| 18:1 | ሚመጠነ፡ ስሕተተ፡ ትስሕቱ፡ አለ፡ ኢተአምኑ፡ ትንሣኤ፡ ሙታን፡ ወሶበ፡ ይወስዱክሙ፡ ኀበ፡ ኢተአምሩ፡ ይእተ፡ ጊዜ፡ ትነሥሑ፡ በኀበ፡ ኢይበቍዓክሙ፡ ወአመ፡ ይወድዩክሙ፡ ውስተ፡ ኵነኔ፡ በእንተ፡ ዘኢአመንክሙ፡ ትንሣኤ፡ ሙታን፡ በሥጋ፡ ወነፍስ፡ ኅቡረ። | ሚመጠነ፡ ስሕተተ፡ ትስሕቱ፡ አለ፡ ኢተአምኑ፡ ትንሣኤ፡ ሙታን፡ ወሶበ፡ ይወስዱክሙ፡ ኀበ፡ ኢተአምሩ፡ ይእተ፡ ጊዜ፡ ትነሥሑ፡ በኀበ፡ ኢይበቍዓክሙ፡ ወአመ፡ ይወድዩክሙ፡ ውስተ፡ ኵነኔ፡ በእንተ፡ ዘኢአመንክሙ፡ ትንሣኤ፡ ሙታን፡ በሥጋ፡ ወነፍስ፡ ኅቡረ። |
|---|
| 18:2 | ወትትዓሠዩ፡ በከመ፡ ገብርክሙ፡ እመሂ፡ ሠናየ፡ ወእመሂ፡ እኩየ፡ እስመ፡ አሕሰምክሙ፡ ልበ፡ ካልዓኒክሙ፡ እንዘ፡ ትብሉ፡ ንሕነ፡ ነአምን፡ ከመ፡ ኢይትነሥኡ፡ ምውታን፡ እለ፡ ኮኑ፡ ሐመደወ፡ ወመሬት። | ወትትዓሠዩ፡ በከመ፡ ገብርክሙ፡ እመሂ፡ ሠናየ፡ ወእመሂ፡ እኩየ፡ እስመ፡ አሕሰምክሙ፡ ልበ፡ ካልዓኒክሙ፡ እንዘ፡ ትብሉ፡ ንሕነ፡ ነአምን፡ ከመ፡ ኢይትነሥኡ፡ ምውታን፡ እለ፡ ኮኑ፡ ሐመደወ፡ ወመሬት። |
|---|
| 18:3 | ወበእንተዝ፡ የዓብዱ፡ ቢጾሙ፡ እስመ፡ አልቦ፡ ሳሕት፡ ለሞቶሙ፡ ወኢኀይል፡ ለመቅሠ፡ ፍቶሙ፡ ወበፃማሂ፡ ኢኮኑ፡ ንጉፋነ፡ እስመ፡ ሀለዎሙ፡ ይቁሙ፡ ቅድመ፡ ምኵናኑ፡ ለእግዚአብሔር። | ወበእንተዝ፡ የዓብዱ፡ ቢጾሙ፡ እስመ፡ አልቦ፡ ሳሕት፡ ለሞቶሙ፡ ወኢኀይል፡ ለመቅሠ፡ ፍቶሙ፡ ወበፃማሂ፡ ኢኮኑ፡ ንጉፋነ፡ እስመ፡ ሀለዎሙ፡ ይቁሙ፡ ቅድመ፡ ምኵናኑ፡ ለእግዚአብሔር። |
|---|
| 18:4 | ወይትኃፈሩ፡ ፈድፋደ፡ ሶበ፡ ይጌሥጾሙ፡ በመዓቱ፡ ወይትመዓዖሙ፡ በእንተ፡ ኵሉ፡ ዘገብሩ፡ እኩየ፡ እስመ፡ እንዘ፡ ኢየአምሩ፡ ፍኖተ፡ እግዚአብሔር፡ ይትናገሩ፡ እስመ፡ ለሊሆሙ፡ ኢየአምሩ፡ እምኀበ፡ መጽኡ። | ወይትኃፈሩ፡ ፈድፋደ፡ ሶበ፡ ይጌሥጾሙ፡ በመዓቱ፡ ወይትመዓዖሙ፡ በእንተ፡ ኵሉ፡ ዘገብሩ፡ እኩየ፡ እስመ፡ እንዘ፡ ኢየአምሩ፡ ፍኖተ፡ እግዚአብሔር፡ ይትናገሩ፡ እስመ፡ ለሊሆሙ፡ ኢየአምሩ፡ እምኀበ፡ መጽኡ። |
