1 Enoch

1 Enoch 106 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
106:1	ወእምድኅረ፡ መዋዕል፡ ነሥአ፡ ወልድየ፡ ማቱሳላ፡ ለወልዱ፡ ላሜህ፡ ብእሲተ፡ ወፀንሰት፡ እምኔሁ፡ ወወለደት፡ ወልደ።	ወእምድኅረ፡ መዋዕል፡ ነሥአ፡ ወልድየ፡ ማቱሳላ፡ ለወልዱ፡ ላሜህ፡ ብእሲተ፡ ወፀንሰት፡ እምኔሁ፡ ወወለደት፡ ወልደ።
106:2	ወኮነ፡ ሥጋሁ፡ ጸዐዳ፡ ከመ፡ አስሐትያ፡ ወቀይሕ፡ ከመ፡ ጽጌ፡ ረዳ፡ ወጸጕረ፡ ርእሱ፡ ከመ፡ ፀምር፡ ጸዐዳ፡ ወድምድማሁ፡ ወሠናይ፡ አዕይንቲሁ፡ ወሶበ፡ ከሠተ፡ አዕይንቲሁ፡ አብርሃ፡ ኵላ፡ ቤተ፡ ከመ፡ ፀሓይ፡ ወፈድፋደ፡ በርሀ፡ ኵሉ፡ ቤት።	ወኮነ፡ ሥጋሁ፡ ጸዐዳ፡ ከመ፡ አስሐትያ፡ ወቀይሕ፡ ከመ፡ ጽጌ፡ ረዳ፡ ወጸጕረ፡ ርእሱ፡ ከመ፡ ፀምር፡ ጸዐዳ፡ ወድምድማሁ፡ ወሠናይ፡ አዕይንቲሁ፡ ወሶበ፡ ከሠተ፡ አዕይንቲሁ፡ አብርሃ፡ ኵላ፡ ቤተ፡ ከመ፡ ፀሓይ፡ ወፈድፋደ፡ በርሀ፡ ኵሉ፡ ቤት።
106:3	ወሶበ፡ ተንሥአ፡ እምእዴሃ፡ ለመወለዲት፡ ከሠተ፡ አፉሁ፡ ወተናገረ፡ ስብሐቲሁ፡ ለእግዚአ፡ ጽድቅ።	ወሶበ፡ ተንሥአ፡ እምእዴሃ፡ ለመወለዲት፡ ከሠተ፡ አፉሁ፡ ወተናገረ፡ ስብሐቲሁ፡ ለእግዚአ፡ ጽድቅ።
106:4	ወፈርሀ፡ ላሜህ፡ አቡሁ፡ እምኔሁ፡ ወጐየ፡ ወመጽአ፡ ኀበ፡ አቡሁ፡ ማቱሳላ።	ወፈርሀ፡ ላሜህ፡ አቡሁ፡ እምኔሁ፡ ወጐየ፡ ወመጽአ፡ ኀበ፡ አቡሁ፡ ማቱሳላ።
106:5	ወይቤሎ፡ አነ፡ ወለድኩ፡ ወልደ፡ ውሉጠ፡ ወኢኮነ፡ ከመ፡ ሰብእ፡ ወይመስል፡ ደቂቀ፡ መላእክተ፡ ሰማይ፡ ወፍጥረቱ፡ ካልእት፡ ወኢኮነ፡ ከማነ፡ ወአዕይንቲሁ፡ ከመ፡ እገሪሁ፡ ለፀሓይ፡ ወገጹ፡ ስቡሕ።	ወይቤሎ፡ አነ፡ ወለድኩ፡ ወልደ፡ ውሉጠ፡ ወኢኮነ፡ ከመ፡ ሰብእ፡ ወይመስል፡ ደቂቀ፡ መላእክተ፡ ሰማይ፡ ወፍጥረቱ፡ ካልእት፡ ወኢኮነ፡ ከማነ፡ ወአዕይንቲሁ፡ ከመ፡ እገሪሁ፡ ለፀሓይ፡ ወገጹ፡ ስቡሕ።
