| 47:1 | ወበውእቱ፡ መዋዕል፡ ዐርገት፡ ጸሎተ፡ ጻድቃን፡ ወደመ፡ ጻድቅ፡ እምነ፡ ምድር፡ ቅድመ፡ እግዚአ፡ መናፍስት፡ ተፈቅደ። | ወበውእቱ፡ መዋዕል፡ ዐርገት፡ ጸሎተ፡ ጻድቃን፡ ወደመ፡ ጻድቅ፡ እምነ፡ ምድር፡ ቅድመ፡ እግዚአ፡ መናፍስት፡ ተፈቅደ። |
|---|
| 47:2 | ወበእሉ፡ መዋዕል፡ የኀብሩ፡ ቅዱሳን፡ እለ፡ ይነብሩ፡ መልዕልተ፡ ሰማያት፡ ወበአሐዱ፡ ቃል፡ ያስተበቍዑ፡ ወይጼልዩ፡ ወይሴብሑ፡ ወየአኵቱ፡ ወይባርኩ፡ በስሙ፡ ለእግዚአ፡ መናፍስት፡ በእንተ፡ ደመ፡ ጻድቃን፡ ዘተክዕወ፡ ወጸሎቶሙ፡ ለጻድቃን፡ ከመ፡ ኢትጻራዕ፡ በቅድመ፡ እግዚአ፡ መናፍስት፡ ከመ፡ ይትገበር፡ ሎሙ፡ ኵነኔ፡ ወትዕግሥት፡ ኢይኩን፡ ሎሙ፡ ለዓለም። | ወበእሉ፡ መዋዕል፡ የኀብሩ፡ ቅዱሳን፡ እለ፡ ይነብሩ፡ መልዕልተ፡ ሰማያት፡ ወበአሐዱ፡ ቃል፡ ያስተበቍዑ፡ ወይጼልዩ፡ ወይሴብሑ፡ ወየአኵቱ፡ ወይባርኩ፡ በስሙ፡ ለእግዚአ፡ መናፍስት፡ በእንተ፡ ደመ፡ ጻድቃን፡ ዘተክዕወ፡ ወጸሎቶሙ፡ ለጻድቃን፡ ከመ፡ ኢትጻራዕ፡ በቅድመ፡ እግዚአ፡ መናፍስት፡ ከመ፡ ይትገበር፡ ሎሙ፡ ኵነኔ፡ ወትዕግሥት፡ ኢይኩን፡ ሎሙ፡ ለዓለም። |
|---|
| 47:3 | ወበእማንቱ፡ መዋዕል፡ ርኢክዎ፡ ለርእሰ፡ መዋዕል፡ ሶበ፡ ነበረ፡ በመንበረ፡ ስብሐቲሁ፡ ወመጻሕፍተ፡ ሕያዋን፡ ተከሥቱ፡ በቅድሜሁ፡ ወኵሉ፡ ኀይሉ፡ ዘመልዕልተ፡ ሰማያት፡ ዐውደ፡ ዚኣሁ፡ ይቀውሙ፡ ቅድሜሁ። | ወበእማንቱ፡ መዋዕል፡ ርኢክዎ፡ ለርእሰ፡ መዋዕል፡ ሶበ፡ ነበረ፡ በመንበረ፡ ስብሐቲሁ፡ ወመጻሕፍተ፡ ሕያዋን፡ ተከሥቱ፡ በቅድሜሁ፡ ወኵሉ፡ ኀይሉ፡ ዘመልዕልተ፡ ሰማያት፡ ዐውደ፡ ዚኣሁ፡ ይቀውሙ፡ ቅድሜሁ። |
|---|
| 47:4 | ወልቦሙ፡ ለቅዱሳን፡ ትመልእ፡ ፍሥሓ፡ እስመ፡ በጽሐ፡ ኍልቋ፡ ለጽድቅ፡ ወጸሎቶሙ፡ ለጻድቃን፡ ተሰምዐ፡ ወደሙ፡ ለጻድቅ፡ በቅድመ፡ እግዚአ፡ መናፍስት፡ ተፈቅደ። | ወልቦሙ፡ ለቅዱሳን፡ ትመልእ፡ ፍሥሓ፡ እስመ፡ በጽሐ፡ ኍልቋ፡ ለጽድቅ፡ ወጸሎቶሙ፡ ለጻድቃን፡ ተሰምዐ፡ ወደሙ፡ ለጻድቅ፡ በቅድመ፡ እግዚአ፡ መናፍስት፡ ተፈቅደ። |
|---|