| 23:1 | ወኢትሑር፡ በፍኖተ፡ ቃየን፡ ዘቀተለ፡ እኅዋሁ፡ ዘበየዋሃት፡ ተለዎ፡ እንዘ፡ ይመስሎ፡ ዘያፈክሮ፡ እኁሁ። | ወኢትሑር፡ በፍኖተ፡ ቃየን፡ ዘቀተለ፡ እኅዋሁ፡ ዘበየዋሃት፡ ተለዎ፡ እንዘ፡ ይመስሎ፡ ዘያፈክሮ፡ እኁሁ። |
|---|
| 23:2 | ወውእቱኒ፡ ቀተሎ፡ ለእኁሁ፡ በቅንዓተብእሲት፡ ወከማሁ፡ እለይገብሩ፡ ዓመፃ፡ ወቅን፡ ዓተ፡ ወኅብለ፡ ዲበ፡ ቢጾሙ። | ወውእቱኒ፡ ቀተሎ፡ ለእኁሁ፡ በቅንዓተብእሲት፡ ወከማሁ፡ እለይገብሩ፡ ዓመፃ፡ ወቅን፡ ዓተ፡ ወኅብለ፡ ዲበ፡ ቢጾሙ። |
|---|
| 23:3 | ወሖሩ፡ በፍኖተ፡ ቃየን፡ ወአኮ፡ በፍኖተ፡ አቤል፡ የዋህ፡ እስመ፡ አቤሐሰ፡ የዋህ፡ ከመ፡ በግዕ፡ ወደሚኒ፡ ከመ፡ ደመ፡ በግዕ፡ ንጹሕ፡ ዘሦዑ፡ ለእግዚአብሔር፡ በንጹሕ፡ ልብ። | ወሖሩ፡ በፍኖተ፡ ቃየን፡ ወአኮ፡ በፍኖተ፡ አቤል፡ የዋህ፡ እስመ፡ አቤሐሰ፡ የዋህ፡ ከመ፡ በግዕ፡ ወደሚኒ፡ ከመ፡ ደመ፡ በግዕ፡ ንጹሕ፡ ዘሦዑ፡ ለእግዚአብሔር፡ በንጹሕ፡ ልብ። |
|---|
| 23:4 | ወአለሰ፡ የሐውሩ፡ በፍኖተ፡ አቤል፡ የዋህ፡ እሙንቱ፡ ያፈቅርዎ፡ ለእግዚአብሔር፡ እስመ፡ ኮኑ፡ የዋሃነ፡ ከመ፡ አቤል፡ እስመ፡ ለኵሉ፡ ዘየሐውር፡ በየውሐተ፡ ያፈቅሮ፡ እግዚአብሔር፡ ከመ፡ አቤል፡ ጻድቅ፡ ወየዋህ። | ወአለሰ፡ የሐውሩ፡ በፍኖተ፡ አቤል፡ የዋህ፡ እሙንቱ፡ ያፈቅርዎ፡ ለእግዚአብሔር፡ እስመ፡ ኮኑ፡ የዋሃነ፡ ከመ፡ አቤል፡ እስመ፡ ለኵሉ፡ ዘየሐውር፡ በየውሐተ፡ ያፈቅሮ፡ እግዚአብሔር፡ ከመ፡ አቤል፡ ጻድቅ፡ ወየዋህ። |
|---|
| 23:5 | ወለእኩያንሰ፡ ይትሔየዮሙ፡ እግዚአብሔር፡ ወጽኑሕ፡ ደይኖሙ፡ ውስተ፡ ክሣውዲሆሙ፡ መጽሑፍ፡ በመታክፍቲሆሙ፡ ወያነብብዋ፡ አመ፡ ኵነኒ፡ በቅድመ፡ መላእክት፡ ወሰብእ፡ ወኵሉ፡ ፍጥረት። | ወለእኩያንሰ፡ ይትሔየዮሙ፡ እግዚአብሔር፡ ወጽኑሕ፡ ደይኖሙ፡ ውስተ፡ ክሣውዲሆሙ፡ መጽሑፍ፡ በመታክፍቲሆሙ፡ ወያነብብዋ፡ አመ፡ ኵነኒ፡ በቅድመ፡ መላእክት፡ ወሰብእ፡ ወኵሉ፡ ፍጥረት። |
|---|
| 23:6 | አሜሃኪ፡ የኃፍሩ፡ ዓላውያን፡ ወኣማፅያን፡ እለ፡ ኢገብሩ፡ ፈቃዶ፡ ለእግዚአብሔር። | አሜሃኪ፡ የኃፍሩ፡ ዓላውያን፡ ወኣማፅያን፡ እለ፡ ኢገብሩ፡ ፈቃዶ፡ ለእግዚአብሔር። |
|---|
| 23:7 | ወትትወሀቦሙ፡ ቃለ፡ ወደንግፅ፡ ዘይብል፡ ደይዎሙ፡ ውስተ፡ ኵነኔ፡ ነደ፡ እሳት፡ ኀበ፡ አልቦቱ፡ ሙፃዕ፡ እስከ፡ ለዓለም። | ወትትወሀቦሙ፡ ቃለ፡ ወደንግፅ፡ ዘይብል፡ ደይዎሙ፡ ውስተ፡ ኵነኔ፡ ነደ፡ እሳት፡ ኀበ፡ አልቦቱ፡ ሙፃዕ፡ እስከ፡ ለዓለም። |
|---|