ነገሩ፡ እምእከለ፡ ሥጋሁ፡ ለውእቱ፡ መንግሥት፡ ይትፈጠር፡ ሁከት፡ ብዙኅ፡ ወትተነትን፡ ለወዲቅ፡ ወባሕቱ፡ ኢትወድቅ፡ ይእተ፡ አሚረ፡ አላ፡ ትቀውም፡ ውስተ፡ ምኵናን።
11:19	ወዝክቱኒ፡ ዘርኢከ፡ እምክነፊሁ፡ ወፅአ፡ አርእስት።	ወዝክቱኒ፡ ዘርኢከ፡ እምክነፊሁ፡ ወፅአ፡ አርእስት።
11:20	ከመዝ፡ ውእቱ፡ ነገሩ፡ ይቀውሙ፡ ሰመንቱ፡ ነገሥት፡ ባቲ፡ ወእኩይ፡ ክረማቲሆሙ፡ ወኅጹ፡ መዋዕሊሆሙ፡ ወ፪እምውስቴቶሙ፡ ፍጡነ፡ ይትሀጐሉ፡ በማእከለ፡ ዕድሜሆሙ።	ከመዝ፡ ውእቱ፡ ነገሩ፡ ይቀውሙ፡ ሰመንቱ፡ ነገሥት፡ ባቲ፡ ወእኩይ፡ ክረማቲሆሙ፡ ወኅጹ፡ መዋዕሊሆሙ፡ ወ፪እምውስቴቶሙ፡ ፍጡነ፡ ይትሀጐሉ፡ በማእከለ፡ ዕድሜሆሙ።
11:21	ወ፬ባሕቱ፡ መንግሥት፡ ይትዐቀቡ፡ ለአመ፡ ይበጽሕ፡ ጊዜሆሙ፡ ለኅልቀቱ፡ ወ፪፡ ይትዐቀቡ፡ ለጒንዱይ።	ወ፬ባሕቱ፡ መንግሥት፡ ይትዐቀቡ፡ ለአመ፡ ይበጽሕ፡ ጊዜሆሙ፡ ለኅልቀቱ፡ ወ፪፡ ይትዐቀቡ፡ ለጒንዱይ።
11:22	ወዝንቱ፡ ዘርኢከ፡ ፫አርእስቲሁ፡ ያረምም።	ወዝንቱ፡ ዘርኢከ፡ ፫አርእስቲሁ፡ ያረምም።
11:23	ከመዝ፡ ውእቱ፡ ነገሩ፡ በደኃሪ፡ መዋዕል፡ ያቀውም፡ ልዑል፡ ፫ነገሥተ፡ ወብዙኀ፡ ይሔድሱ፡ ውስቴታ፡ ወይሣቅይዋ፡ ለምድር።	ከመዝ፡ ውእቱ፡ ነገሩ፡ በደኃሪ፡ መዋዕል፡ ያቀውም፡ ልዑል፡ ፫ነገሥተ፡ ወብዙኀ፡ ይሔድሱ፡ ውስቴታ፡ ወይሣቅይዋ፡ ለምድር።
11:24	ወለእለ፡ ይነብሩ፡ ውስቴታ፡ በዐቢይ፡ ፍርሀት፡ ወፈድፋደ፡ እምኵሎሙ፡ እለ፡ ኮኑ፡ እምቅድሜሆሙ፡ ወበእንተ፡ ዝንቱ፡ ተሰምዩ፡ አርእስተ፡ ንስር።	ወለእለ፡ ይነብሩ፡ ውስቴታ፡ በዐቢይ፡ ፍርሀት፡ ወፈድፋደ፡ እምኵሎሙ፡ እለ፡ ኮኑ፡ እምቅድሜሆሙ፡ ወበእንተ፡ ዝንቱ፡ ተሰምዩ፡ አርእስተ፡ ንስር።
