| 81:1 | ወይቤለኒ፡ ኦ፡ ሄኖክ፡ ነጽር፡ መጽሐፈ፡ ዘጸፍጸፈ፡ ሰማይ፡ ወአንብብ፡ ዘጽሑፍ፡ ዲቤሆሙ፡ ወአእምር፡ ኵሎ፡ አሐደ፡ አሐደ። | ወይቤለኒ፡ ኦ፡ ሄኖክ፡ ነጽር፡ መጽሐፈ፡ ዘጸፍጸፈ፡ ሰማይ፡ ወአንብብ፡ ዘጽሑፍ፡ ዲቤሆሙ፡ ወአእምር፡ ኵሎ፡ አሐደ፡ አሐደ። |
|---|
| 81:2 | ወነጸርኩ፡ ኵሎ፡ ዘበጸፍጸፈ፡ ሰማይ፡ ወአንበብኩ፡ ኵሎ፡ ዘጽሑፍ፡ ወአእመርኩ፡ ኵሎ፡ ወአንበብክዋ፡ ለመጽሐፍ፡ ወኵሎ፡ ዘጽሑፍ፡ ውስቴታ፡ ኵሎ፡ ምግባሮሙ፡ ለሰብእ፡ ወኵሎ፡ ውሉደ፡ ሥጋ፡ ዘዲበ፡ ምድር፡ እስከ፡ ትውልደ፡ ዓለም። | ወነጸርኩ፡ ኵሎ፡ ዘበጸፍጸፈ፡ ሰማይ፡ ወአንበብኩ፡ ኵሎ፡ ዘጽሑፍ፡ ወአእመርኩ፡ ኵሎ፡ ወአንበብክዋ፡ ለመጽሐፍ፡ ወኵሎ፡ ዘጽሑፍ፡ ውስቴታ፡ ኵሎ፡ ምግባሮሙ፡ ለሰብእ፡ ወኵሎ፡ ውሉደ፡ ሥጋ፡ ዘዲበ፡ ምድር፡ እስከ፡ ትውልደ፡ ዓለም። |
|---|
| 81:3 | ወእም፡ ዝ፡ ሶቤሃ፡ ባረክዎ፡ ለእግዚእ፡ ዐቢይ፡ ወንጉሠ፡ ስብሐት፡ ዘለዓለም፡ በከመ፡ ገብረ፡ ኵሎ፡ ግብረ፡ ዓለም፡ ወሰባሕክዎ፡ ለእግዚእ፡ በእንተ፡ ትዕግሥቱ፡ ወባረኩ፡ ወበከይኩ፡ ዲበ፡ ውሉደ፡ አዳም። | ወእም፡ ዝ፡ ሶቤሃ፡ ባረክዎ፡ ለእግዚእ፡ ዐቢይ፡ ወንጉሠ፡ ስብሐት፡ ዘለዓለም፡ በከመ፡ ገብረ፡ ኵሎ፡ ግብረ፡ ዓለም፡ ወሰባሕክዎ፡ ለእግዚእ፡ በእንተ፡ ትዕግሥቱ፡ ወባረኩ፡ ወበከይኩ፡ ዲበ፡ ውሉደ፡ አዳም። |
|---|
| 81:4 | ወይእተ፡ ጊዜ፡ እቤ፡ ብፁዕ፡ ብእሲ፡ ዘይመውት፡ እንዘ፡ ጻድቅ፡ ወኄር፡ ወኵሉ፡ መጽሐፈ፡ ዐመፃ፡ ዘኢተጽሕፈ፡ ዲቤሁ፡ ወኢተረክበ፡ ጌጋይ፡ በላዕሌሁ፡ በዕለተ፡ ኵነኔ። | ወይእተ፡ ጊዜ፡ እቤ፡ ብፁዕ፡ ብእሲ፡ ዘይመውት፡ እንዘ፡ ጻድቅ፡ ወኄር፡ ወኵሉ፡ መጽሐፈ፡ ዐመፃ፡ ዘኢተጽሕፈ፡ ዲቤሁ፡ ወኢተረክበ፡ ጌጋይ፡ በላዕሌሁ፡ በዕለተ፡ ኵነኔ። |
|---|
