| 95:1 | መኑ፡ ይሁበኒ፡ አዕይንትየ፡ ከመ፡ ይኩና፡ ደመናተ፡ ሰማይ፡ ወእብኪ፡ ዲቤክሙ፡ ወእክዐው፡ አንብዕየ፡ ከመ፡ ደመና፡ ማይ፡ ወኣዕርፍ፡ እምሐዘነ፡ ልብየ። | መኑ፡ ይሁበኒ፡ አዕይንትየ፡ ከመ፡ ይኩና፡ ደመናተ፡ ሰማይ፡ ወእብኪ፡ ዲቤክሙ፡ ወእክዐው፡ አንብዕየ፡ ከመ፡ ደመና፡ ማይ፡ ወኣዕርፍ፡ እምሐዘነ፡ ልብየ። |
|---|
| 95:2 | መኑ፡ ወሀበክሙ፡ ከመ፡ ትግበሩ፡ ጽልአ፡ ወእከየ፡ ወይረክበክሙ፡ ለኃጥኣን፡ ኵነኔ። | መኑ፡ ወሀበክሙ፡ ከመ፡ ትግበሩ፡ ጽልአ፡ ወእከየ፡ ወይረክበክሙ፡ ለኃጥኣን፡ ኵነኔ። |
|---|
| 95:3 | ኢትፍርሁ፡ ጻድቃን፡ እምኃጥኣን፡ እስመ፡ ካዕበ፡ ያገብኦሙ፡ እግዚአብሔር፡ ውስተ፡ እዴክሙ፡ ከመ፡ ትግበሩ፡ ኵነኔ፡ ላዕሌሆሙ፡ በከመ፡ ፈቀድክሙ። | ኢትፍርሁ፡ ጻድቃን፡ እምኃጥኣን፡ እስመ፡ ካዕበ፡ ያገብኦሙ፡ እግዚአብሔር፡ ውስተ፡ እዴክሙ፡ ከመ፡ ትግበሩ፡ ኵነኔ፡ ላዕሌሆሙ፡ በከመ፡ ፈቀድክሙ። |
|---|
| 95:4 | አሌ፡ ለክሙ፡ እለ፡ ታወግዙ፡ ግዘታተ፡ ከመ፡ ኢትፍትሑ፡ ወፈውስ፡ ርሑቅ፡ እምኔክሙ፡ በእንተ፡ ኀጢአተ፡ ዚኣክሙ። | አሌ፡ ለክሙ፡ እለ፡ ታወግዙ፡ ግዘታተ፡ ከመ፡ ኢትፍትሑ፡ ወፈውስ፡ ርሑቅ፡ እምኔክሙ፡ በእንተ፡ ኀጢአተ፡ ዚኣክሙ። |
|---|
| 95:5 | አሌ፡ ለክሙ፡ እለ፡ ትፈድዩ፡ እኩየ፡ ለቢጽክሙ፡ እስመ፡ ትትፈደዩ፡ በከመ፡ ምግባሪክሙ። | አሌ፡ ለክሙ፡ እለ፡ ትፈድዩ፡ እኩየ፡ ለቢጽክሙ፡ እስመ፡ ትትፈደዩ፡ በከመ፡ ምግባሪክሙ። |
|---|
| 95:6 | አሌ፡ ለክሙ፡ ለሰማዕተ፡ ሐሰት፡ ወእለ፡ ትደልውዋ፡ ለዐመፃ፡ እስመ፡ ፍጡነ፡ ትትሀጐሉ። | አሌ፡ ለክሙ፡ ለሰማዕተ፡ ሐሰት፡ ወእለ፡ ትደልውዋ፡ ለዐመፃ፡ እስመ፡ ፍጡነ፡ ትትሀጐሉ። |
|---|
| 95:7 | አሌ፡ ለክሙ፡ ለኃጥኣን፡ እስመ፡ ለጻድቃን፡ ትሰድድዎሙ፡ እስመ፡ አንትሙ፡ ትትሜጠዉ፡ ወትሰደዱ፡ እምዐመፃ፡ ወይጸንዕ፡ በላዕሌክሙ፡ አርዑተ፡ ዚኣሆሙ። | አሌ፡ ለክሙ፡ ለኃጥኣን፡ እስመ፡ ለጻድቃን፡ ትሰድድዎሙ፡ እስመ፡ አንትሙ፡ ትትሜጠዉ፡ ወትሰደዱ፡ እምዐመፃ፡ ወይጸንዕ፡ በላዕሌክሙ፡ አርዑተ፡ ዚኣሆሙ። |
|---|