11:25	እስመ፡ እሙንቱ፡ አርእስተ፡ መንግሥት፡ እሙንቱ፡ ማኅለቅቱ፡ ለመንግሥት።	እስመ፡ እሙንቱ፡ አርእስተ፡ መንግሥት፡ እሙንቱ፡ ማኅለቅቱ፡ ለመንግሥት።
11:26	ወዝንቱኒ፡ ዘርኢከ፡ አሐዱ፡ ርእሱ፡ ዘየዐቢ፡ ጠፍአ፡ እስመ፡ አሐዱ፡ እምኔሆሙ፡ ውእቱ፡ ባሕቲቱ፡ ዘይመውት፡ በውስተ፡ ምስካቡ፡ ወባሕቱ፡ ተጽዒሮ።	ወዝንቱኒ፡ ዘርኢከ፡ አሐዱ፡ ርእሱ፡ ዘየዐቢ፡ ጠፍአ፡ እስመ፡ አሐዱ፡ እምኔሆሙ፡ ውእቱ፡ ባሕቲቱ፡ ዘይመውት፡ በውስተ፡ ምስካቡ፡ ወባሕቱ፡ ተጽዒሮ።
11:27	ወእልክቱሰ፡ እለ፡ ተርፉ፡ ፪በኵናት፡ ይመውቱ።	ወእልክቱሰ፡ እለ፡ ተርፉ፡ ፪በኵናት፡ ይመውቱ።
11:28	ወአሐዱኒ፡ ….፡ ደኃሪ፡ ውእቱኒ፡ በኵናት፡ ይመውት።	ወአሐዱኒ፡ ….፡ ደኃሪ፡ ውእቱኒ፡ በኵናት፡ ይመውት።
11:29	ወዝንቱ፡ ዘርኢኩ፡ ፪አርእስት፡ እለ፡ ፈለሱ፡ ውስተ፡ ርእሱ፡ ዘመንገለ፡ የማን።	ወዝንቱ፡ ዘርኢኩ፡ ፪አርእስት፡ እለ፡ ፈለሱ፡ ውስተ፡ ርእሱ፡ ዘመንገለ፡ የማን።
11:30	ከመዝ፡ ውእቱ፡ ነገሩ፡ እሉ፡ እለ፡ ዐቀቦሙ፡ ልዑል፡ ለደኃሪት፡ እለ፡ ቦሙ፡ ይከውን፡ ቀዳሜ፡ ማሕለቅት፡ ወብዙኅ፡ ሀውክ፡ ይከውን፡ በከመ፡ ርኢከ።	ከመዝ፡ ውእቱ፡ ነገሩ፡ እሉ፡ እለ፡ ዐቀቦሙ፡ ልዑል፡ ለደኃሪት፡ እለ፡ ቦሙ፡ ይከውን፡ ቀዳሜ፡ ማሕለቅት፡ ወብዙኅ፡ ሀውክ፡ ይከውን፡ በከመ፡ ርኢከ።
11:31	ወዝንቱ፡ ዐንበሳ፡ ዘርኢከ፡ ተንሥአ፡ እምገዳም፡ እንዘ፡ ይጥሕር፡ ወይትናገሮ፡ ለውእቱ፡ ንስር፡ ወይዛለፎ፡ ኀጣውኢሁ፡ ኵሎ፡ ዝንቱ፡ ነገር፡ ዘሰማዕከ።	ወዝንቱ፡ ዐንበሳ፡ ዘርኢከ፡ ተንሥአ፡ እምገዳም፡ እንዘ፡ ይጥሕር፡ ወይትናገሮ፡ ለውእቱ፡ ንስር፡ ወይዛለፎ፡ ኀጣውኢሁ፡ ኵሎ፡ ዝንቱ፡ ነገር፡ ዘሰማዕከ።
