| 36:1 | ወእምህየ፡ ሖርኩ፡ መንገለ፡ አዜብ፡ በአጽናፈ፡ ምድር፡ ወበህየ፡ ርኢኩ፡ ሠለስተ፡ ኀዋኅወ፡ ሰማይ፡ ርኅዋተ፡ ወይወፅእ፡ እምህየ፡ አዜብ፡ ወጠል፡ ወዝናም፡ ወነፋስ። | ወእምህየ፡ ሖርኩ፡ መንገለ፡ አዜብ፡ በአጽናፈ፡ ምድር፡ ወበህየ፡ ርኢኩ፡ ሠለስተ፡ ኀዋኅወ፡ ሰማይ፡ ርኅዋተ፡ ወይወፅእ፡ እምህየ፡ አዜብ፡ ወጠል፡ ወዝናም፡ ወነፋስ። |
|---|
| 36:2 | ወእምህየ፡ ሖርኩ፡ መንገለ፡ ጽባሕ፡ በአጽናፈ፡ ሰማይ፡ ወበህየ፡ ርኢኩ፡ ሠለስተ፡ ኀዋኅወ፡ ሰማይ፡ ርኅዋተ፡ መንገለ፡ ጽባሕ፡ ወበላዕሌሆሙ፡ ኀዋኅው፡ ንኡሳን። | ወእምህየ፡ ሖርኩ፡ መንገለ፡ ጽባሕ፡ በአጽናፈ፡ ሰማይ፡ ወበህየ፡ ርኢኩ፡ ሠለስተ፡ ኀዋኅወ፡ ሰማይ፡ ርኅዋተ፡ መንገለ፡ ጽባሕ፡ ወበላዕሌሆሙ፡ ኀዋኅው፡ ንኡሳን። |
|---|
| 36:3 | በበ፡ አሐዱ፡ እምእልኩ፡ ኀዋኅው፡ ንኡሳን፡ የኀልፉ፡ ከዋክብተ፡ ሰማይ፡ ወየሐውሩ፡ ምዕራበ፡ በፍኖት፡ እንተ፡ ተርእየት፡ ሎሙ። | በበ፡ አሐዱ፡ እምእልኩ፡ ኀዋኅው፡ ንኡሳን፡ የኀልፉ፡ ከዋክብተ፡ ሰማይ፡ ወየሐውሩ፡ ምዕራበ፡ በፍኖት፡ እንተ፡ ተርእየት፡ ሎሙ። |
|---|
| 36:4 | ወሶበ፡ ርኢኩ፡ ባረኩ፡ ወበኵሉ፡ ጊዜ፡ እባርኮ፡ ለእግዚአ፡ ስብሐት፡ ዘገብረ፡ ተኣምራተ፡ ዐቢያነ፡ ወስቡሓነ፡ ከመ፡ ያርኢ፡ ዕበየ፡ ግብሩ፡ ለመላእክቲሁ፡ ወለነፍሳተ፡ ሰብእ፡ ከመ፡ ይሰብሑ፡ ግብሮ፡ ወኵሉ፡ ተግባሩ፡ ከመ፡ ይርአዩ፡ ግብረ፡ ኀይሉ፡ ወይሰብሕዎ፡ ለግብረ፡ እደዊሁ፡ ዐቢይ፡ ወይባርክዎ፡ እስከ፡ ለዓለም። | ወሶበ፡ ርኢኩ፡ ባረኩ፡ ወበኵሉ፡ ጊዜ፡ እባርኮ፡ ለእግዚአ፡ ስብሐት፡ ዘገብረ፡ ተኣምራተ፡ ዐቢያነ፡ ወስቡሓነ፡ ከመ፡ ያርኢ፡ ዕበየ፡ ግብሩ፡ ለመላእክቲሁ፡ ወለነፍሳተ፡ ሰብእ፡ ከመ፡ ይሰብሑ፡ ግብሮ፡ ወኵሉ፡ ተግባሩ፡ ከመ፡ ይርአዩ፡ ግብረ፡ ኀይሉ፡ ወይሰብሕዎ፡ ለግብረ፡ እደዊሁ፡ ዐቢይ፡ ወይባርክዎ፡ እስከ፡ ለዓለም። |
|---|