1 Enoch

1 Enoch 82 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
82:1	ወይእዜኒ፡ ወልድየ፡ ማቱሳላ፡ ኵሎ፡ እሎንተ፡ ለከ፡ እነግር፡ ወእጽሕፍ፡ ለከ፡ ወኵሎ፡ ከሠትኩ፡ ለከ፡ ወወሀብኩከ፡ መጻሕፍቲሆሙ፡ ለእሉ፡ ኵሎሙ፡ ወዕቀብ፡ ወልድየ፡ ማቱሳላ፡ መጻሕፍተ፡ እዴሁ፡ ለአቡከ፡ ወከመ፡ ተሀብ፡ ለትውልደ፡ ዓለም።	ወይእዜኒ፡ ወልድየ፡ ማቱሳላ፡ ኵሎ፡ እሎንተ፡ ለከ፡ እነግር፡ ወእጽሕፍ፡ ለከ፡ ወኵሎ፡ ከሠትኩ፡ ለከ፡ ወወሀብኩከ፡ መጻሕፍቲሆሙ፡ ለእሉ፡ ኵሎሙ፡ ወዕቀብ፡ ወልድየ፡ ማቱሳላ፡ መጻሕፍተ፡ እዴሁ፡ ለአቡከ፡ ወከመ፡ ተሀብ፡ ለትውልደ፡ ዓለም።
82:2	ጥበበ፡ ወሀብኩከ፡ ለከ፡ ወለውሉድከ፡ ወለእለ፡ ይከውኑ፡ ለከ፡ ውሉደ፡ ከመ፡ የሀቡ፡ ለውሉዶሙ፡ ወለትውልዳት፡ እስከ፡ ለዓለም፡ ለዛ፡ ጥበብ፡ ዲበ፡ ኅሊናሆሙ።	ጥበበ፡ ወሀብኩከ፡ ለከ፡ ወለውሉድከ፡ ወለእለ፡ ይከውኑ፡ ለከ፡ ውሉደ፡ ከመ፡ የሀቡ፡ ለውሉዶሙ፡ ወለትውልዳት፡ እስከ፡ ለዓለም፡ ለዛ፡ ጥበብ፡ ዲበ፡ ኅሊናሆሙ።
82:3	ወኢይነውሙ፡ እለ፡ ይሌብዉ፡ ወያጸምኡ፡ በእዝኖሙ፡ ከመ፡ ይትመሀርዋ፡ ለዛ፡ ጥበብ፡ ወትደልዎሙ፡ እመባልዕት፡ ሠናያት፡ ለእለ፡ ይበልዑ።	ወኢይነውሙ፡ እለ፡ ይሌብዉ፡ ወያጸምኡ፡ በእዝኖሙ፡ ከመ፡ ይትመሀርዋ፡ ለዛ፡ ጥበብ፡ ወትደልዎሙ፡ እመባልዕት፡ ሠናያት፡ ለእለ፡ ይበልዑ።
82:4	ብፁዓን፡ ጻድቃን፡ ኵሎሙ፡ ወብፁዓን፡ ኵሎሙ፡ እለ፡ የሐውሩ፡ በፍኖተ፡ ጽድቅ፡ ወአልቦሙ፡ ኀጢአት፡ ከመ፡ ኃጥኣን፡ በኍልቈ፡ ኵሉ፡ መዋዕሊሆሙ፡ ዘየሐውር፡ ፀሓይ፡ በሰማይ፡ በአናቅጽ፡ ይበውእ፡ ወይወፅእ፡ ሠላሳ፡ ዕለተ፡ ምስለ፡ አርእስተ፡ ዐሠርቱ፡ ምእት፡ ዝ፡ ሥርዐቶሙ፡ ለከዋክብት፡ ምስለ፡ አርባዕቱ፡ እለ፡ ይትዌሰኩ፡ እለ፡ ይሌልዩ፡ ማእከለ፡ አርባዕቱ፡ ክፍለ፡ ዓመት፡ እለ፡ ይመርሕዎሙ፡ ወምስሌሆሙ፡ ይበውኡ፡ አርባዕተ፡ መዋዕለ።	