11:32	ወውእቱ፡ ዝንቱ፡ ዘዐቀበ፡ ልዑል፡ ለደኃሪ፡ መዋዕል፡ እምነ፡ ዘርአ፡ ዳዊት፡ ወውእቱ፡ ዘይወፅእ፡ ወይመጽእ፡ ወይነግሮሙ፡ ኀጢአቶሙ፡ ወይዛለፎሙ፡ እንተ፡ ዐመፃሆሙ፡ ወይዌጥሕ፡ ሎሙ፡ ፍዳሆሙ፡ ቅድሜሆሙ።	ወውእቱ፡ ዝንቱ፡ ዘዐቀበ፡ ልዑል፡ ለደኃሪ፡ መዋዕል፡ እምነ፡ ዘርአ፡ ዳዊት፡ ወውእቱ፡ ዘይወፅእ፡ ወይመጽእ፡ ወይነግሮሙ፡ ኀጢአቶሙ፡ ወይዛለፎሙ፡ እንተ፡ ዐመፃሆሙ፡ ወይዌጥሕ፡ ሎሙ፡ ፍዳሆሙ፡ ቅድሜሆሙ።
11:33	ወይቀድም፡ አቅሞቶሙ፡ ውስተ፡ ደይን፡ ሕያዋኒሆሙ፡ ወእምዝ፡ ሶበ፡ ተዛለፎሙ፡ ይእተ፡ ጊዜ፡ ያማስኖሙ።	ወይቀድም፡ አቅሞቶሙ፡ ውስተ፡ ደይን፡ ሕያዋኒሆሙ፡ ወእምዝ፡ ሶበ፡ ተዛለፎሙ፡ ይእተ፡ ጊዜ፡ ያማስኖሙ።
11:34	ወለእለሰ፡ ተረፉ፡ ሕዝብ፡ ይቤዝዎሙ፡ በምሕረት፡ ለእለ፡ ድኅኑ፡ በውስተ፡ ደወልየ፡ ወያስተፌሥሖሙ፡ እስከ፡ ትበጽሕ፡ ዕለተ፡ ደይን፡ እንተ፡ ነገርኩከ፡ ቀዲሙ።	ወለእለሰ፡ ተረፉ፡ ሕዝብ፡ ይቤዝዎሙ፡ በምሕረት፡ ለእለ፡ ድኅኑ፡ በውስተ፡ ደወልየ፡ ወያስተፌሥሖሙ፡ እስከ፡ ትበጽሕ፡ ዕለተ፡ ደይን፡ እንተ፡ ነገርኩከ፡ ቀዲሙ።
11:35	ወከመዝ፡ ውእቱ፡ ዝንቱ፡ ሕልም፡ ዘርኢከ፡ ወከመዝ፡ ውእቱ፡ ፍካሬሁኒ።	ወከመዝ፡ ውእቱ፡ ዝንቱ፡ ሕልም፡ ዘርኢከ፡ ወከመዝ፡ ውእቱ፡ ፍካሬሁኒ።
11:36	ወለከ፡ ለባሕቲትከ፡ ረሰየ፡ ልዑል፡ ከመ፡ ታእምሮ፡ ለዝንቱ፡ ምስጢር።	ወለከ፡ ለባሕቲትከ፡ ረሰየ፡ ልዑል፡ ከመ፡ ታእምሮ፡ ለዝንቱ፡ ምስጢር።
11:37	ወባሕቱ፡ ጸሐፎ፡ ውስተ፡ መጽሐፍ፡ ኵሎ፡ ዘንተ፡ ዘርኢከ፡ ወሢም፡ ውስተ፡ መካን፡ ኅቡእ።	ወባሕቱ፡ ጸሐፎ፡ ውስተ፡ መጽሐፍ፡ ኵሎ፡ ዘንተ፡ ዘርኢከ፡ ወሢም፡ ውስተ፡ መካን፡ ኅቡእ።
11:38	ወመሀሮሙ፡ ለጠቢባን፡ ሕዝብ፡ ለእለ፡ ታአምር፡ ከመ፡ ይክህልዎ፡ ዐቂቦቶ፡ ውስተ፡ ልቦሙ፡ ለዝንቱ፡ ምስጢር።	ወመሀሮሙ፡ ለጠቢባን፡ ሕዝብ፡ ለእለ፡ ታአምር፡ ከመ፡ ይክህልዎ፡ ዐቂቦቶ፡ ውስተ፡ ልቦሙ፡ ለዝንቱ፡ ምስጢር።
