| 58:1 | ወአኀዝኩ፡ እብል፡ ሣልሰ፡ ምሳሌ፡ በእንተ፡ ጻድቃን፡ ወበኅሩያን። | ወአኀዝኩ፡ እብል፡ ሣልሰ፡ ምሳሌ፡ በእንተ፡ ጻድቃን፡ ወበኅሩያን። |
|---|
| 58:2 | ብፁዓን፡ አንትሙ፡ ጻድቃን፡ ወኅሩያን፡ እስመ፡ ስቡሕ፡ ክፍልክሙ። | ብፁዓን፡ አንትሙ፡ ጻድቃን፡ ወኅሩያን፡ እስመ፡ ስቡሕ፡ ክፍልክሙ። |
|---|
| 58:3 | ወይከውኑ፡ ጻድቃን፡ በብርሃነ፡ ፀሓይ፡ ወኅሩያን፡ በብርሃነ፡ ሕይወት፡ ዘለዓለም፡ ወማኅለቅተ፡ አልቦቱ፡ ለመዋዕለ፡ ሕይወቶሙ፡ ወለቅዱሳን፡ ኍልቈ፡ መዋዕል፡ አልቦሙ። | ወይከውኑ፡ ጻድቃን፡ በብርሃነ፡ ፀሓይ፡ ወኅሩያን፡ በብርሃነ፡ ሕይወት፡ ዘለዓለም፡ ወማኅለቅተ፡ አልቦቱ፡ ለመዋዕለ፡ ሕይወቶሙ፡ ወለቅዱሳን፡ ኍልቈ፡ መዋዕል፡ አልቦሙ። |
|---|
| 58:4 | ወየኀሥሥዎ፡ ለብርሃን፡ ወይረክቡ፡ ጽድቀ፡ በኀበ፡ እግዚአ፡ መናፍስት፡ ወሰላም፡ ለጻድቃን፡ ይከውን፡ በኀበ፡ እግዚአ፡ ዓለም። | ወየኀሥሥዎ፡ ለብርሃን፡ ወይረክቡ፡ ጽድቀ፡ በኀበ፡ እግዚአ፡ መናፍስት፡ ወሰላም፡ ለጻድቃን፡ ይከውን፡ በኀበ፡ እግዚአ፡ ዓለም። |
|---|
| 58:5 | ወእምድኅረ፡ ዝ፡ ይትበሀል፡ ለቅዱሳን፡ በሰማይ፡ ከመ፡ ይኅሥሡ፡ ኅቡኣተ፡ ጽድቅ፡ ክፍለ፡ ሃይማኖት፡ እስመ፡ ሠረቀ፡ ከመ፡ ፀሓይ፡ ዲበ፡ የብስ፡ ወጽልመት፡ ኀለፈ። | ወእምድኅረ፡ ዝ፡ ይትበሀል፡ ለቅዱሳን፡ በሰማይ፡ ከመ፡ ይኅሥሡ፡ ኅቡኣተ፡ ጽድቅ፡ ክፍለ፡ ሃይማኖት፡ እስመ፡ ሠረቀ፡ ከመ፡ ፀሓይ፡ ዲበ፡ የብስ፡ ወጽልመት፡ ኀለፈ። |
|---|
| 58:6 | ወብርሃን፡ ዘኢይትኌለቍ፡ ይከውን፡ ወበኍልቈ፡ መዋዕል፡ ኢይበውኡ፡ እስመ፡ ቀዳሚ፡ ተሀጕለ፡ ጽልመት፡ ወብርሃን፡ ይጸንዕ፡ በቅድመ፡ እግዚአ፡ መናፍስት፡ ወብርሃነ፡ ርትዕ፡ ትጸንዕ፡ ለዓለም፡ በቅድመ፡ እግዚአ፡ መናፍስት። | ወብርሃን፡ ዘኢይትኌለቍ፡ ይከውን፡ ወበኍልቈ፡ መዋዕል፡ ኢይበውኡ፡ እስመ፡ ቀዳሚ፡ ተሀጕለ፡ ጽልመት፡ ወብርሃን፡ ይጸንዕ፡ በቅድመ፡ እግዚአ፡ መናፍስት፡ ወብርሃነ፡ ርትዕ፡ ትጸንዕ፡ ለዓለም፡ በቅድመ፡ እግዚአ፡ መናፍስት። |
|---|