ብፁዓን፡ ጻድቃን፡ ኵሎሙ፡ ወብፁዓን፡ ኵሎሙ፡ እለ፡ የሐውሩ፡ በፍኖተ፡ ጽድቅ፡ ወአልቦሙ፡ ኀጢአት፡ ከመ፡ ኃጥኣን፡ በኍልቈ፡ ኵሉ፡ መዋዕሊሆሙ፡ ዘየሐውር፡ ፀሓይ፡ በሰማይ፡ በአናቅጽ፡ ይበውእ፡ ወይወፅእ፡ ሠላሳ፡ ዕለተ፡ ምስለ፡ አርእስተ፡ ዐሠርቱ፡ ምእት፡ ዝ፡ ሥርዐቶሙ፡ ለከዋክብት፡ ምስለ፡ አርባዕቱ፡ እለ፡ ይትዌሰኩ፡ እለ፡ ይሌልዩ፡ ማእከለ፡ አርባዕቱ፡ ክፍለ፡ ዓመት፡ እለ፡ ይመርሕዎሙ፡ ወምስሌሆሙ፡ ይበውኡ፡ አርባዕተ፡ መዋዕለ።
82:5	ወበእንቲኣሆሙ፡ ይጌግዩ፡ ሰብእ፡ ወኢየሐስብዎሙ፡ በሐሳበ፡ ኵሉ፡ ዓለም፡ እስመ፡ ይጌግይዎሙ፡ ወኢየአምርዎሙ፡ ሰብእ፡ ጥንቁቀ።	ወበእንቲኣሆሙ፡ ይጌግዩ፡ ሰብእ፡ ወኢየሐስብዎሙ፡ በሐሳበ፡ ኵሉ፡ ዓለም፡ እስመ፡ ይጌግይዎሙ፡ ወኢየአምርዎሙ፡ ሰብእ፡ ጥንቁቀ።
82:6	እስመ፡ ሀለዉ፡ በሐሳበ፡ ዓመት፡ ወአማን፡ ልኩኣን፡ እሙንቱ፡ ለዓለም፡ አሐዱ፡ በቀዳሚት፡ ኆኅት፡ ወአሐዱ፡ በሣልሲት፡ ኆኅት፡ ወአሐዱ፡ በራብዒት፡ ኆኅት፡ ወአሐዱ፡ በሳድሲት፡ ኆኅት፡ ወይትፌጸም፡ ዓመት፡ በመዋዕል፡ ሠለስቱ፡ ምእት፡ ወስሳ፡ ወረቡዕ።	እስመ፡ ሀለዉ፡ በሐሳበ፡ ዓመት፡ ወአማን፡ ልኩኣን፡ እሙንቱ፡ ለዓለም፡ አሐዱ፡ በቀዳሚት፡ ኆኅት፡ ወአሐዱ፡ በሣልሲት፡ ኆኅት፡ ወአሐዱ፡ በራብዒት፡ ኆኅት፡ ወአሐዱ፡ በሳድሲት፡ ኆኅት፡ ወይትፌጸም፡ ዓመት፡ በመዋዕል፡ ሠለስቱ፡ ምእት፡ ወስሳ፡ ወረቡዕ።