11:39	ወአንተሰ፡ ንበር፡ ዝየ፡ ዓዲ፡ ሰቡዐ፡ መዋዕለ፡ ከመ፡ ትርአይ፡ ዘይፈቅድ፡ ልዑል፡ ያርኢከ።	ወአንተሰ፡ ንበር፡ ዝየ፡ ዓዲ፡ ሰቡዐ፡ መዋዕለ፡ ከመ፡ ትርአይ፡ ዘይፈቅድ፡ ልዑል፡ ያርኢከ።
11:40	ወእምዝ፡ ሖረ፡ እምኀቤየ። ወሶበ፡ ሰምዑ፡ ኵሉ፡ ሕዝብ፡ ከመ፡ ኀለፉ፡ እሎንቱ፡ ስቡዕ፡ መዋዕል፡ ወአነኒ፡ ኢቦእኩ፡ ውስተ፡ ሀገር፡ ተጋብኡ፡ ኵሎሙ፡ አሕዛብ፡ ንኡሶሙ፡ ወዐቢዮሙ፡ ወመጽኡ፡ ኀቤየ፡ ወይቤሉኒ።	ወእምዝ፡ ሖረ፡ እምኀቤየ። ወሶበ፡ ሰምዑ፡ ኵሉ፡ ሕዝብ፡ ከመ፡ ኀለፉ፡ እሎንቱ፡ ስቡዕ፡ መዋዕል፡ ወአነኒ፡ ኢቦእኩ፡ ውስተ፡ ሀገር፡ ተጋብኡ፡ ኵሎሙ፡ አሕዛብ፡ ንኡሶሙ፡ ወዐቢዮሙ፡ ወመጽኡ፡ ኀቤየ፡ ወይቤሉኒ።
11:41	ምንተ፡ አበስነ፡ ለከ፡ ወምንት፡ ገፉዕናከ፡ ከመ፡ ትኅድግነ፡ ወትንበር፡ ውስተ፡ ዝንቱ፡ መካን።	ምንተ፡ አበስነ፡ ለከ፡ ወምንት፡ ገፉዕናከ፡ ከመ፡ ትኅድግነ፡ ወትንበር፡ ውስተ፡ ዝንቱ፡ መካን።
11:42	እስመ፡ አንተ፡ ባሕቲትከ፡ ተረፍከ፡ ለነ፡ እምነ፡ ኵሎሙ፡ ነቢያት፡ ከመ፡ አሐዱ፡ አስካል፡ እምነ፡ ኵሉ፡ ዘይቀሥሙ፡ ወከመ፡ ማኅቶት፡ ውስተ፡ መካነ፡ ጽልመት፡ ወከመ፡ መርሶዘሐመር፡ እምነ፡ ልጐት።	እስመ፡ አንተ፡ ባሕቲትከ፡ ተረፍከ፡ ለነ፡ እምነ፡ ኵሎሙ፡ ነቢያት፡ ከመ፡ አሐዱ፡ አስካል፡ እምነ፡ ኵሉ፡ ዘይቀሥሙ፡ ወከመ፡ ማኅቶት፡ ውስተ፡ መካነ፡ ጽልመት፡ ወከመ፡ መርሶዘሐመር፡ እምነ፡ ልጐት።
11:43	አው፡ ኢአከለተነኑ፡ እኪት፡ እንተ፡ ረከበተነ።	አው፡ ኢአከለተነኑ፡ እኪት፡ እንተ፡ ረከበተነ።
11:44	ወእመሰ፡ ኀደገኒ፡ አንተሂ፡ ይኄይሰነ፡ ሶበ፡ ነበርነ፡ ውስተ፡ ውዕየታ፡ ለጽዮን።	ወእመሰ፡ ኀደገኒ፡ አንተሂ፡ ይኄይሰነ፡ ሶበ፡ ነበርነ፡ ውስተ፡ ውዕየታ፡ ለጽዮን።