106:6	ወይመስለኒ፡ ከመ፡ ኢኮነ፡ እምኔየ፡ አላ፡ እመላእክት፡ ውእቱ፡ ወእፈርህ፡ ከመ፡ ኢይትገበር፡ መንክር፡ በመዋዕሊሁ፡ ዲበ፡ ምድር።	ወይመስለኒ፡ ከመ፡ ኢኮነ፡ እምኔየ፡ አላ፡ እመላእክት፡ ውእቱ፡ ወእፈርህ፡ ከመ፡ ኢይትገበር፡ መንክር፡ በመዋዕሊሁ፡ ዲበ፡ ምድር።
106:7	ወይእዜኒ፡ ሀሎኩ፡ አቡየ፡ ኣስተበቍዐከ፡ ወእስእል፡ እምኀቤከ፡ ከመ፡ ትሑር፡ ኀበ፡ ሄኖክ፡ አቡነ፡ ወትስማዕ፡ እምኀቤሁ፡ አማነ፡ እስመ፡ ውእቱ፡ ምስለ፡ መላእክት፡ ምንባሩ።	ወይእዜኒ፡ ሀሎኩ፡ አቡየ፡ ኣስተበቍዐከ፡ ወእስእል፡ እምኀቤከ፡ ከመ፡ ትሑር፡ ኀበ፡ ሄኖክ፡ አቡነ፡ ወትስማዕ፡ እምኀቤሁ፡ አማነ፡ እስመ፡ ውእቱ፡ ምስለ፡ መላእክት፡ ምንባሩ።
106:8	ወሶበ፡ ሰምዐ፡ ማቱሳላ፡ ነገረ፡ ወልዱ፡ መጽአ፡ ኀቤየ፡ ውስተ፡ አጽናፈ፡ ምድር፡ እስመ፡ ሰምዐ፡ ከመ፡ ህየ፡ ሀሎኩ፡ ወጸርሐ፡ ወሰማዕኩ፡ ቃሎ፡ ወመጻእኩ፡ ኀቤሁ፡ ወእቤሎ፡ ናሁ፡ ሀለውኩ፡ ወልድየ፡ እስመ፡ መጻእከ፡ ኀቤየ።	ወሶበ፡ ሰምዐ፡ ማቱሳላ፡ ነገረ፡ ወልዱ፡ መጽአ፡ ኀቤየ፡ ውስተ፡ አጽናፈ፡ ምድር፡ እስመ፡ ሰምዐ፡ ከመ፡ ህየ፡ ሀሎኩ፡ ወጸርሐ፡ ወሰማዕኩ፡ ቃሎ፡ ወመጻእኩ፡ ኀቤሁ፡ ወእቤሎ፡ ናሁ፡ ሀለውኩ፡ ወልድየ፡ እስመ፡ መጻእከ፡ ኀቤየ።
106:9	ወአውሥአኒ፡ ወይቤ፡ በእንተ፡ ነገር፡ ዐቢይ፡ መጻእኩ፡ ኀቤከ፡ ወበእንተ፡ ራእይ፡ ዕጹብ፡ በዘቀረብኩ።	ወአውሥአኒ፡ ወይቤ፡ በእንተ፡ ነገር፡ ዐቢይ፡ መጻእኩ፡ ኀቤከ፡ ወበእንተ፡ ራእይ፡ ዕጹብ፡ በዘቀረብኩ።
106:10	ወይእዜኒ፡ አቡየ፡ ስምዐኒ፡ እስመ፡ ተወልደ፡ ለላሜህ፡ ወልድየ፡ ወልድ፡ ዘኢኮነ፡ አምሳሉ፡ ወፍጥረቱ፡ ከመ፡ ፍጥረተ፡ ሰብእ፡ ወኅብሩ፡ ይጸዐዱ፡ እምአስሐትያ፡ ወይቀይሕ፡ እምጽጌ፡ ረዳ፡ ወጸጕረ፡ ርእሱ፡ ይጸዐዱ፡ እምፀምር፡ ጸዐዳ፡ ወአዕይንቲሁ፡ ከመ፡ እገሪሁ፡ ለፀሓይ፡ ወሶበ፡ ከሠተ፡ አዕይንቲሁ፡ አብርሃ፡ ኵላ፡ ቤተ።	ወይእዜኒ፡ አቡየ፡ ስምዐኒ፡ እስመ፡ ተወልደ፡ ለላሜህ፡ ወልድየ፡ ወልድ፡ ዘኢኮነ፡ አምሳሉ፡ ወፍጥረቱ፡ ከመ፡ ፍጥረተ፡ ሰብእ፡ ወኅብሩ፡ ይጸዐዱ፡ እምአስሐትያ፡ ወይቀይሕ፡ እምጽጌ፡ ረዳ፡ ወጸጕረ፡ ርእሱ፡ ይጸዐዱ፡ እምፀምር፡ ጸዐዳ፡ ወአዕይንቲሁ፡ ከመ፡ እገሪሁ፡ ለፀሓይ፡ ወሶበ፡ ከሠተ፡ አዕይንቲሁ፡ አብርሃ፡ ኵላ፡ ቤተ።