| 81:5 | ወእሙንቱ፡ ሠለስቱ፡ ቅዱሳን፡ አቅረቡኒ፡ ወአንበሩኒ፡ ውስተ፡ ምድር፡ በቅድመ፡ ኆኅተ፡ ቤትየ፡ ወይቤሉኒ፡ አይድዕ፡ ኵሎ፡ ለማቱሳላ፡ ወልድከ፡ ወአርኢ፡ ለኵሎሙ፡ ውሉድከ፡ ከመ፡ ኢይጸድቅ፡ ኵሉ፡ ዘሥጋ፡ በቅድመ፡ እግዚእ፡ እስመ፡ ውእቱ፡ ፈጠሮሙ። | ወእሙንቱ፡ ሠለስቱ፡ ቅዱሳን፡ አቅረቡኒ፡ ወአንበሩኒ፡ ውስተ፡ ምድር፡ በቅድመ፡ ኆኅተ፡ ቤትየ፡ ወይቤሉኒ፡ አይድዕ፡ ኵሎ፡ ለማቱሳላ፡ ወልድከ፡ ወአርኢ፡ ለኵሎሙ፡ ውሉድከ፡ ከመ፡ ኢይጸድቅ፡ ኵሉ፡ ዘሥጋ፡ በቅድመ፡ እግዚእ፡ እስመ፡ ውእቱ፡ ፈጠሮሙ። |
|---|
| 81:6 | አሐደ፡ ዓመተ፡ ነኀድገከ፡ በኀበ፡ ውሉድከ፡ እስከ፡ ካዕበ፡ ትኤዝዝ፡ ከመ፡ ትምሀሮሙ፡ ለውሉድከ፡ ወትጽሐፍ፡ ሎሙ፡ ወታስምዕ፡ ለኵሎሙ፡ ውሉድከ፡ ወበካልእ፡ ዓም፡ ይነሥኡከ፡ እማእከሎሙ። | አሐደ፡ ዓመተ፡ ነኀድገከ፡ በኀበ፡ ውሉድከ፡ እስከ፡ ካዕበ፡ ትኤዝዝ፡ ከመ፡ ትምሀሮሙ፡ ለውሉድከ፡ ወትጽሐፍ፡ ሎሙ፡ ወታስምዕ፡ ለኵሎሙ፡ ውሉድከ፡ ወበካልእ፡ ዓም፡ ይነሥኡከ፡ እማእከሎሙ። |
|---|
| 81:7 | ወይጽናዕ፡ ልብከ፡ እስመ፡ ኄራን፡ ለኄራን፡ ያየድዑ፡ ጽድቀ፡ ጻድቅ፡ ምስለ፡ ጻድቅ፡ ይትፌሣሕ፡ ወይትአምኁ፡ በበይናቲሆሙ። | ወይጽናዕ፡ ልብከ፡ እስመ፡ ኄራን፡ ለኄራን፡ ያየድዑ፡ ጽድቀ፡ ጻድቅ፡ ምስለ፡ ጻድቅ፡ ይትፌሣሕ፡ ወይትአምኁ፡ በበይናቲሆሙ። |
|---|
| 81:8 | ወኃጥእ፡ ምስለ፡ ኃጥእ፡ ይመውት፡ ወምዩጥ፡ ምስለ፡ ምዩጥ፡ ይሰጠም። | ወኃጥእ፡ ምስለ፡ ኃጥእ፡ ይመውት፡ ወምዩጥ፡ ምስለ፡ ምዩጥ፡ ይሰጠም። |
|---|
| 81:9 | ወእለ፡ ይገብሩ፡ ጽድቀ፡ ይመውቱ፡ በእንተ፡ ምግባረ፡ ሰብእ፡ ወይትጋብኡ፡ በእንተ፡ ምግባሮሙ፡ ለረሲዓን። | ወእለ፡ ይገብሩ፡ ጽድቀ፡ ይመውቱ፡ በእንተ፡ ምግባረ፡ ሰብእ፡ ወይትጋብኡ፡ በእንተ፡ ምግባሮሙ፡ ለረሲዓን። |
|---|
| 81:10 | ወበእማንቱ፡ መዋዕል፡ ፈጸሙ፡ እንዘ፡ ይትናገሩ፡ ምስሌየ፡ ወቦእኩ፡ በኀበ፡ ሰብእየ፡ እንዘ፡ እባርኮ፡ ለእግዚአ፡ ዓለማት። | ወበእማንቱ፡ መዋዕል፡ ፈጸሙ፡ እንዘ፡ ይትናገሩ፡ ምስሌየ፡ ወቦእኩ፡ በኀበ፡ ሰብእየ፡ እንዘ፡ እባርኮ፡ ለእግዚአ፡ ዓለማት። |
|---|