82:7	ወአማን፡ ነገሩ፡ ወጥንቁቅ፡ ሐሳቡ፡ ዘልኩእ፡ እስመ፡ ለብርሃናት፡ ወለአውራኅ፡ ወለበዐላት፡ ወለክራማት፡ ወለመዋዕል፡ አርአየኒ፡ ወነፍኀ፡ ዲቤየ፡ ኡርኤል፡ መልአክ፡ ዘአዘዘ፡ ሊተ፡ እግዚአ፡ ኵሉ፡ ፍጥረት፡ በኀይለ፡ ሰማይ።	ወአማን፡ ነገሩ፡ ወጥንቁቅ፡ ሐሳቡ፡ ዘልኩእ፡ እስመ፡ ለብርሃናት፡ ወለአውራኅ፡ ወለበዐላት፡ ወለክራማት፡ ወለመዋዕል፡ አርአየኒ፡ ወነፍኀ፡ ዲቤየ፡ ኡርኤል፡ መልአክ፡ ዘአዘዘ፡ ሊተ፡ እግዚአ፡ ኵሉ፡ ፍጥረት፡ በኀይለ፡ ሰማይ።
82:8	ወሥልጣን፡ ቦቱ፡ በመዓልት፡ ወበሌሊት፡ ውስተ፡ ሰማይ፡ ከመ፡ ያርኢ፡ ብርሃነ፡ ዲበ፡ ሰብእ፡ ፀሓየ፡ ወወርኀ፡ ወከዋክብተ፡ ወኵሎሙ፡ ሥልጣናተ፡ ሰማይ፡ እለ፡ ይትመየጡ፡ በክበቦሙ።	ወሥልጣን፡ ቦቱ፡ በመዓልት፡ ወበሌሊት፡ ውስተ፡ ሰማይ፡ ከመ፡ ያርኢ፡ ብርሃነ፡ ዲበ፡ ሰብእ፡ ፀሓየ፡ ወወርኀ፡ ወከዋክብተ፡ ወኵሎሙ፡ ሥልጣናተ፡ ሰማይ፡ እለ፡ ይትመየጡ፡ በክበቦሙ።
82:9	ወዛቲ፡ ይእቲ፡ ሥርዐተ፡ ከዋክብት፡ እለ፡ የዐርቡ፡ በመካናቲሆሙ፡ ወበአዝማናቲሆሙ፡ ወበበዓላቲሆሙ፡ ወበአውራኂሆሙ።	ወዛቲ፡ ይእቲ፡ ሥርዐተ፡ ከዋክብት፡ እለ፡ የዐርቡ፡ በመካናቲሆሙ፡ ወበአዝማናቲሆሙ፡ ወበበዓላቲሆሙ፡ ወበአውራኂሆሙ።
82:10	ወእሉ፡ አስማቲሆሙ፡ ለእለ፡ ይመርሕዎሙ፡ ለእለ፡ የዐቅቡ፡ ወይበውኡ፡ በአዝማነ፡ ዚኣሆሙ፡ ወበሥርዐታቲሆሙ፡ ወበጊዜያቲሆሙ፡ ወበአውራኂሆሙ፡ ወበሥልጣናቲሆሙ፡ ወበምቅዋማቲሆሙ።	ወእሉ፡ አስማቲሆሙ፡ ለእለ፡ ይመርሕዎሙ፡ ለእለ፡ የዐቅቡ፡ ወይበውኡ፡ በአዝማነ፡ ዚኣሆሙ፡ ወበሥርዐታቲሆሙ፡ ወበጊዜያቲሆሙ፡ ወበአውራኂሆሙ፡ ወበሥልጣናቲሆሙ፡ ወበምቅዋማቲሆሙ።