|---|
| 18:5 | ወኢየአምሩ፡ ኀበ፡ የሐውሩ፡ ውስተ፡ ኵነኔ፡ ነደ፡ እሳት፡ እስመ፡ በከመ፡ ጥውየተ፡ ልቦሙ፡ ይሜህሩ፡ ለቢጾሙ፡ እስመ፡ መራራን፡ እሙንቱ፡ ወጐጻጕጻን፡ በምግባሮሙ፡ ወጸዋጋን፡ ወእለ፡ ይሜህሩ፡ ጠዋየ፡ ነገረ፡ እንዘ፡ ይብሉ፡ አልቦ፡ ትንሣኤ፡ ምውታን። | ወኢየአምሩ፡ ኀበ፡ የሐውሩ፡ ውስተ፡ ኵነኔ፡ ነደ፡ እሳት፡ እስመ፡ በከመ፡ ጥውየተ፡ ልቦሙ፡ ይሜህሩ፡ ለቢጾሙ፡ እስመ፡ መራራን፡ እሙንቱ፡ ወጐጻጕጻን፡ በምግባሮሙ፡ ወጸዋጋን፡ ወእለ፡ ይሜህሩ፡ ጠዋየ፡ ነገረ፡ እንዘ፡ ይብሉ፡ አልቦ፡ ትንሣኤ፡ ምውታን። |
|---|
| 18:6 | ወይእተ፡ አሚረ፡ የአምሩ፡ ከመ፡ ይትነሥኡ፡ ምውታን፡ ወይትኴነኑ፡ በእንተ፡ ዘኢአምኑ፡ ትንሣኤ፡ ሙታን፡ ለኵሉ፡ ፍጥረተ፡ እጓለ፡ እመሕያው። | ወይእተ፡ አሚረ፡ የአምሩ፡ ከመ፡ ይትነሥኡ፡ ምውታን፡ ወይትኴነኑ፡ በእንተ፡ ዘኢአምኑ፡ ትንሣኤ፡ ሙታን፡ ለኵሉ፡ ፍጥረተ፡ እጓለ፡ እመሕያው። |
|---|
| 18:7 | እስመ፡ ኵልነ፡ ፍሬ፡ አዳም፡ ወአእንተ፡ አዳም፡ ሞትነ፡ እስመ፡ ለኵልነ፡ በእንተ፡ ስሕተቱ፡ ለአቡነ፡ አዳም፡ ረከበነ፡ ኵነኔ፡ ሞት፡ እምኀበ፡ እግዚአብሔር። | እስመ፡ ኵልነ፡ ፍሬ፡ አዳም፡ ወአእንተ፡ አዳም፡ ሞትነ፡ እስመ፡ ለኵልነ፡ በእንተ፡ ስሕተቱ፡ ለአቡነ፡ አዳም፡ ረከበነ፡ ኵነኔ፡ ሞት፡ እምኀበ፡ እግዚአብሔር። |
|---|
| 18:8 | ወካዕበ፡ ከመ፡ ንትፈደይ፡ በዘገብርነ፡ ንትነሣእ፡ ምስለ፡ ውእቱ፡ አዳም፡ አቡነ፡ እስመ፡ በኢያምሮ፡ አቡነ፡ አዳም፡ ተቀንየ፡ በዓለም፡ ለሞት። | ወካዕበ፡ ከመ፡ ንትፈደይ፡ በዘገብርነ፡ ንትነሣእ፡ ምስለ፡ ውእቱ፡ አዳም፡ አቡነ፡ እስመ፡ በኢያምሮ፡ አቡነ፡ አዳም፡ ተቀንየ፡ በዓለም፡ ለሞት። |