106:11	ወተንሥአ፡ እምውስተ፡ እዴሃ፡ ለመወለዲት፡ ወፈትሐ፡ አፉሁ፡ ወባረኮ፡ ለእግዚአ፡ ሰማይ።	ወተንሥአ፡ እምውስተ፡ እዴሃ፡ ለመወለዲት፡ ወፈትሐ፡ አፉሁ፡ ወባረኮ፡ ለእግዚአ፡ ሰማይ።
106:12	ወፈርሀ፡ አቡሁ፡ ላሜህ፡ ወልድየ፡ ወጐየ፡ ኀቤየ፡ ወኢአምነ፡ ከመ፡ እምኔሁ፡ ውእቱ፡ አላ፡ አምሳሉ፡ እመላእክተ፡ ሰማይ፡ ወይቤለኒ፡ ናሁ፡ መጻእኩ፡ ኀቤከ፡ ከመ፡ ታይድዐኒ፡ ጽድቀ።	ወፈርሀ፡ አቡሁ፡ ላሜህ፡ ወልድየ፡ ወጐየ፡ ኀቤየ፡ ወኢአምነ፡ ከመ፡ እምኔሁ፡ ውእቱ፡ አላ፡ አምሳሉ፡ እመላእክተ፡ ሰማይ፡ ወይቤለኒ፡ ናሁ፡ መጻእኩ፡ ኀቤከ፡ ከመ፡ ታይድዐኒ፡ ጽድቀ።
106:13	ወአውሣእኩ፡ አነ፡ ሄኖክ፡ በእንቲኣሁ፡ ወእቤሎ፡ ይሔድስ፡ እግዚእ፡ ሐዳሳተ፡ ዲበ፡ ምድር፡ ወይገብር፡ ወዘንተ፡ ወፃእኩ፡ ርኢኩ፡ በራእይ፡ ወአይዳዕኩከ፡ እስመ፡ ቤተ፡ ወልዱ፡ ለያሬድ፡ አቡየ፡ አኅለፉ፡ ነግሮ፡ ለእግዚእ፡ እመልዕልተ፡ ሰማይ።	ወአውሣእኩ፡ አነ፡ ሄኖክ፡ በእንቲኣሁ፡ ወእቤሎ፡ ይሔድስ፡ እግዚእ፡ ሐዳሳተ፡ ዲበ፡ ምድር፡ ወይገብር፡ ወዘንተ፡ ወፃእኩ፡ ርኢኩ፡ በራእይ፡ ወአይዳዕኩከ፡ እስመ፡ ቤተ፡ ወልዱ፡ ለያሬድ፡ አቡየ፡ አኅለፉ፡ ነግሮ፡ ለእግዚእ፡ እመልዕልተ፡ ሰማይ።
106:14	ወነዮሙ፡ ይገብሩ፡ ኀጢአተ፡ ወየኀልፉ፡ ሥርዐተ፡ ወምስለ፡ አንስት፡ ተደመሩ፡ ወምስሌሆን፡ ይገብሩ፡ ኀጢአተ፡ ወአውሰቡ፡ እምኔሆን፡ ወእምኔሆን፡ ወለዱ፡ ደቂቀ።	ወነዮሙ፡ ይገብሩ፡ ኀጢአተ፡ ወየኀልፉ፡ ሥርዐተ፡ ወምስለ፡ አንስት፡ ተደመሩ፡ ወምስሌሆን፡ ይገብሩ፡ ኀጢአተ፡ ወአውሰቡ፡ እምኔሆን፡ ወእምኔሆን፡ ወለዱ፡ ደቂቀ።
106:15	ወሀጕል፡ ዐቢይ፡ ይከውን፡ ዲበ፡ ኵሉ፡ ምድር፡ ወማየ፡ አይኅ፡ ይከውን፡ ወሀጕል፡ ዐቢይ፡ በአሐዱ፡ ዓመት፡ ይከውን።	ወሀጕል፡ ዐቢይ፡ ይከውን፡ ዲበ፡ ኵሉ፡ ምድር፡ ወማየ፡ አይኅ፡ ይከውን፡ ወሀጕል፡ ዐቢይ፡ በአሐዱ፡ ዓመት፡ ይከውን።