11:45	እስመ፡ አኮ፡ ዘንኄይሶሙ፡ ንሕነ፡ ለእለ፡ ሞቱ፡ በህየ። ወበከዩ፡ በዐቢይ፡ ቃል።	እስመ፡ አኮ፡ ዘንኄይሶሙ፡ ንሕነ፡ ለእለ፡ ሞቱ፡ በህየ። ወበከዩ፡ በዐቢይ፡ ቃል።
11:46	ወአውሣእክዎሙ፡ ወእቤሎሙ፡ ተአመኑ፡ ወኢትሕዝኑ፡ ቤተ፡ ያዕቆብ።	ወአውሣእክዎሙ፡ ወእቤሎሙ፡ ተአመኑ፡ ወኢትሕዝኑ፡ ቤተ፡ ያዕቆብ።
11:47	እስመ፡ ሀሎ፡ ዝክርነ፡ ቅድሜሁ፡ ለልዑል፡ ወውእቱ፡ ዘኢረስዐነ፡ ጽኑዕ።	እስመ፡ ሀሎ፡ ዝክርነ፡ ቅድሜሁ፡ ለልዑል፡ ወውእቱ፡ ዘኢረስዐነ፡ ጽኑዕ።
11:48	ወአንሰ፡ ኢየኀድገክሙ፡ ወኢይርሕቅ፡ እምኔክሙ፡ ወባሕቱ፡ መጻእኩ፡ ዘንተ፡ መካነ፡ ከመ፡ እስአል፡ በእንተ፡ ሙስናሃ፡ ለጽዮን፡ ወከመእኅሥሥ፡ ሣህለ፡ ለሕማመ፡ ትፍሥሕትነ።	ወአንሰ፡ ኢየኀድገክሙ፡ ወኢይርሕቅ፡ እምኔክሙ፡ ወባሕቱ፡ መጻእኩ፡ ዘንተ፡ መካነ፡ ከመ፡ እስአል፡ በእንተ፡ ሙስናሃ፡ ለጽዮን፡ ወከመእኅሥሥ፡ ሣህለ፡ ለሕማመ፡ ትፍሥሕትነ።
11:49	ወይእዜኒ፡ እትዉ፡ ኵልክሙ፡ ውስተ፡ አብያቲክሙ፡ ወለልየ፡ እመጽእ፡ ኀቤክሙ፡ እምድኅረ፡ እማንቱ፡ መዋዕል።	ወይእዜኒ፡ እትዉ፡ ኵልክሙ፡ ውስተ፡ አብያቲክሙ፡ ወለልየ፡ እመጽእ፡ ኀቤክሙ፡ እምድኅረ፡ እማንቱ፡ መዋዕል።
11:50	ወአተዉ፡ ሕዝብ፡ ውስተ፡ አብያቲሆሙ፡ በከመ፡ እቤሎሙ።	ወአተዉ፡ ሕዝብ፡ ውስተ፡ አብያቲሆሙ፡ በከመ፡ እቤሎሙ።
11:51	ወአንሰ፡ ነበርኩ፡ ውስተ፡ ውእቱ፡ መካን፡ ውስተ፡ ገዳም፡ ሰቡዐ፡ መዋዕለ፡ በከመ፡ አዘዘኒ፡ ወተሴሰይኩ፡ እምፍሬ፡ ገዳም፡ ባሕቲቶ፡ ወእምነ፡ ሐምለ፡ ገዳም፡ በላዕኩ፡ በእማንቱ፡ መዋዕል።	ወአንሰ፡ ነበርኩ፡ ውስተ፡ ውእቱ፡ መካን፡ ውስተ፡ ገዳም፡ ሰቡዐ፡ መዋዕለ፡ በከመ፡ አዘዘኒ፡ ወተሴሰይኩ፡ እምፍሬ፡ ገዳም፡ ባሕቲቶ፡ ወእምነ፡ ሐምለ፡ ገዳም፡ በላዕኩ፡ በእማንቱ፡ መዋዕል።