82:11	አርባዕቱ፡ መራሕያኒሆሙ፡ ይበውኡ፡ ቀዳሚ፡ እለ፡ ይሌልዩ፡ አርባዕተ፡ ክፍለ፡ ዓመት፡ ወእምድኅሬሆሙ፡ ዐሠርቱ፡ ወክልኤቱ፡ መራሕያን፡ ዘሥርዐታት፡ እለ፡ ይሌልይዎሙ፡ ለአውራኅ፡ ወለዓመት፡ ሠለስቱ፡ ምእት፡ ወስሳ፡ ወአርባዕቱ፡ ምስለ፡ አርእስተ፡ ዐሠርቱ፡ ምእት፡ እለ፡ ይፈልጥዎሙ፡ ለመዋዕል፡ ወለአርባዕቱ፡ እለ፡ ይትዌሰኩ፡ ዲቤሆሙ፡ ወእለ፡ ይፈልጡ፡ መራሕያን፡ አርባዕተ፡ መክፈልተ፡ ዓመታት።	አርባዕቱ፡ መራሕያኒሆሙ፡ ይበውኡ፡ ቀዳሚ፡ እለ፡ ይሌልዩ፡ አርባዕተ፡ ክፍለ፡ ዓመት፡ ወእምድኅሬሆሙ፡ ዐሠርቱ፡ ወክልኤቱ፡ መራሕያን፡ ዘሥርዐታት፡ እለ፡ ይሌልይዎሙ፡ ለአውራኅ፡ ወለዓመት፡ ሠለስቱ፡ ምእት፡ ወስሳ፡ ወአርባዕቱ፡ ምስለ፡ አርእስተ፡ ዐሠርቱ፡ ምእት፡ እለ፡ ይፈልጥዎሙ፡ ለመዋዕል፡ ወለአርባዕቱ፡ እለ፡ ይትዌሰኩ፡ ዲቤሆሙ፡ ወእለ፡ ይፈልጡ፡ መራሕያን፡ አርባዕተ፡ መክፈልተ፡ ዓመታት።
82:12	ወእሙንቱ፡ አርእስተ፡ ዐሠርቱ፡ ምእት፡ ማእከለ፡ መራሒ፡ ወተመራሒ፡ ወይትዌሰክ፡ አሐዱ፡ በድኅረ፡ ምቅዋም፡ ወመራሕያኒሆሙ፡ ይፈልጡ።	ወእሙንቱ፡ አርእስተ፡ ዐሠርቱ፡ ምእት፡ ማእከለ፡ መራሒ፡ ወተመራሒ፡ ወይትዌሰክ፡ አሐዱ፡ በድኅረ፡ ምቅዋም፡ ወመራሕያኒሆሙ፡ ይፈልጡ።
82:13	ወእሉ፡ አስማቲሆሙ፡ ለመራሕያን፡ እለ፡ ይፈልጡ፡ አርባዕተ፡ መክፈልተ፡ ዓመት፡ እለ፡ ሥሩዓን፡ ምልክኤል፡ ወሕልመልሜሌክ፡ ወሚልኤል፡ ወናሬል።	ወእሉ፡ አስማቲሆሙ፡ ለመራሕያን፡ እለ፡ ይፈልጡ፡ አርባዕተ፡ መክፈልተ፡ ዓመት፡ እለ፡ ሥሩዓን፡ ምልክኤል፡ ወሕልመልሜሌክ፡ ወሚልኤል፡ ወናሬል።
82:14	ወአስማቲሆሙ፡ ለእለ፡ ይመርሕዎሙ፡ አድናርኤል፡ ወኢየሱሳኤል፡ ወኢይሉሚኤል፡ እሉ፡ ሠለስቱ፡ እለ፡ ይተልዉ፡ ድኅሬሆሙ፡ ለመራሕያነ፡ ሥርዐታት፡ ወአሐዱ፡ ዘይተሉ፡ ድኅረ፡ ሠለስቱ፡ መራሕያነ፡ ሥርዐታት፡ እለ፡ ይተልዉ፡ ድኅረ፡ እልኩ፡ መራሕያነ፡ ምቅዋማት፡ እለ፡ ይፈልጡ፡ አርባዕተ፡ ክፍለ፡ ዓመት።	