|---|
| 18:9 | ወበእንተዝ፡ ተፈደይነ፡ በተዓድዎ፡ አዳም፡ ወተመስወት፡ ሥጋነ፡ በውስተ፡ መቃብር፡ ወተቀጥቀጡ፡ አዕፅምትኒ። | ወበእንተዝ፡ ተፈደይነ፡ በተዓድዎ፡ አዳም፡ ወተመስወት፡ ሥጋነ፡ በውስተ፡ መቃብር፡ ወተቀጥቀጡ፡ አዕፅምትኒ። |
|---|
| 18:10 | ወሰትየት፡ ምድር፡ አንጕዓነ፡ ወማሰነ፡ ወተመሰወ፡ ላህይነ፡ በሐመድ፡ ወተደፍነ፡ ሥጋነ፡ በመሬት፡ ወቃልነ፡ ሠናይ፡ ተደፍነ፡ በውስተ፡ ምሬት። | ወሰትየት፡ ምድር፡ አንጕዓነ፡ ወማሰነ፡ ወተመሰወ፡ ላህይነ፡ በሐመድ፡ ወተደፍነ፡ ሥጋነ፡ በመሬት፡ ወቃልነ፡ ሠናይ፡ ተደፍነ፡ በውስተ፡ ምሬት። |
|---|
| 18:11 | ወወፅአ፡ ዕደ፡ እምአይንቲነ፡ ብሩሃት፡ ወማሰነ፡ ላህይነ፡ በውስተ፡ መካብ፡ ወኮነ፡ ፀበለ። | ወወፅአ፡ ዕደ፡ እምአይንቲነ፡ ብሩሃት፡ ወማሰነ፡ ላህይነ፡ በውስተ፡ መካብ፡ ወኮነ፡ ፀበለ። |
|---|
| 18:12 | አይቴ፡ ሀለወ፡ ስነ፡ ላህዮሙ፡ ለወራዙት፡ ሠናያን፡ እለ፡ አዳም፡ ቆሞሙ፡ ወሣዕሣዕ፡ ጣዕመ፡ ቃሎሙ። አይቴ፡ ሀለወ፡ ዕበዮሙ፡ ለጽኑዓን። | አይቴ፡ ሀለወ፡ ስነ፡ ላህዮሙ፡ ለወራዙት፡ ሠናያን፡ እለ፡ አዳም፡ ቆሞሙ፡ ወሣዕሣዕ፡ ጣዕመ፡ ቃሎሙ። አይቴ፡ ሀለወ፡ ዕበዮሙ፡ ለጽኑዓን። |
|---|
| 18:13 | ወአይቴ፡ ሀለወ፡ ኃይሎሙ፡ ለነገሦት፡ ወክብሮሙ፡ ለመኳንንተ፡ ወተረስዮ፡ በአፍራሰ፡ ወተሠርግዎ፡ በወርቅ፡ ወበብሩር፡ ወተረሥዮ፡ በንዋየ፡ ሐቅል፡ ዘያንፀበርቅ። | ወአይቴ፡ ሀለወ፡ ኃይሎሙ፡ ለነገሦት፡ ወክብሮሙ፡ ለመኳንንተ፡ ወተረስዮ፡ በአፍራሰ፡ ወተሠርግዎ፡ በወርቅ፡ ወበብሩር፡ ወተረሥዮ፡ በንዋየ፡ ሐቅል፡ ዘያንፀበርቅ። |
|---|
| 18:14 | አይቴ፡ ሀሎጣዕመ፡ መባልዕት፡ ውስተ፡ ወይን፡ ጥዑም። | አይቴ፡ ሀሎጣዕመ፡ መባልዕት፡ ውስተ፡ ወይን፡ ጥዑም። |
|---|