| 15:1 | ወአውሥአኒ፡ ወይቤለኒ፡ በቃሉ፡ ስማዕ፡ ወኢትፍራህ፡ ሄኖክ፡ ብእሲ፡ ጻድቅ፡ ወጸሓፌ፡ ጽድቅ፡ ቅረብ፡ ዝየ፡ ወስማዕ፡ ቃልየ። | ወአውሥአኒ፡ ወይቤለኒ፡ በቃሉ፡ ስማዕ፡ ወኢትፍራህ፡ ሄኖክ፡ ብእሲ፡ ጻድቅ፡ ወጸሓፌ፡ ጽድቅ፡ ቅረብ፡ ዝየ፡ ወስማዕ፡ ቃልየ። |
|---|
| 15:2 | ወሑር፡ በሎሙ፡ ለትጉሃነ፡ ሰማይ፡ እለ፡ ተፈኖከ፡ ትስአል፡ በእንቲኣሆሙ፡ አንትሙኒ፡ መፍትው፡ ትስአሉ፡ በእንተ፡ ሰብእ፡ ወአኮ፡ ሰብእ፡ በእንቲኣክሙ። | ወሑር፡ በሎሙ፡ ለትጉሃነ፡ ሰማይ፡ እለ፡ ተፈኖከ፡ ትስአል፡ በእንቲኣሆሙ፡ አንትሙኒ፡ መፍትው፡ ትስአሉ፡ በእንተ፡ ሰብእ፡ ወአኮ፡ ሰብእ፡ በእንቲኣክሙ። |
|---|
| 15:3 | በእንተ፡ ምንት፡ ኀደግሙ፡ ሰማየ፡ ልዑለ፡ ወምቅዋመ፡ ቅዱሰ፡ ዘለዓለም፡ ወምስለ፡ አንስት፡ ሰከብክሙ፡ ወምስለ፡ አዋልደ፡ ሰብእ፡ ረኰስክሙ፡ ወነሣእክሙ፡ ለክሙ፡ አንስተ፡ ወከመ፡ ውሉደ፡ ምድር፡ ገበርክሙ፡ ወወለድክሙ፡ ውሉደ፡ ረዓይተ። | በእንተ፡ ምንት፡ ኀደግሙ፡ ሰማየ፡ ልዑለ፡ ወምቅዋመ፡ ቅዱሰ፡ ዘለዓለም፡ ወምስለ፡ አንስት፡ ሰከብክሙ፡ ወምስለ፡ አዋልደ፡ ሰብእ፡ ረኰስክሙ፡ ወነሣእክሙ፡ ለክሙ፡ አንስተ፡ ወከመ፡ ውሉደ፡ ምድር፡ ገበርክሙ፡ ወወለድክሙ፡ ውሉደ፡ ረዓይተ። |
|---|
| 15:4 | ወአንትሙሰ፡ መንፈሳውያን፡ ቅዱሳን፡ ሕያዋነ፡ ሕይወት፡ ዘለዓለም፡ በዲበ፡ አንስት፡ ረኰስክሙ፡ ወበደመ፡ ሥጋ፡ አውለድክሙ፡ ወበደመ፡ ሰብእ፡ ፈተውክሙ፡ ወገበርክሙ፡ ከመ፡ እሙንቱ፡ ይገብሩ፡ ሥጋ፡ ወደመ፡ እለ፡ እሙንቱ፡ ይመውቱ፡ ወይትሀጐሉ። | ወአንትሙሰ፡ መንፈሳውያን፡ ቅዱሳን፡ ሕያዋነ፡ ሕይወት፡ ዘለዓለም፡ በዲበ፡ አንስት፡ ረኰስክሙ፡ ወበደመ፡ ሥጋ፡ አውለድክሙ፡ ወበደመ፡ ሰብእ፡ ፈተውክሙ፡ ወገበርክሙ፡ ከመ፡ እሙንቱ፡ ይገብሩ፡ ሥጋ፡ ወደመ፡ እለ፡ እሙንቱ፡ ይመውቱ፡ ወይትሀጐሉ። |
|---|
| 15:5 | ወበእንተ፡ ዝ፡ ወሀብክዎሙ፡ አንስትያ፡ ከመ፡ ይዝርዑ፡ ላዕሌሆን፡ ወይትወለዱ፡ ውሉደ፡ በላዕሌሆን፡ ከመ፡ ይትገበር፡ ግብር፡ በዲበ፡ ምድር። | ወበእንተ፡ ዝ፡ ወሀብክዎሙ፡ አንስትያ፡ ከመ፡ ይዝርዑ፡ ላዕሌሆን፡ ወይትወለዱ፡ ውሉደ፡ በላዕሌሆን፡ ከመ፡ ይትገበር፡ ግብር፡ በዲበ፡ ምድር። |
|---|