ወአስማቲሆሙ፡ ለእለ፡ ይመርሕዎሙ፡ አድናርኤል፡ ወኢየሱሳኤል፡ ወኢይሉሚኤል፡ እሉ፡ ሠለስቱ፡ እለ፡ ይተልዉ፡ ድኅሬሆሙ፡ ለመራሕያነ፡ ሥርዐታት፡ ወአሐዱ፡ ዘይተሉ፡ ድኅረ፡ ሠለስቱ፡ መራሕያነ፡ ሥርዐታት፡ እለ፡ ይተልዉ፡ ድኅረ፡ እልኩ፡ መራሕያነ፡ ምቅዋማት፡ እለ፡ ይፈልጡ፡ አርባዕተ፡ ክፍለ፡ ዓመት።
82:15	በቅድመ፡ ዓመት፡ ቀዳማዊ፡ ይሠርቅ፡ ወይመልክ፡ ምልክኤል፡ ዘይሰመይ፡ ስሙ፡ ተመዓኔ፡ ወፀሓየ፡ ወኵሎሙ፡ መዋዕላት፡ ዘበሥልጣነ፡ ዚኣሁ፡ ይመልክ፡ ተስዓ፡ ወአሐዱ፡ ዕለት።	በቅድመ፡ ዓመት፡ ቀዳማዊ፡ ይሠርቅ፡ ወይመልክ፡ ምልክኤል፡ ዘይሰመይ፡ ስሙ፡ ተመዓኔ፡ ወፀሓየ፡ ወኵሎሙ፡ መዋዕላት፡ ዘበሥልጣነ፡ ዚኣሁ፡ ይመልክ፡ ተስዓ፡ ወአሐዱ፡ ዕለት።
82:16	ወእሉ፡ ትእምርታተ፡ መዋዕል፡ እለ፡ ሀለዉ፡ ያስተርእዩ፡ ዲበ፡ ምድር፡ በመዋዕለ፡ ሥልጣነ፡ ዚኣሁ፡ ሐፍ፡ ወሞቅ፡ ወሐዘን፡ ወኵሎሙ፡ ዕፀው፡ ይፈርዩ፡ ወቈጽል፡ ይወፅእ፡ በኵሉ፡ ዕፀው፡ ወማእረረ፡ ሥርናይ፡ ወጽጌ፡ ረዳ፡ ወኵሉ፡ ጽጌያት፡ ይጸግዩ፡ በገዳም፡ ወዕፀወ፡ ክረምት፡ ይየብሱ።	ወእሉ፡ ትእምርታተ፡ መዋዕል፡ እለ፡ ሀለዉ፡ ያስተርእዩ፡ ዲበ፡ ምድር፡ በመዋዕለ፡ ሥልጣነ፡ ዚኣሁ፡ ሐፍ፡ ወሞቅ፡ ወሐዘን፡ ወኵሎሙ፡ ዕፀው፡ ይፈርዩ፡ ወቈጽል፡ ይወፅእ፡ በኵሉ፡ ዕፀው፡ ወማእረረ፡ ሥርናይ፡ ወጽጌ፡ ረዳ፡ ወኵሉ፡ ጽጌያት፡ ይጸግዩ፡ በገዳም፡ ወዕፀወ፡ ክረምት፡ ይየብሱ።
82:17	ወእሉ፡ አስማቲሆሙ፡ ለመራሕያኒሆሙ፡ እለ፡ መትሕቴሆሙ፡ ብርክኤል፡ ዘልብሳኤል፡ ወካልእ፡ ዘይትዌሰክ፡ ርእሰ፡ ዐሠርቱ፡ ምእት፡ ስሙ፡ ሄሉያሴፍ፡ ወተፈጸመ፡ መዋዕለ፡ ሥልጣኑ፡ ለዝ።	ወእሉ፡ አስማቲሆሙ፡ ለመራሕያኒሆሙ፡ እለ፡ መትሕቴሆሙ፡ ብርክኤል፡ ዘልብሳኤል፡ ወካልእ፡ ዘይትዌሰክ፡ ርእሰ፡ ዐሠርቱ፡ ምእት፡ ስሙ፡ ሄሉያሴፍ፡ ወተፈጸመ፡ መዋዕለ፡ ሥልጣኑ፡ ለዝ።
