| 92:1 | ዘተጽሕፈ፡ እምሄኖክ፡ ጸሐፈ፡ ዝ፡ ኵሉ፡ ትምህርተ፡ ጥበብ፡ እምኵሉ፡ ሰብእ፡ ስቡሕ፡ ወመኰንነ፡ ኵሉ፡ ምድር፡ ለኵሎሙ፡ ውሉድየ፡ እለ፡ የኀድሩ፡ ዲበ፡ ምድር፡ ወለትውልድ፡ ደኃራውያን፡ እለ፡ ይገብሩ፡ ርትዐ፡ ወሰላመ። | ዘተጽሕፈ፡ እምሄኖክ፡ ጸሐፈ፡ ዝ፡ ኵሉ፡ ትምህርተ፡ ጥበብ፡ እምኵሉ፡ ሰብእ፡ ስቡሕ፡ ወመኰንነ፡ ኵሉ፡ ምድር፡ ለኵሎሙ፡ ውሉድየ፡ እለ፡ የኀድሩ፡ ዲበ፡ ምድር፡ ወለትውልድ፡ ደኃራውያን፡ እለ፡ ይገብሩ፡ ርትዐ፡ ወሰላመ። |
|---|
| 92:2 | ኢትሕዘን፡ መንፈሰክሙ፡ በአዝማን፡ እስመ፡ መዋዕለ፡ ወሀበ፡ ቅዱስ፡ ወዐቢይ፡ ለኵሉ። | ኢትሕዘን፡ መንፈሰክሙ፡ በአዝማን፡ እስመ፡ መዋዕለ፡ ወሀበ፡ ቅዱስ፡ ወዐቢይ፡ ለኵሉ። |
|---|
| 92:3 | ወይትነሣእ፡ ጻድቅ፡ እምንዋም፡ ይትነሣእ፡ ወየኀልፍ፡ በፍኖተ፡ ጽድቅ፡ ወኵሉ፡ ፍኖቱ፡ ወምሕዋሪሁ፡ በኂሩት፡ ወበሣህል፡ ዘለዓለም። | ወይትነሣእ፡ ጻድቅ፡ እምንዋም፡ ይትነሣእ፡ ወየኀልፍ፡ በፍኖተ፡ ጽድቅ፡ ወኵሉ፡ ፍኖቱ፡ ወምሕዋሪሁ፡ በኂሩት፡ ወበሣህል፡ ዘለዓለም። |
|---|
| 92:4 | ይሠሀሎ፡ ለጻድቅ፡ ወሎቱ፡ ይሁብ፡ ርትዐ፡ ዘለዓለም፡ ወይሁብ፡ ሥልጣነ፡ ወይከውን፡ በኂሩት፡ ወበጽድቅ፡ ወየሐውር፡ ብርሃን፡ ዘለዓለም። | ይሠሀሎ፡ ለጻድቅ፡ ወሎቱ፡ ይሁብ፡ ርትዐ፡ ዘለዓለም፡ ወይሁብ፡ ሥልጣነ፡ ወይከውን፡ በኂሩት፡ ወበጽድቅ፡ ወየሐውር፡ ብርሃን፡ ዘለዓለም። |
|---|
| 92:5 | ወኀጢአት፡ በጽልመት፡ ትትሀጐል፡ እስከ፡ ለዓለም፡ ወኢትትረአይ፡ እንከ፡ እምይእቲ፡ ዕለት፡ እስከ፡ ለዓለም። | ወኀጢአት፡ በጽልመት፡ ትትሀጐል፡ እስከ፡ ለዓለም፡ ወኢትትረአይ፡ እንከ፡ እምይእቲ፡ ዕለት፡ እስከ፡ ለዓለም። |
|---|