106:16	ወዝ፡ ውእቱ፡ ወልድ፡ ዘተወልደ፡ ለክሙ፡ ወውእቱ፡ ይተርፍ፡ ዲበ፡ ምድር፡ ወሠለስቱ፡ ደቂቁ፡ ይድኅኑ፡ ምስሌሁ፡ ሶበ፡ ይመውቱ፡ ኵሉ፡ ሰብእ፡ ዘዲበ፡ ምድር፡ ውእቱ፡ ይድኅን፡ ወደቂቁ።	ወዝ፡ ውእቱ፡ ወልድ፡ ዘተወልደ፡ ለክሙ፡ ወውእቱ፡ ይተርፍ፡ ዲበ፡ ምድር፡ ወሠለስቱ፡ ደቂቁ፡ ይድኅኑ፡ ምስሌሁ፡ ሶበ፡ ይመውቱ፡ ኵሉ፡ ሰብእ፡ ዘዲበ፡ ምድር፡ ውእቱ፡ ይድኅን፡ ወደቂቁ።
106:17	ይወልዱ፡ ዲበ፡ ምድር፡ እለ፡ ያርብህ፡ አኮ፡ ዘመንፈስ፡ አላ፡ ዘሥጋ፡ ወይከውን፡ መቅሠፍት፡ ዐቢይ፡ ዲበ፡ ምድር፡ ወትትኀፀብ፡ ምድር፡ እምኵሉ፡ ሙስና።	ይወልዱ፡ ዲበ፡ ምድር፡ እለ፡ ያርብህ፡ አኮ፡ ዘመንፈስ፡ አላ፡ ዘሥጋ፡ ወይከውን፡ መቅሠፍት፡ ዐቢይ፡ ዲበ፡ ምድር፡ ወትትኀፀብ፡ ምድር፡ እምኵሉ፡ ሙስና።
106:18	ወይእዜኒ፡ አይድዕ፡ ለወልድከ፡ ላሜህ፡ እስመ፡ ዘተወልደ፡ ወልዱ፡ ውእቱ፡ በጻድቅ፡ ወጸውዕ፡ ስሞ፡ ኖኅ፡ እስመ፡ ውእቱ፡ ይከውን፡ ለክሙ፡ ተረፈ፡ ወውእቱ፡ ወደቂቁ፡ ይድኅኑ፡ እሙስና፡ እንተ፡ ትመጽእ፡ ዲበ፡ ምድር፡ እምኵሉ፡ ኀጢአት፡ ወእምኵሉ፡ ዐመፃ፡ እንተ፡ ሀለወት፡ ትትፌጸም፡ ዲበ፡ ምድር፡ በመዋዕሊሁ።	ወይእዜኒ፡ አይድዕ፡ ለወልድከ፡ ላሜህ፡ እስመ፡ ዘተወልደ፡ ወልዱ፡ ውእቱ፡ በጻድቅ፡ ወጸውዕ፡ ስሞ፡ ኖኅ፡ እስመ፡ ውእቱ፡ ይከውን፡ ለክሙ፡ ተረፈ፡ ወውእቱ፡ ወደቂቁ፡ ይድኅኑ፡ እሙስና፡ እንተ፡ ትመጽእ፡ ዲበ፡ ምድር፡ እምኵሉ፡ ኀጢአት፡ ወእምኵሉ፡ ዐመፃ፡ እንተ፡ ሀለወት፡ ትትፌጸም፡ ዲበ፡ ምድር፡ በመዋዕሊሁ።
106:19	ወእምድኅረ፡ ዝ፡ ትከውን፡ ዐመፃ፡ ፈድፋደ፡ እምእንተ፡ ተፈጸመት፡ ቀዳሚ፡ ዲበ፡ ምድር፡ እስመ፡ ኣአምር፡ ምሥጢራተ፡ ቅዱሳን፡ እስመ፡ ውእቱ፡ እግዚእ፡ አርአየኒ፡ ወአይድዐኒ፡ ወበጸፍጸፈ፡ ሰማይ፡ አንበብኩ፡ ወለበውኩ።	ወእምድኅረ፡ ዝ፡ ትከውን፡ ዐመፃ፡ ፈድፋደ፡ እምእንተ፡ ተፈጸመት፡ ቀዳሚ፡ ዲበ፡ ምድር፡ እስመ፡ ኣአምር፡ ምሥጢራተ፡ ቅዱሳን፡ እስመ፡ ውእቱ፡ እግዚእ፡ አርአየኒ፡ ወአይድዐኒ፡ ወበጸፍጸፈ፡ ሰማይ፡ አንበብኩ፡ ወለበውኩ።