82:18	ወካልእ፡ መራሒ፡ ዘድኅሬሆሙ፡ ሕልመልሜሌክ፡ ዘይጼውዕዎ፡ ስሞ፡ ፀሓየ፡ ብሩሀ፡ ወኵሉ፡ መዋዕለ፡ ሥልጣኑ፡ ተስዓ፡ ወአሐዱ፡ ዕለት።	ወካልእ፡ መራሒ፡ ዘድኅሬሆሙ፡ ሕልመልሜሌክ፡ ዘይጼውዕዎ፡ ስሞ፡ ፀሓየ፡ ብሩሀ፡ ወኵሉ፡ መዋዕለ፡ ሥልጣኑ፡ ተስዓ፡ ወአሐዱ፡ ዕለት።
82:19	ወእሉ፡ ትእምርታተ፡ መዋዕል፡ ዘዲበ፡ ምድር፡ ሐሩር፡ ወየብስ፡ ወዕፀው፡ ያወፅኡ፡ ፍሬሆሙ፡ ርሱነ፡ ወብሱለ፡ ወይሁቡ፡ ፍሬሆሙ፡ ይቡሰ፡ ወአባግዕ፡ ይታለዋ፡ ወይፀንሳ፡ ወያስተጋብኡ፡ ኵሎ፡ ፍሬ፡ ምድር፡ ወኵሎ፡ ዘሀሎ፡ ውስተ፡ ገራውህ፡ ወምክያደ፡ ወይን፡ ወይከውን፡ በመዋዕለ፡ ሥልጣኑ።	ወእሉ፡ ትእምርታተ፡ መዋዕል፡ ዘዲበ፡ ምድር፡ ሐሩር፡ ወየብስ፡ ወዕፀው፡ ያወፅኡ፡ ፍሬሆሙ፡ ርሱነ፡ ወብሱለ፡ ወይሁቡ፡ ፍሬሆሙ፡ ይቡሰ፡ ወአባግዕ፡ ይታለዋ፡ ወይፀንሳ፡ ወያስተጋብኡ፡ ኵሎ፡ ፍሬ፡ ምድር፡ ወኵሎ፡ ዘሀሎ፡ ውስተ፡ ገራውህ፡ ወምክያደ፡ ወይን፡ ወይከውን፡ በመዋዕለ፡ ሥልጣኑ።
82:20	ወእሉ፡ እሙንቱ፡ ስሞሙ፡ ወሥርዐታቲሆሙ፡ ወመራሕያኒሆሙ፡ እለ፡ መትሕቴሆሙ፡ ለእሉ፡ አርእስተ፡ ዐሠርቱ፡ ምእት፡ ጊዳኤል፡ ወኪኤል፡ ወሄኤል፡ ወስሙ፡ ለዘይትዌሰክ፡ ምስሌሆሙ፡ ርእሰ፡ ዐሠርቱ፡ ምእት፡ አስፋኤል፡ ወተፈጸመ፡ መዋዕለ፡ ሥልጣነ፡ ዚኣሁ።	ወእሉ፡ እሙንቱ፡ ስሞሙ፡ ወሥርዐታቲሆሙ፡ ወመራሕያኒሆሙ፡ እለ፡ መትሕቴሆሙ፡ ለእሉ፡ አርእስተ፡ ዐሠርቱ፡ ምእት፡ ጊዳኤል፡ ወኪኤል፡ ወሄኤል፡ ወስሙ፡ ለዘይትዌሰክ፡ ምስሌሆሙ፡ ርእሰ፡ ዐሠርቱ፡ ምእት፡ አስፋኤል፡ ወተፈጸመ፡ መዋዕለ፡ ሥልጣነ፡ ዚኣሁ።