| 15:6 | ወአንትሙሰ፡ ቀዳሚ፡ ኮንክሙ፡ መንፈሳውያነ፡ ሕያዋነ፡ ሕይወት፡ ዘለዓለም፡ ዘኢይመውት፡ በኵሉ፡ ትውልደ፡ ዓለም። | ወአንትሙሰ፡ ቀዳሚ፡ ኮንክሙ፡ መንፈሳውያነ፡ ሕያዋነ፡ ሕይወት፡ ዘለዓለም፡ ዘኢይመውት፡ በኵሉ፡ ትውልደ፡ ዓለም። |
|---|
| 15:7 | ወበእንተ፡ ዝ፡ ኢረሰይኩ፡ ለክሙ፡ አንስቲያ፡ እስመ፡ መንፈሳውያንሰ፡ ውስተ፡ ሰማይ፡ ማኅደሪሆሙ። | ወበእንተ፡ ዝ፡ ኢረሰይኩ፡ ለክሙ፡ አንስቲያ፡ እስመ፡ መንፈሳውያንሰ፡ ውስተ፡ ሰማይ፡ ማኅደሪሆሙ። |
|---|
| 15:8 | ወይእዜኒ፡ ረዓይት፡ እለ፡ ተወልዱ፡ እምነፍስት፡ ወሥጋ፡ መናፍስተ፡ እኩያነ፡ ይሰመዩ፡ በዲበ፡ ምድር፡ ወውስተ፡ ምድር፡ ይከውን፡ ማኅደሪሆሙ። | ወይእዜኒ፡ ረዓይት፡ እለ፡ ተወልዱ፡ እምነፍስት፡ ወሥጋ፡ መናፍስተ፡ እኩያነ፡ ይሰመዩ፡ በዲበ፡ ምድር፡ ወውስተ፡ ምድር፡ ይከውን፡ ማኅደሪሆሙ። |
|---|
| 15:9 | ወነፍሳት፡ እኩያን፡ ወፅኡ፡ እምሥጋሆሙ፡ እስመ፡ እመልዕልት፡ ተፈጥሩ፡ እምቅዱሳን፡ ትጉሃን፡ ኮኑ፡ ቀዳሚቶሙ፡ ወቀዳሚ፡ መሠረት፡ መንፈሰ፡ እኩየ፡ ይከውኑ፡ በዲበ፡ ምድር፡ ወመንፈሰ፡ እኩያን፡ ይሰመዩ። | ወነፍሳት፡ እኩያን፡ ወፅኡ፡ እምሥጋሆሙ፡ እስመ፡ እመልዕልት፡ ተፈጥሩ፡ እምቅዱሳን፡ ትጉሃን፡ ኮኑ፡ ቀዳሚቶሙ፡ ወቀዳሚ፡ መሠረት፡ መንፈሰ፡ እኩየ፡ ይከውኑ፡ በዲበ፡ ምድር፡ ወመንፈሰ፡ እኩያን፡ ይሰመዩ። |
|---|
| 15:10 | ወመናፍስተ፡ ሰማይ፡ ውስተ፡ ሰማይ፡ ይከውን፡ ማኅደሪሆሙ፡ ወመናፍስተ፡ ምድር፡ እለ፡ ተወልዱ፡ በዲበ፡ ምድር፡ ውስተ፡ ምድር፡ ማኅደሪሆሙ። | ወመናፍስተ፡ ሰማይ፡ ውስተ፡ ሰማይ፡ ይከውን፡ ማኅደሪሆሙ፡ ወመናፍስተ፡ ምድር፡ እለ፡ ተወልዱ፡ በዲበ፡ ምድር፡ ውስተ፡ ምድር፡ ማኅደሪሆሙ። |
|---|
| 15:11 | ወመንፈሰ፡ ረዓይትኒ፡ ደመናተ፡ እለ፡ ይገፍዑ፡ ይማስኑ፡ ወይወድቁ፡ ወይትበአሱ፡ ወያደቅቁ፡ በዲበ፡ ምድር፡ ወሐዘነ፡ ይገብሩ፡ ወኢምንተኒ፡ ኢይረክቡ፡ ዘይበልዑ፡ እክለ፡ ወኢይጸምኡ፡ ወኢይትዐወቁ። | ወመንፈሰ፡ ረዓይትኒ፡ ደመናተ፡ እለ፡ ይገፍዑ፡ ይማስኑ፡ ወይወድቁ፡ ወይትበአሱ፡ ወያደቅቁ፡ በዲበ፡ ምድር፡ ወሐዘነ፡ ይገብሩ፡ ወኢምንተኒ፡ ኢይረክቡ፡ ዘይበልዑ፡ እክለ፡ ወኢይጸምኡ፡ ወኢይትዐወቁ። |
|---|
| 15:12 | ወኢይትነሥኡ፡ እሎንቱ፡ ነፍሳት፡ ዲበ፡ ውሉደ፡ ሰብእ፡ ወዲበ፡ አንስት፡ እስመ፡ ወፅኡ። | ወኢይትነሥኡ፡ እሎንቱ፡ ነፍሳት፡ ዲበ፡ ውሉደ፡ ሰብእ፡ ወዲበ፡ አንስት፡ እስመ፡ ወፅኡ። |
|---|